28/12/2021
"နှစ်နှစ်အရွယ်ကလေးကိုလေ့ကျင့်သင်ကြားပေးသင့်သည့်အရာများ"
နှစ်နှစ်အရွယ်ကလေးတစ်ယာက်ဟာ ဘေဘီလေး
လို့ပဲ ခေါ်ရမဲ့အရွယ်ပဲ ရှိနေပါသေးတယ်။ဘာဖြစ်လို့လဲ
ဆိုတော့ သူတို့ဟာ တစ်နှစ်အထက်ကလေးတွေလိုပဲ
အခြေအနေတစ်ခုကို ကျိုးကြောင်း ဆီလျော်အောင်
နားလည်နိုင်စွမ်း/လက်ခံနိုင်စွမ်း မရှိကြသေးပါဘူး။ဒီ
အရွယ်ကလေးတွေဟာဆိုရင် လူကြီးတွေလုပ်သမျှကို
အတုခိုးမယ်/ပတ်ဝန်းကျင်ကို လေ့လာစူးစမ်းမယ်/
လိုချင်တာမရရင် ဂျီကျမယ်/အော်ဟစ် သောင်းကျန်းမယ်။ဒါဟာ နှစ်နှစ်ကနေ လေးနှစ်ကြား ကလေးတွေအား
လုံးရဲ့ အမူအကျင့်တွေမို့ မေမေတွေအနေနဲ့ ကိုယ့်ကလေး
ကပဲ ပိုဆိုးသွမ်းနေသလား ဆိုတဲ့ အတွေးမျိုးမတွေးသင့်
ပါဘူး။နှစ်နှစ်အရွယ်ဘေဘီလေးတွေရဲ့ မေမေတွေ
အနေနဲ့ သူတို့ကို
(၁)စကားလုံးအသစ်တွေနဲ့ စကားပြောလေးတွေ
သင်ပေးပါ။
အမူအရာပြ စကားလုံးတွေဖြစ်တဲ့ သွား/လာ/အပေါ်
အောက် စတာတွေ/လူ/တိရစ္ဆာန်တွေရဲ့ နာမည်လေးတွေ/
အိမ်အသုံးအဆောင်ပစ္စည်း/အစားအစာနာမည်/အရောင်/
အရွယ်အစား(အကြီး/အသေး)/ရာသီဥတာ(နေပူတာ/
မိုးရွာတာ/တိမ်ထူတာ)စတာလေးတွေ သင်ကြားပေးရ
ပါမယ်။
(၂)စာ အတူတူဖတ်ပေးပါ။
နှစ်နှစ်အရွယ်ကလေးတစ်ယောက်ဟာ စာအုပ်ကို
အထက်/အောက်/ရှေ့ဖုံး/နောက်ဖုံး မှန်အောင် ကိုင်တတ်
သင့်နေပြီဖြစ်ပါတယ်။စာအတူတူဖတ်ရင်း စာအုပ်ထဲ
က ပုံတွေရဲ့ အရောင်လေးတွေ မေးမြန်းပေးပါ။
(၃)အရာရာကို ရွေးချယ်ခွင့်ပေးပါ။
နှစ်နှစ်အရွယ်ကလေးတွေဟာ အဝတ်အစားလဲဖို့ကို
ငြင်းဆန်တတ်ကြပါတယ်။ဒါကြောင့် သူတို့ကို အကျီီ
အရောင်ရွေးတာ/ထမင်းပန်းကန်အရောင်ရွေးတာ/
ဖိနပ်အရောင်ရွေးတာ/သွားတိုက်တံအရောင်ရွေးတာမျိုး
ကို လုပ်ခိုင်းပြီး ပျော်အောင် ဖန်တီးပေးပါ။
(၄)ဟန်ဆောင်ကစားနည်းတွေ ကစားပေးပါ။
ဒါတွေကတော့ သူတို့နေ့ခင်းကစားတဲ့အချိန်မှာ
ကားမောင်းဟန်ဆောင်တာ/ဖုန်းပြောဟန်ဆောင်တာ/
ထမင်း/ဟင်းချက်ဟန်ဆောင်တာ စတဲ့ ဟန်ဆောင်တမ်း
ကစားနည်းကို ဆိုလိုတာဖြစ်ပါတယ်။
(၅)နံပါတ်စဉ်တွေရေတွက်တတ်အောင်သင်ပေးပါ။
နံပါတ် တစ်ကနေ တစ်ဆယ်အတွင်းရေတွက်တတ်
အောင်သင်ပေးပါ။
(၆)စာလုံးတွေ ရွတ်ဆိုပြပါ။
ABC song လေးတွေ သင်ပေးပါ။
(၇)Building Activities လုပ်ခိုင်းပါ။
သစ်သားတုံးလေးတွေ ထပ်ဆင့်ကစားခိုင်းတာမျိုး/
