What are the opening hours?

Monday 09:00 - 17:00 Tuesday 09:00 - 17:00 Wednesday 09:00 - 17:00 Thursday 09:00 - 17:00 Friday 09:00 - 17:00 Saturday 09:00 - 17:00

https://www.facebook.com/102962524650868/

Genius Book House, အမှတ် ၂၉၄ ( ပထမထပ် ) ၊ လမ်းလေးဆယ် ၊ အထက်ဘလောက် ၊ ကျောက်တံတားမြို့, Yangon (2026)

13/04/2026

တောင်ညိုမှာ ပျိုးတဲ့မိုးတွေ
နင့်မျက်နှာလေးကို တိုးသက်တဲ့အခါ
တောင်ပင်လယ်က ဗေဒါတွေဟာ
ဆောက်တည်ရာမရ ဖြစ်ကုန်ကြတယ် ... ။

ဟေး ... ငါဆက်ပြောမယ် ...... အက်ဆစ်တိမ်ခိုး... တို့
မုတ်သုံကို နှိုးပါ..
ဒီလူဆိုးအတွက်လည်း
မိုးကြမ်းတို့ တစက်စက်ရွာပါ ..။

`မထိုက်တန်သူဆိုတာ
လွင့်မျောရမှာပါပဲ’
ခွဲခွာခြင်းဟာ
ခရမ်းပြာ ကျည်ဖူးကို
အဆိပ်ချိုတွေ လိမ်းသုတ်
နှလုံးသားတည့်တည့်ဆီ
ချိန်ရွယ် မောင်းဖြုတ်လိုက်တယ်...။

သက်ပြင်းဝေဝေ
ခရေတို့ နှင်းစက်ဖားလျား
မျက်ရည်ကိုစားတဲ့
ချောက်ချားဖွယ်ရာ စကားမဲ့ည
ငါဟာ...ထက်ပိုင်းချိုးခံခဲ့ရတဲ့
တစ်ခြမ်းပဲ့ `လ´ ပဲ ဖြစ်တယ်...။

▪️တာရာမင်းဝေ [ မီးတောက်ရစ်သမ် ]

#တာရာမင်းဝေ #မီးတောက်ရစ်သမ်

13/04/2026

❝ လို တို ရှင်း ဆွန်ဇုစစ်ပညာ ❞ - အပိုင်း ( ၂ )

အခန်း (၂) "စစ်ဆင်ခြင်း" (Waging War)

ဆွန်ဇုက ဒီအခန်းမှာ"စစ်ဆိုတာတိုင်းပြည်ရဲ့ဘဏ္ဍာကို အကြီးအကျယ် ကုန်ခမ်း‌စေမဲ့အရာ"လို့ဆိုပါတယ်။စစ်ပွဲတပွဲစတင်ပြီဆိုရင် လက်နက်ခဲယမ်းစရိတ်၊ရိက္ခာစရိတ်၊ စစ်သည်အင်အားဖြည့်တင်းဖို့စရိတ် စသဖြင့်များစွာပုံလာတတ်ပါတယ် ။ ဒါ့ကြောင့်အောက်ပါအချက် ၃ချက်ကိုတင်ပြပါတယ်။

✅အချိန်သည်ရွှေ(Speed is Everything)

စစ်ပွဲဆိုတာ မြန်နိုင်သမျှမြန်အောင်တိုက်ဖို့ဘဲလို့ ပြတ်ပြတ်သားသား ပြောထားပါတယ်။စစ်ပွဲတပွဲကြာရှည်လာတာနဲ့အမျှစစ်သည်တွေဟာ အားအင်ကုန်ခမ်းလာမယ် စိတ်ဓာတ်ပျက်ပြားလာမယ်၊ပြီးရင်တိုင်းပြည် ဘဏ္ဍာငွေလည်း လုံးပါးပါးသွားပါလိမ့်မည်။

✅ရန်သူ့ပစ္စည်း ကိုယ့်ပစ္စည်း(Foraging on the enemy)

စွမ်းရည်ပြည့်ဝတဲ့ စစ်သေနာပတိဟာ ဒီအချက်ကို မျက်ကွယ်ပြုလို့မရပါဘူး။ ထောက်ပို့လမ်းကြောင်းဟာရှည်လျားလေလေ အလေအလွင့်ဖြစ်ဖို့ပိုများလေ၊ဘဏ္ဍာပိုကုန်လေပါပဲ။ဒါကြေင့်ရန်သူ့ဆီကရိက္ခာကိုရအောင်ယူရပါမယ်၊ ရန်သူဆီကရတဲ့လှည်းတစီးစာ ရိက္ခာဟာ ကိုယ့်တိုင်းပြည်ကနေပင်ပန်းခြင်းကြီးစွာသယ်ဆောင်လာရတဲ့ လှည်း၂၀ စာရိက္ခာ နဲ့ညီတယ်လို့ဆွန်ဇုကဆိုပါတယ်။ကိုယ့်ရဲ့သယ်ယူပို့ဆောင်ရေးကို လျှော့ချပြီးရန်သူ့အရင်းအမြစ်ကိုသုံးတာအကောင်းဆုံးပါပဲ။

✅ဆုလာဘ်နဲ့ခွန်အား

တိုက်ပွဲဝင်စစ်သည်တွေ တက်ကြွစေဖို့ ရန်သူ့ဆီက သိမ်းရတဲ့ပစ္စည်းတွေကို ဆုလာဘ်အဖြစ် ထိုက်ထိုက်တန်တန်ခွဲဝေပေးရပါမယ်။ဒါမှသာသူတို့ရဲ့တိုက်ခိုက်ပေးဆပ်လိုစိတ်တွေပြင်းထန်လာမှာပါ။နောက်တချက်ကတော့ဖမ်းဆီးရမိတဲ့ ရန်သူစစ်သုံ့ပန်းတွေကိုနှိပ်စက်ခြင်းမပြုပဲကောင်းကောင်းမွန်မွန်ဆက်ဆံ၊ကျွေးမွေးရမယ်။ ဒါမှသာရန်သူအဖြစ်ကနေ ကိုယ့်ဘက်ကိုအလိုလိုပါလာမှာဖြစ်ပါတယ်။

