https://www.facebook.com/162348476972774/

Shwe Shwe Book Shop, Mandalay (2026)

11/06/2026

စိတ်အေးချမ်းမှုနဲ့ စိတ်စွဲလမ်းမှုဟာ ပြောင်းပြန်အချိုးကျတယ်။

စိတ်စွဲလမ်းမှု များလေလေစိတ်မအေးချမ်းရလေပဲ။
ငွေ ၁ သိန်း ခိုးခံရလို့ ဘာမှမဖြစ်ဘူး။

ကိုယ်ပိုင်တဲ့ ငွေ ၁ သိန်း ခိုးခံရတယ်ဆိုမှ လူက ပူလောင်ရတာပါ။

တကယ်တော့လောကမှာ စိတ်ကောင်းရှိ တဲ့သူ ဆိုတာမရှိပါဘူး...
စိတ်ကောင်းများများဖြစ်အောင် ကြိုးစားနေတဲ့သူပဲရှိပါတယ်

#ဒေါက်တာဖြိုးသီဟ
#မမေ့မလျော့
#စာအုပ်စာပေလူ့မိတ်ဆွေ 📖📚
မှာယူနိုင်ပါတယ်ရှင်

24/05/2026

ချစ်တဲ့ စိတ် ငယ်ထိပ် ရောက်လို့ပဲဖြစ်ဖြစ် . ချစ်တဲ့စိတ်က နှာထိပ်ရောက်လို့ပဲ ဖြစ်ဖြစ် "မ "စိတ် မွှ္န်သွားတဲ့အခါ မလုပ်သင့် အလုပ်တွေ
မလွန်ကြူးသင့်တဲ့ အရာတွေ ...
ရှက် ကြောက်တရား ရှိရမဲ့ အရာတွေ ဆိုတာ ဘာကိုမှ သတိမထားတော့သလိုပဲ ။

အသိတရား တွေ ရှိနေပေမယ့် သတိထား၍ ထိန်းချုပ်မှု မရှိလေတော့ စိတ်၏ငြိမ်းချမ်းမှုတွေ ပျောက်ဆုံးပြီး လူ့ဘောင် လူ့လောက ပတ်ဝန်းကျင်မှာ အရှက်မဲ့စွာဖြင့်
နေထိုင်သွားလာနေတဲ့ အဖြစ်မျိုး ရောက်ခဲ့ရတယ် ။

အဲဒီ့စာအုပ်ထဲ မှတ်သားစရာ စကားလေး...
"လင်ကောင်းရဖို့ တွေးပူတယ် ဆိုတာက သမီးမကောင်းတဲ့ မိဘတွေ တွေးပူတဲ့ အတက် ။
ငါ့ သမီးဟာ အရည်အချင်း ရှိတဲ့ သမီးတစ်ယောက်ဆိုရင် လင်ကောင်း လိုက်ရှာ နေစရာမလိုဘူး ။
မယားကောင်း ကို လိုက်ရှာ တဲ့လူက လာလိမ့်မယ် " တဲ့ ။

အမျိုးသားပဲ ဖြစ်ဖြစ် အမျိုးသမီးပဲ ဖြစ်ဖြစ်
အမျိုးသမီးကောင်းရဖို့ အမျိုးသားကောင်းရဖို့ ဆိုတာထက် မိမိကိုယ်ကိုယ် ကောင်းစွာ ထိန်းသိမ်းစောင့်ရှောက်တက်ဖို့...
ရှိသင့် ရှိထိုက်တဲ့ အရည် အချင်း တွေတော့ ရှိထားသင့်တယ် ။ ကြိုး စားသင့်တယ် မလား ။

ဦးသက်ထွန်း၊ မမ ၊ ကိုသက်ဆွေ တို့ရဲ့ သုံးပွင့်ဆိုင် အိမ်ထောင်ရေး ဇာတ်လမ်းကြီး... မမ သည် ဦးသက်ထွန်း၏ တရားဝင် ဇနီးမယား
သား တစ်ယောက် မိခင် ။

မမဟာ အချစ် ဆိုတာ ဘာမှနားမလည်ဘဲ ဦးသက်ထွန်းကို ယူခဲ့တယ် ထင်ပါတယ် ။ ဦးသက်ထွန်းမှာ ဂုဏ်တွေ ရာထူး ပကာသန တွေရှိတယ် ။ ဂုဏ်တွေ ပကာသနတွေရှိတိုင်း ပျော်ရွှင်စရာကောင်းတဲ့ အိမ်ထောင်တစ်ခု ဖြစ်မယ်လို့ ထင်ခဲ့တယ် ထင်ပါတယ်... ။
သူ ထင်တဲ့အတိုင်း ဖြစ်မလာတော့တဲ့အခါ သူ့စိတ်ကို မထိန်းတော့ဘဲ
လုပ်ချင်ရာတွေ လျှောက်လုပ်မိကုန်တာပဲ ။

တကယ်တော့ ကိုသက်ဆွေ ဆိုတာကလည်း ပညာတက် အသိုင်းအဝိုင်းအကြီး ထဲက လူပါပဲ ။
ဒါပေမဲ့ စိတ်ဓာတ် ပိုင်းဆိုင်ရာ... ပေါင်းသင်းဆက်ဆံရေး ဆိုရင်လဲ
ကောင်းမွန်တဲ့ လူတစ်ယောက် ။
မမ နဲ့တွေ့ပြီး မမ ရဲ့ အလှ တရားတွေကို ချစ်ခင် စုံမက်ပြီး
စိတ်အလို လိုက်ပြီး အမို၊က်တရားတွေ များစွာ လွန်ကြူးမိတော့တာပဲ ။
မမ ကို ရူ၊းရူ၊း မူ၊းမူ၊း စွဲလမ်းပြီး မမ ရဲ့ အချစ်ကို မရ ရအောင် ကြိုးစားတယ် ။ မမ နဲ့ ချစ်ခွန်း မြိုင်မြိုင် စကားတွေ လှိုင်လှိုင် ပြောဆိုကြရင်း
ဖြစ်သင့် မဖြစ်သင့်ဆိုတာတွေ မတွေး... ပတ်ဝန်းကျင်ရဲ့ ဝေဖန် ပြောဆိုကြမှာတွေကိုလဲ အရေး မထားတော့ဘဲ
သက်ဆုံး အတူတိုင် ချစ်ပွဲတွေ နွဲဖို့ စိတ်ဆန္ဒတွေ က အင်းအားတွေ အပြည့် ။

ကိုသက်ဆွေ ရဲ့ မဟာ အမှားတွေက လင်ရှိ သားရှိ မိန်းမ တစ်ယောက် က သူ့နောက် ကောက်ကောက်ပါအောင် လိုက်လာနိုင်အောင် စွမ်းဆောင် နိုင်သူဟု ကိုယ့်ကိုယ်ကိုယ် အထင်ကြီးတဲ့စိတ်တွေကလဲ ဒီလမ်းကို ဆက်လျှောက်ဖို့ ဖြစ်နေသလိုပဲ ။

