08/03/2023
ကမ္ဘာ့ဂန္ထ၀င် စာအုပ် _ A Classic Book
#သမီးရတနာ - သက်ပိုင်
Little Women By Louisa May Alcott
• “ အမျိုးသမီးကောင်းမှန်ရင် ချမ်းသာတဲ့လူနဲ့ လက်ထပ်နိုင်မှ ဂုဏ်တင့်တယ်၊ အမျိုးသမီးကောင်းဖြစ်ဖို့ ဗိုင်းကောင်းကျောက်ဖိ အိန္ဒြေတခွဲသားနဲ့ နေထိုင်ရမယ်၊ နိုင်ငံရေးဆိုတာ အမျိုးသမီးနဲ့ လားလားမျှ မဆိုင်' စတဲ့ အတွေးအခေါ်တွေကို ဆန့်ကျင်ကြောင်း စာရေးသူက ဂျိုးဆက်ဖင်းဆိုတဲ့ ဇာတ်ကောင်နေရာကနေ အကောင်းဆုံး ရေးဖွဲ့ပြထားတာကိုလည်း တွေ့ရမှာဖြစ်သလို မတူညီကွဲပြားတဲ့ စရိုက်လေးမျိုးကို ပိုင်ဆိုင်ထားတဲ့ ညီအစ်မလေးယောက်ရဲ့ ဘ၀အပေါ် ရှုမြင်ပုံတွေကို အကောင်းဆုံး ဖော်ညွှန်းထားတာမို့ သမီးရတနာ ၀တ္ထုဟာ ဆယ်ကျော်သက် အမျိုးသမီးငယ်လေးတွေအတွက်သာမကပဲ လူတိုင်းအတွက် စိတ်နှလုံးကြည်နူးဖွယ်ရာ၊ တွေးတောဆင်ခြင်ဖွယ်ရာ စတဲ့ ရသပေါင်းစုံကို ပေးစွမ်းနိုင်ပါတယ် ..
သမီးရတနာ စာအုပ်ရဲ့မူရင်း ကလောင်ရှင်ကတော့ အမေရိကန် စာရေးဆရာမ လူဝီဇာ မေ အယ်လ်ကော့ (Louisa May Alcott) ဖြစ်ပါတယ်။ လူဝီဇာဟာ ယခု သမီးရတနာ ၀တ္ထုကို ၁၈၆၈ ခုနှစ်မှာ ရေးသားထုတ်ဝေခဲ့ပြီး နောက်ဆက်တွဲဖြစ်တဲ့ 'မယားအလိမ္မာ' (Good Wives) ၀တ္ထုကိုလည်း ပရိတ်သတ်တွေရဲ့ တခဲနက် အားပေးတောင်းဆိုမှုကြောင့် ၁၈၆၉ခုနှစ်မှာ ဆက်လက် ထုတ်ဝေခဲ့ပြန်ပါသေးတယ်။ ၁၈၈၀ အရောက်မှာတော့ ယခင်ထွက်ရှိပြီးသား ၀တ္ထုနှစ်ခုကို စုစည်းပြီး 'သမီးရတနာ ၀တ္ထုရှည်' အဖြစ် ထပ်မံ ပြုပြင်ခဲ့ပါတယ် ..
လူ၀ီဇာဟာ သူတို့ညီအစ်မတွေ ကြုံတွေ့ရတဲ့ ကိစ္စရပ်လေးတွေကို အခြေခံပြီး သမီးရတနာ ၀တ္ထုကို ဖန်တီးရေးသားခဲ့တာမို့ ဒီ၀တ္ထုဟာ စာရေးသူရဲ့ ဘ၀တစ်စိတ်တစ်ပိုင်းကို ဖော်ပြနေရုံမျှမက ၁၉ ရာစုနှစ်နှောင်းပိုင်းရဲ့ လူမှုဆက်ဆံရေး၊ ဘ၀နေထိုင်မှုတို့ကိုပါ ထင်ဟပ်နေအောင် ပြသနိုင်ခဲ့တာလည်း အမှန်ရယ်ပါ ..
သမီးအကြီးဆုံးလည်းဖြစ်သလို မိသားစုကို ပြန်ညှာတတ်တဲ့ မက်ဂ်၊ ကိုယ့်ဘ၀ကိုယ်ကျောင်းပြီး ဘယ်သူ့မှ ထီမထင်တဲ့ ဂျိုး၊ ခြောက်ပစ်ကင်း သဲလဲစင် ဘက်သ်နဲ့ အရာရာမှာ အနိုင်ရမှဆိုတဲ့ လိုချင်ရာကို မရ,ရအောင် ဖန်တီးယူမဲ့ အေမီတို့ ညီအစ်မလေးယောက်နဲ့ မိခင်ကြီး မာမီတို့ရဲ့ စကားအသွားအလာတွေဟာ ဘ၀ပင်လယ်ထဲကို လက်ပစ်ကူး၀င်ကြရတော့မဲ့ လူငယ်တွေအတွက် တွေးတောဆင်ခြင်ဖွယ်ရာ အကြောင်းအရာ၊ ကြိုတင်တွက်ဆလို့မရတဲ့ ကံကြမ္မာရဲ့ မထင်မှတ်ထားတဲ့ အပြောင်းအလဲ နဲ့ ဘ၀ရဲ့ ပင်ပန်းဆင်းရဲမှုဒဏ်တွေကို မိသားစုနဲ့အတူ ကြံ့ကြံ့ခိုင်ဖြတ်သန်းသွားရပုံတွေဖြစ်တာမို့ အတွေ့အကြုံနုနယ်သေးတဲ့ လူငယ်တွေအတွက် စံပြ ၀တ္ထုတစ်ခုအဖြစ်လည်း စာဖတ်ပရိတ်သတ်တွေက လက်ခံထားကြတာ ဖြစ်ပါတယ် ..
🍀 တန်ဖိုး - 18000 ၊ စာမျက်နှာ - 600
🎁Kravel's Book Village ကနေ စာအုပ်မှာယူမယ်ဆိုရင်တော့
Bookmark တခု Poem တစောင်ရရှိမှာဖြစ်ပြီး
📦ပြည်မြို့တွင်း ၁ အုပ်ကနေ ၅အုပ် အထိ Deli fees 2000 ksကျသင့်မှာဖြစ်ပြီး ၅အုပ်အထက်ဆိုရင် +100 ks တိုးပါမယ်ရှင့်
တခြားမြို့တွေကဆိုရင်တော့ ၁ အုပ်ကို 2000ks ထပ်တိုး ဆိုရင်တော့ +100 ks ပါရှင့်📖
တနေ့တာအဆင်ပြေချောမွေ့စွာဖြတ်သန်းနိုင်ကြပါစေရှင်🤍
📌အောက်ဖော်ပြပါ link ထဲရှိ post တွင် comment ဝင်ရေးရင်း စာအုပ်ဖိုး5% Discount ရယူပါ🏷️⬇️
https://m.facebook.com/story.php?story_fbid=124252563891104&id=100089190819356&mibextid=Nif5oz
#သမီးရတနာ
#သက်ပိုင်
