Soar Seinn

Soar Seinn Contact information, map and directions, contact form, opening hours, services, ratings, photos, videos and announcements from Soar Seinn, Shopping District, Magway.

"ဆေးခြောက်ပင်""Ma*****na"Botanical name-Cannabis sativa.Family: Cannabaceae.အိန္ဒိယနိုင်ငံနှင့် တရုတ်နိုင်ငံတို့တွင် ဆေး...
31/01/2020

"ဆေးခြောက်ပင်"
"Ma*****na"
Botanical name-Cannabis sativa.
Family: Cannabaceae.

အိန္ဒိယနိုင်ငံနှင့် တရုတ်နိုင်ငံတို့တွင် ဆေးခြောက်ပင်ကို လျှော်အတွက်သာမက အရွက်နှင့်အပွင့်များ အတွက်လည်း စိုက်ပျိုးကြသည်။ ဆေးခြောက်ပင်၏ အရွက်နှင့် အခက်နုကလေးများကို အခြောက်လှန်းသောအခါ၊ ဘင်းခေါ် မူးယစ်စေတတ်သည့် ပစ္စည်း တစ်မျိုးကိုရသည်။ ဆေးခြောက်ပင်၏ ပန်းပွင့်ရှိရာအခက်အလက်များကို လက်နှင့်ပွတ်၍ ချေသောအခါ အစေးတမျိုးထွက်လာသည်။ ထိုအစေးကို ဆေးတံသောက်ဆေးနှင့်၎င်း၊ တမာကူးနှင့်၎င်းရော၍ ရှူကြသည်။ ဆေးခြောက်ပင်၏အပွင့်ခြောက် သို့မဟုတ် ပန်းခြောက်ကို ဂံဂျာပြုလုပ်ကြသည်။ ဂံဂျာနှင့် ဘင်းသည် ရှူရှိုက်စား သုံးသူတို့၏ အာရုံကြောကို ထိခိုက် ပျက်စီးစေတတ်သည်။
အပင်ပေါက်ရာဒေသကိုစွဲ၍ ဆေးခြောက်ပင်အမည် အမျိုး မျိုးရှိသည်။ ထင်ရှားသောဆေးခြောက်ပင် သုံးမျိုးမှာ-
အိန္ဒိယဆေးခြောက်၊
အမေရိကန် ဆေးခြောက်နှင့်
အာဖရိက ဆေးခြောက်တို့ဖြစ်သည်။အိန္ဒိယဆေးခြောက်ကို ဗင်္ဂလားဂံဂျာနှင့် ဘုံဘိုင်ဂံဂျာဟူ၍ နှစ်မျိုးခွဲထားသည်။ ဗင်္ဂလား ဂံဂျာကို အိန္ဒိယနိုင်ငံနှင့် အနောက်အိန္ဒိယကျွန်းစုတွင် များစွာ အသုံးပြုကြသည်။ ယင်းကို အများအားဖြင့် ကာလကတ္တားမြို့ မြောက်ပိုင်းနှင့် ဘုံဘိုင်မြို့အရှေ့ပိုင်းတွင် စိုက်ပျိုးသည်။ အမေရိကန်ဆေးခြောက်သည် အိန္ဒိယဆေးခြောက်ကဲ့သို့ အစေးမများလှ ချေ။ ယင်းကို တောင်ပိုင်းနှင့်မြောက်ပိုင်း ကယ်ရိုလီးနား၊ အီလီနွိုင်၊ အင်ဒီယားနား၊ နယူးယော့၊ ဝစ္စကွန်းဆင်း၊ ကင်တပ် ကီး၊ တက်ဆက်နှင့် မိဘူးရီပြည်နယ်တို့မှ တင်ပို့သည်။ အာဖရိကတိုက် အရှေ့ဘက်ကမ်းခြေနှင့် အနောက်ဘက်ကမ်းခြေ အနီးတို့တွင်ပေါက်သော ဆေးခြောက်ပင်မှ အရွက်နှင့် အပွင့် များကိုအများအားဖြင့် ဇန်ဇိဗာမြို့မှတင်ပို့သည်။ ကွန်ဂိုမြစ်နှင့် ဇမ်ဗီဇီမြစ်မှ ရေသွင်းယူရသော အာဖရိကတိုက် အလယ်ပိုင်း ဒေသတွင်ပေါက်သည့် ဆေးခြောက်ပင်မှ အရွက်နှင့် အပွင့်များ ကိုလည်း ဇန်ဇိဗာမှ တင်ပို့သည်။ ဆေးခြောက်ပင်မှ ဘင်းကို အပူပိုင်းနိုင်ငံများ၌သာ ရနိုင် သည်။ အအေးပိုင်းနိုင်ငံများရှိ ဆေးခြောက်ပင်မှ ဘင်းကို မရ နိုင်ခြင်းမှာ ထူးခြားသည်။ အိန္ဒိယနိုင်ငံလုံးတွင် ထိုဘင်းကိုပင် ဘိန်းအစားအသုံးပြုကြသည်။ သို့ရာတွင် အစိုးရထံမှ လိုင်စင်ရ မှသာ ထိုအပင်ကိုစိုက်ပျိုးနိုင်သည်။
AgriCounsellor.
ကိုးကား-John H. Wiersema။ Cannabis sativa information from NPGS/GRIN။
မြန်မာ့စွယ်စုံကျမ်း၊ အတွဲ(၄)။