ရှက်စရာ အလုပ်ဖြစ်ပါလျက် အရှက်မဲ့စွာ လုပ်ဆောင်နေကြတာ ။

ကို သက်ဆွေ က ဦးသက်ထွန်းအပေါ် မြင်တဲ့အမြင် က သေးသိမ်လွန်းတယ် ။ ဦးသက်ထွန်းသည် သနားစရာကောင်းတဲ့လူ ၊ သတ္တိကြောင်တဲ့သူ၊ ရယ်စရာကောင်းတဲ့လင် လို့ပဲ သဘောထားပြီး
သူ့ကိုယ်သူ ကျေနပ်ပီတိတွေ ဖြစ်နေခဲ့တာ ။

တကယ်တော့ ဦးသက်ထွန်း သည် မမ ၏
ခွင့်လွှတ်စရာ နားလည်ပေးလို့ရတဲ့ လုပ်ရပ်တွေမဟုတ်ဘူးဆိုတာ
သိနေတာတောင် မိမိနှင့် မမ တို့၏ နှစ်ဖက်အသိုင်းဝိုင်း၏ ဂုဏ်သိက္ခါတွေ.. သား အတွက် စိတ်ဒဏ်ရာ ဖြစ်စရာတွေမို့ စိတ်ဒဏ်ရာတွေ ကို သိုသိပ်စွာနဲ့ပဲ ဖြေရှင်းခဲ့ ။

သူနဲ့ မမ တို့၏ ယု္တ်ညံ့စွာ သစ္စာတွေပျက်ယွင်းမှုတွေကို ဦးသက်ထွန်း က သဘောထား ကြီးစွာ ခွင့်လွတ်ပေးနေတာတွေ သိမြင်လာရတဲ့အချိန်မှာ ကိုယ့်လိပ်ပြာကို ရှက်၍ လာခဲ့ ။

မမ တစ်ယောက် ေ-သမလို ဖြစ်သွားတဲ့ အချိန်မှာ သူ့အမှားတွေ ပဲ တကယ် သိပြီး နောင်တ ရ၍ သူ့အမှားတွေ အတွက် ခွင့်လွှတ်ပေးဖို့တောင်းပန်စကားပြောနေလိုက်တာ တကယ့်သနားစဖွယ် အဖြစ် ။
နေပြန်ကောင်းလာတော့ ကိုသက်ဆွေနဲ့ အရင်လိုပဲ ဖော္က်ပြန်မြဲ ပဲ။

ခွေ၊းမီးကောက် ကြည်တောက်စွပ် သလိုပဲ
မူရင်း ပုံစံအတိုင်းပဲ ပြန်နေထိုင်ခဲ့တာ...
ဦးသက်ထွန်း အနေနဲ့ ဘယ်လောက်တောင်
စိတ်သောကတွေ များနေလိမ့်မလဲ ။

"မင်း နေမကောင်းတဲ့ အချိန်ကဆိုရင် ကျုပ်ဟာ မင်းအိပ်ရာဘေးကို အရောက်ပြန်လာခဲ့ပြီး မင်းကို ခွင့်လွှတ်ဖို့ ဆုံးဖြတ်ခဲ့ တယ် ။
ဖြစ်ခဲ့ တာတွေ အားလုံးကို သင်ပုန်းချေလိုက်ပြီး ဘဝအသစ်ကို ထူထောင်မယ်လို့ ပိုင်းဖြတ်ခဲ့တယ် " တဲ့ ဒီစကားလေး ကြည့်ရင်တောင် ဦးသက်ထွန်း ရဲ့ သဘောထားကြီးမှု တွေ အထင်းသားပေါ်နေခဲ့တယ်။
ေ-သမလို ဖြစ်နေတဲ့လူနာအတွက် စိတ်ချမ်းသာပါစေ ဆိုတဲ့မျှော်လင့်ချက် တစ်ခုနဲ့ ဆုံးဖြတ်ခဲ့တာ တဲ့။

တကယ်တော့ မမ ဟာ ခွင့်လွှတ် နားလည်ပေးခြင်းတွေ လုံးဝ မထိုက်တန်တဲ့ အမျိုးသမီး တစ်ယောက်ပါပဲ ။

ခင်သီသီ စကားလေးကလဲ မှတ်သားစရာ
လူတွေဟာ အိမ်ထောင်ရေးမှာ မေတ္တာရဲ့ တန်ဖိုးကို ထည့်မစဥ်းစားကြတော့ပဲ ပကာသနရဲ့တန်ဖိုးကို အလေးပေးလာကြတယ် ။
အိမ်ထောင်ရေးကို စဥ်းစားတိုင်း ကြေးညှိလာကြတယ် ။
နောက် အိမ်ထောင်ကြပြီး သူတို့ မျှော်လင့်တဲ့အတိုင်း မဖြစ်လာတော့ကြတော့ သူတို့အိမ်ထောင်ရေးဟာ ပြိုကွဲကြတာပဲ..

အိမ်ထောင်တစ်ခုတွင် ချစ်ခင်ကြင်နာမှုနှင့် စောင့်စည်းမှုတို့ဟာ
အိမ်ထောင်တစ်ခုရဲ့ အဓိက ဒေါက်တိုင်ကြီး တွေပဲ မလား ။
တကယ့်ကို စောင့်ထိန်းသင့်တဲ့ အရာတွေကို
လွယ်လွယ်ကူကူနဲ့ ဖောက်ဖျတ်လိုက်ကြတော့
မဖြစ်သင့်တာတွေ ဖြစ်လာရတာပဲ ။

သူတစ်ပါး အိမ်ထောင်ကို ဖျတ်ဆီးပြီး မိမိအိမ်ထောင်ကို သာယာအောင် လုပ်ဖို့ကြိုးစားပေမယ့်လဲ ကိုသက်ဆွေနဲ့ မမ တို့ရဲ့ အိမ်ထောင်ရေးဟာ သမီးလေးတစ်ယောက်
ရရှိလာတဲ့အထိတောင် စိတ်သောက များစွာနဲ့ နေထိုင်းရင် နောက်ဆုံးမှာတော့ ပြိုကွဲသွားတာပါပဲ ။

တန်ပြန်ဝဋ်ဆင်းရဲ ခံစားတာလို့ပဲ ဆိုရမှာပေါ့ ။
နောင်တ ဆိုတာ နောင်မှ ရတာဆိုသလို
လူတို့သည် အချစ်နှင့် အမုန်းတွင် သံသရာ လည်နေကြသူများသာ ဖြစ်သည်ဟု ထင်မြင်လာသည် ။ အမုန်းသစ်လျှင် အချစ်သို့ရောက်လာကြ၍ အချစ်ဆုံးလျှင်တော့ အမုန်းသို့ ရောက်လာကြသည်ကို မမ တစ်ေယာက်ခံစားမိလာရင်း......

