10/05/2026
May 10 Sunday
အိမ်ပြောင်းလာပြီးနည်းနည်းလေး အခြေကျလာတဲ့နေ့လေးပေါ့။ ကမ်းခြေနဲ့ လှမ်းသွားပေမဲ့ ဒီနေရာက ပိုတိတ်ဆိတ်အေးချမ်းတာကို သဘောကျတယ်၊ဒါနဲ့ဆို တနှစ်တည်းမှာ သုံးကြိမ်မြောက်ပြောင်းရွှေ့ခြင်းပေါ့ (ဒါတောင် ကြားထဲ အလုပ်တခုမွှေလို့ ပြောင်းမယ်ဟေ့ဆိုပီး တပတ်ကြာ အထုတ်ဆွဲပြန်လာရတာထည့်မတွက်ထားသေးဘူး)။
တနေရာရာထွက်ချင်တာပဲသိပြီး ရောက်ချင်ရာရောက် လာလိုက်တဲ့မြို့လေးက ဖူးခက်ဖြစ်နေပြီး သူပေးတဲ့သင်ခန်းစာတွေနဲ့ သူ့ကိုရင်းနှီးအောင် မနည်းလုပ်ယူလိုက်ရတယ်။ ဘာအတွေ့အကြုံပဲဖြစ်ဖြစ် တန်ဖိုးထားပါတယ် ကျေနပ်စွာခံယူလျက်ပါကွယ်၊ မကျေနပ်လဲ ထိုင်ပြီး စိတ်ဒုက္ခများနေရုံပဲရှိတာကိုး 😅
မနေ့က ဖူးခက်မှာ မိုးကြီးလေကြီးရွာတယ် မနက် 10နာရီလောက်ထိ သည်းနေတုန်း၊ နေ့လည်ရောက်တော့ ရာသီဥတုကခုလိုလေးပေါ့။ April May ရောက်တိုင်း ဘဝမှာ အပြောင်းအလဲလေးတွေအမြဲတမ်း ကြုံရတယ်။ အဲ့တာကြောင့် ဒီအချိန်ကာလရောက်ပြီဆို စိတ်က nostalgic mood ကြီးကို သိသိသာသာခံစားလာရတယ်။ မိုးကလေးက ထပ်ပေါင်းပေးတော့...အင်းးးး...
ဒါပေမဲ့ အရင်လို တအီအီတညောင်ညောင်နဲ့ လွမ်းနာကျတာလိုလို ဘာလိုလို မဟုတ်တော့တာပဲ ကိုယ့်ကိုယ်ကိုကျေးဇူးတင်ရမယ်။ စိတ်ကလေး သူ့အလုပ်သူလုပ်နေတာပဲ ကိုယ်က သိနေပီး အသာလေးလွှတ်ထားပေးရုံပါပဲ။ ဒီရက်ထဲ အပြောင်းအလဲတွေကြားထဲ အမောတကော လိုက်နေရတဲ့ ကိုယ့်ကိုယ်ကို appreciate လုပ်ပေးဖို့ သတိရမိတယ် ၊ ကိုယ့် အကြောင်းနဲ့ကိုယ် ချုံ့ပစ်ထားခဲ့တဲ့ social circle ကို အခု မဖြစ်မနေ ဆန့်ထုတ်ပေးနေရချိန် ညင်သာဖို့အတွက် အလုပ်မှာ မောလာတဲ့အချိန် နင်အကောင်းဆုံးလုပ်နေပါတယ် လို့ ကိုယ့်ကိုယ်ကို သတိပေးမိတယ်။ အဲ့လိုဆို နေရထိုင်ရ နည်းနည်း သက်သောင့်သက်သာပိုဖြစ်သွားတယ်။ ငါဟာ ငါ့ကို လူတကာလက်ခံအောင်၊ လက်ခံချင်အောင် အတင်းလုပ်ယူနေမိလို့ လိုတာထက်ပိုပြီးပင်ပန်းနေတာပဲ ဆိုတာ တွေ့လာတယ်။ လူတွေရဲ့အမြင်ကိုကြောက်ပြီးစိုးရိမ်နေတာတွေက ငါ့မသိစိတ်မှာ တချိန်လုံးလွှမ်းမိုးထားလေသလားပဲ။ အကြောတင်းတင်းပဲနေစမ်းပါ ဒါ
ငါ့ကိုယ်ငါ ပိုပီးလက်ခံနိုင်အောင် လေ့ကျင့်ယူရမယ့် အခွင့်အရေးပဲလို့ မှတ်လိုက်တယ်။ 😇
