21/05/2023
ဝက်သားအချိုနှပ်
ချက်နည်း
ဝက်သား ၇၀ သါးအနေတော်တုံးထားပါ၊
ပဲငံပြာရည်အကြည် ထမင်းစားဇွန်း ၇ ဇွန်း၊
ပဲငံပြာရည်အနောက် ထမင်းစားဇွန်း ၂ ဇွန်း၊
ဆား ထမင်းစားဇွန်းတစ်ဝက်၊
သကြား ထမင်းစားဇွန်းတစ်ဝက်၊
ဟင်းခတ်မှုန့်/အချိုမှုန့် လက်ဖက်စားဇွန်း ၁ ဇွန်း
ထည့်ပြီးအားလုံးသမအောင်နယ်ထားပြီး နာရီဝက်ခန့်နှပ်ထားပါ။
ကြက်သွန်ဖြူ ၃ လုံး၊ဂျင်း လက်နှစ်ဆစ်စာထောင်းပါ။
ဒယ်အိုးတည် ဆီ ထမင်းစားဇွန်း ၇ ဇွန်းခန့်ထည့်ပါ ပူလျင်
ဂျင်း၊ကြက်သွန်ဖြူထောင်းပြီးသားထည့်ပါ။
အနီရောင်သန်းပြီးမွှေးလာပြီဆို နယ်ထားတဲ့ဝက်သားတွေထည့်ပါ။
ထည့်ထားတဲ့အရသာတွေစိမ့်ဝင်ပြီး ဆီပြန်သည်အထိဆီသတ်ပါ။
ပြီးမှ အသားမြုပ်အောင်ရေထည့်ပြီးအဖုံးအုပ်ချက်ပါ။
ဝက်သားအိုးတည်ထားစဉ် ကြက်သွန်နီအသေးလေးတွေ ၁၀ သါးခန့် အခွံခွာထားပါ။
တစ်ရေခမ်းပြီဆို နောက်တစ်ရေ ဝက်သားအခေါက်အခြေအနေကြည့်ပြီး ရေထပ်ထည့်တည်ပါ။
အခေါက်လဲနူးကာနီးပြီ ရေနည်းနည်းကျန်တဲ့အနေမှာ ကြက်သွန်နီခွာပြီးသားတွေထည့်ပါ။အထက်အောက်နှံ့အောင်မွှေပြီး မီးအေးအေးနှင့်ဆီပြန်သည်အထိဆက်တည်ပါ။
ကြက်သွန်နီလဲအိလာပြီဆို ချလို့ရပါပြီ။
ကြက်သွန်ဖြူကိုလဲ ၃၊၄လုံးခန့် အလုံးလိုက်အပေါ်ဆုံးအခွံကြမ်းခွာထည့်လဲအလွန်စားကောင်းပါတယ်။
ဝက်သားတစ်ရေခမ်းပြီးမှထည့်ပါ။
-ရှီတာကီမှိုနဲ့ဝက်သားအချိုနှပ်
ချက်နည်း
ရှီတာကီမှိုကို မိုးလင်းထဲကရေစိမ်ထားပါ။
( ကျမက ၄ နာရီခန့်ရေစိမ်ထားပါတယ်)
ကြာကြာစိမ်လေ ပွလာပြီး ချက်လျင်နူးလွယ်ပါတယ်။
စိမ်ပြီးသားကိုမှရေဆေးပြီး ထက်ခြမ်း/လေးစိတ် နှစ်သက်သလိုလှီးထားပါ။
ဝက်သားအရသာထည့်တာက အပေါ်ကဝက်သားအချိုနှပ်ထဲထည့်တဲ့
အတိုင်းအတူတူပါပဲ။
ပုဇွန်ခြောက်ပါတာ တစ်မျိုးပဲပိုပါတယ်။
ပုဇွန်ခြောက်ကအကောင်ကြီးဆို ပိုကောင်းပါတယ်။
သေးလျင်ကြေသွားတတ်လို့ပါ။
အနှစ်များများကြိုက်လျင်
ဂျင်း၊ကြက်သွန်ဖြူ ၃လုံး၊ ကြက်သွန်နီ ၂ လုံးထောင်းထည့်ပြီး
လုံးချက်/ဆီသတ် ကြိုက်နှစ်သက်သလိုချက်လို့ရပါတယ်။
(ကျမက ဆား၊အရသာ၊ဂျင်း၊ကြက်သွန်ဖြူ၊ပုဇွန်ခြောက်၊ဆီ အားလုံးထည့်ပြီးလုံးချက်ထားတာပါ)
ချက်ပြီးတစ်ရေခမ်းပြီဆိုမှ အသင့်ပြင်ဆင်ပြီးသားမှိုထည့်ပြီး ရေထပ်ထည့်တည်ပါ။
မှိုလဲနူး၊ဝက်သားလဲနူးပြီဆိုချလို့ရပါပြီ။
မှိုမှာအရသာစုံဝင်ပြီး ဝက်သားထက်ပိုစားကောင်းပါတယ်။
ဝက်သားမစားသူက ကြက်သားနဲ့ရှီတာကီမှိုကို အခုလိုချက်စားလို့ရပါတယ်။
Credit
food