မမ ဇာတ်သိမ်းဟာ ဘယ်လို ဖြစ်သွားမလဲဆိုတာ သိချင်ရင်တော့
စာဖတ်သူများ အနေဖြင့် ကိုယ်တိုင်သာ ဆက်လတ်ဖတ်ရူ့ကြပါလို့.
နိူးဆော်ရင်း....

လူတွေ သည် ရှက်စရာ အလုပ် လုပ်တုန်းကတော့ မရှက်ကြပဲ လုပ်ပြီးမှ ရှက်တက်ကြသည် ။
သည်အရှက်ကို ပြန်၍ မတွန်းလှန်နိုင်သော အခါတွင် ကြံမိရာ ကြံတက်ကြသည်... တဲ့

တကယ့်ကို စာအုပ်ကောင်းတစ်အုပ် ။
အိမ်ထောင်ရေး အတွက် တကယ့်ကို သင်ခန်းစာကောင်း
တစ်ခုပါပဲ ။
လူကြီး လူငယ် ဖတ်သင့်သော စာအုပ်လေးပါလို့
ညွှန်းဆိုပါရစေ ။

Review by- Zin Wai Naing
(ခွင့်ပြုချက်ယူပြီး)🌿
-----------------------------------

စာအုပ်တန်ဖိုး-18000ks

စာအုပ်ကိုသဘောကျဖတ်ရှုလို၍မှာယူလိုပါက
Page cbတွင် ဆက်သွယ် မှာယူနိုင်ပါတယ်📖

#မမ
#မြသန်းတင့်

23/05/2026

“ ကိုယ်ပိုင် လုပ်ငန်းတစ်ခု စတင်ဖို့ပဲဖြစ်ဖြစ် ၊ လုပ်ငန်းကို ချဲ့ချင်လို့ပဲဖြစ်ဖြစ် အခြေခံလိုအပ်ချက်ဖြစ်တဲ့ ငွေကြေးအရင်းအနှီးဘယ်လိုရှာဖွေလို့ရနိုင်မလဲဆိုတာကို သိရှိနားလည်ဖို့ အရေးကြီးပါတယ် ။ ရင်းနှီးငွေ ပိုရလာခြင်းဟာ သင့်လုပ်ငန်းကို ပိုမိုကြီးထွား မြန်ဆန်လာစေနိုင်ပါတယ် ။ ဝန်ထမ်းတွေကို ပိုမို ငှားရမ်းနိုင်ပြီး လုပ်ငန်းနေရာသစ်တွေမှာ ထုတ်ကုန်အသစ်တွေကို လျင်မြန်စွာ တိုးချဲ့နိုင်ပါတယ် ။ ဒါက တခြားသူတွေထက် ပိုမိုသာလွန်စေတဲ့အချက် ဖြစ်ပါတယ် ။ ”

သင့်အနေနဲ့ စီးပွားရေးလုပ်ငန်းတွေ ဘယ်လိုလည်ပတ်နေတယ်၊ တချို့လုပ်ငန်းတွေ ကျရှုံးနေချိန်မှာ တချို့က ဘာကြောင့် အောင်မြင်နေတယ်ဆိုတာတွေကို တွေးဖူးပါသလား။ ဒါတွေအားလုံးက အရင်းအနှီးကြောင့် ပါပဲ။ ငွေအရင်းအနှီး မလုံလောက်မှုကြောင့် လုပ်ငန်းအများအပြားဟာ ကျဆုံးခဲ့ရပါတယ်။ ဒါ့ကြောင့် ရင်းနှီးငွေ မြှင့်တင်ခြင်းဟာ လုပ်ငန်းချဲ့ထွင်လိုသူတိုင်းအတွက် မရှိမဖြစ် လိုအပ်ချက်တစ်ခု ဖြစ်လာပါတယ်။

ကုမ္ပဏီတစ်ခုဟာ ကြီးပွားတိုးတက်ဖို့၊ ဒါမှမဟုတ် ပြုပြင်မွမ်းမံဖို့ လိုအပ်လာပြီဆိုရင် ပြင်ပက ရင်းနှီးငွေ အရင်းအမြစ်တွေ စုဆောင်းခြင်းလုပ်ငန်းစဉ်ကို မဖြစ်မနေ စတင်ရမှာဖြစ်ပါတယ်။ ဒါကို ရင်းနှီးငွေမြှင့်တင်ခြင်း (Capital Raising) လို့ခေါ်ပါတယ်။ အတိုချုပ်အားဖြင့် စီးပွားရေးလုပ်ငန်းတွေဟာ သူတို့ရဲ့ သက်တမ်းရှည်ကြာ စေဖို့၊ ရေရှည်တည်တံ့စေဖို့အတွက် ရင်းနှီးငွေမြှင့်တင်ခြင်းကို ဆောင်ရွက်ကြပါတယ်။

ကုမ္ပဏီတွေဟာ မတူညီတဲ့ ဘဏ္ဍာငွေလိုအပ်ချက်တွေကြောင့် သူတို့ ရင်းနှီးငွေမြှင့်တင်တဲ့ပုံစံကလည်း ကြီးမားတဲ့ခြားနားမှုတွေ ရှိမှာဖြစ်ပါတယ်။ အချို့က ကိုယ်ပိုင်ငွေကြေးနဲ့ စတင်ကြသလို အချို့ကလည်း ငွေသန်း ပေါင်းများစွာကို ချေးငွေ၊ ဒါမှမဟုတ် ရင်းနှီးမြှုပ်နှံမှုပုံစံနဲ့ ရယူကြပါတယ်။ အဖွဲ့အစည်းတစ်ခုစီရဲ့ ထူးခြားတဲ့ ဝိသေသလက္ခဏာတွေနဲ့ လုပ်ငန်းချဲ့ထွင်လိုတဲ့ ရည်မှန်းချက်တွေကြောင့် မတူညီတဲ့ ဘဏ္ဍာရေးလိုအပ်ချက်တွေ ရှိ နေမှာဖြစ်ပါတယ်။

ဒီစာအုပ်ထဲမှာ တည်ထောင်စ စွန့်ဦးတီထွင်လုပ်ငန်းရှင်တွေအတွက် လိုအပ်တဲ့ရင်းနှီးငွေကို ဘယ်လိုနည်းစနစ်တွေနဲ့ ရှာဖွေရမယ်၊ ရင်းနှီးငွေရဲ့အရေးပါပုံ၊ ရှယ်ယာနဲ့ ကြွေးမြီစာချုပ်စာတမ်းတွေနဲ့ ရင်းနှီးငွေမြှင့်တင်ပုံ၊ လုပ်ငန်းမော်ဒယ် အမျိုးအစားတွေ၊ ယှဉ်ပြိုင်မှု အားသာချက်ရအောင်ဘယ် လိုဆောင်ရွက်ရမယ်ဆိုတာတွေ၊ ဆုံးရှုံးနိုင်‌ခြေနဲ့ အကျိုးအမြတ်ပြန်ရချက် စတာတွေ၊ စတော့အိတ်ချိန်းကို စာရင်းဝင်ခြင်းနဲ့ ထွက်ခွာမှု မဟာဗျူဟာ စတာတွေကို ဖတ်ရှုရမှာဖြစ်ပါတယ်။

