Mya Myint Mo Online Shop

08/11/2025

Page Admin /Online Sale - (2) Post
- Page ကို ကျွမ်းကျင်စွာ အသုံးပြုနိုင်သူဖြစ်ရမည်။
- Customer ကို Care လုပ်ပေးနိုင်သူဖြစ်ရမည်။
- Post တင်ပေးနိုင်သူဖြစ်ရမည်။
- Computer အခြေခံရသူဖြစ်ရမည်။
- Page Admin အတွေ့အကြုံ (၁) နှစ်ရှိရမည်။
လစာ - အခြေခံလစာ + အချိန်မှန်ကြေး + ရက်မှန်ကြေး + OT ‌ကြေး+ Commission

အလုပ်နေရာ - တောင်ဥက္ကလာပမြို့နယ် တွင်တာ၀န်ထမ်းဆောင်ရမည်

အလုပ်ချိန် - 9:00 AM to 5:00 PM
အလုပ်ချိန်အတွင်း ဆိုင်တွင်တာ၀န်ထမ်းဆောင်ရပါမည်။

Viber - 09420091232 သို့ (မျှော်မှန်းလစာ) နှင့် တကွ CV Form ပေးပို့လျှောက်ထားနိုင်ပါသည်။

04/03/2024

28/02/2024

ရိုးရာနဲ့ဘုရားအဆုံးအမ ကွဲပြားကြပါ‌စေ
တရားအမေးအဖြေ

အရှင်အဘယာလင်္ကာရ
မဟာဝိဟာရ(လှည်းကူး)

#နိဗ္ဗာန်ကုန်
#တရားအမေးအဖြေ

27/02/2024

တရားအမေးအဖြေ

ရဟန်းကမိဘကို ကန်တော့သင့်လား

အရှင်အဘယာလင်္ကာရ
မဟာဝိဟာရ (လှည်းကူး)

#နိဗ္ဗာန်ကုန်
#တရားအမေးအဖြေ

26/02/2024

အကုသိုလ်တွေဘယ်လိုဝင်လာလဲ
ပါမောက္ခချုပ်ဆရာတော်
ဒေါက်တာအရှင်နန္ဒမာလာဘိဝံသ

#နိဗ္ဗာန်ကုန်
#ဒေါက်တာအရှင်နန္ဒမာလာဘိဝံသတရားတော်

24/02/2024

တပို့တွဲလပြည့် ပါတိမောက်အခါတော်နေ့ တရားတော်

#နိဗ္ဗာန်ကုန်
#ပါတိ‌မောက်အခါတော်နေ့တရားတော်

23/02/2024

ငါးပါးသီလလုံပြီး
သရဏဂုံတည်ခြင်းရဲ့ အကျိုးတရားများ

အရှင်နန္ဒမာလာဘိဝံသ
(ပါမောက္ခချုပ်ဆရာတော်)


#နိဗ္ဗာန်ကုန်
#အရှင်နန္ဒမာလာဘိဝံသတရားတော်

23/02/2024

ဘုရားရှိခိုးတဲ့အခါဘယ်လိုရှိခိုးမလဲ
အရှင်နန္ဒမာလာဘိဝံသ
(ပါမောက္ခချုပ်ဆရာတော်)

#နိဗ္ဗာကုန်
#အရှင်နန္ဒမာလာဘိ၀ံသတရားတော်

21/02/2024

အရှင်သုစိတ္တ(မော်ကျွန်း)
သာသနဓဇဓမ္မာစရိယ ၊M.A( Buddhism ),Sri Lanka
Crd video

#နိဗ္ဗာန်ကုန်

02/09/2023

● ဘုရားပန်း မညှိုးပါစေနှင့်၊
● သောက်တော်ရေ မနွေးပါစေနှင့်၊
● ဆွမ်းတော်စွန့်တာ စားကောင်းပါတယ်။
〰 〰 〰 〰 〰 〰
● ဘုရားပန်းကို အညှိူးမခံပါနဲ့..
သောက်တော်ရေကိုလည်း အနွေးမခံပါနဲ့..
ဂါထာတွေ မန္တာန်တွေ ပါးစပ်ကအမြုပ်ထွက်အောင်
ရွတ်နေစရာမလိုပါဘူး..
ဘုရားပန်းကို အမြဲတမ်း လန်းလန်းဆန်းဆန်းဖြစ်အောင်ထားမယ်...