အခန်း (၂ )ရဲ့အဓိကပြောချင်တဲ့ ဆိုလိုရင်းကတော့ စစ်ပွဲကိုမြန်နိုင်သမျှမြန်မြန်တိုက်၊ကိုယ်ရဲ့အင်အားကိုချွေတာ ရန်သူရဲ့အရင်းအမြစ်တွေကိုအသုံးချ ဆိုတာပဲဖြစ်ပါတယ်။

အခန်း ၁ ကို အောက်ပါ link မှဝင်ဖတ်နိုင်ပါတယ်။

https://www.facebook.com/100071847600217/posts/960653369672908/

#လိုတိုရှင်းဆွန်ဇုစစ်ပညာ

13/04/2026

သင်္ကြန်စာ 💛

Fiction ဆိုတာ စိတ်ကူးယဉ်ဝတ္ထုပေါ့။ ထိုးဇာတ် လို့ပဲခေါ်တာပိုကောင်းတာပေါ့။ တကယ်ဖြစ်ခဲ့တဲ့ အဖြစ်အပျက် အပေါ် တကယ်ရှိတဲ့သူတွေကော ၊ မရှိခဲ့တဲ့ သူတွေကော ကို ရောသမမွှေပြီး စာရေးဆရာက ရေးထားတာမျိုး ။
ကမ္ဘာ‌မှာတော့ အဲလို ဝတ္ထုမျိုးတွေအများကြီး။ ကျနော့်တကိုယ်စာအကြိုက်ကတော့ ကင်ဖောလေး ရဲ့ Eye of the needle ပေါ့။ ဝတ္ထုနောက်ခံ အချိန်ကာလက ဒုတိယကမ္ဘာစစ်အတွင်းက မဟာမိတ်တပ်တွေ ဟစ်တလာကို ပွဲသိမ်းတိုက်ဖို့ပြင်ဆင်နေချိန်။ အဲဒီထဲမှာ "Faber" ဆိုတဲ့ ဂျာမန်သူလျှိုဇာတ်ကောင်ကို Ken Follett က ထည့်သွင်းလိုက်ပြီး သူ့တာဝန်က မဟာမိတ်တွေရဲ့ လှုပ်ရှားမှုမှန်သမျှကို ဘာလင် ကို ပို့ပေးရတာပါ။ ထိုးဇာတ်တွေရဲ့ ထူးခြားချက်ကတော့ အဖြစ်အပျက်ကြီးတခုလုံးကိုစာဖတ်သူသိနေချိန် ၊ အဆုံးသတ်ကိုကျနော်တို့ သိပြီးသားဖြစ်နေချိန်မှာတောင် စာရေးဆရာထည့်ထားတဲ့ ဇာတ်ကောင်ရဲ့ အပြုအမူ လှုပ်ရှားပုံကြောင် သမိုင်းဖြစ်ရပ်ကြီးတခုလုံးများပြောင်းလဲသွားမလား ဆိုတဲ့ ခံစားချက်ကို ခံစားရတာပါပဲ။
မြန်မာပြည်မှာတော့ ထိုးဇာတ်တွေ အတော်နည်းပါသေးတယ်။ လောက်လောက်လားလားဆိုလို့ ‌ဆင်ဖြူကျွန်း‌အောင်သိန်းရဲ့နေမင်းတထောင် ၊ ဆရာနတ်နွယ်ရဲ့ မြန်မာပြည်မြောက်ပိုင်း ၊ မောရစ်ကောလစ်ရဲ့ ဧကရီဖွားစော နဲ့ အခုပုံထဲက ဒဂုန်ခင်ခင်လေးရဲ့ စာဆိုတော်တို့လောက်သာ ရှိတာ မဟုတ်ကလား..။

12/04/2026

ဆွန်ဇု- မဟာဗျူဟာတို့၏ ဖခင်နှင့် ရှင်သန်နေဆဲ စစ်ပညာကျမ်း ..

လွန်ခဲ့သော နှစ်ပေါင်း (၂,၅၀၀) ကျော်၊ တရုတ်ပြည်၌ ဆွန်ဝူ (Sun Wu) ဟု အမည်တွင်သော စစ်သူကြီးတစ်ဦး ပေါ်ထွန်းခဲ့သည်။ သူသည် နောက်ပိုင်းတွင် "ဆွန်ဇု" (ဆရာကြီးဆွန်) ဟု လူအများက လေးစားသမှုဖြင့် ခေါ်ဝေါ်ကြသည့် ကမ္ဘာကျော် စစ်ဗျူဟာရှင် ဖြစ်လာခဲ့သည်။
ဆွန်ဇုသည် သူ၏ စစ်မြေပြင် အတွေ့အကြုံများနှင့် တမူထူးကဲသော အတွေးအခေါ်များကို စုစည်းကာ "စစ်ပညာကျမ်း" (The Art of War) ကို ရေးသားခဲ့‌၏။ ဤကျမ်းသည် စစ်တိုက်ခြင်းအကြောင်း သက်သက်သာမဟုတ်ဘဲ "မတိုက်ဘဲ အောင်နိုင်ခြင်း" (Winning without fighting) ဟူသော အမြင့်ဆုံး အနုပညာရပ်ကို လမ်းညွှန်ထားခြင်း ဖြစ်သည်။