#သင့်လုပ်ငန်းအတွက်အရင်းအနှီးဘယ်လိုရှာမလဲ
#သက်ထွန်းဦး
16000ks

မှာယူအားပေးနိုင်ပါတယ်ရှင် 🥰

22/05/2026

“စိတ်ညစ်ခြင်းကို ဖိအားလို့မခံယူဘဲ တွန်းအားခွန်အား၊ အင်အားအဖြစ်ပြောင်းလဲခံယူတတ်တဲ့သူဟာစိတ်ညစ်တာတွေများလေလေတွန်းအားများလေလေဖြစ်ပြီး ပိုကြိုးစားအားထုတ်တယ်။

စိတ်ညစ်ခြင်းကို ခုတုံးလုပ်ပြီး
နောက်တစ်ဆင့်ကို တက်လှမ်းတယ်။ပရမ်းပတာ
လောကကြီးကစိတ်ညစ်အောင်ကြိုက်သလောက်လုပ်စမ်းပါစေ...

"စိတ်သစ် လူသစ် ခွန်အားသစ် "တွေနဲ့
စိတ်ညစ်စရာတွေကို အရည်ကြိုပစ်ပြီး အောင်မြင်မှုအဖြစ်
ပြောင်းလဲဖန်တီးပစ်မယ်ဆိုတဲ့ ခံယူချက်နဲ့ လောကဓံကိုအံတုပြီး အကြောတင်းတင်းနဲ့ ရှေ့ ဆက်လိုက်ပါ မိတ်ဆွေ။

#စိတ်သစ်လူသစ်ခွန်အားသစ်
#ဖူးကျော်ဇင်
၁၈၀၀၀ကျပ်
#စာအုပ်စာပေလူ့မိတ်ဆွေ 📖📚
စာအုပ်တွေဖတ်ရတာနှစ်သက်သဘောကျရင် cbမှာမေးမြန်းနိုင်ပါသည်ထိုင်းနိုင်ငံဘယ်နေရာမဆိုပို့ဆောင်ပေးပါသည်

21/05/2026

“အမှားလုပ်တာက အပြစ်မဟုတ်ပါဘူး။ အဲဒီအမှားကနေ သင်ခန်းစာမယူတာကမှ အပြစ်ဖြစ်တယ်။”
လူတိုင်းရဲ့ဘဝမှာ ဘဝသင်ခန်းစာတွေရှိပါတယ်။ အမှားကနေ သင်ခန်းစာယူတတ်တဲ့အကျင့်မရှိတဲ့သူဟာ ကြုံတွေလာတဲ့ ဘဝပြဿနာတွေကို သင်ခန်းစာပေးတယ်လို့မထင်မှတ်တော့ဘဲ မသိချင်ဟန်ဆောင်ပြီး ကျော်သွားကြပါတယ်။
လေးလေးနက်နက် မတွေးတော့ဘဲ ကြုံတွေ့လာတဲ့ပြဿနာကိုပဲ ရင်ဆိုင်မယ်။ ဘာပြဿနာပဲဖြစ်ဖြစ် ဖြစ်လာမှဖြေရှင်းမယ်လို့ သဘောထားနေရင် အမှားကနေ သင်ခန်းစာမယူဘဲ အမှားတွေကိုပဲ ဆက်တိုက်လုပ်မိနေပါလိမ့်မယ်။
အမှားလုပ်တာက အပြစ်မဟုတ်ပါဘူး။ အဲဒီအမှားကနေ သင်ခန်းစာမယူတာကမှ အပြစ်ဖြစ်တယ်။ အမှားမလုပ်ဘူးဆိုရင်လည်း ဘဝရဲ့အခက်အခဲတွေကို ဖြေရှင်းတတ်မှာမဟုတ်ပါဘူး။ အိုင်းစတိုင်းက ပြောတယ်။ တစ်ခါမှ မမှားဖူးတဲ့သူဟာ ဘာကိုမှ မည်မည်ရရ မလုပ်ဖူးသေးတဲ့သူပဲ” တဲ့။
သူပြောသလိုပါပဲ။ အမှားကို မကြုံဖူးတဲ့သူဟာ ဘာမှမလုပ်ဖူးလို့ပဲ။ မလုပ်တာကလည်း မှားမှာကြောက်လို့ပါပဲ။ မှားမှာကြောက်ပြီးဘာမှမလုပ်ဘဲ ထိုင်နေမယ့်အစား တစ်ခုခုကိုထပြီး လုပ်ကြည့်လိုက်လို့ မှားသွားတာက ပိုကောင်းပါတယ်။
လူတိုင်း အမှားလုပ်တတ်ကြပါတယ်။ အောင်မြင်သူတွေလည်း အမှားတွေလုပ်ပြီးမှ အောင်မြင်လာကြတာပါ။ သင်လည်းအောင်မြင်တဲ့သူဖြစ်ချင်ရင် အမှားလုပ်ရမှာကို မကြောက်ပါနဲ့။ အမှားလုပ်ပြီးရင်လည်း အမှားကနေ သင်ခန်းစာယူတတ်ဖို့တော့ လိုပါတယ်။
ကိုယ့်ရဲ့ အလုပ်နဲ့ ဘ၀ တိုးတက်ပြောင်းလဲဖို့အတွက် အခြေခံကျတဲ့ သင်ခန်းစာ ၂၅ ချက်ကို ဖတ်ရှုရမယ့် စာအုပ်ဖြစ်ပါတယ်။

#ကိုယ့်ကိုယ်ကိုယ်ပြောင်းလဲဖို့အတွက်သင်ခန်းစာ၂၅ချက်
#မြင့်မြင့်ခင်
16500ks

Page cbတွင်ဆက်သွယ်မှာယူနိုင်ပါပီ💗

21/05/2026

::: တစ်သက်တာမှတ်တမ်းနှင့် အတွေးအခေါ်များ :::

- ရွှေဥဒေါင်း

ကျနော်တို့နိုင်ငံမှာ နာမည်အကြီးဆုံး autobiography ကို ပြောပါဆိုရင် ဆရာကြီးရွှေဥဒေါင်းရဲ့ တစ်သက်တာမှတ်တမ်းနှင့် အတွေးအခေါ်များက ထိပ်ဆုံးနားက ရှိမယ် ထင်ပါတယ်။ ပြီးတော့ autobiography တွေထဲမှာ လူတွေအတွက် လေ့လာသင်ယူစရာ အများဆုံးသောစာအုပ်တွေထဲက တစ်အုပ်လို့ ပြောရင်လည်း မှားမယ်တော့ မထင်ပါဘူး။

