12/03/2023
ဒုံးထည် သို့မဟုတ် ဒုံး ရွှေ အကြောင်းသိကောင်းစရာ
အားလုံးလည်း ဗဟုသုတရအောင်
ဒုံးထည်အကြောင်းလေးရေးလိုက်ပါတယ်နော်
ဒုံးထည်ဆိုတာ ဘာလဲ သိပါသလား
ဒုံးထည်ရောင်းနည်း လေးနည်းကို မျှဝေပေးချင်ပါတယ်
(1)အရင်းအနှီးမလုံလောက်သဖြင့် ဖြစ်လာသောဒုံးထည်
အရင်းအနှီးမလုံလောက်ဘဲနဲ့ ရွှေဆိုင်ဖွင့်မိတဲ့အခါ
မိမိရောင်းထားတဲ့အထည်တွေ
ပြန်လာရောင်းတဲ့ဝယ်စရာငွေ မလုံလောက်ဘူး
ဖြစ်ကုန်တယ် အဲ့အချိန်မှာ အထည်အဟောင်းလေးတွေကို
ဆိုင်ပေါ်ပြန်မတင်ဘဲ ရပ်ကွက်ထဲ နီးစပ် ရာ
လူကို အလျော့တွက်လက်ခ မယူဘဲ ရွှေချိန်အရှိကို
စျေးနဲ့မြှောက် ပြန်တွက်ရောင်းပေးတဲ့အထည်ကို
ဒုံးထည်လို့ခေါ်ပါတယ် ရွှေရည်ကတော့ အပြည့်ပေါ့
အလျော့တွက်လက်ခ မပေးရဘူး ဒါမျိုးကို
အရင်းအနှီးမလုံလောက်တဲ့ ရွှေဆိုင်တွေ ပန်းထိမ်တွေမှာ
ရနိုင်ပါတယ် ရွှေပေါင်ပြီး လာမရွေးတဲ့ အခါ လည်း
လာမရွေးတဲ့ အထည်တွေကို ဒုံးထည်အဖြစ်ပြန်ရောင်းတဲ့
ဒုံးထည်ကို အပေါင်ဆိုင်တွေမှာလည်းရနိုင်ပါတယ်
(2)ရွှေရည်ညံ့သောဒုံးထည်
ပုံမှန် 15ပဲရည် 14ပဲရည် ထက်ညံ့သော
11ပဲရည် အဆင့်လောက် 12ပဲရည်အဆင့်လောက်ကို
ဂဟေတွေ အရမ်းထည့်ပြီး လက်ခ လေး ငါးထောင်
1သောင်းနဲ့ လုပ်ထားတဲ့ အရည်မပြည့်အထည်တွေကို
လုံးဝပြန်မသိမ်းဘဲ ရောင်းချပေးတဲ့အထည်အမျိုးအစားပါ
ဒီနေရာမှာ အဲ့ဒါဆို ဘယ်ကအမြတ်ယူလဲဆိုရင်
ရွှေရည်ပေါ်ကစားတာပါ
15ပဲရည်ကို 11ပဲရည်စပ် ထားပြီးလိမ်ရောင်းတော့
တစ်ကျပ်သား 4ပဲမြတ်တာပေါ့ ဒီအမြတ်ထဲကနေ
အထည်တစ်ခုချင်းစီပေါ်က ဂဟေနဲ့ ပြန်စားတဲ့သဘောပါပဲ
ဒီလိုအထည်တွေကို မန်းလေး တောင်ကြီးဘက်မှ တွေ့နိုင်ပါတယ်
လက်ခလေးပဲယူပြီး ပြန်မသိမ်းပေးဘူး
ဒီတိုင်းကြည့်ရင်အလျော့မပေးရတော့ စျေးသက်သာတာပေါ့
ပုံမှန်ကျောက်နားကပ်တစ်ရံ 1သိန်းခွဲလောက်ပေးရချိန်
အရည်ညံ့ဂဟေများကျောက်နားကပ်တရံကတော့
8သောင်းလောက်နဲ့ ရနေတာမျိုးပေါ့
ဝယ်သူက ဝယ်တုနိးတော့ သက်သာတယ်ထင်မယ်
ကြာလေ နစ်နာလေပေါ့ ဂဟေတွေကြောင့် လှော်လိုက်ရင်
ရှုံးကုန်မှာမို့ သူတို့ကပြန်မသိမ်းတော့တာပါ
(3)အတိုးနှုန်းရရင်ပြီးရောရောင်းတဲ့ ဒုံးထည်
ဒါကတော့ မန်းလေးရန်ကုန် တစ်နိုင်ငံလုံးနေရာအနှံမှာ
ရှိနေပြီး အရမ်းခေတ်စားနေတဲ့ ရောင်းချနည်းပါ
အလျော့တွက်လက်ခ တွက်မပြဘဲ %ရှုံးနဲ့ရောင်းကြတာပါ
ရွှေထည်တွေမှာ
တွေ့နိုင်ပါတယ်
ဥပမာ
အပြီးရောင်းရင် 15%
ပြန်လဲရင်ပစ္စည်းမပျက်စီးပါက 5%သားနုတ်မည်
