03/01/2025
☘️အရိုးပြုတ်ရည်လုပ်နည်း
ခနခန လာမေးကြလို့ ထွေး အိမ်မှာလုပ်တဲ့ နည်းလေးတင်ပေးလိုက်ပါတယ်ရှင့်
ကြက်ရိုးရော ဆိတ်ချဉ်ဆီရိုးရော ၂ မျိုးလုံး ထည့်ပါတယ် (ကြိုက်နှစ်သက်ရာအရိုးထည့်နိုင်ပါတယ်)
၂ မျိုးပေါင်း အရိုး တပိသာလောက်ရှိမယ် (၂ ပတ်စာလောက်ရပါတယ် အရမ်းပျစ်နေရင် နွှေးတဲ့အချိန် ရေရောပြီးနွှေးလိုက်ပါ)
ဂျင်း ကြက်သွန်ဖြူ ထုပြီး ထည့်ပါတယ် စပါးလင်ထည့်လဲရပါတယ်ရှင့် ( အိမ်မှာ ရှိတာပဲထည့်လိုက်ရလို့ပါရှင့်) ကြက်သွန်နီ အနေတော် ၂ လုံးစိတ်ထည့်ပါတယ်
မုန်လာဥနီ / အဖြူ တလုံးစီထည့်ပါတယ် ပန်းရောင်ဆား ထည့်ပါတယ်
တည်မဲ့အိူးထဲ ထည့်ပြီး ရေအိုးတဝက်ကျော်ကျော်ထည့်ပါတယ် ပန်းသီးရှာလကာရည် ထမင်းစားဇွန်း ၄ ဇွန်း ထည့်ပါတယ် (အရိုးထဲက အာနိသင်ပိုထွက်အောင်ပါ)
ပထမဆုံးမီးပြင်းပြင်းနဲ့တည်ပါတယ် အပေါ်ကထွက်လာတဲ့ အမြှုပ် အမဲတွေခပ်ထုတ်လိုက်ပါရှင့် ပြီးရင် မီးအေးအေးနဲ့ တည်ထားပါတယ် အနည်းဆုံး ၅ နာရီတော့ တည်ပေးပါ အချိန် ကြာလေကောင်းလေပါ
ထွေးကတော့ အချိန် ၇ နာရီလောက် ကြာအောင်တည်ထားပါတယ် ရလာတဲ့အရိုးပြုတ်ရည်ကို ဇကာနဲ့ အရိုးတွေစစ်လိုက်ပါတယ် ရှင့်
ထွက်လာတဲ့အဆီတွေကိုတော့ အပေါ်ယံအမှေးပါးပါးလောက်ပဲ နဲနဲ ခပ်ထုတ်လိုက်ပါတယ်ရှင့်
သိမ်းမဲ့ဘူးထဲထည့်အအေးခံပြီး ရေခဲသေတ္တာထဲ ထည့်သိမ်းလိုက်ပါတယ်ရှင့် အခဲကန့်ထဲ ထည့်သိမ်းထားပြီး သောက်မဲ့တခွက်စာကို အပူပေးပြီး နံနံပင်ထည့် သံပုရာရည် ညှစ်ပြီး တခွက်သောက်ပါတယ်ရှင့် မနက် နေ့လည် အဆင်ပြေတဲ့အချိန် သောက်လို့ရပါတယ်ရှင့်
ဖယ်ထားတဲ့အရ်ုးတွေကို နောက်တခါပြုတ်တဲ့အထဲ ပြန်ထည့်ပြုတ်လို့ရပါတယ်ရှင့် ရေခဲသေတ္တာထဲ ထည့်ပြီး ခဲထားပါတယ်ရှင့်
ထွေး အိမ်မှာလုပ်တဲ့ လုပ်နည်းမလို့ အမြင်မတူတာရှိရင် ပြောပြပေးပါရှင့်
( အိုးထဲကအရိုးတွေက အရင်ရက်ကပြုတ်ထားတာပါ ပြန်ထည့်သုံးထားတာပါရှင့်)
Htwe Htwe
#အရိုးပြုတ်ရည်