ဒီစာအုပ်မှာ ဆရာကြီးရွှေဥဒေါင်းက
ပထမကဏ္ဍ - ဖေသိန်း
ဒုတိယကဏ္ဍ - ဖေသိန်းမှ မောင်ဖေသိန်းသို့
တတိယကဏ္ဍ - မောင်ဖေသိန်းမှ ကိုဖေသိန်းသို့
စတုတ္ထကဏ္ဍ - ကိုဖေသိန်းမှ ဦးဖေသိန်းသို့
ပဉ္စမကဏ္ဍ - ဦးဖေသိန်းမှ ဆရာကြီးသို့
ဆဌမကဏ္ဍ - တစ်သက်တာ နိဂုံးချုပ် ဆိုပြီး အပိုင်းခြောက်ပိုင်းခွဲပြီးမှ ရေးထားပါတယ်။ တစ်ပိုင်းချင်းဆီက သူ့ဘဝတဆစ်ချိုးအပြောင်းအလဲတွေနဲ့ ချိတ်ဆက်သွားတာကိုလည်း တွေ့ရပါတယ်။

ကျနော်တို့က ဆရာကြီးရွှေဥဒေါင်းလို့ပြောလိုက်ရင် မြန်မာ့စာပေသမိုင်းမှာ ထင်ရှားကျော်ကြားပြီး မြန်မာ့စာပေမှာ ဩဇာလွှမ်းမိုးမှုရှိတဲ့သူ၊ စာအုပ်တွေ အများကြီးရေးခဲ့တဲ့သူ၊ လူအများက လေးစားအားကျရတဲ့သူ အစရှိသဖြင့် ဆရာကြီးရဲ့ မျက်နှာပေါင်းစုံကို သတိရကြမှာပါ။ ဒါပေမယ့် ဒီစာအုပ်မှာက သူ့အကြောင်းကို ပိုပြီးနီးနီးကပ်ကပ်မြင်ရမှာ ဖြစ်တဲ့အတွက် ကောင်းမှု၊ ဆိုးမှုတွေကိုပါ ပွင့်ပွင့်လင်းလင်းရေးပြထားတာကို တွေ့ရပါတယ်။

ကျနော်တို့က ကိုယ်လေးစားရတဲ့ လူပုဂ္ဂိုလ်ဆိုရင် အပြစ်အနာအဆာမရှိတဲ့ perfect hero တယောက်လို့ မြင်ချင်ကြတာများပါတယ်။ ဆရာကြီးရွှေဥဒေါင်းကတော့ သူ့ကို လူတွေ အဲ့လိုမြင်မှာ သိပ်စိုးရိမ်ပုံရပါတယ်။ သူသည် perfect person မဟုတ်ကြောင်းနဲ့ သူ့မှာလည်း အပြစ်အနာအဆာလေးတွေ ရှိသလို၊ အဲ့သလို ရှိနေတာကိုက သူဖြစ်ကြောင်းကို မကြာခဏရေးပြသွားတာကို တွေ့ရပါတယ်။

နောက် ကျနော်သတိထားမိတာက သူသက်လတ်ပိုင်းအရွယ်ရောက်တဲ့အထိ သူ့စိတ်ထဲမှာ အမြဲလိုလိုနာကျင်ရတဲ့ အကြောင်းရင်းတွေထဲမှာ သူ့ရဲ့ ပထမရည်းစားဦးနဲ့ လွဲခဲ့ရခြင်းနဲ့ ဘွဲ့မရခဲ့ခြင်းက သူ့ကို အတော်အတန်နာကျင်စေခဲ့ပုံရပါတယ်။ သူ့ဘဝတလျှောက်မှာ သူ့ရည်းစားဦးကို မမေ့နိုင်ခဲ့သလို၊ ကောလိပ်(တက္ကသိုလ်) မတက်ခဲ့ရတဲ့အတွက်လည်း သူ့မှာ ကောလိပ်ထွက်တွေနဲ့ ယှဉ်လိုက်တဲ့အခါမှာ ဝတ်စားဆင်ယင်မှုကအစ စကားအပြောအဆိုတွေထိအဆုံး နိမ့်ကျမှုရှိတယ်လို့ ယူဆနေခဲ့တာကို တွေ့ရပါတယ်။

အိမ်ထောင်သုံးဆက်ထိ ကျခဲ့ပြီးတော့ ယူခဲ့တဲ့ အိမ်ထောင်ဖက်တွေကလည်း ချစ်လွန်းလို့ ယူတယ်ဆိုတာထက် အခြေနေကြောင့် ယူဖြစ်သွားတယ်လို့ မြင်မိတယ်။ နောက်ဆုံးအိမ်ထောင်နဲ့မှာတော့ ဆရာကြီးရွှေဥဒေါင်းနဲ့ သူအိမ်ထောင်ဖက်နဲ့ကြားမှာ ချစ်ခြင်းထက် နားလည်မှုနဲ့ သံယောဇဉ်တွေက ပိုများတယ်လို့ မြင်မိပါတယ်။ ဆရာကြီးရွှေဥဒေါင်းအပေါ် မယားဝတ်တရားကျေပွန်လွန်းတဲ့ သူဖြစ်တယ်လို့ ပြောလို့ရပါတယ်။

နောက်ထပ်ပြောစရာရှိတာက ဒီစာအုပ်မှာ ဆရာကြီးပီမိုးနင်းနဲ့ ပတ်သက်ပြီး မျက်နှာအသစ်တခုကို မြင်ရပါလိမ့်မယ်။ ပီမိုးနင်းရဲ့ ပီမိုးနင်းမှာ မပါတဲ့ ဆရာကြီးပီမိုးနင်းရဲ့ မျက်နှာတခုလို့ ပြောရမှာပါ။ ဆရာကြီးရွှေဥဒေါင်းနဲ့ ဆရာကြီးပီမိုးနင်းတို့က ဘော်ဒါအရင်းကြီးတွေဖြစ်ပြီးတော့ သူတို့တခြားသူငယ်ချင်းတယောက်နဲ့ ဆုံပြီး ပျော်လိုက်ကြ၊ ကဲလိုက်ကြပုံက ကြောက်စရာကောင်းလွန်းတဲ့ အနေထားပါ။ ဒီလောက်တောင် လုပ်နိုင်တာလို့ အံ့ဩရလောက်တဲ့အထိပါပဲ။ သူတို့တွေ ဆိုးကြ၊ တေကြ၊ လေကြတာတွေကို ပွင့်ပွင့်လင်းလင်း ရေးပြသွားခဲ့ပါတယ်။ အဲ့သတ္တိကိုတော့ အလေးအနက်ကို အသိအမှတ်ပြုမိပါတယ်။ (ဒီအပိုင်းတွေကို အရင်ထွက်တဲ့ စာအုပ်တွေမှာ စာပေစိစစ်ရေးကြောင့် မပါခဲ့ပါဘူး၊ တတိယအကြိမ် စိတ်ကူးချိုချိုက ထုတ်တဲ့စာအုပ်မှာပဲ ပါဝင်တာပါ)