● သောက်တော်ရေချမ်းကို အမြဲအေးနေအောင် ထားမယ်ဆိုရင်
အိမ်တွင်းရေး အေးချမ်းပါတယ်..
အိမ်မှာအမြဲနေရတဲ့သူတွေဆိုရင် .......
မိမိရေသောက်တိုင်း ဘုရားကို သောက်တော်ရေ
လဲပြီးကပ်နိုင်ရင် ပိုကောင်းပါတယ်..
အဲဒီလောက်ကြီးအထိ မလဲနိုင်ဘူးဆိုရင်တောင်မှ
မနက်တစ်ခါ နေ့လည်တစ်ခါ ညနေတစ်ခါ
တစ်နေ့သုံးကြိမ်လောက်တော့ ကပ်သင့်ပါတယ်..
ငါအလုပ်များတယ် အိမ်မှာလည်းနေရတာနည်းတယ်ဆိုပြီး
သောက်တော်ရေ မကပ်နိုင်ဘူးလို့လည်း မပြောလိုက်ပါနဲ့..
ဘယ်နေရာမှာမဆိုမိမိရေသောက်တိုင်း ပါးစပ်ထဲမထည့်ခင်
ကိုယ်သောက်မယ့်ခွက်ကို လက်နဲ့ကိုင်ထားပြီး "မြတ်စွာဘုရားအား သောက်တော်ရေ လှူဒါန်းပါတယ်"
လို့ စိတ်က အာရုံပြုပြီး ကပ်လို့ရပါတယ်......
ဘုရားရှေ့သွားကပ်နိုင်မှ မဟုတ်ပါဘူး......
ဒါဟာ ငွေမကုန်ပဲ အလိုလိုရနေတဲ့ ကုသိုလ်ပါ......

● သောက်တော်ရေ တစ်ခုတည်းမှ မဟုတ်ပါဘူး..
ဘာပဲစားစား မြတ်စွာဘုရားကို အာရုံပြုကပ်ပြီးတော့မှ စားပါတယ်(နေ့၁၂နာရီမကျော်သေးရင်)
မစားခင် သရဏဂုံ သုံးကြိမ် ရွတ်ပါတယ်......
သရဏဂုံရွတ်နေတဲ့အချိန်ကိုမြတ်စွာဘုရား
ဘုဉ်းပေးနေတဲ့အချိန်လို့ သဘောထားလိုက်ပါတယ်..
ရွတ်ပြီးသွားပြီဆိုတော့မှ "အရှင်ဘုရား ဘုဉ်းပေးပြီးပြီဖြစ်လို့ တပည့်တော်ကို ဆေးအဖြစ်စွန့်တော်မူပါဘုရား" လို့စွန့်ပြီး စားပါတယ်..