အဆောက်အဦးတည်ဆောက်ခိုင်းတာမျိုး ဆော့ခိုင်းပါ။
(၈)အိမ်အပြင်မှာ ဆော့ကစားခွင့်ပေးပါ။
အိမ်အပြင်ဖက် ပန်းခြံ ဒါမှမဟုတ် ဘောလုံးကွင်း/
ကစားကွင်းတွေမှာ ပြေးတာ/ခုန်တာ/တွယ်တက်တာ/
လျှောဆင်းတာ/ဘောလုံးကန်တာ/စက်ဘီးစီးတာ/သဲနဲ့
ဆော့တာ စသဖြင့် လွတ်လပ်စွာ ကစားခွင့်ပေးပါ။
(၉)သီချင်းတွေနဲ့ ကခုန်စေပါ။
Screen time ယူတဲ့အခါ ထိုင်ခုံမှာ ငြိမ်ငြိမ်ထိုင်
ကြည့်တာထက် မတ်တတ်ရပ်ရင်း သီချင်းအလိုက်
ကခုန် ရတာမျိုး လုပ်ခိုင်းပါ။
(၁၀)Potty training လုပ်ပေးပါ။
အပေါ့/အလေးကို ကိုယ်တိုင်ပြောပြီး သွားတတ်
အောင် လေ့ကျင့်ပေးပါ။
(၁၁)တခြားသူတွေရဲ့ ခံစားချက်ကိုနားလည်တတ်
အောင် သင်ပေးပါ။
တခြားသူကို မတော်တဆ ထိခိုက်စေမိတဲ့အခါ sorry
ပြောခိုင်းတာမျိုး/မုန့်ကို ဝေမျှစားခိုင်းတာမျိုး sharing
လုပ်တတ်အောင် သင်ပေးပါ။
(၁၂)တစ်ကိုယ်သန့်ရှင်းရေးလုပ်တတ်အောင်သင်ပေးပါ
မျက်နှာသစ်တာ/သွားတိုက်တာ/လက်ဆေးတာ/ရေချိုး
တာ စတာတွေကို ကိုယ်တိုင်လုပ်တတ်အောင်သင်ပေးပါ။
(၁၃)ကိုယ်တိုင် လုပ်ဆောင်ခွင့်ပေးပါ။
အင်္ကျီဘောင်းဘီ သူ့ဖာသူ ချွတ်ခိုင်းတာ/အမှိုက်ပစ်
တာ/ကစားစရာတွေ ပြန်သိမ်းတာ/သူနဲ့ပတ်သက်တဲ့
အစားအစာ/အသုံးအဆောင်တွေ သွားယူခိုင်းတာ/ပြန်
ထားခိုင်းတာ စသဖြင့် ကိုယ်တိုင် လုပ်ခွင့်ပေးပါ။
နှစ်နှစ်အရွယ်ကလေးတစ်ယောက်ကို အထက်က
အကြောင်းအရာတွေကို သင်ပေးရမှာဖြစ်ပြီး ကလေး
တွေဟာ တစ်ယောက်နဲ့ တစ်ယောက် မတူညီကြတဲ့
အတွက် ဒီအရာအားလုံးကို လုပ်တတ်ရမယ်လို့
ပုံသေသတ်မှတ်လို့ မရပါဘူး။ကလေးတိုင်းဟာ
သူတို့ရဲ့ ကိိုယ်ပိုင်အစွမ်းအဆ/ကိုယ်ပိုင်နည်းလမ်း
ကိုယ်စီနဲ့ ဖွံ့ဖြိုးနေတာမို့ မေမေတွေအနေနဲ့ ကလေးကို
အတင်းဖိအားပေး သင်ကြားတာမျိုး မလုပ်သင့်သလို
သူတို့မလုပ်နိုင်သေးရင်လည်း စိုးရိမ်စရာ မလိုဘူးလို့
ထပ်လောင်း အသိပေးချင်ပါတယ်ရှင်။
(https/www.teaching littles.com)
ညနေမိုး(ကလေး)
-(Kalay)
mommy
to teach a two year old baby
https://www.facebook.com/groups/422719225565547/permalink/436248140879322/
Admin ရဲ့ groupလေးထဲမှာ မေမေတွေအနေနဲ့
ဘေဘီလေးတွေရဲ့ နေ့စဉ်ဘဝမှာ ဘာတွေသင်ယူနေ
တယ် ဆိုတာကို ဝေမျှပေးကြဖို့ ဖိတ်ခေါ်ပါတယ်ရှင်!
