https://www.facebook.com/100488015342362/

Soe Sandar Swe Family Online Shop, Yangon (2026)

23/04/2026

23/04/2026

"အပြင်မှာ တစ်ပွဲကို ဈေးမနည်းပေးရတဲ့ မြေအိုးမြီးရှည်ကို အိမ်မှာ အဝစားရအောင် ချက်ကြမလားရှင်?

ပူပူစပ်စပ်လေးနဲ့ ဆိုင်ကအတိုင်း အရသာရှိမယ့် လျှို့ဝှက်ချက်တွေကို အခုပဲ ပြောပြပေးပါရစေနော်!" ✨🍲🌶️

မြေအိုးမြီးရှည်ကို အိမ်မှာ ကိုယ်တိုင်ချက်စားတဲ့အခါ မိသားစုအဝစားလို့ ရရုံတင်မကဘဲ သန့်ရှင်းလတ်ဆတ်မှုလည်း အပြည့်အဝ ရရှိစေမှာပါ။

အသီးအရွက်တွေနဲ့ အစာပလာတွေကိုလည်း မိမိစိတ်ကြိုက် အားရပါးရ ထည့်နိုင်တာကြောင့် တကယ့်ကို ရှယ်ပါပဲရှင်။

✨ လိုအပ်သော ပါဝင်ပစ္စည်းများ

၁။ အသားနှင့် ခေါက်ဆွဲ
• ကြက်ပေါင်သား - ၂ ချောင်း
• အာလူးခေါက်ဆွဲ (သို့မဟုတ် မိမိနှစ်သက်ရာ ခေါက်ဆွဲ)
• အစာပလာ - ပဲပြား၊ အသားလုံး၊ ဝက်အူချောင်း နှင့် ပြုတ်ပြီးသား ငုံးဥ

၂။ ဟင်းသီးဟင်းရွက်များ
• ပဲပြားခြောက်၊ ကြွက်နားရွက်မှို၊ မုန်လာဥနီ၊ ပြောင်းဖူးနု၊ ပန်းဂေါ်ဖီ၊ ထိုင်ဝမ်မုန်ညင်းစိမ်း၊ ပဲပင်ပေါက် နှင့် ရွှေပဲသီး (တစ်ကိုက်စာ အရွယ်လေးများ လှီ:ထားပါ)
မိမိနှစ်သက်ရာ အသီးအရွက်များကို ရွေးချယ် အသုံးပြုနိုင်ပါတယ်ရှင်။

၃။ စွပ်ပြုတ်ရည်အတွက် (မြေအိုးတစ်အိုးစာ)
• ဂျင်း လက်တစ်ဆစ် အရွယ် (ပါးပါးလှီ:)၊ ကြက်သွန်ဖြူ ၅ မွှာ (ဓားပြားရိုက်)
• ငရုတ်ကောင်းမှုန့် - လက်ဖက်ရည်ဇွန်း တစ်ဝက်
• ဆား - လက်ဖက်ရည်ဇွန်း ၁ ဇွန်း
• သကြား - ထမင်းစားဇွန်း တစ်ဝက်

၄။ မာလာအနှစ်ရည်အတွက်
• ပဲငပိအစပ် (Chili bean sauce) - ထမင်းစားဇွန်း တစ်ဝက်
• မာလာအနှစ် - ထမင်းစားဇွန်း တစ်ဝက် (ဆီလေးတွေ ဖယ်ထည့်ပေးပါ(
• ပဲငံပြာရည်အကြည် - ထမင်းစားဇွန်း တစ်ဝက်
• နှမ်းဆီ - ထမင်းစားဇွန်း လေးပုံတစ်ပုံ

၅။ အရန် (အနံ့အရသာအတွက်)
• ငရုတ်ချဥ် (ငရုတ်သီးနီ ပါးပါးလှီ:ကို ရှာလကာရည်စိမ်ထားပါ)
• ငရုတ်သီးဆီချက်၊ ကြက်သွန်ဖြူဆီချက်
• မြေပဲနှင့် နှမ်းလှော်ထောင်း - ထမင်းစားဇွန်း တစ်ဝက် (ဒါလေးက မပါမဖြစ်ပါရှင်)

