22/09/2024
👉 မျက်နှာသစ်ဆေး ရွေးနည်းလေးပါရှင့်
👉 အားလုံးပဲ Glass Skin Face လေးတွေ ပိုင်ဆိုင်ကြပါစေရှင့်
မျက်နှာသစ်ဆေး ဘယ်လိုရွေးရင်ကောင်းမလဲ
အရေပြားအလိုက် အသုံးပြုရမယ့် cleanser အကြောင်းသိရင် တခုချင်းစီရဲ့ အာနိသင်ကို ပြောပါမယ်။အာနိသင်အလိုက် cleanser အမျိုးအစားများ (၅)မျိုး ခွဲထားတယ်။ ယေဘုယျအားဖြင့် cleansers ရွေးတဲ့အခါ အပေါ်မှာပါတဲ့ စာလုံးတွေကို သေချာဖတ်ပါ။ ပြီးမှရွေးချယ်ပါ။
(၁) Acne Cleansers
အဆီမပါတဲ့ gels(သို့) foam အမြှုပ်ပုံစံလာတယ်။ ဝက်ခြံကို သိသိသာသာ လျှော့ပါး သက်သာစေတယ်။ ဝက်ခြံကို တိုက်ဖျက်နိုင်တဲ့ Tea Tree Oil, Benzoyl Peroxide ( 10%), Glycolic Acid (up to 10%) စတာတွေ ပါလေ့ရှိတယ်။ Salicylic Acid ( 2%) ပါရင် အရေပြားမခြောက်သွေ့အောင်ထိန်းထားလိမ့်မယ်။ တချို့မှာ scrub ပုံစံအစေ့သေးလေးတွေပါတာလည်း ရှိတယ်။ micro-beads ခေါ်တယ်။ အရေပြားအပေါ်ယံ အညစ်အကြေးကို ပွတ်တိုက်ဖယ်ရှားပြီး အရေပြားဂလင်းပိတ်ဆို့မှာကို ကာကွယ်တယ်။
(၂) Cream, Milk and Lotion Cleansers
အရေပြားခြောက်သွေ့သူတွေမှာ သုံးတယ်။ မိတ်ကပ်ဖျက်ရာမှာ သိပ်ကောင်းတယ်။ သုံးပြီး ခပ်နွေးနွေးရေနဲ့ မျက်နှာသစ်ပါ။ ပြီးရင် တစ်ရှုးနဲ့ သုတ်ပေးပါ။ ဝက်ခြံထွက် အဆီပြန်တဲ့ မျက်နှာမှာ မသုံးသင့်ပါ။ ဝက်ခြံပိုဆိုးစေမယ်။
(၃) Exfoliating Cleansers
သာမန်အသားအရေ(သို) အဆီပြန်တဲ့အသားအရေမှာ သုံးကြတယ်။ အပေါ်ယံအရေပြားကို ကွာကျစေမယ့်ဓာတုပစ္စည်း (AHA or BHA) သို့မဟုတ် အစေ့အမှုန်လေးတွေ ပါလေ့ရှိတယ်။ scrub မှာပါတဲ့ပုံစံမျိုးပေါ့။ physical exfoliants ( beads, granules or powder) မျိုးပါလေ့ရှိတယ်။ ပုံမှန်ဖြင့် ဒီအမျိုးအစားတွေက ရွံ့စေး၊ ခရင် ၊ဂျယ် စသည်ဖြင့် အမျိုးမျိူးဖြစ်နိုင်တယ်။
(၄) No-Rinse Cleansers
အရည်ပုံစံ(cleansing water) သို့ ခရင်မ်(cold cream) ပုံစံနဲ့လာတယ်။ ဂွမ်းစ(သို့) လက်ညှိုးကို သုံးပြီး လိမ်းပါ။ပြီးရငိ ခြောက်တဲ့အဝတ်စနဲ့ ပြန်သုတ်ပါ။ ဒီအမျိုးအစားက လိမ်းပြီး သုံးပြီး ရေနဲ့ပြန်သစ်စရာမလိုဘူး။ sensitiveဖြစ်တဲ့ အရေပြားမှာ သုံးသင့်တယ်။ မျက်နှာသစ်ဖို့ မလိုတာမို့ သုံးစွဲရလွယ်တယ်။
(၅) Oil-based Cleansers
အာရှတိုက်အသားအရေနဲ့ အထူးသင့်တော်တယ်။ အဆီပါတဲ့ cleanser တွေက ရေစိုခံမိတ်ကပ်ဖျက်တဲ့အခါ သိပ်အသုံးဝင်တယ်။ ဖုန်၊အညစ်အကြေးစတာတွေ ဖယ်ရှားပြီး အရေပြားပိတ်ဆို့မှာကို ကာကွယ်ပေးတယ်။ ဒါပေမယ့် ဒီCleansersမသုံးခင် လက်ကို သန့်စင်အောင် အရင်ဆေးပါ။ ခြောက်သွေ့တဲ့ မျက်နှာမှာ လိမ်းပါ။ ပြီးရင် ရေ အနည်းငယ်သုံးပြီး နှိပ်ပေးပါ။ အဆီတွေက အထဲထိစိမ့်ဝင်ပိတ်ဆို့နေတဲ့ အရေပြားထိ ဝင်ရောက်ပြီး အညစ်ကြေးတွေ ဖယ်ရှားပေးလိမ့်မယ်။
ဒေါက်တာ အေးမင်းထူး
အရေပြားအထူးကု ဆရာဝန်။