ဒီနေရာမှာ ပြောစရာတစ်ခု ရှိလာပါတယ်..
တစ်ချို့လူတွေက ဆွမ်းတော်စွန့်တာစားရင်ဘုန်းန်ိမ့်တယ်
ဉာဏ်ထိုင်းတယ်ဆိုပြီး မစားကြပါဘူး.....
တစ်ကယ်တော့ ဒီစကားဟာသထုံဘုရင် မနုဟာမင်းကို
အကြောင်းပြုပြီး ပေါ်လာတဲ့ စကားသာဖြစ်ပါတယ်..
မနုဟာမင်းဟာ စကားပြောရင် အာခံတွင်းကအရောင်ဝင်းဝင်း
တောက်တဲ့အထိ ဘုန်းတန်ခိုးကြီးမားတဲ့ဘုရင်တစ်ပါး ဖြစ်ပါတယ်..
သူဟာ လောကီအစီအရင်များနဲ့ စီမံထားတဲ့ ဆွမ်းတော်ကျကို
စားမိသည့်အတွက် အာခံတွင်းမှအရောင်များ ပျောက်ကွယ်သွားပါတယ်..
ဒီလိုဖြစ်ရတာဟာ ဆွမ်းတော်ကျစားခြင်းကြောင့် မဟုတ်ပါ..
လောကီအစီအမံကြောင့် သော်လည်းကောင်းထည့်ကျွေးသည့်
မနောလင်ပန်း မသန့်ရှင်းသောကြောင့်လည်းကောင်း
ပျောက်ကွယ်ခဲ့ရခြင်းသာဖြစ်ပါတယ်..
နောက်တစ်ခုက မသိနားမလည်ကြတဲ့ကလေးတွေဘုရားရှင်အတွက်
ကပ်လှူထားတာတွေကိုယူစားမှာ စိုးတဲ့အတွက်ကြောင့်
လူကြီးမိဘတွေကမစားဝံ့အောင် ခြောက်လှန်တားမြစ်ထားခြင်း
ကြောင့်ဆွမ်းစွန့်ပြီးလည်းမစားဝံ့ မစားရဲဖြစ်သွားကြတာပါ..
ရှေးကဆရာတော်ကြီးများဆိုရင် ဆွမ်းခံကြွပြန်လာပြီးရင်
သပိတ်အတိုင်းဘုရားရှင်ကို ဆပ်ကပ်ပြီးမှ
သပိတ်ကိုစွန့်ပြီး ဆွမ်းဘုဉ်းပေးလေ့ရှိပါတယ်တဲ့..
ဆွမ်းတော်စွန့်တာစားရင် ဉာဏ်ထိုင်းတယ်ဘုန်းနိမ့်တယ်လို့
ကျမ်းဂန်များထဲမှာ မိန့်တော်မမူခဲ့ပါဘူး..လို့ ဆရာတော်များ၏တရားများ စာအုပ်များမှာဖတ်ဖူးပါတယ်..

ဒီလောက်ဆို အတုမရှိမြတ်ဗုဒ္ဓကို အာရုံပြုကပ်လှူပြီးမှ
စွန့်ပြီးစားတာဟာကောင်းမကောင်း သင့်မသင့် ဆိုတာကို
မိမိတို့၏ဦးနှောက် အသိဉာဏ်က ဆုံးဖြတ်နိုင်ကြလိမ့်မယ်လို့ ထင်ပါတယ်.

Credit

30/08/2023

ဝါခေါင်လပြည့် မေတ္တာအခါတော်နေ့
-------------------------------------------------------

မြတ်စွာဘုရား သာဝတ္ထိပြည်၊
ဇေတဝန်ကျောင်းတော်မှာ
သီတင်းသုံးတော်မူစဉ်အခါက

ရဟန်းငါးရာဟာ ဝါခေါင်လတွင်
ဘုရားရှင်ထံမှ ကမ္မဌာန်းတရား
နာယူခဲ့ကြပါတယ်။ အဲဒီနောက်

ကမ္မဌာန်းတရားအားထုတ်ကြဖို့
သာဝတ္ထိပြည်မှ တစ်ယူဇနာဝေးသော
တောအုပ်တစ်ခု၌ ဝါကပ်ကာ ရဟန်း
တရားကို အားထုတ်ကြပါတယ်။

ရဟန်းတော်များဟာ သစ်ပင်
တစ်ပင်စီရဲ့အောက်မှာ ကမ္မဌာန်း
တရားအားထုတ်ကြရာမှာ မြင့်
မြတ်တဲ့ ရဟန်းတော်များရဲ့ သီလ
အစွမ်းကြောင့် ရုက္ခစိုးများဟာ
သစ်ပင်တွေပေါ်မှာ မနေနိုင်ကြတော့
ဘဲ အောက်သို့ဆင်းပြီး ဆင်းရဲစွာ
လှည့်လည်နေထိုင်ကြရပါတယ်။