👩‍🍳 ပြုလုပ်ပုံ အဆင့်ဆင့်

၁။ ကြိုတင်ပြင်ဆင်ခြင်း
• ခေါက်ဆွဲခြောက်ကို ရေတွင် (၁) နာရီခန့် ကြိုတင်စိမ်ထားပေးပါ။
• ပဲပြားခြောက်နဲ့ ကြွက်နားရွက်မှိုတို့ကိုလည်း ရေစိမ်ထားပြီး ပါးပါးလှီ:ထားပေးပါ။
• ငရုတ်သီးစိမ်းလှီ:ထားတာကို ရှာလကာရည်နဲ့ (၂) နာရီခန့် စိမ်ပြီး ငရုတ်ချဥ် ပြင်ဆင်ထားပါရှင်။ ငရုတ်ချဉ် အဆင်သင့်ရှိလျှင် အသုံးပြုနိုင်ပါတယ်။

၂။ စွပ်ပြုတ်ရည်ချက်ခြင်း
အိုးထဲကို ကြက်သားထည့်ပြီး အနံ့အသက်လေးတွေ ကင်းစင်သွားအောင် တစ်ရေအရင်ပြုတ်ပြီး သွန်ပေးပါ။ ပြီးမှ ရေအသစ်ထည့်ပြီး ကြက်သား၊ ဂျင်း၊ ကြက်သွန်ဖြူ၊ ငရုတ်ကောင်း၊ ဆားနဲ့ သကြားတို့ထည့်ကာ မီးအလယ်အလတ်နဲ့ ၂၅ မိနစ်ခန့် ပြုတ်ပါ။ ကြက်သားနူးလျှင် ဆယ်ယူပြီး အသားလေးများကို နွှင်ထားပါရှင်။

၃။ မာလာအနှစ်စပ်ခြင်း
မြေအိုး (သို့မဟုတ် အိုးတစ်လုံး) ထဲသို့ ပြင်ဆင်ထားသော ကြက်စွပ်ပြုတ်ရည် ထည့်ပါ။ ထို့နောက် ပဲပိစပ်အစပ်၊ မာလာအနှစ်၊ ပဲငံပြာရည်၊ နှမ်းဆီ၊ ငရုတ်ချဥ်၊ ငရုတ်သီးဆီချက်နဲ့ မြေပဲနှမ်းလှော်ထောင်းတို့ ထည့်ပြီး သမအောင် မွှေပေးပါ။

၄။ အစာပလာနှင့် ခေါက်ဆွဲထည့်ခြင်း
အနှစ်ရည်ထဲသို့ နွှင်ထားသော ကြက်သား၊ စိမ်ထားသော ခေါက်ဆွဲများ၊ ကြွက်နားရွက်မှို၊ ပဲပြားခြောက်၊ ပဲပြား၊ အသားလုံး၊ ဝက်အူချောင်းနဲ့ ငုံးဥတို့ကို အစဉ်လိုက် ထည့်လိုက်ပါရှင်။

၅။ အသီးအရွက်ထည့်၍ အချောသ’တ်ခြင်း
မုန့်သားနဲ့ အသားများ ကျက်လာလျှင် ပြောင်းဖူးနု၊ ပန်းဂေါ်ဖီ၊ မုန်လာဥနီ၊ ပဲပင်ပေါက်နဲ့ မုန်ညင်းစိမ်းတို့ကို ထည့်ပြီး ခဏထပ်တည်ပါ။ အားလုံးကျက်ပြီး အရသာ အနေတော်ဖြစ်ပြီဆိုရင် အပေါ်ကနေ ကြက်သွန်ဖြူဆီချက်လေး ခတ်ပြီး မီးပိတ်လိုက်ရုံပါပဲ။

အခုဆိုရင်တော့ အနံ့လေးနဲ့တင် ဗိုက်ဆာစေမယ့် ပူပူစပ်စပ် "မြေအိုးမြီးရှည်" လေး ရရှိပါပြီရှင်။ မိသားစုတွေ ပျော်ပျော်ပါးပါးနဲ့ အားရပါးရ သုံးဆောင်နိုင်ကြပါစေ။

ဒီနည်းလမ်းလေးက အသုံးဝင်တယ်ဆိုရင် နောက်တစ်ခါ ပြန်ကြည့်ဖို့ Save ထားဖို့နဲ့ သူငယ်ချင်းတွေပါ သိရအောင် Share ပေးဖို့ မမေ့နဲ့ဦးရှင်! 🥰🍲✨

#မြေအိုးမြီးရှည် #မာလာမြီးရှည် #အိမ်ချက်လက်ရာ