Pann's Bookstore

Pann's Bookstore Welcome to Pann's Bookstore 🤎
အိမ်ရောက်ငွေချေစနစ်ဖြင့် စာအုပ်များကိုပို့ဆောင်ပေးနေပါပြီရှင့်🤎

16/06/2026

အချစ်ခံနေရတဲ့သူတွေကိုတော့ အားကျပါရဲ့
ကိုယ်တိုင်က toxic relationship ကနေ ရုန်းမထွက်နိုင်သေးရင် အလကားပဲနော်

အချစ်ခံချင်လိုက်တာလို့ တွေးပြီး
ချစ်ပေးနေရတဲ့ဘက်မှာပဲ တလက်မ မှ မရွေ့ရင်
အပိုပဲ ။ လိုချင်တဲ့စိတ်ပဲ ရှိပြီး မကြိုးစားရင် ဘာမှ ဖြစ်လာမှာ မဟုတ်ဘူး ။

ဒါဆိုရင် ကိုယ် မချစ်တဲ့ လူရဲ့ အချစ်ကို လက်ခံရမှာလား လို့မေးရင်လည်း မဟုတ်ပြန်ဘူး ။

ကိုယ့်ကို မချစ်တဲ့သူကို စွန့်ပစ်ရမယ် ဆိုတာ မှန်ပေမယ့် ကိုယ်က မချစ်တဲ့သူကိုတော့ ရွေးချယ်စရာမလိုပါဘူး ။ တစ်ယောက်ထဲ နေကြည့်ပါ ။ အချစ်က ဒဏ်ရာ လို့ မြင်လာတဲ့အခါ အချစ်နဲ့ အဝေးမှာ နေကြည့်ပါ ။ တစ်ယောက်ထဲ ဘဝကို အပူအပင် မရှိ ဖြတ်သန်းကြည့်ပါ ။

အစ်မတို့မှာ ကိုယ်ပိုင် ကိုယ်ရည် ကိုယ်သွေးတစ်ခုရှိတယ် ။ အဲဒါက သူစိမ်းလူတစ်ယောက်ကို ခယ နေရမယ့် အနေအထားမဟုတ်ဘူး ။ သူစိမ်းလူတစ်ယောက်ဆီမှာ အောက်ကျခံနေရမယ့် လူမျိုးလည်း မဟုတ်ဘူး ။ ကိုယ်က အချစ်ကို တောင်းခံသူ မဟုတ်ဘူး ။ တောင်းဆိုလာလို့ လက်ခံထားသူ ဖြစ်တယ် ။ လက်ခံထားသူမို့ ပျော်ပျော်ရွှင်ရွှင်နဲ့ အချစ်ခံရမယ့် နေရာမှာပဲ ရှိရမယ် ။

အဲဒီ အချက်တွေကို ဘယ်တော့မှ မမေ့ပစ်လိုက်နဲ့ ..

ဒီလမ်းဟာ ငါ့အတွက်ခက်ခဲနေတယ် ၊ နာကျင်ရတယ် ၊ အဆင်မပြေဘူးလို့ ခံစားမိလာရင် ဆက်မလျှောက်နဲ့တော့ ။ ရပ်နေလိုက်ပါ ။ နောက်ထပ် အနားရောက်လာတဲ့သူတွေကိုလည်း ကိုယ်က မချစ်ရင် ခေါင်းခါ လိုက်ပါ ။ ဘယ်လိုပဲ ဖြစ်ဖြစ် ကိုယ့်အတွက် မကောင်းတဲ့ နယ်ပယ် တစ်ခုကနေ လွတ်မြောက်လာတာမို့ ပျော်စရာဆိုတာ အနည်းနဲ့ အများ ရှိလာမှာပဲ ။

တနေ့ကျရင် တော်ပါတော့လို့ ငြင်းရတဲ့အထိ ဂရုစိုက်မှုတွေ ရပါလိမ့်မယ် ။ တစိမ့်စိမ့်တွေးတိုင်း ကြည်နူးရမယ့် ချစ်ခြင်းတစ်ခုကို ပိုင်ဆိုင်ရလိမ့်မယ် ။ ငါက သူနဲ့ တွေ့တာ ကံကောင်းခြင်းတစ်ခုပဲ လို့ ပြောကို ပြောရလိမ့်မယ် ။ အဲဒီ အရာတွေ ပိုင်ဆိုင်နိုင်ဖို့ အခု မပျော်ရတဲ့ လူအနားကနေ ရုန်းထွက်ဖို့ လိုတယ် ။