ပထမတော့ ခဏတဖြုတ်ပဲ
သီတင်းသုံးကြမယ်ထင်လို့
သည်းခံကြပေမယ့် ရက်ကြာလာ
တော့ သည်းမခံနိုင်တော့ဘဲ
ကြောက်မက်ဖွယ် အဆင်း၊ အသံ၊
စက်ဆုပ်ဖွယ် အနံ့တို့ဖြင့် အမျိုး
မျိုးအဖုံဖုံ ခြောက်လှန့်ကြပါတယ်။

ရဟန်းတော်များ ကောင်းစွာ
တရားအားမထုတ်နိုင်ကြတော့ဘဲ
မြတ်စွာဘုရားထံ အကြောင်းစုံ
လျှောက်ထားကြပါတယ်။

ဝါခေါင်လပြည့်နေ့မှာ မြတ်စွာ
ဘုရားက ရဟန်းတော်များကို လူ
နတ် ဗြဟ္မာ သတ္တဝါတို့ ချစ်ခင်စေ
တဲ့ " မေတ္တသုတ်" တရားတော်ကို
ဟောကြားနာယူစေပါတယ်။

ရဟန်းတော်များနဲ့သင့်တော်ရာ
အရပ်ကို ကြည့်တော်မူရာမှာ
အခြားနေရာမမြင်၍ မူလ အား
ထုတ်ရာ အရပ်သို့သာ ပြန်စေပြီး
မေတ္တသုတ်ကို ရွတ်ပွားစေပါတယ်။

မေတ္တသုတ်တရားတော်ရဲ့အာနု
ဘော်ကြောင့် ရုက္ခစိုးနတ်တို့ မနှောက်
ယှက်ကြတော့တဲ့အပြင်ရဟန်းတော်
များကို ချစ်ခင်မြတ်နိုးလာပြီး

တံမြက်လှည်းခြင်း၊ သောက်သုံးရေ
တည်ခြင်းများပြုကာဘေးရန် မရှိ
အောင် စောင့်ရှောက်ပေးကြပါတယ်။

ရဟန်းတော်များဟာ တရားကို
ဖြောင့်ဖြောင့် အားထုတ်နိုင်ပြီး
ဝါမကျွတ်ခင်မှာပဲ ရဟန်းများ
အားလုံးအာသဝေါကုန်ခန်းကာ
ရဟန္တာများဖြစ်သွားကြပါတယ်။

မြတ်စွာဘုရားရှင်သည်
ဝါခေါင်လပြည့်နေ့မှာ ရဟန်း
ငါးရာကိုအကြောင်းပြုကာ
မေတ္တသုတ်ဟောကြားတော်မူ
တာဖြစ်လို့ ဝါခေါင်လပြည့်နေ့
ကို " မေတ္တာအခါတော်နေ့ " လို့
သတ်မှတ်ခေါ်ဆိုတာဖြစ်ပါတယ်။

မေတ္တာဟူသည် သူတစ်ပါးတို့၏
ကောင်းကျိုးစီးပွားကို လိုလားသော
သဘောရှိတယ်။ သူတစ်ပါးတို့၏
ကောင်းကျိုးစီးပွားကို လိုလိုလား
လား ဆောင်ရွက်ပေးတတ်တယ်။

အငြှိုးအာဃာတကို ပယ်ဖျောက်
တတ်တယ်။ သူတစ်ပါးတို့ ပြည့်စုံ
ချမ်းသာမှုကို ဦးတည်ပါတယ်။
မေတ္တာသဘောကို အဘိဓမ္မာမှာ
သူတစ်ပါးကောင်းကျိုးကို လိုလား
တာမေတ္တာ။ သူတစ်ပါးကောင်းကျိုး
ရှိအောင် ဆောင်ရွက်ပေးတာ
မေတ္တာဖြစ်တယ်လို့ ဆိုပါတယ်။

