15/02/2024
❝ သမီးတစ်ယောက်ရှိရင်ပေါ့လေ ❞ - ပါပီယွန်
သမီးလေး တစ်ယောက် ရှိရင်ပေါ့လေ။ အဖေတူလေး
ဆိုတော့ အချောစားလေး၊ တောက်တောက်တောက်တောက် နဲ့ အသွက်စားလေးပေါ့ဗျာ။
လိမ္မာယဉ်ကျေးလေး မဖြစ်စေချင်ဘူး။
ငယ်ငယ်ကတည်းက အနိုင်ကျင့်ခံရရင် ❛ ခဲတံနဲ့ ထိုးပစ်ခဲ့ပြီ အဖေ~ဆိုတာမျိုးပဲဖြစ်စေချင်တယ်။ ဉာဏ်လေးထက်သလောက် မဟုတ်မခံ ဆတ်ဆတ်ကြဲလေးပေါ့။
တာတေလန်အောင်သာဆိုးစမ်း။ငါငယ်ငယ်က အတိုင်းပဲဆိုပြီး သဘောတွေ ကျလိုက်မယ့်အမျိုး။ ကြီးပြင်းလာတဲ့ အခါမှာလည်း ဗိုင်းကောင်းကျောက်ဖိလေး မဖြစ်စေချင်ပါ။ အဲ့ဒိီ စကားလုံးရဲ့နောက်ကွယ်မှာ အသိဉာဏ်မရှိသောခပ်တုံးတုံးဆိုတဲ့ အရာတွေ ကပ်ပါနေတာ အဖေသိတယ် သမီးရ။ ခေတ်ဆန်ဆန် ပျံလန်နေတတ်တဲ့ အမျိုးသမီးကောင်းလေး ဖြစ်စေချင်တယ်။ အဲ့ဒီလိုအမျိုးသမီးက ဘယ်လိုပုံလဲ ဟုတ်လား။ အဖေသိမ်းထားတဲ့ မင့်(ဘာခေါ်မလဲကွာ)၊အဖေ့ရည်းစားဟောင်း၊အဖေက ညီမလေးလို့ ခေါ်တဲ့ ဒေါ်လေးရဲ့ ဓာတ်ပုံလေးတွေ
ပြမယ်။ သူက အဖေနဲ့အတူတူ စာဖတ်တယ်။ ငြင်းခုံတယ် (သူ့လောက်အဖေက စာမဖတ်ဘူးရယ်၊ အမြဲရှုံးတယ်ပေါ့လေ) ။
အရက်တူတူသောက်ပြီး နှင်းတွေပိတ်နေတဲ့ လမ်းပေါ်မှာ မူးမူးနဲ့ သီချင်းအော်ဆိုကြတယ်။ တစ်ခါတစ်လေ တအားမူးလာရင် ❛ ရှင့်ကိုကျွန်မအရမ်းမုန်းတယ်သိလား~ လို့ကြိမ်းပြီး ဖင်ပိတ်ကန်တတ်သေးတယ်ကွ
ဟားဟား။ ဒါပေမယ့် သူက သိပ္ပံပညာရှင်သမီးရ။မာနကြီးတဲ့ ပညာတတ်မကြီးပေါ့လေ။ ထားပါတော့၊
သူ့လိုမိန်းမမျိုး သမီးကို ဖြစ်စေချင်တယ်။ အဖေ့သမီးလေးဟာ ရည်းစားတွေအများကြီးထားပြီး ပွေရှုပ်ချင်ပွေရှုပ်လိမ့်မယ်။ အဖေကတော့ရယ်နေမှာပဲ ။ တစ်ခုပဲ
မှာမယ်၊ ယောက်ျားတစ်ယောက်ကို တစ်ခါလောက်တူတူအိပ်ဖူးရုံနဲ့ မချစ်ခင်မကြင်နာပဲ လက်ထပ်စရာမလိုဘူး။ဒါပဲ အဖေမှာချင်တယ်။ ယုတ်စွအဆုံး သမီးဟာ ကျော်မကောင်း ကြားမကောင်းလို့ လူတွေက ပြောကြတဲ့
၀မ်းနည်းစရာ အဖြစ်ဆိုး ကြုံရချင် ကြုံရလိမ့်မယ်။
အဖေ့ဆီသာ ပြန်လာခဲ့။ နင့်မျက်နှာ မကြည့်ချင်ဘူးလို့တစ်ခွန်းမပြောဘူး။ အပြုံးချိုချိုနဲ့ စောင့်ကြိုနေမယ်။လောကကြီးက ထင်ထားတာထက် မာယာပိုများတယ်
ငါ့သမီးလေးရလို့ တစ်ခွန်းတလေ ဆုံးမချင် ဆုံးမ
မှာပေါ့လေ။ ၀မ်းနည်းနေတဲ့ သမီးလေးကို အဖေက
ဂစ်တာတီးပြီး လန်ဒန်မြို့က လမ်းကလေးများ ဆိုတဲ့ သီချင်းကို နှစ်သိမ့်တဲ့အနေနဲ့ ဆိုပြမှာပေါ့ကွာ။ အဖေ့လိုအဖေမျိုးကို လူတွေကနားလည်ကြမှာမဟုတ်ဘူး။
အဖေ က ၇၀၊၈၀၊ခုနှစ်တွေက ရော့ခ်သီချင်းတွေ
လောက်ပဲ သီချင်းထင်တဲ့ကောင်။ 𝐃𝐈𝐎 နဲ့ 𝐎𝐳𝐳𝐲 ဟာ
အဖေ့ဘုရားသခင်တွေ။ ဒါပေမယ့် ခု အီမီနမ်ရဲ့ 𝐌𝐨𝐜𝐤𝐢𝐧𝐠𝐛𝐢𝐫𝐝 ကိုနားထောင်နေတယ်။
ငါ့သမီးသာ ပူဆာရင် တေးဆိုငှက်ကလေးဝယ်ပေးမယ်။ကမ္ဘာကြီးတောင် ပေးဦးမှာ..။
စိန်လက်စွပ်လဲ ၀ယ်ပေးမယ်၊သီချင်းတွေလည်း ဆိုပြမယ်၊ သမီးအပြုံးလေးမြင်ရဖို့ ဘာမဆိုလုပ်မယ့်ကောင်။တေးဆိုငှက်ကလေးက တေး မဆိုခဲ့ရင်၊ စိန်လက်စွပ်က လက်လက်မထက်ခဲ့ရင် အဖေ အဲ့ဒီငှက်ကို လည်လိမ်ချိုးပစ်မယ်။ စိန်တိုက်က ဘာဘူ့ဆီသွားပြီး သောက်ခွက်ရိုက်ရင်းပြောမယ်၊ အဖေ့ကို လာမဘတ်နဲ့လို့။
▪️
#ပါပီယွန်
#မက္ကဇင်ပါပီရဲ့ထရော်မာများ
#သမီးတစ်ယောက်ရှိရင်ပေ့ါလေ
![ညီနောင် (𝐇𝐮𝐦𝐛𝐞𝐫) ရဲ့ ❝ ဟိုမိုဒူးရပ်စ် ❞ [ လူသားတို့၏ အနာဂတ်သမိုင်းအကျဉ်း] ပြန်လည်ရရှိပါပြီခဗျာ💥လူပေါင်းများစွာတို့ အတူတက...](https://img3.globuya.com/888/848/341250068888483.jpg)