အဲ့အချိန်တုန်းက ဆရာကြီးပီမိုးနင်းက ဆရာကြီးရွှေဥဒေါင်းထက် ဝင်ငွေသုံးဆလောက်ပိုရနေပေမယ့် အသုံးဖြုန်းကြီးပြီး အပျော်အပါးမက်လွန်းတာကြောင့် ချို့ချို့တဲ့တဲ့နေရတဲ့ အနေထားတွေကို တွေ့ရပါတယ်။ ဒီဟာတွေကို ဆရာကြီးပီမိုးနင်းရဲ့ autobiography မှာ မတွေ့ခဲ့ရပါဘူး။

ဆရာကြီးရွှေဥဒေါင်းက စုံအောင်အကုန်လုပ်ချင်၊ စမ်းချင်တဲ့ စိတ်ရှိတဲ့သူပါ။ အဲ့ဒါကလည်း သူ့အဖိုးရဲ့ စကားတခွန်းဖြစ်တဲ့ “ယောက်ျားဆိုတာ စုံမှကွဲ့ " ဆိုတာနဲ့ စုံစုံစုံသွားတဲ့ အနေထားလို့ပြောရမလိုပါပဲ။ စုံတာမှ အသက်ဘေးကို ရောက်ခဲ့တာလည်း အကြိမ်ကြိမ်ပါပဲ။ ဒါပေသိ တခြားသော စုံတဲ့လူတွေလို ဆရာကြီးက ပေါင်းလို့သင်းလို့ အဆင်ပြေလွန်းတဲ့ လူမျိုးတော့ မဟုတ်မှာ သေချာတယ်။ တခုခု သဘောမကျတာဆို ငေါက်ပြောချင်တဲ့ စိတ်ကလေးကလည်း ရှိနေသေးတော့ လူတွေနဲ့ စစချင်းမှာ အဆင်ပြေတာမျိုးက ရှားပြီး ဆရာကြီးအကြောင်းသိသွားခါမှ ချစ်ခင်လေးစားကြတာမျိုးဖြစ်သွားကြတာပါ။

အရေးအသားပိုင်းကတော့ ဆရာကြီးရွှေဥဒေါင်းရဲ့ အရေးသားကို ဝေဖန်ရလောက်အောင် ကျနော်တို့မှာ ပညာမရှိပါဘူး။ ပြောလို့ရတာကတော့ အရေးသားတွေက ချောတယ်၊ ရှင်းတယ်၊ ပြတ်တယ်။ မလိုအပ်ဘဲ ဝါကျအရှည်ကြီးတွေကို အသုံးပြုတာမျိုးတွေ သိပ်မတွေ့ရပါဘူး။ ဒါပေမယ့် လက်ကလွှတ်မချချင်လောက်အောင် ကောင်းပါတယ်လို့ ပြောရင် ကျနော်ညာပြောတာပါ။ တခါတခါမှာ လေးပါတယ်။ တခါတမှာ ပျင်းပါတယ်။ ဒါပေမယ့် ဆက်ဖတ်ဖြစ်အောင်လည်း တွန်းအားက အလိုလို ဖြစ်လာပါတယ်။ စာမျက်နှာခြောက်ရာကျော် စာအုပ်မှာ ဝါကျတကြောင်းကတော့ ကျနော့်အတွက် ထောက်သလိုလေး ဖြစ်နေခဲ့ပါတယ်။

ဒီစာအုပ်က စာအုပ်သမားတိုင်းရဲ့ စာအုပ်စင်မှာ ရှိထားသင့်တဲ့စာအုပ်ဖြစ်ပြီးတော့ လူ့စိတ်၊ လူ့သဘောနဲ့ ဆရာကြီးရွှေဥဒေါင်းအကြောင်းကို သိချင်တဲ့သူတွေတိုင်း ဖတ်ထားသင့်တဲ့စာအုပ်လို့ ပြောရင်မှားမယ်မထင်ပါဘူး။ လူထုသတင်းစာမှာ နှစ်နှစ်ကျော်ကျော်ဖော်ပြခဲ့တဲ့ ဒီစာအုပ်က မြန်မာ့စာပေသမိုင်းအတွက်ရော၊ autobiography တွေထဲမှာရော မှတ်တိုင်စိုက်ထူပြီးသား ဖြစ်ပါတယ်။ မြန်မာ့စာပေရှိနေသရွေ့ ဒီစာအုပ်အကြောင်းကို လူတွေပြောနေကြဦးမယ်လို့ ပြောရင် လွန်ရာကျမယ် မထင်မိပါဘူး။

Review by-Shanu Poudel
-------
(လေးစားစွာ crdပေးပါသည်)📖🙏
--------

စာအုပ်ကိုနှစ်သက် သဘောကျလို့ မှာယူလိုပါက page cbတွင် မှာယူနိုင်ပါတယ်ရှင်🌿

(စာအုပ်တိုက်မှ အကြိမ်ကြိမ် ရိုက်နှိပ့်နေရတဲ့ ရောင်းအားကောင်းစာအုပ်ဖြစ်ပါတယ်)❤📖

(Photo crd)💌

#မှာယူနိုင်ပါတယ်

20/05/2026

အနာဂတ် ကမ္ဘာကြီးဟာ ပြိုင်ဆိုင်မှုတွေ သိပ်ကို ပြင်းထန်လွန်းပါတယ်။ ဒီအတွက် အဲဒီကမ္ဘာကြီးမှာ ဆက်လက်ရှင်သန်မယ့် လူငယ်တွေအနေနဲ့ မိမိကိုယ်ကို အကောင်းဆုံးဖြစ်အောင်ပြင်ဆင်မွမ်းမံထားဖို့ လိုပါတယ်။ ဒါမှသာ တစ်ဟုန်ထိုးတိုးတက်နေတဲ့ ခေတ်ရေစီးနဲ့အတူ SMART ရှိရှိ အောင်မြင်တိုးတက်သွားမှာ ဖြစ်ပါတယ်။ ဆိုတော့ လူငယ်တွေအနေနဲ့ မိမိဘဝကို ဘယ်လိုဖြစ်စေချင်သလဲ၊ စစ်မှန်တဲ့ အောင်မြင်မှုဆိုတာကရော ဘာဖြစ်မလဲ၊ လူငယ်တွေအနေနဲ့ မိမိဘဝကို ဘယ်လိုတည်ဆောက်ယူမလဲ၊ မိမိကိုယ်ကို အစဥ်သုံးသပ်ပြီး ဘယ်လိုထိန်းကျောင်းမလဲ၊ ကိုယ့်ဘဝကို အကောင်းဆုံးတည်ဆောက်တဲ့အခါ ပတ်ဝန်းကျင်ရဲ့ ရှုမြင်ပုံတွေကို အလေးထားသင့်၊ မထားသင့် စတဲ့ မေးခွန်းတွေကလူငယ်တွေကို မသိမသာ လမ်းပျောက်စေတဲ့အတားအဆီးတွေပါပဲ။

