10/11/2023
သိသူဖော်စား မသိသူကျော်သွား ၊ သက်ကြီးစကား သက်ငယ်ကြား
🔹️🔹️🔹️🔹️🔹️🔹️🔹️🔹️🔹️🔹️🔹️🔹️🔹️🔹️🔹️🔹️🔹️🔹️
ရှင်းနဲ့ငချိတ်တုံးနိုင်
ပြည်တန်ကျောက်ကို… ကိုင်
ပိန်းဥနဲ့အသား
ကိုင်လိုက်ရင် ကြွေကာကျပါစေ့
အရည်နေရာအသားနပ်လို့က
တသက်ထိုင်စား…
ရှင်းပါမှာ မကြောက်နဲ့
ရဲရဲ သာကိုင်
ဝင်စမ်းပါစေ ရှင်းတုံး
အရည်သာခိုရင်က
ဒီနေရာတခါဖြတ်မယ်
ပြည်တန်တဲ့ … မြအလား
ငချိတ်မှာ အရည်ကူး
တယ်မြူးတဲ့အရည်
အဝါသန်အရည်ထူးရင်က
ဒီတခါ ဆယ်ခါလှူလိုက်မယ်
ကုန်ဘူးကွဲ့ ထိုင်စား ။
ရှင်းပျော့ပျော့ဖြူဖြူ
နယ်လိုက်တဲ့အတုံး
အစက်တာတည်ဖေါက်ရင်က
အောက်ထိုင်ကာသူခိုထားလိုက်ရင်
အရည်က … အတုံး။
အရည်က လှချက်
ဗျိုင်းဖြူဖြူချေးကပါ
စိတ်ပျက်လိုက်တာ
အဖျက်တာထင်ရင်က
ပြစ်ဆိုကာသူဝယ်ဖြတ်လိုက်မယ်
တသက်အမှား ။
တောက်တောက်နဲ့မီးထိုး
ပေါက်အားဘဲ လိုက်ကိုင်
အမြင်ကိုလုပ်တာလုပ်စား
ဒီပညာကျော်ရင်က
ဘယ်ခါမှာသူချမ်းသာမယ်
မွဲမယ့်လူသား။
အောက်ချေကို အပိုင်လိုက်
မျိုးတန်းကပိုင်
ရမ်းအထိုင်သိရင်က
နင်မငယ်မျက်နှာ
လက်မှိုင်ကာတန်ကြေးပေးလိမ့်မယ်
မြောက်ဘက်ကလူသား။
အာဂုဏ်ဆောင်ထားတဲ့ ရှေးဆရာတွေရဲ့နည်းနာလေးပါ။
.......................................
အိုဘယ့် ပညာသင်မိတ်ဆွေ
"ချော်"
ထူ၊ပါး၊စီး၊ကပ်၊ကျပ်သည်တလီ
အကာဖြူနှင့်
အခေါ်ကွဲပြားအမျိုးများစွာ
ရှိသည်မသွေ မှော်နယ်မြေ၌။
စီး၊ကပ်၊တမူ အကာဖြူက
ဆန်းမည်အသား ခါးတန်းအထက်
မှတ်လေအဆွေ မျိုးကောင်းပေ
တဖန်ကွဲပြား ချော်ပါးအထူ
နှိုင်းယှဉ် ချိန်ဆ ဝယ်တတ်မှသာ
ရွလျင်အသား ခါးနှင့်ခါးသန်
ကျပ်လျင်မသွေ အောက်ကျပေတတ်
ချော်၏သဘော ဉာဏ်မနှောက
မှားတတ်လှစွာ ချော်ကပ် ချော်ကျပ်
ခြောက်သွေ့တမျိုးအရောင်ဆိုးက
မျိုးတန်းမမှန် မဟန် အသား
အဖြစ်များသည်
မှတ်ကြပါလေ ချစ်မိတ်ဆွေတို့။
............................