ဆွန်ဇု၏ ကျမ်းသည် ခေတ်အဆက်ဆက် ပြောင်းလဲသွားသော်လည်း စာအုပ်ပါသူချမှတ်ခဲ့သော နည်းလမ်း နှင့် မူဝါဒတို့သည် ယနေ့တိုင် မှန်ကန်နေဆဲ ဖြစ်သည်။
စစ်မြေပြင်မှသည် စီးပွားရေးလောကအထိ: ယနေ့ခေတ်တွင် စစ်ပညာရှင်များသာမက ကမ္ဘာ့ထိပ်တန်း စီးပွားရေးလုပ်ငန်းရှင်များ၊ အားကစားသမားများနှင့် ခေါင်းဆောင်များသည်လည်း ဆွန်ဇု၏ နည်းဗျူဟာများကို အောင်မြင်မှုအတွက် အသုံးချနေကြ၏။

မိမိကိုယ်ကိုနှင့် ရန်သူကို သိခြင်း: "မိမိကိုယ်ကိုလည်းသိ၊ ရန်သူ့အကြောင်းကိုလည်း သိလျှင် တိုက်ပွဲပေါင်းတစ်ရာ တိုက်သော်လည်း မရှုံးနိမ့်နိုင်" ဟူသော သူ၏ အဆိုအမိန့်သည် လူတိုင်းအတွက် အဖိုးတန်သော သင်ခန်းစာတစ်ခု ဖြစ်သည်။

ဆွန်ဇု၏ ခက်ခဲနက်နဲသော စစ်ပညာရပ်များကို လူအများ နားလည်လွယ်စေရန် ရိုးရှင်း ပြေပြစ်သော အရေးအသားဖြင့် ❝ လို တို ရှင်း ဆွန်ဇုစစ်ပညာ ❞ ဟူသော ခေါင်းစဉ်အောက်၌ ပြန်လည်ရေးသားပါရစေ။

❝ လို တို ရှင်း ဆွန်ဇုစစ်ပညာ ❞ - အပိုင်း ( ၁ )

စစ်ပြင်ခြင်း(ဝါ) ကြိုတင်စီမံခြင်း

စစ်ဆိုတာ သေရေးရှင်ရေး ကိစ္စဖြစ်တယ်။ဒါကြောင့်ကြိုတင်စီမံမှုမရှိဘဲ ဘယ်တော့မှစစ်ပွဲတပွဲကိုမစရဘူး။ အကယ်၍ စခဲ့ရင် ဒါဟာကိုယ့်ကိုယ်ကို သေကြောင်းကြံတာပဲ။ ဆွန်ဇုကစစ်ပွဲမစခင်မှာ
ဒီအချက်(၅)ချက်ကို ကြိုတင်ပြင်ဆင်ရမယ်လို့ဆိုပါတယ်။

1. The Way
2. The Heaven
3. The Earth
4. The Commander
5. Method and Discipline

The way (လမ်းစဉ်)

ဒါကတော့ ခေါင်းဆောင်မှုလမ်းစဉ်ပါပဲ။အထက်နဲ့အောက်၊အရာရှိနဲ့နောက်လိုက်ကြားမှာ ထပ်တူဖြစ်နေမှယုံကြည်မှုရှိနေမှာဖြစ်ပါတယ်။

The Heaven (ဝန်းကျင်)

နေ့နဲ့ည၊ ဥတုရာသီသဘာဝကို နားလည်လေ့လာဖို့လိုပါတယ်။ ကာလံဒေသံကို တတ်ကျွမ်းတာဟာလည်း ပညာရပ်တခုပါ။

The Earth (နေရာအသာစီး)

ကိုယ်ရောက်နေတဲ့နေရာ၊ကိုယ်သွားမဲ့နေရာအကွာအဝေး၊အကျဉ်းအကျယ်၊အန္တာရာယ်လမ်းကြောင်းကိုသိရပေမည်။

The Commander (ခေါင်းဆောင်မှု)

ဦးဆောင်သူတယောက်ရဲ့အရည်အချင်းကို ဆွန်ဇုကအောက်ပါအချက်(၅)ချက်နဲ့တိုင်းတာပါတယ်။
ဉာဏ်ပညာ၊ ရိုးသားမှု၊ မေတ္တာ၊ ရဲစွမ်းသတ္တိနဲ့ စည်းကမ်းပါတဲ့။

Method and Discipline (နည်းလမ်းနဲ့ စည်းကမ်း )

ကိုယ်ရဲ့တပ်ကို စနစ်တကျဖွဲ့စည်းခြင်း ၊ ရိက္ခာ ၊ ဘဏ္ဍာရေး စသည်တို့ကို စနစ်တကျ ခန့်ခွဲပါ။
ဒီအချက်(၅)ချက်ကို ရန်သူထက် သေချာ တွက်ချက်နိုင်သူဟာ စစ်မတိုက်မီကပင် နှာတဖျားသာလေချေပြီ။

---

"စစ်ရေးသည် လှည့်စားမှု အနုပညာတစ်ရပ်ပင်"

အားသာနေချိန်တွင် အားနည်းဟန်ဆောင်ပါ။အဆင်သင့်ဖြစ်နေချိန်တွင် အသင့်မဖြစ်ဟန်ဆောင်ပါ။ရန်သူအနီးရှိနေချိန်တွင် အဝေးရောက်နေဟန်ဆောင်ပါ၊ရန်သူအဝေးရောက်နေချိန်တွင် အနီးရှိနေဟန်ဆောင်ပါ။ ရန်သူကိုဆွ၍ ထောင်ချောက်ဆင်ပါ။ ရန်သူပြင်ဆင်ချိန်မရမီ (သို့) မမျှော်လင့်ချိန်တွင် ၊အလစ်အငိုက်တိုက်ခိုက်ပါ။