ကိုယ့်ကို မလိုအပ်ရင် ကိုယ်ကလည်း မလိုအပ်ဘူး ဆိုတဲ့ မာန်တစ်ခု ချေမိုးနေပြလိုက်ပါ ။ သူတို့ ကိုယ်တိုင် တောင်းခံလာလို့ ပြန်ချစ် လိုက်ရတဲ့ အချစ်တစ်ခုအပေါ် အခွင့်ကောင်းယူတာမျိုး ဘယ်တော့မှ မခံနဲ့ ။

စ ချစ်တာက သူ ဆိုရင် ဆက် ချစ်ရမှာကလည်း သူ့တာဝန်ပဲ ဖြစ်ရမယ် ။ အစ်မတို့ဟာ ဂရုစိုက်ခံ ၊ အချစ်ခံ ရမယ့် နေရာကပဲ နေမယ် ။ တပြားမှ မလျှော့ကြေး ။

#သက်ထားခင်(THK)
#အသဲကွဲရင်ဖတ်ဖို့စာ

#လမ်းခွဲခြင်း

15/06/2026

📚 အိမ်မက်‌ဆက်ကြိုး

✍️ ပုညခင်

ပျူမြို့ဟောင်းတွေနဲ့ ဒဏ္ဍာရီလာ အကြောင်းအရာတချို့ကို အခြေခံ ရေးဖွဲ့ထားတဲ့ ဇာတ်လမ်းတစ်ပုဒ် ..

ဒီကာလကြီးပီးရင် အသွားချင်ဆုံး နေရာတွေထဲမှာ ပျူမြို့ဟောင်းတွေလည်း ပါတယ် .. ပြည်မြို့ အနားက ' သရေခေတ္တရာ ' ၊ တောင်တွင်းကြီး အနားက ' ဗိဿနိုး ' ၊ ရှိမ်းမကား အနားက ' ဟန်လင်း ' တို့ကို ၂၀၁၄ မှာ ယူနက်စကိုက ကမ္ဘာ့အမွေအနှစ်နေရာအဖြစ် သတ်မှတ်ခဲ့တယ်လို့ မှတ်သားခဲ့ဖူးတယ် ..

ပျူဆိုတာနဲ့ ပူးတွဲပီး ပြေးမြင်မိကြတာကတော့ ပန်ထွာဘုရင်မကိုပဲ ဖြစ်တယ် .. သူမရဲ့အကြောင်းကို တခမ်းတနားကြီး ရေးဖွဲ့ကြတာက သူမဟာ ဘုန်းတန်ခိုးအလွန်ကြီးမားတဲ့ သူတစ်ယောက်ဖြစ်တယ် ..

ခုထိ ဗိဿနိုးမြို့ဟောင်းရှိ ပေပင်များသည် နှစ်ထောင်ချီ သက်တမ်းရှိသော်လည်း ပန်ထွာဘုရင်မ၏ ' ငါလာမှကြီး ၊ ငါလာမှသီး ' ဆိုသော ဆုတောင်းကြောင့် အသီးမသီးနိုင် ၊ လူ့အရပ်အတိုင်းအထွာထက် မကြီးထွားနိုင် ဖြစ်နေသေးသတဲ့ ..

ဒီစာအုပ်ထဲမှာပါတဲ့ ကောင်မလေးဟာ ပျူတွေနဲ့ပတ်သက်တဲ့ သမိုင်းကြောင်းကို ငယ်စဉ်ကတည်းက စိတ်၀င်စားလွန်းတာကြောင့် ပြည်မြို့က ရှေးဟောင်းသုတေသနကျောင်းတက်ပီး ပျူတွေအကြောင်းလေ့လာခဲ့တယ် ..

တစ်နေ့ ဗိဿနိုးကို အလည်ရောက်ရင်း အမျိုးသမီးတစ်ဦးထံမှ နီညိုရောင် သားရေဖုံး ဖုံးထားတဲ့ နှစ်ကာလရှည်ကြာနေပြီဖြစ်သော စာအုပ်မှတ်တမ်း တစ်ခုကို ရရှိခဲ့တယ် ..