"တိုင္းရင္းေဆး ပညာျဖင့္ အပင္အမ်ိဳးအစားခြဲျခားျခင္း"တိုင္းရင္းေဆးပညာတြင္ ဘုတ္(၅)ပါးဟုေခၚေသာ ပထဝီ၊ အာေပါ၊ ေတေဇာ၊ ဝါေယာ၊ အာ...
30/01/2020

"တိုင္းရင္းေဆး ပညာျဖင့္ အပင္အမ်ိဳးအစားခြဲျခားျခင္း"

တိုင္းရင္းေဆးပညာတြင္ ဘုတ္(၅)ပါးဟုေခၚေသာ ပထဝီ၊ အာေပါ၊ ေတေဇာ၊ ဝါေယာ၊ အာကာသဓာတ္တို့ကို အေျခခံ၍ အပင္(၅)မ်ိဳးကို အၾကမ္းဖ်င္း ခြဲျခားထားသည္။ ၎တို့မွာ-
(က) ပထဝီပင္
(၁)ပင္ေစာက္ျဖစ္ျခင္း၊
(၂)ပင္စည္၊ ခက္ရြက္ထူထပ္ႁပြတ္သိပ္ျခင္း၊
(၃)အသား၊ အႏွစ္မာ၍ အနံံ့ျပင္းျခင္း၊
(၄)အပင္ မာက်စ္ေတာင့္တင္းျခင္း၊
(၅)ပင္စည္ႀကီးထြားမွု ၾကန္႔ၾကာျခင္းတို့ျဖစ္သည္။
ဥပမာ- ဗမာကုကၠိဳ၊ ဇာတိပၹိဳပင္ စေသာအပင္မ်ားျဖစ္သည္။

(ခ) အာေပါပင္
(၁)ပင္ေစာက္ထက္ ႏြယ္ပင္ျဖစ္ျခင္း၊
(၂)ေအးေသာအရပ္၌ေပါက္ေရာက္ျခင္း၊
(၃)ပင္စည္၊ ခက္၊ ရြက္၊ သီး၊ ပြင့္ ႏူးညံ့ျခင္း၊
(၄)အရည္ စိုရႊမ္းျခင္း၊
(၅)အခြံ၊ အသား ထူျခင္းေပ်ာ့ျခင္း ေဖာင္းပြ ပြားမ်ားျခင္း၊
(၆)အႏွစ္မရွိ အခြံအကာသာလ်င္ အႏွစ္ျဖစ္ျခင္း၊
(၇)ျဖစ္ထြန္းလြယ္၍ အရသာရွိျခင္း၊
(၈)ခက္ညြန္႔ ဖားလ်ားရွည္ထြားျခင္းတို့ျဖစ္သည္။
ဥပမာ-အုန္း၊ ထန္း၊ ဗူး၊ ဖ႐ုံ၊ သခြားစေသာ အပင္မ်ားျဖစ္သည္။

(ဂ)ေတေဇာပင္
(၁)အပူပိုင္း၌ေပါက္ေရာက္ျခင္း၊
(၂)အရည္ဓာတ္နည္း၍ အေစးထြက္ျခင္း၊
(၃)ဆူးေပါက္ျခင္း ခက္ညြန္႔တိုျခင္း၊
(၄)လုံးဝန္းမညီညာျခင္း၊
(၅)အခြံအသား ပါးလႊာမာေၾကာျခင္း၊
(၆)ခက္ရြက္ သီးပြင့္တို့ကို ပို၍ရင့္ျခင္း ေတာက္ပျခင္း၊
(၇)ပင္စည္ ခက္ရြက္ ပုၾကပ္ ၾကမ္းတမ္းျခင္းတို့ျဖစ္သည္။
ဥပမာ-ဥသၽွစ္ပင္၊ ဆူးေခါက္နက္၊ မိုးနံ၊ ကန္႔ခ်ဳပ္၊ ေရွာက္၊ သံပရာပင္တို့ျဖစ္သည္။