အခန်း (၁) "စစ်ပြင်ခြင်း" (Laying Plans) ရဲ့ တကယ့်ဆိုလိုရင်း အနှစ်သာရက "မတိုက်ခိုက်မီကပင် အောင်နိုင်မှု ရှိ၊ မရှိကို တွက်ချက်ခြင်း" ဖြစ်ပါတယ်။
ရိုးရိုးရှင်းရှင်းပြောရရင် စစ်ပွဲတစ်ခုရဲ့ ရလာဒ်ဟာ စစ်မြေပြင်မှာ ဆုံးဖြတ်တာမဟုတ်ဘဲ စစ်မတိုက်ခင် "ပြင်ဆင်မှု" နဲ့ "တွက်ချက်မှု" အဆင့်မှာတင် အဖြေထွက်နေပြီလို့ ဆွန်ဇုကဆိုတာပါ။

#လိုတိုရှင်းဆွန်ဇုစစ်ပညာ

12/04/2026

ရော့သ်ချိုင်း (Rothschild) မိသားစု ဆိုတာ ကမ္ဘာ့သမိုင်းမှာ အချမ်းသာဆုံး၊ သြဇာအာဏာ အကြီးမားဆုံးနဲ့ ပဟေဠိအဆန်ဆုံးလို့ နာမည်ကြီးတဲ့ ဂျူးလူမျိုး ဘဏ်လုပ်ငန်းရှင် မိသားစုကြီး ဖြစ်ပါတယ်။ သူတို့ရဲ့ သမိုင်းကြောင်းဟာ ဥရောပရဲ့ စီးပွားရေး၊ နိုင်ငံရေးသမိုင်းတွေနဲ့ ခွဲခြားလို့မရအောင် ဆက်စပ်နေပါတယ်။

✅Rothschild မိသားစု၏ အစပြုခြင်း

၁၈ ရာစုမှာ ဂျာမနီနိုင်ငံ၊ ဖရန့်ဖတ် (Frankfurt) မြို့က မာယာ အမ်းရှဲလ် ရော့သ်ချိုင်း (Mayer Amschel Rothschild) ကနေ စတင်ခဲ့တာပါ။ သူဟာ ရှေးဟောင်းဒင်္ဂါးပြား အရောင်းအဝယ်နဲ့ ငွေလဲလှယ်ရေး လုပ်ငန်းကနေစပြီး ဘဏ်လုပ်ငန်းရှင်တစ်ဦး ဖြစ်လာခဲ့ပါတယ်။

💡သူ့ရဲ့ အကြီးမားဆုံးနဲ့ အအောင်မြင်ဆုံး မဟာဗျူဟာကတော့ သူ့ရဲ့ သား (၅) ယောက်ကို ၁၉ ရာစု ဥရောပရဲ့ အဓိက စီးပွားရေးအချက်အချာ မြို့ကြီး (၅) မြို့ဖြစ်တဲ့ လန်ဒန်၊ ပဲရစ်၊ ဗီယင်နာ၊ နေပယ်(စ်) နဲ့ ဖရန့်ဖတ် တို့ကို စေလွှတ်ပြီး နိုင်ငံတကာ ဘဏ်လုပ်ငန်းကွန်ရက်ကြီးကို တည်ဆောက်ခဲ့ခြင်းပဲ ဖြစ်ပါတယ်။ Rothschild မိသားစုရဲ့ အမှတ်တံဆိပ်မှာ ပါတဲ့ မြှား (၅) စင်း ဟာ ဒီသား (၅) ယောက်ရဲ့ စည်းလုံးညီညွတ်မှုကို ကိုယ်စားပြုပါတယ်။

💯သမိုင်းတွင်ခဲ့သော နာမည်ကျော် လုပ်ရပ်များနှင့် ဖြစ်ရပ်များ

Rothschild မိသားစုဟာ သူတို့ရဲ့ ကြီးမားလှတဲ့ ငွေကြေးအင်အားကိုသုံးပြီး သမိုင်းကို ပြောင်းလဲစေခဲ့တဲ့ လုပ်ရပ်များစွာ ရှိခဲ့ပါတယ်။ အထင်ရှားဆုံးတွေကတော့ အောက်ပါအတိုင်း ဖြစ်ပါတယ်။

၁။ ဝါတာလူးတိုက်ပွဲနှင့် လန်ဒန်စတော့ဈေးကွက် (၁၈၁၅)

သမိုင်းမှာ အကျော်ကြားဆုံးနဲ့ ဒဏ္ဍာရီဆန်ဆုံး ဖြစ်ရပ်ပါ။ ပြင်သစ်ဧကရာဇ် နပိုလီယန်ကို တိုက်ခိုက်မယ့် ဗြိတိသျှစစ်တပ်ကို လန်ဒန်မှာရှိတဲ့ နေသန် ရော့သ်ချိုင်း (Nathan Rothschild) က အဓိက ငွေကြေးထောက်ပံ့ခဲ့ပါတယ်။ ဝါတာလူးတိုက်ပွဲမှာ ဗြိတိသျှတို့ အနိုင်ရတဲ့သတင်းကို နေသန်ဟာ သူ့ရဲ့ ကိုယ်ပိုင်သတင်းပို့စနစ် (ခိုစာပို့စနစ်နှင့် မြင်းစီးသမားများ) ကြောင့် အစိုးရထက် အရင်ကြိုသိခဲ့ပါတယ်။ အဲဒီအချက်ကို အသုံးချပြီး လန်ဒန်စတော့ဈေးကွက်မှာ သတင်းအမှားလွှင့်ကာ ရှယ်ယာတွေကို ဈေးပေါပေါနဲ့ သိမ်းကျုံးဝယ်ယူခဲ့ပြီးနောက် သတင်းမှန်ထွက်လာချိန်မှာ ကြီးမားလှတဲ့ အမြတ်အစွန်းကို ရယူနိုင်ခဲ့တယ်လို့ နာမည်ကြီးပါတယ်။ (ဤဖြစ်ရပ်မှာ အနည်းငယ် ချဲ့ကားပြောဆိုမှုများ ပါဝင်နိုင်သည်ဟု သမိုင်းပညာရှင်အချို့က ဆိုကြပါတယ်။)