မိသားစုတွေ စည်းလုံးမှု ရှိရမည်။
ညီအကိုမောင်နှမတွေ စည်းလုံးမှု
ရှိရမည်။ ရပ်ရွာ မြို့နယ်၊ တိုင်းပြည်၊
နိုင်ငံ၊ အားလုံး စည်းလုံးမှုရှိရမည်။

စည်းလုံးဖို့၊ စည်းစည်းလုံးလုံး
ရှိဖို့မေတ္တာအစိုဓာတ်
မေတ္တာအစေးဓာတ်လိုပါတယ်။

မုန့်လုံးရေပေါ်များ လုံးသောအခါ
ဆန်မှုန့်ကို အစိုဓာတ်ရှိသော ရေနှင့်
ဆွတ်ဖြန်းပြီးမှ လုံး၍ ရပါတယ်။

အစိုဓာတ် အစေးဓာတ်မရလျှင်
ဘယ်လိုမှ လုံး၍ မရနိုင်ပါ။
ထို့အတူ အချင်းချင်းစည်းလုံးဖို့၊
ညီညွတ်ဖို့ အသီးသီးမှာ မေတ္တာ
အစိုဓာတ် မေတ္တာအစေးဓာတ်ရှိနေ
ရပါမယ်။ ပါးစပ်နှင့် စည်လုံး၍မရ။
မေတ္တာနှင့် စည်းလုံးမှသာ ရမယ်။

ဘုရားရှင်က လူသားအချင်းချင်း
လိမ်ညာခြင်း လှည့်စားခြင်းကင်း
ဖို့၊ မထီမဲ့မြင်ပြုမှု အထင်သေး
မှုတွေ ကင်းဖို့၊ သီးသန့် မေတ္တာ
ပို့ရန် အထူးမိန့်ကြားခဲ့ပါတယ်။

မေတ္တာသည်သာ အောင်နိုင်ရာ၏။
ဘုရားရှင်ကိုယ်တော်မြတ်သည်
သူ့ကိုဆန့်ကျင်သော မာရ်နတ်၊
အာဠဝကဘီးလူး၊ နာဠာဂီရိဆင်၊
အဂုင်္လိမာလ၊ စိဉ္ဇမာဏ၊ သစ္စကပရဗိုဇ်၊
နန္ဒောပနန္ဒနဂါး၊ ဗကဗြဟ္မာတို့ကို
အနိုင်ယူအောင်မြင်တော်မူခဲ့တယ်။
အောင်ခြင်းရှစ်ပါးဟု ခေါ်ပါတယ်။

ထိုအောင်ခြင်းရှစ်ပါးကို အနိုင်ယူရာ၊
အောင်မြင်ရာတွင် အကြမ်းမဖက်
မေတ္တာသက်သက်ဖြင့် အောင်မြင်
တော်မူခဲ့ခြင်း ဖြစ်ပါတယ်။ ထို့ကြောင့်
မိမိတို့ရည်မှန်းချက်တစ်ခုခု အောင်မြင်
ချင်လျှင် မေတ္တာသာထားကြပါ

မေတ္တာသာ ပွားပါ။ မေတ္တာနှင့်
သာ ဆောင်ရွက်ပါ။ ထိုသို့ မေတ္တာ
နှင့် ပြောဆိုလုပ်ကိုင်ဆောင်ရွက်
မှသာ တကယ်စစ်မှန်သော အောင်
မြင်မှုကို ရရှိနိုင်မှာဖြစ်ပါတယ်။

( ပြန်လည်ကူးယူ ပူဇော်ထားပါသည် )

သတ္တဝါခပ်သိမ်းတရားကိန်း
အေးငြိမ်းချမ်းသာကြပါစေ။