(ဃ)ဝါေယာပင္
(၁)ပင္ေစာက္ထက္ ႏြယ္ပင္မ်ားျခင္း၊
(၂)ပင္ေစာက္ျဖစ္လၽွင္ ပင္စည္ ျမင့္မားရွည္လ်ား၍ အသားဆက္ျခင္း၊ က်ိဳးလြယ္ျခင္း၊
(၃)ခက္၊ ညြန္႔၊ ရြက္၊ ပြင့္ ရွည္လ်ားျခင္း၊
(၄)ပင္စည္၊ ခက္၊ ရြက္၊ သီး၊ ပြင့္၊ ဥတို့၌ အေျမႇာင့္၊ ေဇာင္း၊ အေခါက္၊ အေပါက္၊ အဆစ္၊ အမၽွင္၊ အနာအဆာ၊ အကြဲအအက္မ်ားျခင္း၊
(၅)ခက္၊ ရြက္ ၾကဲ၍ အရြက္အလက္ၾကား ကြဲျခင္း၊
(၆)ပင္စည္၊ ခက္ရြက္၊ သီး၊ ပြင့္ မညီတြန္႔လိမ္ ပိန္ေကာက္ျခင္း၊
(၇)လြင္ျပင္၌ ေပါက္ေရာက္ျခင္းတို့ျဖစ္သည္။
ဥပမာ-ဂန္႔ဂလာ၊ ၾကက္ဟင္းခါး၊ ေခြးေတာက္၊ ဆင္တုန္းမႏြယ္၊ သေဘၤာပင္၊ ဒန္႔သလြန္ပင္စသည္တို့ျဖစ္သည္။

(င)အာကာသပင္
(၁)ေတာေဇာ၊ ဝါေယာပင္တို့၏ လကၡဏာမ်ား အမ်ားအျပားရွိျခင္း၊
(၂)ထက္မြန္ဆူးရွ ေတာက္ရွားေသာ အနံ့ရွိျခင္းတို့ျဖစ္သည္။
ဥပမာ- ေရွာက္၊ သံပရာ၊ ေၾကာင္ပန္း၊ ကြမ္းရြက္၊ သက္ရင္း၊ ကတိုး၊ ထင္း႐ူး၊ ပ႐ုပ္၊ င႐ုပ္ေကာင္း စသည့္အပင္မ်ားျဖစ္သည္။
AgriCounsellor.

#နနွင်းရဲ့_ရောဂါကာကွယ်နိုင်သောအစွမ်းနနွင်းရဲ့ အရောင်ကျ အာနိသင်ဟာ ကင်ဆာ၊ အယ်လ်ဇိုင်းမားနဲ့ တခြားရောဂါတွေ မဖြစ်အောင် ကာကွ...
17/12/2019

#နနွင်းရဲ့_ရောဂါကာကွယ်နိုင်သောအစွမ်း

နနွင်းရဲ့ အရောင်ကျ အာနိသင်ဟာ ကင်ဆာ၊ အယ်လ်ဇိုင်းမားနဲ့ တခြားရောဂါတွေ မဖြစ်အောင် ကာကွယ်ပေးနိုင်ပါတယ်။
ဘယ်နေရာမှာ ရေပန်းစားတာလဲ အိန္ဒိယနိုင်ငံမှာ အသုံးများပါတယ်။ ဟင်းချက်ပြုတ် ပြင်ဆင်ရာမှာ အဓိကသုံးတဲ့ နနွင်းမှုန့်ကို နှာရည်ယိုခြင်း ပြဿနာမှ ရင်ဘတ်အောင့်တဲ့ ပြဿနာအထိ အရာရာတိုင်းမှာ ရိုးရာအာရှဆေးတစ်လက် အဖြစ် သုံးလေ့ရှိပါတယ်။