၂။ ဆူးအက်တူးမြောင်း (Suez Canal) ရှယ်ယာဝယ်ယူခြင်း (၁၈၇၅)

ဗြိတိသျှအင်ပါယာအတွက် အရှေ့တိုင်းနဲ့ ကုန်သွယ်ရေးမှာ အလွန်အရေးပါတဲ့ ဆူးအက်တူးမြောင်းရဲ့ ရှယ်ယာတွေကို အီဂျစ်အစိုးရဆီကနေ ဝယ်ယူဖို့ ဗြိတိသျှဝန်ကြီးချုပ် ဒီစရေလီ (Disraeli) က အရေးတကြီး ငွေလိုအပ်လာပါတယ်။ ပါလီမန်က ငွေချထားပေးဖို့ အချိန်မမီတဲ့အတွက် လန်ဒန်က လိုင်ယွန်နယ် ဒီ ရော့သ်ချိုင်း (Lionel de Rothschild) ထံကနေ ပေါင်စတာလင် (၄) သန်းကို ချက်ချင်းချေးငှားပြီး ဝယ်ယူခဲ့ပါတယ်။ ဒါဟာ ဗြိတိသျှအစိုးရနဲ့ Rothschild တို့ရဲ့ နီးကပ်တဲ့ ဆက်ဆံရေးကို ပြသနေတာလည်းပဲဖြစ်ပါတယ်။

၃။ စက်မှုတော်လှန်ရေးနှင့် ရထားလမ်းများ ဖောက်လုပ်ခြင်း

၁၉ ရာစု ဥရောပတစ်ခွင် စက်မှုတော်လှန်ရေးမှာ အဓိကကျတဲ့ မီးရထားလမ်းကွန်ရက်တွေ ဖောက်လုပ်ရာမှာ Rothschild မိသားစုက အဓိက ရင်းနှီးမြှုပ်နှံသူတွေ ဖြစ်ခဲ့ပါတယ်။ ဥရောပနိုင်ငံအသီးသီးက အစိုးရတွေကိုလည်း ငွေချေးခဲ့သလို၊ Rio Tinto သတ္တုတွင်းလုပ်ငန်းနဲ့ De Beers စိန်တူးဖော်ရေး လုပ်ငန်းတွေမှာလည်း ထိပ်တန်းကနေ ရင်းနှီးမြှုပ်နှံခဲ့ပါတယ်။

၄။ အစ္စရေးနိုင်ငံ ပေါ်ပေါက်ရေး (Zionism) ကို ပံ့ပိုးခြင်း

ပဲရစ်က ဘေရွန် အက်ဒမွန် ဒီ ရော့သ်ချိုင်း (Baron Edmond de Rothschild) ဟာ ပါလက်စတိုင်းဒေသမှာ ဂျူးတွေ အခြေချနေထိုင်ဖို့ မြေနေရာဝယ်ယူတာတွေ၊ စိုက်ပျိုးရေးနဲ့ ဝိုင်ထုတ်လုပ်တဲ့ လုပ်ငန်းတွေအတွက် ငွေကြေးအမြောက်အမြား ထောက်ပံ့ခဲ့ပါတယ်။ ဒါ့အပြင် ၁၉၁၇ ခုနှစ်က ဂျူးလူမျိုးတွေအတွက် သီးသန့်နိုင်ငံ တည်ထောင်ခွင့်ပေးမဲ့ ဗြိတိသျှအစိုးရရဲ့ နာမည်ကြီး "Balfour Declaration" (ဘဲလ်ဖိုး ကြေညာစာတမ်း) ဟာ လော့ဒ်ရော့သ်ချိုင်း (Lord Rothschild) ထံသို့ တိုက်ရိုက် လိပ်မူပြီး ပေးပို့ခဲ့တာ ဖြစ်ပါတယ်။

❗ပူးပေါင်းကြံစည်မှု သီအိုရီများ (Conspiracy Theories)

သူတို့ရဲ့ လျှို့ဝှက်တဲ့ လုပ်ငန်းသဘာဝ၊ နိုင်ငံအစိုးရတွေကို ငွေချေးနိုင်လောက်အောင် ကြီးမားတဲ့ ဓနအင်အားနဲ့ ဂျူးလူမျိုးဖြစ်နေခြင်းတို့ကြောင့် Rothschild မိသားစုနဲ့ ပတ်သက်ပြီး ကောလာဟလတွေ၊ Conspiracy theory တွေ ယနေ့တိုင် ရှိနေဆဲပါ။ ကမ္ဘာ့ဘဏ်စနစ်ကို နောက်ကွယ်ကနေ ချုပ်ကိုင်ထားတယ်၊ စစ်ပွဲတွေကို ဖန်တီးပြီး နှစ်ဖက်စလုံးကို လက်နက်ရောင်းကာ အမြတ်ထုတ်တယ်၊ ကမ္ဘာကြီးကို လျှို့ဝှက်အုပ်ချုပ်နေတဲ့ Illuminati လို အဖွဲ့အစည်းတွေရဲ့ ခေါင်းဆောင်တွေဖြစ်တယ် ဆိုတဲ့ စွပ်စွဲချက်တွေ အများအပြား ရှိခဲ့ပါတယ်။