ဒီစာအုပ်ကို မိမိကိုယ်ပိုင် ဘဝတစ်ခုကို တည်ဆောက်ချင်တဲ့ လူငယ်တွေ ကိုယ်တိုင်ဖတ်နိုင်သလို၊ မိမိသားသမီးတွေကို လက်ဆင့်ကမ်းချင်တဲ့ လူကြီးတွေအနေနဲ့လည်း ဖတ်သင့်ပါတယ်။

#လူတိုင်းကြိုက်ဖို့မလိုဘူး
#ညီညီဈာန်
#စာအုပ်စာပေလူ့မိတ်ဆွေ 📖📚
7000ks
စာအုပ်တွေဖတ်ရတာနှစ်သက်သဘောကျရင် cbမှာ မေးမြန်းနိုင်ပါသည်ထိုင်းနိုင်ငံဘယ်နေရာမဆို ပို့ဆောင်ပေးပါသည်

18/05/2026

သင်ဟာ အချစ်ခံရဖို့ တကယ်ထိုက်တန်တဲ့ လူသားလေး ဖြစ်ကြောင်း ဒီစာစုလေးနဲ့ အသိပေးပါရစေ...။

'ငါအဆင်ပြေတယ်၊ ငါကချစ်စရာလေးပါ၊ ငါက အချစ်ခံ ရဖို့ ထိုက်တန်ပါတယ်”လို့ ကိုယ့်ကိုယ်ကိုယ် ယုံကြည်ပေးပါ။ ကိုယ့် ကိုယ်ကိုယ် ချစ်တဲ့စိတ်လေး ထားပေးပါနော်။

ဒီလောကကြီးက သာယာလှပတယ်လို့ထင်ရင် လှပမှုတွေက သင့်ဆီရောက်လာမယ်။ ငါဟာ အချစ်ခံရဖို့ထိုက်တန်တယ်လို့ သင် ထင်ရင် သင့်ကို တကယ်ချစ်မယ့်သူ ပေါ်လာပါလိမ့်မယ်။

ပိုကောင်းတဲ့ကိုယ်ဖြစ်အောင်နေနော်။ အလုပ်တွေလည်း ပို ကြိုးစား။ မိသားစုကို ပိုမိုကောင်းမွန်တဲ့ဘဝလေးရအောင် ဖန်တီးပေး။ ကိုယ့်ကိုယ်ကိုယ် ပိုချစ်ရမယ်။ ကိုယ့်ကိုယ်ကိုယ်ချစ်မှ ကိုယ့်ကိုချစ်တဲ့ တခြားသူတွေ ရှိလာမှာပါ။ ကိုယ့်ကိုယ်ကိုယ်တန်ဖိုးထားမှ ကိုယ့်ကို တန်ဖိုးထားတဲ့လူတွေဆိုတာလည်း ရှိလာမှာပါ။

ကိုယ့်တန်ဖိုးကို ကိုယ်ကိုယ်တိုင်ကပဲ မြှင့်ရမှာမို့ တန်ဖိုးရှိတဲ့ လူတစ်ယောက်ဖြစ်အောင် ဆက်ကြိုးစားသွားရအောင်နော်။

သင့်ကိုယ်သင် အရည်အချင်းရှိအောင်၊ Personal Brand ကို တည်ဆောက်နိုင်အောင်၊ အများရဲ့အဖိုးတန်လေးဖြစ်အောင်ကြိုးစားဖို့ မမေ့ရဘူး။ ကိုယ့် Version ကို မြှင့်တင်ဖို့ လိုမယ်နော်။

သင်ဟာ အဖိုးတန်လေးမို့ တစ်နေ့နေ့မှာ သင့်ကိုတန်ဖိုးထား သူတွေ၊ ချစ်ခင်ကြသူတွေရှိတဲ့ အဝန်းအဝိုင်းလေးထဲ ရောက်ရှိသွားပါ လိမ့်မယ်။