ပျက်စီးပြီးသားလဲပါက 15%
ဆိုတာမျိုးပါ
အထည်ရဲ့တကယ်ကျသင့်တဲ့ ရွှေတန်ဖိုးနှင့်အလျော့တွက်
လက်ခက 3သိန်းကျတယ်ဆိုပါစို့
သူတို့ရောင်းရင် ငါးသိန်းလို့ ပထမ ပြောလိုက်တယ်
Customer ကလျော့ပါဦး
4သိန်းထားလိုက် ဆစ်လာရင်
မရဘူး 4ခွဲနဲ့ပေးလိုက်မယ်ဆိုပြီး
အလျော့တွက်လက်ခကြောင်းမပြောဘဲ
ဆိုစျေး ဆစ်စျေးနဲ့ ဒုံးရောင်းတာပါ
သူတကယ်အပြင်မှာအလျော့တွက်နဲ့လုပ်ရင်
3သိန်းပဲ customer ကကျမယ်
ဒါပေမယ့် ဒုံးဆိုင်မှာ လေးသိန်းခွဲပေးရတယ်
တစ်သိန်းခွဲပိုယူလိုက်တယ်
ရွှေရည်ကျ 13ပဲနဲ့ခတ်တယ်
Customer က။ လေးသိန်းခွဲနဲ့ဝယ်သွားပြီး
တစ်ပတ်နေတော့နောက်တစ်မျိုးနဲ့ လဲတယ်
အထည်မပျက်တော့ 5%ရှုံးပဲဆိုတော့
လေးသိန်းခွဲမှာ 22500ပဲရှုံးတော့ သူတို့ကတန်တယ်
အရှုံးသက်သာတယ်ဆိုကြိုက်ကြတာပေါ့
ဆိုင်အနေနဲ့ကလည်း သိန်းတစ်ရာကို ဘဏ်အတိုးပေးမှ
တစ်ကျပ်တိုးနဲ့တွက်မှ တစ်သိန်းရတာ
လေးသိန်းခွဲပေါ်က တစ်ပတ် တစ်လနဲ့ နှစ်သောင်းကျော်ရသလို
သုံးသိန်းတန်ကိုလေးသိန်းခွဲနဲ့ရောင်းထားတော့
သူပြန်မရောင်းမချင်းက တစ်သိန်းခွဲ အတိုးမပေးရဘဲ
အလကားသုံးရသေးတယ်လေ
သို့သော်
မကြာခဏလဲတဲ့သူအတွက်ကတော့တန်ပါတယ်
ကဲစုဆောင်းသူအနေနဲ့ဆိုရင်တော့ သိပ်အဆင်မပြေပါ
သုံးသိန်းတန်တဲ့ ပစ္စည်းကို တစ်သိန်းခွဲပိုပေးပြီး ဝယ်ခဲ့ရတယ်
အလျော့တွက်လက်ခမပါဘူးထင်နေရှာတယ်
နှစ်ကြာတော့ပြန်သွင်းတော့လည်း တက်စျေးမရဘူး
%ရှုံးပဲဆိုတော့ နှစ်နာတယ်
နှစ်ကြာကြာစုမယ့်သူအနေနဲ့ကတော့ အလျော့တွက်ရှုံးဆိုင်
အရည်မှန် စျေးမှန် အတက်အကျပေးတဲ့ဆိုင်မှာလုပ်သင့်ပါတယ်
ဒါမှ 13စျေးကနေ 28ဖြစ်လည်း အမြတ်တွေရမှာဖြစ်ပါတယ်
(4)အရည်မှန် အလျော့တွက်နဲ့တွက်ပြီး %ရှုံးရောင်းတဲ့ဆိုင်
ရွှေရည်အမှန်စပ်တယ် အလျော့တွက်အမှန်ယူတယ် ဒါပေမယ့် ရောင်းတဲ့အခါ စျေးအတက်အကျမရှိဘူး
ဘောက်ချာထဲကကျသင့်ငွေအမောက်ပေါ်က %နဲ့ရှုံးတာမျိုးပေါ့ ဒါမျိုးဆိုင်ကျ ငွေပမာဏများများဝယ်ရင်မကိုက်တော့သလို ရည်ရှည်စုမယ်ဆိုလည်း တက်စျေးမပေးလို့
အဆင်မပြေပါ ငွေနည်းနည်းနဲ့ ပါးပါးလေးတွေ ဆိုရင်တော့
လုပ်သင့်ပါတယ် 10သိန်းအောက်အထည်ပဲလုပ်သင့်တယ်
ကဲဒီလောက်ဆိုရင် ဒုံးရွှေဆိုတာကိုနားလည်မယ်ထင်ပါတယ်
အားလုံးလည်း ဗဟုသုတတိုးပွါးစေချင်လို့ အပြုသဘောနဲ့ရေးတာဖြစ်ပါတယ်နော်❤️❤️
ကဲဒါလေးဖတ်ပြီး သဘောကျတယ်ဆို တစ်ခုခုပြောခဲ့ပေးနော်
by shwe ei
#ကူးယူခွင့်မပြုပါ
#လွတ်လပ်စွာ sharing နိုင်ပါသည်