#ရော့သ်ချိုင်း

11/04/2026

[မင်းရဲ့ အတွေးတွေကို မင်းကိုယ်တိုင်တကယ် ပိုင်တယ်ထင်နေလား ? ]🤔

လူတိုင်း စက်ရုပ်လို နေထိုင်ရတဲ့ ကမ္ဘာမှာ Winston Smith ဆိုတဲ့ လူတစ်ယောက် ရှိတယ်။သူ့အလုပ်က အာဏာရှင်တွေ အလိုကျ သမိုင်းကြောင်းတွေကို လိုက်ပြင်ပေးရတာပါ 📖✍️
မနေ့က ဖြစ်ရပ်ကို ဒီနေ့ မဖြစ်ခဲ့သလိုမျိုး လိမ်ညာရေးသားပေးရတဲ့ အလုပ်ပေါ့။

❗ဒါပေမဲ့ Winston ရဲ့ ထူးခြားချက်က...

အားလုံးက လိမ်ညာနေတာကို သိလျက်နဲ့ ငုံ့ခံနေချိန်မှာ သူကတော့ "အမှန်တရား" ကို ငတ်မွတ်နေတယ်။

📖ဘယ်သူမှ မမြင်အောင် ပုန်းပြီး ကိုယ်ပိုင်အတွေးတွေကို ဒိုင်ယာရီထဲမှာ ချရေးတယ်။

💡စောင့်ကြည့်နေတဲ့ မျက်လုံးတွေကြားမှာပဲ "တကယ် ချစ်တတ်ဖို့" ကြိုးစားတယ်။

သူ့ရဲ့ ဇာတ်လမ်းက ကျွန်တော်တို့ကို မေးခွန်းတစ်ခု မေးနေပါတယ်။ "မင်းရဲ့ အမှန်တရားဟာ တခြားသူ ပြောတဲ့အတိုင်း ဖြစ်နေမလား၊ ဒါမှမဟုတ် မင်းကိုယ်တိုင် ရှာတွေ့ထားတဲ့ အရာလား?" ဆိုတာပါပဲ။

❔၂ အပေါင်း ၂ ဟာ ၄ လား၊ ၅ လား? Winston ရဲ့ အဖြေကို သိချင်ရင်တော့ George Orwell ရဲ့ "၁၉၈၄" ကို ဖတ်ကြည့်ဖို့ လိုပါလိမ့်မယ်။

#၁၉၈၄
#1984

10/04/2026

❝ လူဝင်စားတွေထိုင်တဲ့ကဖေး ❞ - ဝင်းမြင့်

ဂစ်တာတီးမယ်
ပန်းချီဆွဲမယ်
ကဗျာရေးမယ်
အောင်မြင်လာတဲ့တစ်နေ့ ပြန်ပေးမယ်၊
ငါတို့ကို အရင်းစိုက်ထားစမ်းပါ
ဘဏ်တိုက်ကြီးတွေရယ်။
ဆေးပေါ့လိပ် ပါးစပ်မှာချိတ်
စိတ်ကူးတွေ တွင်းတူးကြ
ဇောက်နက်နက် လက်ဖက်ရည်ခွက်တွေနဲ့
နေ့နဲ့ညကိုတွယ်တာကြ
ရေနံတွင်း ဆယ်တွင်းမှာ တစ်တွင်းလောက်ပဲ
သေချာပါသတဲ့
အရပ်ဆယ်မျက်နှာမှာ
လက်ဖက်ရည်တစ်ခွက်က ပိုကျိန်းသေကြ။
ဟိုတုန်းက ပါရီလို
ကဖေးတစ်ခုခုမှာ ဆုံချင်ကြ
လူသစ်စိတ်သစ်နဲ့ ဘဝပြီး ဘဝပြောင်းကြ
မွန့်ခ်ျ လား
ဆဲလ်ဗီယာ ပလာ့သ် လား
မြို့မငြိမ်းလား
အခုတင် အမည်ပြောင်းပြီးထွက်သွားတယ်။
အနုပညာဆိုတာ
ကျောသားရင်သား မခွဲခြားပဲ
လူတောထဲပစ်ပယ်ခံဖို့
ငါတို့ ပြန်လာကြတာပေါ့။

▪️ဝင်းမြင့်

ရနံ့သစ် ( ၂၀၀၀ )

#ဝင်းမြင့်
#လူဝင်စားတွေထိုင်တဲ့ကဖေး

10/04/2026

𝐆𝐈𝐕𝐄𝐀𝐖𝐀𝐘 𝐖𝐈𝐍𝐍𝐄𝐑 🍂

❝ ပိတောက်ပွင့်ဆဲလသာဆဲဝယ် ❞ စာအုပ်ကံထူးရှင် ပေါ်ထွက်လာပါပြီခဗျာ 🥰

𝐂𝐨𝐧𝐠𝐫𝐚𝐭𝐮𝐥𝐚𝐭𝐢𝐨𝐧𝐬 နော် 🎉

၁၉ ရက်နေ့ပြန်ဖွင့်တာနဲ့ ပို့ပေးမှာမို့လို့ ဆက်သွယ် ရမယ့် လိပ်စာလေး 𝐏𝐚𝐠𝐞 𝐜𝐛 ကနေ အမြန်ဆုံး လာပြောလှည့်ပါဦးခဗျာ 💓

(3) ရက်အတွင်း လာရောက် မဆက်သွယ်ပါက ကံထူးရှင် နောက် တဦးကို အစားထိုး ရွေးချယ်ပေးသွားမှာ ဖြစ်ပါတယ်ခဗျာ ✨