ဘာကြောင့် သုံးသင့်တာလဲ ?
လေ့လာမှုတွေအရ နနွင်းမှုန့်ထဲမှာ အဓိကပါဝင်တဲ့ Curcumin ဟာ ကိုလက်စထရောပမာဏ လျော့ကျစေကြောင်း သိရပါတယ်။ တိရစ္ဆာန်တွေကို လေ့လာမှုအရ နနွင်းဟာ အကျိတ်ဖြစ်ပေါ်ခြင်းကို တားဆီးပေးနိုင်ကြောင်း သိရပါတယ်။ အခုလတ်တလော လေ့လာမှုအရ နနွင်းမှုန့်ဟာ ကင်ဆာရောဂါ၊ အယ်လ်ဇိုင်းမားရောဂါနဲ့ တခြားရောဂါတွေ မဖြစ်အောင် ကာကွယ်ပေးနိုင်ကြောင်း သိရပါတယ်။

ဘယ်လိုသုံးသင့်တာလဲ ?
ဒယ်အိုးထဲမှာ ဆီအနည်းငယ်ထည့် အပူပေးပြီး နနွင်းမှုန့် ထမင်းစားဇွန်းတစ်ဇွန်း၊ ဆားအနည်းငယ်နဲ့ ငရုတ်ကောင်းမှုန့် အနည်းငယ်ထည့်ကာ တစ်မိနစ်ခန့် မွှေပါ။ (ငရုတ်ကောင်းမှုန့်ဟာ နနွင်းမှုန့်ထဲက Curcumin ဂုဏ်သတ္တိကို ၂၀၀၀ ရာခိုင်နှုန်းနဲ့အထက် မြင့်တက်စေနိုင်ပါတယ်။) မွှေပြီးမှ ဟင်းသီးဟင်းရွက်၊ အသားငါးထည့်ကာ ကြော်စားပါ။

Ref: Good Health
*********************************

#နနွင်း

ဟင်းခတ်အမွေးအကြိုင်နဲ့ နနွင်းမှုန့်ကိုအာရှအစားအစာနှင့် မြန်မာ့ဟင်းပွဲ အတော်များများမှာလည်းထည့်ပြီးချက်ပြုတ်တတ် ကြပါတယ်။ ကမ္ဘာပေါ်မှာ ဟင်းခတ် အမွှေးအကြိုင်တွေ အများ ကြီးရှိပါတယ်။ အဲဒီအထဲကမှ ဆေးဖက်၀င်ပြီး ဟင်းထဲထည့်ချက်လျှင် လည်း အရသာရော၊ အရောင်ပါကောင်းစေတဲ့ နနွင်းမှုန့်ကို လူတော်တော်များများ သတိထားမိကြမှာအမှန်ပါ။

တရုတ်နှင့် အိန္ဒိယလူမျိုးများက နနွင်းမှုန့်ကို ဆေး အဖြစ် နှစ်ပေါင်းအတော်ကြာကတည်းက အရိုးပွခြင်း၊ အဆစ်အမြစ် ကိုက်ခဲရောင်ရမ်းခြင်း စသည်ဖြင့်ရောင်ရမ်းသော နာကျင်မှုများကို ကုသရာတွင် အသုံးချခဲ့ကြပါတယ်။

နနွင်းမှုန့်ရဲ့ သမိုင်းကြောင်းကို ကြည့်မယ်ဆိုရင်တော့ နနွင်းမှုန့်ကို ဟင်းခတ်မှုန့်၊ ဆေးကုသရာတွင်သာမက အ၀တ်အထည်တွေ အရောင်ဆိုးတဲ့နေရာပါ သုံးကြတာ ကိုတွေ့ရပါတယ်။

အဲဒါတင် မဟုတ်ပါဘူး။ အသားအရေ လှအောင် နေ့စဉ်သောက်သုံး လို့ရသလို၊ မျက်နှာနုချောအောင် ပေါင်းတဲ့နေရာမှာလည်း အသုံးချကြ ပါတယ်။

အခုဆိုရင် အလှကုန်ပစ္စည်းတွေမှာလည်းထည့်သွင်းလာသလို နနွင်းဆပ်ပြာကိုလည်း လူတော်တော်များများ သုံးစွဲလာကြတာလည်း အံ့မခန်းဖွယ်ပါပဲ။

နနွင်းမှုန့်ရဲ့ဇာတိကတော့အင်ဒိုနီးရှားနိုင်ငံနဲ့တောင်ဘက်ပိုင်းအိန္ဒိယနိုင်ငံတွေဖြစ်ပြီး နှစ်ပေါင်း ၅၀၀၀ကျော်လောက် ကတည်းက စိုက်ပျိုးလာကြတာ ဖြစ်ပါတယ်။ နနွင်းဟာ သဘာ၀ အရသာနဲ့ အရောင်အဆင်းရှိတာကြောင့် ရိုးရာဟင်းပွဲတွေမှာ တော်တော် အရေးပါသော ဟင်းခတ်အမွှေးအကြိုင်ဖြစ်ပါတယ်။

