10/06/2024
စီးပွားတက်ချင်ကြိုတင်ပြင်
#မိုးလင်းလာရင်...
ဆူပူအော်ဟစ်နေတဲ့ အိမ်
မဖြစ်ရဘူး။
#ဟိုဟာမရှိဘူး
ဒီဟာမရှိဘူး
ကုန်ပြီဆိုတဲ့အသံတွေ မထွက်ရဘူး။
#ညနေကတည်းက
ဘာကုန်တတ်လဲ
အမြဲစစ်တတ်တဲ့အကျင့် လုပ်ပါ။
ကြိုဝယ်ထားပါ။
#တချို့အိမ်တွေက
လူကြီးတွေနဲ့ မိမိကိုယ်တိုင်က
ပွစိပွစိ လုပ်မိနေတတ်တယ်။
သတိထား ပြုပြင်ပါ။
မထိန်းတတ်သေးရင်
အိမ်အလုပ် "စ"လုပ်ရင်း
သံဗုဒ္ဓေ( 108 )ခေါက်
စိတ်ထဲကနေ ရွတ်ရင်း လုပ်ကြည့်ပါ။
#ကလေးတွေ
ငိုသံမကြားရအောင်
ဂရုပြုပါ။
ကလေးနိုးလာတာနဲ့
စားဖို့ ကြိုပြင်ထားပါ။
ဆော့စရာလေးတွေ
ဘေးနားထားပါ။
ကလေးရယ်သံလေးတွေ
လွင်နေပါစေ။
#ဘုရားသောက်တော်ရေ ကပ်ပါ။
ဘုရားဝေယျာဝစ္စ လုပ်ပါ။
မေတ္တသုတ် တရားသံတိုးတိုးလေး
ဖွင့်လိုက်ပါ။
#နေ့စဉ်
ဘုရားကို( 500 )ကျပ် ဝတ္ထုငွေလှူပါ။
လကုန်ရင်
ပြန်စွန့်ပြီး
ဘုရားအတွက် လိုတာဝယ်ပါ။
#နေ့စဉ် အိမ်ရှေ့ဘက်ကို
ဆန်လက်တစ်ဆုပ် ပက်လိုက်ပါ။
ငှက်ကလေးတွေကို ကုသိုလ်ပြုပါ။
#မနက်ခင်ဆို
ရှေ့ဘက်ကနေ နောက်ဘက်ကိုတံမြက်လှည်းပါ။
#ညနေကို
နောက်ဘက်ကနေ ရှေ့ဘက်ကို
တံမြက်လှည်းပါ။
#ဖိနပ်အစုတ်
ထီးအစုတ် ကျိုးပဲ့နေတာတွေ
အိမ်မှာ မထားရပါဘူး။
မီးဖိုချောင်မှာ
မလိုအပ်တာမထားပါနဲ့။
စားသလောက် ပန်းကန်
အရေအတွက်ပဲ ထားပါ။
အပိုတွေ သိမ်းပစ်လိုက်ပါ။
#လင်မယား
စောစောစီးစီး စကားမများမိပါစေနဲ့။
#မနက်မိုးလင်းမှာ
ကုသိုလ်တရားနဲ့ အစပြုပါ။
ညအချိန်မှာ
ကုသိုလ်တရားနဲ့ အိပ်ရာဝင်တတ်အောင်
နေပါ။
#တစ်နေ့တာပြီးတိုင်း
ဒီနေ့ ကောင်းမှု တစ်ခု
ဘာလုပ်ခဲ့သလဲ တွေးပါ။
မကောင်းတာ
ဘာလုပ်မိလဲ ဆင်ခြင်ပါ။
နောက်နေ့
ကုသိုလ်တစ်ခု ပြုဖို့ အားစိုက်ပါ။
#ခွေးလေးကို
ထမင်းကျွေးတာလည်း
ကုသိုလ်ပါပဲ။
#ငှက်လေးတွေကို
ဆန်စေ့ပက်ပေးတာလည်း
ကုသိုလ်ပါပဲ။
#ဂုဏ်တော်
ရွတ်မိတာလည်း ကုသိုလ်ပဲ။
#မိသားစုကို
မေတ္တာနဲ့ ချက်ကျွေးတာလည်း
မွန်မြတ်တဲ့ ကုသိုလ်ပါပဲ။
လေးစားစွာ𝐂𝐫𝐞𝐝𝐢𝐭ပေးပါသည်"