ပါ၀င်ပေးသူ အားလုံး ကျေးဇူးအထူးပါခင်ဗျ🥰

နောက်ထပ် " 𝐆𝐢𝐯𝐞𝐚𝐰𝐚𝐲 တွေမှာ ပြန်လည် ဆုံတွေ့ကြပါစို့နော်😁

10/04/2026

ပုံပြောသူ - ၁၃

ပျဉ်းမပွင့်ပြီ သခွတ်ပွင့်ပြီ
ကသစ်ပွင့်ပြီ ပိတောက်ပွင့်ပြီ
သင်္ကြန်လာပြီ ဒိုးသံလာပြီ
မိုးရွာတော့မယ် သူငယ်ချင်းတို့ ။

▪️အောင်ချိမ့်

#အောင်ချိမ့်
#ပုံပြောသူ

09/04/2026

ကျွန်ုပ်၏စွန့်စားခန်းများ (ပေါင်းချုပ်)

ဥက္ကာကျော်

စာမျက်နှာ- ၃၄၄

တန်ဖိုး - ၃၀.၀၀၀ ကျပ်
————————————-
—ဆရာပိုင်စိုးဝေ၏ လှေအဆင်း မြင်းအတက် အရက်ဆိုင်အထွက် သင် နှစ်သက်ပါက

-ဘိုကြူးရဲ့ စနေဂြိုဟ်အရေးအသားများကို
သင် နှစ်သက်ပါက

-ကသားရဲ့ ခက်ရာခဲခြစ်ကို သင် နှစ်သက်ပါက

-ဒေါက်ချိုရဲ့ ချစ်ရတဲ့သူတွေကို သင် နှစ်သက်ပါက

-ကဗျာဆရာတွေ
မလုပ်ရင်လည်း အရှင်း
အဲ လုပ်လိုက်ရင်လည်း ဗိမ္မာန်မဲ့နတ် မကိန်းဆိုဒ်သလို

-တချို့ကဗျာဆရာတွေ မရှိကြတော့ဘူး
အမှတ်တရတွေကတော့ ရင်ထဲ ကျန်ခဲ့ရ
အတူတူဖြတ်သန်းခဲ့တဲ့ ဘဝတွေ

ဆရာပိုင်(နန်းရှေ့မြို့စားကြီး)
ကိုငြိမ်း(အောင်ပင်လယ်မြို့စားကြီး)
ကိုဟိန်းမြတ်ဇော်
ကိုခင်ဇော်မြင့်(ကိုကျောက်)

(ကြောင်ရေးတဲ့ ဖူးစာ)

အလပ်ကောင်။
လူ့သက်တမ်းတစ်ဝက်ကျော် ကြောင်သာလျှင်
သား၊ကြောင်သာလျှင် သမီးခဲ့သော လူပျိုသိုးကြီး

အနှီးပုဂ္ဂိုလ်၏ ဥပဓိမှာ ရွှေဆိုင်ဖွင့်ထားသော်ငြား
ထည်ထည်ဝါဝါမနေ။
ဘောင်းဘီတိုကြီးနှင့် မိုးကြိုးပစ်ချင်စဖွယ် ခေါင်းတုံးကြီးကို ပြောင်လတ်အောင် တိုက်ချွတ်ထား၏။မုတ်ဆိတ်မွှေးကိုလည်း အကွင်းကြီးသဖွယ် စိုက်ပျိုးမွေးမြူထားဘိ။
ပြူးပြူးပြဲပြဲ နားကပ်ကြီးနှင့် လွန်စွာမှ လိုက်ဖက်လှနေပေတကား။

ထိုသို့သော အနှီးပုဂ္ဂိုလ် မိန်းမ ယူတော့မည်ဟု ကြားသိရသောအခါ ဓမ္မမိတ်ဆွေများမှာ
မယုံမကြည် ဖုန်း ဆက်မေးလေသည် တစ်ဖုန်။

Read it

09/04/2026

"စာညွှန်းရေးရင်း လက်ဆောင်ယူကြမယ်" 🎁

ပါရီစာပေကထုတ်ဝေထားပြီး
ကျွန်တော်တို့ Genius Book House က ဖြန့်ချိထားတဲ့ Dostoevsky ရဲ့စာအုပ် (၂) အုပ်ဖြစ်တဲ့ [ မြေအောက်မှတ်တမ်း ] နဲ့ [ညဖြူဖြူ ၊ သူတော်စင်ရူး ၊ သူခိုးငရိုး] ကို စာညွှန်းရေးပြီး စာအုပ်လက်ဆောင်လေး‌တွေရစေချင်လို့ စာညွှန်းပြိုင်ပွဲလေးတစ်ခု လုပ်ချင်ပါတယ်။

▪️ဘယ်လိုပါဝင်ရမလဲ?

✅ ဒီစာအုပ် ၂ အုပ်ကို မိမိဖတ်ရှုပြီးသမျှ ခံစားချက်ကို တိုတိုနဲ့ဖြစ်ဖြစ် ၊ ခပ်ရှည်ရှည်ဖြစ်ဖြစ် စာညွှန်းရေးသားပြီး မိမိရဲ့ Facebook account မှာတင်ပါ။ ပြီးရင်
စာညွှန်းရေးသားထားတဲ့ post link ကို အခု post ရဲ့ comment မှာမန့်ပေးပါ။ ( admin ဝင်ဖတ်လို့ရအောင် public လေးတော့ထားပေးပါနော် ♥️ )

✅ ဘယ်သူ ဆုရမလဲ?
Reaction အများဆုံးရတဲ့သူထက် သေသေချာချာ ခံစားရေးဖွဲ့ထားသူကို ကျွန်တော်ကိုယ်တိုင် ရွေးချယ်သွားမှာပါ။

✅ ဆုတဲ့သူကတော့ Genius Book House ကနေ ၅၀၀၀၀ ဖိုးစာအုပ်ဝယ်ယူခွင့်ရရှိမှာဖြစ်ပါတယ် ♥️