ဥရောပတိုက်များကို ၁၃ရာစုနှစ်မှာ အာရပ်ကုန်သည်များက နနွင်းရဲ့သုံးစွဲပုံနဲ့ အကျိုးအာနိသင်များကို စတင် မိတ်ဆက် ပေးလိုက်ပါတယ်။ အဲဒီနောက်မှစပြီး အနောက်တိုင်း နိုင်ငံတွေလည်း နနွင်းကို လူအများကြိုက်နှစ်သက်ပြီး ခေတ်စားလာပါတယ်။ အနောက်တိုင်း ဟင်းပွဲတွေမှာလည်း နနွင်းကို ထည့်ခတ်ချက်ပြုတ်လာတာကို တွေ့ရှိရပါတယ်။

အခုအချိန်မှာ နနွင်းကို စီးပွားဖြစ် ဦးဆောင်ထုတ်လုပ်ပြီး ကမ္ဘာတစ်၀န်းဖြန့်ချိနေသောနိုင်ငံများကတော့
အိန္ဒိယ၊ အင်ဒိုနီးရှား၊ တရုတ်၊ ဖိလစ်ပိုင်၊ ထိုင်၀မ်၊ ဟာ(အီ)တီနဲ့ဂျမေကာ နိုင်ငံတွေပဲဖြစ်ပါတယ်။

နနွင်းရဲ့အစွမ်းအာနိသင်ကတော့ရောဂါတော်တော်များများ ပျောက်ကင်းအောင်ထိကိုပါပဲ။
အူသိမ်၊ အူမ ကြီးရောင်ရမ်းခြင်းကိုလည်း ၀.၂၅ ရာခိုင်နှုန်းလောက် နဲ့တင် သက်သာစေပါတယ်။
ဒီလောက်နှုန်းကတော့နနွင်းမှုန့်ကို ဟင်းထဲထည့်ချက်ရုံနဲ့တင်
ရရှိနိုင်ပါတယ်။ အဆစ်အမြစ်ရောင်ရမ်း ကိုက်ခဲခြင်းရောဂါကိုလည်း သက်သာစေပါတယ်။

အရိုးအဆစ်ရောဂါသည် တော်တော်များများက နနွင်းမှုန့်ကို ပုံမှန်သုံးစွဲခြင်းဖြင့် သက်သာစေပါတယ်လို့ ပြောကြပါတယ်။ ဘာကြောင့်လဲဆိုတော့နနွင်းထဲမှာ အမ်တီအောက်စီဒန့် (Antioxidant) နဲ့ အမ်တီ-အင်ဖလိမ်မက်တာရီ (Anti-Inflammatory) နှစ်ခုရောစပ်ထားခြင်းကြောင့် နနွင်းမှုန့်ကို ပုံမှန်သောက်သုံးခြင်းဟင်းထဲထည့်ချက်ခြင်းဖြင့် ကောင်းသော အကျိုးအာနိသင်များကို ရရှိနိုင်စေပါတယ်။

မကြာသေးခင် ရှာဖွေတွေ့တာကတော့ အဆစ်အမြစ်ရောင်ရမ်းကိုက်ခဲသည့်ရောဂါ ဟာ ခါခူမင်း (Curcumin) နဲ့ Phenylbutazone နှစ်ခုကို နှိုင်းယှဉ်ကြည့်လျှင် မနက်ဘက် မှာ အဆစ်အမြစ် တောင့်တင်းနေခြင်းကိုလည်း သက်သာစေပြီး၊ လမ်းလျှောက်နိုင်သောအခါမှာ အရင်ကထက်
ပိုမိုလျှောက်နိုင်ခြင်းနှင့်အဆစ်အမြစ်ရောင်ရမ်းခြင်းတို့ကို တိုးတက်ကောင်းမွန်လာစေပါတယ်။

နနွင်းဟာ ကိုလက်စထရောဓာတ်ကို လည်းလျော့ကျစေပါတယ်။ အသည်းထဲမှ LDL Cholesterol တွေ ကို နနွင်း ရဲ့ ဓာတ်အား နဲ့ချေဖျက်နိုင်ပါတယ်။ နနွင်းရဲ့ အစွမ်းအာနိသင် တွေ့ရှိလာသောကြောင့် ပွဲ အချိုပွဲနှင့် သောက်စရာတွေမှာ ပုံဆန်အမျိုးမျိုးနဲ့လည်း ကမ္ဘာတစ်၀န်း အသုံးပြုလာကြပါတယ်။