အသက်၆၀နီးပါး
အိုးဆားဗစ်ကြီးတစ်ယောက်ပြောတဲ့
ကျောက်နဲ့ပက်သက်သမျှ
မှတ်မိသလောက်လေးပါ။
၁။ ကုမ္ပဏီသမားနေနေ
မြေစာပုံရှာရောင်းသမားနေနေ
တန်ပြတ်ဝယ်ရောင်းသမားနေနေ
ဆေးရောင်းသမားနေနေ
ဝယ်ရောင်းနေနေ
ကျောက်သမားတိုင်း ကျောက်အောင်ချင်ကြတာကို
မေ့မထားပါနဲ့တဲ့။
၂။ ရေမဆေးဝယ်ဆေးပြီး
ဖြတ်တဲ့သူတွေအောင်နိုင်တဲ့ကျောက်က
အကာမျိုးပဲတဲ့။
၃။ မှော်ဝမ်းလေးနဲ့ မှော်ဝမ်းကြီးကျောက်တွေဟာ
အရေပျော်သလို
အရေလို့ထင်ရတဲ့ မောက်လည်းပျော်တယ်တဲ့။
၄။ မှော်စီဆာကျောက်မှာ
ဒုက္ခအပေးဆုံးက ယမ်းဆော့တာပဲတဲ့။
၅။ ဝေခါကျောက်မှာ
ဒုက္ခအပေးဆုံးက မျိုးရောတတ်တာပဲတဲ့။
၆။ ခန္တီးကျောက်တွေမှာ
ဒုက္ခအပေးဆုံးက
အနာနဲ့အသားလျော့ အဆံထောက်တာပဲတဲ့။
၇။ ကျောက်ကြီးဖြတ်သားတွေမှာ
အသားလျော့ပေမဲ့
အရေကြိုးနေရာ အသားနပ်တတ်တယ်တဲ့။
၈။ အမဲကြော အကျွတ်တွေက
များသောအားဖြင့် အပြင်လက္ခဏာထက်
အတွင်းကျွတ်များတယ်တဲ့။
၉။ ကာလာဆိုရင် မီးထိုးရင်
ကျောက်အရောင်က အပြာဘက်မသိမသာရောက်နေပြီး
အရေဆိုရင်
မသိမသာ အဝါဘက်ရောက်တယ်တဲ့ (မီးအဝါ)
၁၀။ အရေမှာ ဝေခါနဲ့ငချိပ်
အသားမှာ
မှော်စီဆာနဲ့တာမခံတဲ့။
၁၁။ အခွံတုအခွံပြင်တွေ
အများဆုံးက
အခွံဖြူနဲ့ အခွံဝါတွေပိုများတယ်တဲ့။
၁၂။ ၂ကျပ်သားနဲ့
သိန်း၁ထောင်ကျော်တဲ့ကျောက် သူမြင်ဘူးတယ်တဲ့။
(2002 2005 ဝန်းကျင်တုန်းက)
၁၃။ ကျောက်တစ်တုံးမှာ
အကောင်းဆုံးအသား
အကောင်းဆုံးအရေနေရာကို
အပွင့်ကောင်းထုတ်ပါတဲ့။
ဘေးပုတ်စကိုမနှမြောပါနဲ့တဲ့။
၁၄။ မမြင်မထင်လုပ်ရင်
ရေမဆေးလုပ်
အမြင်အထင်လုပ်ရင်
အပွင့် လက်ကောက်လုပ်တဲ့။
၁၅။ ဖြတ်သားလုပ်ရင်
အန်ပီုရီယံအကျထက်
မှော်ထဲက ကုမ္ပဏီတွေ ဖြတ်ပြီး
ပုံထားတဲ့အပုံကို
ပိုဝယ်သင့်တယ်တဲ့။
သတိရသလောက် မှတ်မိသလောက်လေး အဆင်ပြေအောင်ပြန်မျှပေးတာပါ။ ပြောတာကတော့အများကြီးပဲ သူ့အာဘော်ပါ။
မူရင်း ရေးသားသူများအား လေးစားစွာ credit ပေးပါသည်။