💡Like & Share လုပ်ဖို့လည်း မမေ့နဲ့ဦးနော်။

📅 ရလဒ်ကြေညာမည့်ရက် - [ ၁၈ ၊ ၄ ၊ ၂၆ ]

စာအုပ်လည်းဖတ်၊ လက်ဆောင်လည်းရမယ့် အခွင့်အရေးမို့ အခုပဲ စာညွှန်းလေးတွေ ရေးခဲ့လိုက်တော့နော်။

#ညဖြူဖြူ
#မြေအောက်မှတ်တမ်း

08/04/2026

ဦးထွန်းမြင့်၏ သဒ္ဒဗေဒ နှင့် ဘာသာဗေဒ ✨

_________

● မှာယူလိုပါက 𝐏𝐚𝐠𝐞 𝐜𝐡𝐚𝐭 𝐛𝐨𝐱 (သို့)

𝐏𝐡 𝐍𝐨 - 09799455963 , 𝐕𝐢𝐛𝐞𝐫 𝐧𝐨 09799455963

တို့ကနေမှာယူနိုင်ပါတယ်ခင်ဗျာ။

🚚 ရန်ကုန် ၊ မန္တလေး ၊ နေပြည်တော် ၊ ကျန်
တိုင်းဒေသကြီးများနှင့် ပြည်နယ်မြို့အတော်များများကို အိမ်အရောက်ငွေချေစနစ် ( 𝐂𝐚𝐬𝐡 𝐎𝐧 𝐃𝐞𝐥𝐢𝐯𝐞𝐫𝐲 ) နဲ့ ပို့ဆောင်ပေးနေပါတယ်ခင်ဗျာ ။

● စင်္ကာပူ၊ မလေးရှား၊ ထိုင်း၊ 𝐔𝐊 ၊ဂျပန်၊ ကိုးရီးယားစတဲ့ ပြည်ပ နိုင်ငံများကိုလည်း သက်ဆိုင်ရာ 𝐂𝐚𝐫𝐠𝐨 များနဲ့ ချိတ်ဆက်ပို့ဆောင်ပေးနေပါတယ်ခဗျ။
[ ငွေကြိုလွှဲစနစ်ဖြင့် ]

● အိမ်အရောက်ငွေချေစနစ် မရတဲ့ မြို့နယ်တွေကိုလည်း ကားဂိတ်တင်ပေးပါတယ်ခဗျာ။ (ကားဂိတ်ကငွေကောက်ခံမပေးတာကြောင့် ငွေတော့ကြိုလွှဲရပါမယ်ခဗျ)

● အိမ်အရောက်ငွေချေစနစ် ( 𝐂𝐚𝐬𝐡 𝐎𝐧 𝐃𝐞𝐥𝐢𝐯𝐞𝐫𝐲 )
ယူပြီးမှ ပစ္စည်းလက်ခံရရှိတဲ့အခါ ( 𝐁𝐚𝐧𝐤𝐢𝐧𝐠 )ဖြင့်
ငွေပေးချေမှု လက်မခံပါကြောင်း မေတ္တာရပ် ခံပါတယ်ခင်ဗျာ 🚫

● ( 𝐁𝐚𝐧𝐤𝐢𝐧𝐠 ) ဖြင့် မှာယူလိုပါက ငွေကြိုချေ ရမှာဖြစ်ပါတယ်ခင်ဗျာ ❤️

● 𝐏𝐚𝐲𝐦𝐞𝐧𝐭 အနေနဲ့ ~ 𝐂𝐚𝐬𝐡 , 𝐊𝐁𝐙 𝐩𝐚𝐲, 𝐊𝐁𝐙 𝐛𝐚𝐧𝐤, 𝐀𝐘𝐀, 𝐘𝐎𝐌𝐀, 𝐂𝐁, 𝐔𝐀𝐁, 𝐖𝐚𝐯𝐞𝐩𝐚𝐲 စသဖြင့် အဆင်ပြေရာ နဲ့ ငွေပေးချေနိုင်ပါတယ်ခဗျ။

● မှာယူအားပေးမှုအတွက် ‌𝐆𝐞𝐧𝐢𝐮𝐬 𝐁𝐨𝐨𝐤 𝐇𝐨𝐮𝐬𝐞 မှ 𝐂𝐮𝐬𝐭𝐨𝐦𝐞𝐫 တယောက်ချင်းစီ တိုင်းကို ကျေးဇူးအထူးတင်ရှိပါတယ်ခင်ဗျာ 💙

● 𝐆𝐞𝐧𝐢𝐮𝐬 𝐁𝐨𝐨𝐤 𝐇𝐨𝐮𝐬𝐞 ရဲ့ 𝐓𝐞𝐥𝐞𝐠𝐫𝐚𝐦 𝐂𝐡𝐚𝐧𝐧𝐞𝐥

https://t.me/GeniusBookHouse23 ကနေလည်း

အသစ်ထွက်ရှိစာအုပ်များနှင့် စာရေးဆရာများရဲ့စာအုပ်ကောင်းများကို ၀င်ရောက်ကြည့်ရှူနိုင်ပါတယ်ခဗျာ 📚🩵

Genius Book House

13/04/2026

13/04/2026

13/04/2026

12/04/2026

12/04/2026

11/04/2026

10/04/2026

10/04/2026

10/04/2026

09/04/2026

09/04/2026

08/04/2026

Address

Opening Hours

Telephone

Website

Alerts

Shortcuts

Share

Category

Monday	09:00 - 17:00
Tuesday	09:00 - 17:00
Wednesday	09:00 - 17:00
Thursday	09:00 - 17:00
Friday	09:00 - 17:00
Saturday	09:00 - 17:00