နနွင်းရဲ့အာနိသင် မပျောက်စေရအောင် လေလုံသောဘူးထဲမှာ နေရောင်တိုက်ရိုက်မထိတွေ့နိုင်သော နေရာမှာထားပါ။ ကိုယ်တိုင်နနွင်းတက်ကို အမှုန့်ကြိတ်ပြီးသုံးလျှင် ပိုတောင် ကောင်းမွန်ပါတယ်။ နနွင်းတက်လေးများကို ရေခဲသေတ္တာထဲမှာ လေလုံဘူးနဲ့ လည်းထည့်သိမ်းထားလို့ရပါတယ်။

လူတစ်ယောက်ချင်းဆီမှာတော့ မတူညီသောကိုယ်ခံအားများ ရှိတာကြောင့် တချို့က နနွင်းနဲ့မတည့်(Allergy) ဖြစ်တာမျိုးများ ရှိပါသလားလို့မေးခွန်းထုတ်ကြပါတယ်။ မတည့်တာမျိုးတော့မရှိပါဘူး။တွဲစားတဲ့အစားအစာ (သို့) လူကို ယားနာစေတာမျိုးတို့ပေါ့။
နနွင်း မှာ ကောင်းသော သံဓာတ်နဲ့မန်ဂနိနှစ်ခုလုံးပါ၀င်သလို ဗိုက်တာမင် B 6 ၊ အမျှင်ဓာတ်နှင့် ပိုတက်ဆီယံဓာတ်တို့လည်း ပါ၀င်ပါတယ်။ ဘယ်လိုပဲအသုံးပြုပြု ဒီဓာတ်အားတွေ အမြဲပါ၀င်ရရှိနေတာကြောင့် ကျန်းမာရေးအတွက်
အထူးကောင်းမွန်သော ဟင်းခတ်မှုန့်ဖြစ်ပါတယ်လို့ ပရိသတ်ကြီးရဲ့လက်တစ်ကမ်းမှာရှိနေတဲ့နနွင်းရဲ့
ကောင်းကြောင်းလေးသိရှိစေနိုင်ဖို့ ဖော်ပြလိုက်ပါတယ်။

Healthy Eating and Happy Life ပါနော်… ။

🔲

Credit*- May Dim's Note Book

♒♒♒♒♒♒♒♒♒♒♒♒♒♒♒♒

#ရောဂါစုံကုသနိုင်တဲ့_နနွင်း
==================

နနွင်းကို ရိုးရာဆေးဝါးအဖြစ် နှစ်ပေါင်းများစွာကတည်းကပင် အသုံးပြုခဲ့ကြပြီး အသားဓာတ်၊ အမျှင်ဓာတ်၊ ဗီတာမင်စီ၊ ဗီတာ မင်အီး၊ ဗီတာမင်ကေ၊ ဆိုဒီယမ်၊ ပိုတက်ဆီယမ်၊ ကယ်လ်စီယမ်၊ ကော့ပါး၊ သံဓာတ်၊ မဂ္ဂနီဆီယမ် နဲ့ ဇင့်ဓာတ်တို့ပါဝင်တာကြောင့် ကျန်းမာရေးပြဿနာမျိုးစုံကုသ ရာမှာ အသုံးပြုလေ့ရှိပါတယ်။

နနွင်းဟာ ကင်ဆာရောဂါ တွေမဖြစ်ပွားအောင် ကာကွယ် ပေးနိုင်ပြီး ကင်ဆာဆဲလ်တွေကို ဖျက်ဆီးနိုင်စွမ်း ရှိပါတယ်။ သုတေသနပြုချက် အတော်များ များရဲ့ အဆိုအရ နနွင်းဟာ သွေး ကင်ဆာ၊ အူကင်ဆာနဲ့ ရင်သား ကင်ဆာတွေကို ကာကွယ်နိုင်စွမ်း ရှိတယ်လို့သိရပါတယ်။ ဒါ့အပြင် အဆစ်အမြစ် နာတာ၊ ရောင်တာ တွေလျော့ ပါးသက်သာစေနိုင် သလို သွေးတွင်းသကြားဓာတ် ပမာဏကို ထိန်းပေးနိုင် တာ ကြောင့် ဆီးချိုရောဂါကုသဖို့ အတွက်လည်း အသုံးပြုနိုင်ပါ တယ်။