စာအုပ်ပါမှတ်တမ်းအကြောင်းကတော့ ပန်ထွာဘုရင်မရဲ့ အကြောင်းပဲဖြစ်တယ် .. စာအုပ်ထဲမှာ ပန်ထွာဘုရင်မရဲ့ စတင်မွေးဖွားမှုဖြစ်စဉ်ကစလို့ သူမရဲ့ နောက်ဆုံးအချိန်လို့ပြောရမယ့် အချိန်ကာလတစ်ခုအထိပါတယ်လို့ ပြောရမယ် ..

အကြောင်းအရာတွေဟာ ဒဏ္ဍာရီလာ ပါးစပ်ပြောတွေထက် ယုတ္တိပိုရှိတယ်လို့ ခံစားမိတဲ့အတွက် ဖတ်ရတာ သဘောတော့ ကျမိတယ် ..

ဒီစာအုပ်ကို ဖတ်ပြီး အရမ်းကြီး ကြိုက်လိုက်တာ ဆိုတဲ့ ခံစားချက်မဖြစ်ပေမယ့် ပျူမြို့ဟောင်းတွေနဲ့ပတ်သက်ပြီး သိလိုစိတ်ကို ပြန်လည်နှိုးဆွပေးနိုင်တာရယ် ၊ ပန်ထွာဘုရင်မအကြောင်းနဲ့ပတ်သက်ပြီး စိတ်ကျေနပ်မှုတစ်ခု ရစေတာရယ်ကြောင့် ဒီစာအုပ်လေးဟာ ပေါ့ပေါ့ပါးပါးနဲ့ ဖတ်လို့ကောင်းတဲ့ စာအုပ်လေးတစ်အုပ်ဖြစ်တယ်ဆိုတဲ့ အကြောင်း ပြောပြချင်ပါတယ် ..

#ပုညခင်

15/06/2026

တရားတော်နာမည် - စိတ်ကူးလိုက်တဲ့ ကိစ္စတွေ အကုန်ဖြစ်လာနိုင်ဖို့ ဒီလိုကျင့်ကြံပါ..

15/06/2026

ကောင်းမွန်တဲ့ လူတစ်ယောက်ကို
ရှာတွေ့ထားပြီ ထင်ပါတယ်...

သူ့အနားနီးကပ်သွားတိုင်းလေ
ပျော်ရွှင်ခြင်း အနံ့လေးကိုရတယ်။
မညီမတန်းမျက်ခုံးလေးတွေ ..
စိတ်ဆိုးပြီဆို တွန့်ချိုးသွားတဲ့ မျက်ခုံးကွေးလေးတွေ။

ငါ့မှာ အကြိမ်ကြိမ် ငြှိတွယ်လိုက်ရ။
ကမ္ဘာမှာ အကြောင်းအရင်းမရှိတဲ့
အချစ်ဆိုတာ မဖြစ်နိုင်ဘူးတဲ့။
ဒါဆို ကိုယ့်အကြောင်းအရင်းလေးက
သူပဲထင်ပါတယ် ။ ။

#တာမြူးငယ်

14/06/2026

ချစ်ခြင်းမေတ္တာဆိုတာလေ...

Video Crd

14/06/2026

တွယ်တာလှပေမဲ့ကွယ်ရာကပဲ ချစ်တော့မယ်❤️‍🩹

ဆရာဂျူးဖတ်ပြထားတာလေးသဘောကျလို့🫶🏻

TikTok ကနေကူးယူဖော်ပါပါသည်

Video Crd

မောင့်ကိုလည်းမမေ့ဘူး...❤️‍🩹
13/06/2026

မောင့်ကိုလည်းမမေ့ဘူး...❤️‍🩹

13/06/2026

ဘယ်စာအုပ်ဖတ်ပြီးပြီလဲ ဝယ်ထား‌ပြီးပြီလဲဝေ့🫶🏻

13/06/2026

လွမ်းစရာရှိမှ လွမ်းရမှာတဲ့လား အစ်ကိုရာ။
တစ်ခါမှ အတူထိုင်မစားခဲ့ဖူးတဲ့ ထမင်းဆိုင်၊
ဘယ်တော့မှ အတူမတက်ခဲ့ဖူးတဲ့ ဘုရားစောင်းတန်းနဲ့
အမြဲတမ်းမပြောမဆို စိတ်ကောက်ကောက်နေတတ်တဲ့လူတစ်ယောက်ကိုလေ။