အခုကတည်းက စတင်ပြီး အကောင်းဆုံး ကြိုးစားပြင်ဆင် ကြရအောင်နော်။

#စာဖတ်သူ
#ကိုယ်ရဲဲ့အဖိုးတန်ကမ္ဘာလေး
#တိမ်သွေးအိမ်

17/05/2026

တပင်ရွှေထီး၏ ရာဇဝင်သည် မြန်မာအမျိုးသားတို့ ကြီးပွါးသောခေတ်၏အလယ်ဗဟိုတွင် တည်လျက်ရှိသောကြောင့် ဤ တပင်ရွှေထီး၏အဖြစ်အပျက်များကို “ရာဇဝင်သည်းခြေ”ဟူ၍ပင် ဆိုထိုက်လေသည်။
ဤဝတ္ထုကို ရေးသားသော ဆရာ၏ တာဝန်မှာလည်း ရာဇဝင် အမျိုးမျိုးကို မွှေနှောက် ချောက်ခြား၍ ဆင်တပ်၊ မြင်းတပ်၊ ခြေလျှင်တပ်၊ အစရှိသော သေနင်္ဂဗျူဟာ အမျိုးမျိုးနှင့် ရှေးအခါက မြန်မာတို့ အရေးယူလျက်ရှိသော စစ်ချီစစ်တက်နှင့်လက်နက် အခြေအနေများကို သိကျွမ်းနားလည်နိုင်ရန် ဖြစ်လေသောကြောင့် “ရာဇဝင်သည်းခြေ” ခေါ်ထိုက်သော ဤတပင် ရွှေထီး ဝတ္ထုကြီးကို ရေးရသည်မှာ လွယ်ကူသော တာဝန်မဟုတ်ချေ။
တပင်ရွှေထီးသည် နုနယ်ပျိုမျစ်သော ခေတ်အတွင်းကပင်လျှင် ဘုရင်မင်းအဖြစ်သို့ရောက်၍ ဘုန်းတန်ခိုးအာဏာ လွန်စွာ ကြီးမားခဲ့လေရာ နောင်သောအခါ အမျိုးမြင့်မြတ်ခြင်း တည်းဟူ သော ဇာတိမဟတ္တမာန်၊ နိုင်ငံကိုလွှမ်းမိုး၍ အစိုးရခြင်းတည်းဟူသော ဣဿရိယ မဟတ္တမာန်၊ မင်းစည်းစိမ် မင်းကျက်သရေ ကြီးမားခြင်းတည်းဟူသော သီရိဘောဂမဟတ္တမာန်၊ ဤသို့စသော မာန်အမျိုးမျိုးတို့ဖြင့် ပွါးတိုးလွှမ်းခြုံခြင်းခံရသဖြင့် မိမိ၏ရာဇကျက်သရေကို တည်တံ့အောင် မစောင့်စည်းနိုင်ဘဲ၊ စိတ်ထင်တော်မူသည့် အတိုင်း ကျင့်ကြံ လိုက်စား၍ ယွင်းမှား ချွတ်ချော် သော အမှားတော်ပုံများကိုလည်း ထင်ရှားစွာ ဖော်ပြရပေလိမ့်မည်။
ဘုန်း၊ တန်ခိုး၊ အာဏာလွန်စွာကြီးမားသောဘုရင်တဆူ ဖြစ်တော်မူသည့်အတိုင်း အနောက် ဥရောပနိုင်ငံသို့တိုင်အောင် သတင်းတော်ကျော်ကြားသဖြင့် ဥရောပ တိုက်သားတို့ ခစားခိုလှုံရန် လာရောက်ကြပုံ၊ တပင်ရွှေထီးသည် ဗုဒ္ဓဘာသာအမျိုးအနွယ်တို့နှင့် အလေ့ အယူ အကျင့်ဝါဒ မတူသော ဥရောပတိုက်သားတို့နှင့် ပေါင်းသင်းတော်မူပုံ၊ မြန်မာဘုရင်တို့၏ အရိုးအစဉ်အလေ့ ဝါဒများကိုပင် မနှစ်သက်ဟန်နှင့် ပယ်ရှား၍ ဥရောပတိုက်သားတို့၏ အမူအလေ့များကို လိုက် စားတော်မူပုံ၊ ထိုသို့ “နိုင်ငံခြားသားတို့၏ အမူအလေ့များကို လိုက်စားသဖြင့် အဆုံးတိုင် မှား ယွင်းပျက်စီးတော်မူရပုံများကိုလည်း မှန်သောအတိုင်း ရေးသားဖော်ပြရမည်ဖြစ်ရာ၊ယခုခေတ် အခါ မြန်မာတိုင်းသူ့ တိုင်းသားတို့သည် နိုင်ငံခြားသား တို့၏ အမူ အလေ့များကို လိုက်စား ကြရာ မည်ကဲ့သို့သော အလေ့ဝါသနာများ ဖြစ်ပွါးပျံ့နှံ့ ကြောင်းများကိုလည်း ကောင်းစွာ ဆင်ခြင်နိုင်ကြရန် ဖြစ်ပေသည်။
ဤကဲ့သို့သော အချက်ပေါင်း များစွာ စုံလင်၍ အသိအလိမ္မာတိုးပွါးလျက် ဗဟုသုတ အင်အား ကြီးမား ဖြစ်ထွန်းကြောင်း တပင်ရွှေထီးဝတ္ထုတော်ကြီးကို “ရာဇဝင်မျက်မှန်၊ ဗဟု သုတမျက်မှန်၊ ကဗျာမျက်မှန်၊ မျိုးရိုးဇာတိမျက်မှန်’များကို အဆင်သင့် တပ်ထားကြပြီးလျှင် အစဉ်အတိုင်း ကြည့်ရှု မှတ်သားနိုင်ကြစေကုန်သတည်း။

လယ်တီပဏ္ဍိတ- ဆရာ ဦးမောင်ကြီး၊

■ တပင်ရွှေထီး ဝတ္ထုတော်ကြီး (လေးတွဲပေါင်းခန့်ချုပ်)
■ လယ်တီပဏ္ဍိတဦးမောင်ကြီး(အမ်အေ)
■ တန်ဖိုး/ ၃၅၀၀၀ကျပ်
■ စာမျက်နှာ - ၆၄၅

#ဒဏ္ဍာရီစာအုပ်ဆိုင်

#တပင်ရွှေထီးဝတ္ထုတော်ကြီး

16/05/2026

ဒီနေ့ ကျွန်တော်တို့ရင်ဆိုင်နေရတဲ့ စိန်ခေါ်မှုတွေကို ဘယ်လိုအကောင်းဆုံးကိုင်တွယ်ဆောင်ရွက်ရမယ်ဆိုတာကို လွန်ခဲ့တဲ့နှစ်ပေါင်း ၂၅ဝဝ ကျော်ကတည်းက ဗုဒ္ဓကဖော်ထုတ်ပေးထားခဲ့ပါတယ်။ လူသားရဲ့စိတ်ဖိစီးမှု၊ စိုးရိမ်ကြောင့်ကြမှုနဲ့ဆင်းရဲဒုက္ခတွေဟာ ဘာမှအသစ်အဆန်းမဟုတ်ဘူးဆိုတာကို ဗုဒ္ဓရဲ့သင်ကြားမှုတွေကပြနေပါတယ်။

ကစဉ့်ကလျားဖြစ်နေတဲ့ကမ္ဘာတစ်ခုမှာ လက်တွေ့ကျပြီး လိုက်လုပ်ဖို့လွယ်ကူတဲ့ဘဝနေနည်းတွနဲ့ တည်ငြိမ်ပြီးကျေနပ်ရောင့်ရဲသွားအောင်ဘယ်လိုလုပ်မလဲဆိုတဲ့ ဒီစာအုပ်ဟာ သင့်ကိုယ်သင် ပိုပြီး တည်ငြိမ်ပျော်ရွှင်ပြီး သောကကင်းတဲ့ ပုံစံအဖြစ်ကိုပြောင်းလဲသွားအောင် ဖန်တီးပေးပါလိမ့်မယ်။

သင့်ရဲ့စိတ်ကိုငြိမ်သက်အောင်လုပ်ဖို့၊ ပိုပြီးအေးချမ်းတဲ့နေထိုင်စရာပတ်ဝန်းကျင်တွေကိုဖန်တီးဖို့နဲ့ အကောင်းဆုံးအနေအထားနဲ့သင်အလုပ်လုပ်နိုင်အောင် သင့်ကိုကူညီဖို့ လိုအပ်တဲ့တည်ငြိမ်မှုနဲ့ တင်းတိမ်ရောင့်ရဲမှုကိုရှာဖွေတွေ့ရှိအောင် ဗုဒ္ဓပေးတဲ့ဘဝနေနည်းတွေက သင့်ကိုကူညီမှာဖြစ်ပါတယ်။

#ဗုဒ္ဓပေးသောဘဝနေနည်းများ

#ဇော်ဝင်းကြူ
21000ks

မှာယူအားပေးနိုင်ပါတယ်ရှင်🥰

Shwe Shwe Book Shop

11/06/2026

24/05/2026

23/05/2026

22/05/2026

21/05/2026

21/05/2026

20/05/2026

18/05/2026

17/05/2026

16/05/2026

Address

Telephone

Website

Alerts

Shortcuts

Share

Category