ကိုလက်စထရောပမာဏ များနေရင်လည်း နနွင်းကိုချက် ပြုတ်တဲ့အစားအသောက်ထဲ ထည့်ချက်ပြီး စားသုံးပေး ရင် ကိုလက်စထရောလျော့ကျနိုင်ပါ တယ်။ နနွင်းမှာပါတဲ့ ဓာတ် တစ်မျိုးဟာ ကိုယ်ခံအား ကောင်း အောင်မြှင့် တင်ပေးနိုင်ပြီး အအေးမိ၊ ချောင်းဆိုး၊ တုပ် ကွေး ဖြစ်တာတွေကို ကာကွယ်ပေး တယ်လို့ဆိုပါတယ်။ အအေးမိ၊ ချောင်းဆိုး၊ တုပ်ကွေးဖြစ်ပြီဆိုရင် လည်း နနွင်းမှုန့်လက်ဖက်ရည် ဇွန်းတစ်ဇွန်း နဲ့ နွားနို့ နွေးနွေး သောက်ပေးရင်သက်သာပျောက် ကင်းပါတယ်။

ထိခိုက်ဒဏ်ရာဖြစ်လို့ အရေ ပြားပွန်းပဲ့ပေါက်ပြဲခဲ့ရင် သဘာဝပိုးသတ်ဆေး၊ အနာ ကျက်ဆေး ဖြစ်တဲ့ နနွင်းမှုန့်သိပ်ပေးရင် သက်သာနိုင်သလို အပူလောင်နာဖြစ် ရင်လည်း နနွင်းမှုန့် အုပ်ပေးထား ရင် ပျောက်ကင်း တယ်လို့ဆိုပါ တယ်။ အရေပြားပျက်စီးနေတာ တွေနဲ့ အသားအရောင်မမှန်တာ တွေအတွက် နနွင်း က ဆေးကောင်းဝါးကောင်းတစ်ခုပါပဲ။

ကိုယ်အလေးချိန်နဲ့ပတ် သက်ပြီးတော့လည်း နနွင်းက အကောင်းဆုံးကူညီပေးနိုင်ပြီး အဝလွန်သူတွေနဲ့ ကိုယ်အလေး ချိန်များနေသူတွေ အစာစားပြီး တိုင်း နနွင်းမှုန့်စားပွဲတင်ဇွန်းတစ် ဇွန်းသောက်ပေးနိုင်ပါတယ်။ ဒါ့ အပြင် အသက်အရွယ်အပြောင်း အလဲမှာဖြစ်တဲ့ မှတ်ဉာဏ်ချို့ ယွင်းမှုအယ်လ်ဇိုင်းမားရောဂါ အတွက်လည်း နနွင်းကကာကွယ် ပေးနိုင်ပါသေးတယ်။

ပြီးတော့ အစာမကျေဖြစ် တာတွေနဲ့ အစာအိမ်ရောဂါ၊ ဆီး အိမ်၊ ဆီးလမ်းကြောင်းရောဂါ တွေနဲ့ အသည်းရောဂါတွေမဖြစ် ပွားစေဖို့အတွက် ဆေးဖက်ဝင် နနွင်းက ကူညီပေးနိုင်တဲ့ အကြောင်း ဖော်ပြ လိုက်ပါတယ်။