| " ကိုယ်မှ မင်းနဲ့အချိန်ကြာကြီး မခေါ်မပြောပဲ မနေနိုင်တာ... " လို့တောင်းပန်တိုးလျှိုးတတ်တဲ့ စကားသံတိုးတိုးလေး ကျွန်တော်ပြန်မျှော်နေခဲ့မိလား မသေချာ။

| "ချုပ်နှောင်ခံထားရတဲ့ ဘဝကို သိပ်မုန်းတာပါပဲ" လို့ပြောဖူးတဲ့လူတစ်ယောက်၊ " ဘယ်အချိန်ဖြစ်ဖြစ် ဖုန်းခေါ်နော်" ဆိုပြီး တိခနဲဖြတ်ချခဲ့တဲ့ ဆက်ဆံရေးတွေ။

| ကျွန်တော်ဟာ သတိရမိတိုင်း တဆစ်ဆစ်နဲ့ နာနာကျင်ကျင်.... ။

#အစ်ကိုသို့ #ဖရော်ဆန်

13/06/2026

ရင်ထဲကပဲ မချစ်ပါနဲ့ ။ ထုတ်ပြပြီးတော့ ချစ်တတ်ပါစေ ။

ချစ်တော့ ချစ်တယ် ။ ဒါပေမဲ့ အဲဒီချစ်ခြင်းမေတ္တာကို တစ်ဖက်ကသူ သိအောင် ထုတ်မပြတတ်လို့ မရဘူး ။ “ ငါက ရင်ထဲကပဲ ချစ်ပြတတ်တာကွ ။ ငါ ချစ်နေတာကို ဘယ်တုန်းကမှ အပြင်ထုတ်မပြဘူး ။ ရောင့်တတ်လာမှာဆိုးလို့” လို့ ဆိုတဲ့ သောက်ကျိုးနဲ Logic ကြီးကို ဝင်သုံးနေလို့ မရဘူးဗျ ။

တကယ်တော့လေ ။ လူတစ်ယောက်ကို ချစ်တဲ့အခါကျရင် ထုတ်ပြတတ်မှရတယ် ။ Relationship တစ်ခု ဆက်ဆံရေးမှာပဲဖြစ်စေ ၊ မိဘနဲ့ သားသမီး ဆက်ဆံရေးမှာပဲဖြစ်စေ ၊ သူငယ်ချင်းအပေါင်းအသင်း ဆက်ဆံရေးမှာပဲဖြစ်စေ ၊ ချစ်တယ်ဆိုရင် ချစ်ခြင်းမေတ္တာကို ထုတ်ပြသင့်တယ်လို့ကို ထင်တယ် ။

နွေးထွေးပေးတတ်တဲ့ မေတ္တာလေးတစ်ခုဟာ လူတိုင်း လိုအပ်နေတာ မို့လို့ပါ ။ ကျွန်တော် အရိုးရှင်းဆုံး လက်ခံထားတဲ့ နည်းလမ်းလေး တစ်ခုရှိတယ် ။ အဲဒီနည်းလမ်းလေးဟာ. . . “ချစ်တယ်ဆိုရင် ကျွန်တော်တို့ရဲ့ ချစ်ခြင်းမေတ္တာတွေကို အဲဒီသူ မြင်နိုင် ၊ ကြားနိုင် ၊ သိနိုင်ဖို့ ၊ နားလည်လာဖို့ လုပ်ရမယ် ။ အဲဒီနည်းလမ်းကသာ ကျွန်တော်တို့ရဲ့ ချစ်ခြင်းမေတ္တာတွေကို တစ်ဖက်ကသူတွေ သိနိုင်အောင်လုပ်ဖို့ အကောင်းဆုံး ဖြစ်လာစေမှာပါပဲ ။

#ခဲတံ
#ချစ်ခြင်းမေတ္တာဖြင့်ထိတွေ့ဆက်ဆံခြင်းအနုပညာ

Address

Thanlyin

Website

Alerts

Be the first to know and let us send you an email when Pann's Bookstore posts news and promotions. Your email address will not be used for any other purpose, and you can unsubscribe at any time.

Shortcuts

Share

Category