🔲

—Ref:homeremedies.com

Credit*- #လွမ်းဆောင်း
-------------------------------

တိုင်းရင်းဆေး နနွင်း
===========
ထိုင်းနိုင်ငံမှာ အစာအိမ်နဲ့ အူလမ်းကြောင်းဆိုင်ရာရောဂါတွေကို အာမခံနဲ့ ကုသပေးနေတဲ့ အရမ်းကိုတော်တယ်လို့ နာမည်ကြီးနေတဲ့ အထူးကု သမားတော်ကြီးတစ်ယောက်ရှိ ပါတယ်၊ မြန်မာလူမျိုးတွေကတော့ သူ့ကို ဒေါက်တာ ဟူစိန်လို့ ခေါ်ကြတယ်၊ အစာအိမ် အူလမ်းကြောင်းနဲ့ ပတ်သတ်လာရင် ကင်ဆာအပါအဝင် ဘယ်သူမှလက်မခံတော့တဲ့ လူနာတွေကို သူက အာမခံပြီး ကုသပေးပါတယ်၊ သာမန်လောက်ကတော့ သူ့ဆေး စား ၁ ပတ်ပါပဲ၊ နည်းနည်းလေး ပြင်းလာရင် ၁ လ၊ ကင်ဆာနဲ့ ရောဂါအပြင်းစားတွေဆိုရင် ၃ လ ၅ လ နဲ့ အမြစ်ပြတ် ကုပေးပါတယ်၊ ရောဂါအပေါ်မူတည်ပြီး သူပေးတဲ့ ဆေးကလဲ ကွာပါတယ်၊ အပြာရောင်၊ အနီရောင်တို့ကတော့ သာမန်လောက်ရောဂါ
ပေါ့၊ ရွှေရောင်ကတော့ ရောဂါ ပြင်းတဲ့ လူတွေကိုပေး ပါတယ်၊ ကုသစရိတ်ကလည်း
တော်တော်ပေးရပါတယ်၊ မြဝတီမြို့က အချစ်ဆုံး သူငယ်ချင်း တွေရဲ့ ကျေးဇူးနဲ့ ဒေါက်တာ ဟူစိန် ရဲ့ ဆေး ၁ လစာ ကျနော် ရခဲ့ပါတယ်၊ ရောဂါတွေ မြန်မြန်ပျောက်ပြီး မြန်မြန်ပြန်နေကောင်း စေချင်တဲ့ သူတို့ရဲ့စေတနာကို အများကြီးလေးစားခဲ့ရပါတယ်၊ ခုလို ခက်ခက်ခဲခဲ ရအောင်ချိတ်ဆက်ပြီး ဆေးရအောင် လုပ်ပေးခဲ့တဲ့ ကျေးဇူးကိုလည်း ဘယ်လိုမှ မေ့နိုင်မှာမဟုတ်တော့ပါဘူး၊ ၁ လစာတောင်ဆိုတော့ အနည်းဆုံး ဘတ် ၃ သောင်းလောက်တော့ ပေးရပါတယ်။

ဒီဆေးတွေကို ကိုင်ကြည့်ရင်း ကျနော် တစ်ခုစဉ်းစားမိခဲ့ပါတယ်၊ ဘာတွေနဲ့များ ဖော်စပ်ထားလို့ ဒီလောက်စွမ်းရတာလဲ စျေးကြီးရတာလဲလို့ပေါ့၊ ကျနော့်အတွက်ဆိုပြီးရထားတဲ့ဆေးက. Capsule ရွှေရောင်လေးပါ၊ ကျနော် ဆေးတစ်တောင့် ဖောက်ကြည့်ခဲ့မိပါတယ်၊ ဒီ capsule လေးထဲမှာ ဘာတွေများပါမယ်လို့ ထင်မိကြပါသလဲဗျာ ......

အခုဆိုရင် အစာအိမ်နဲ့ အူလမ်းကြောင်းဆိုင်ရာရောဂါဟာ မြန်မာနိုင်ငံမှာ အဖြစ်အများဆုံးရောဂါတွေထဲမှာ တစ်ခုအပါအဝင် ဖြစ်နေပါပြီ၊ လွန်ခဲ့တဲ့ ၂ နှစ်လောက်က ကျနော် အစာအိမ် မှန်ပြောင်းကြည့်တော့
မယ်ဆိုရင် လူလေး ဆယ်ယောက်လောက်ပဲ ရှိပါတယ်၊ အခုဆို ရာဂဏာန်းလောက်ကို စောင့်နေရပါတယ်၊ အပြင်အထူးကုဆေးခန်းကြီးတွေမှာ ဆိုရင်လဲ အစာအိမ်နဲ့ အူလမ်းကြောင်းအတွက် သီးသန့်တောင် ထပ်တိုးချဲ့ထားကြရပါတယ်။

ပြောပြချင်တာကတော့ ကိုယ်တိုင်ပဲ ဖြစ်ဖြစ်၊ ကို့မိသားစုဝင်ထဲကပဲ ဖြစ်ဖြစ်၊ အသိဆွေမျိုးထဲကပဲဖြစ်ဖြစ် ဒီရောဂါဝေဒနာမျိုးခံစားနေရတဲ့ သူတွေအတွက် ဆေးကောင်းတစ်လက် လမ်းညွှန်ပေးချင်လို့ပါ၊ ကျနော် စောစောကပြောပြခဲ့တာလေး .ပြန်ဆက်ရရင်တော့ capsule လေးထဲမှာ တွေ့ခဲ့ရတာက နနွင်းမှုန့်တွေ ဆိုတာပါပဲ၊ နနွင်းမှုန့်စစ်စစ်ကို capsule လေးအုပ်ထားတာပါ။

မြန်မာ့ဆေးကျမ်းတွေမှာ ပြန်ရှာဖတ်ကြည့်တော့ နနွင်းမှုန့်ဟာ အနာရောဂါမှန်သမျှနဲ့ ခန္ဓာကိုယ်အတွင်းပိုင်းကရောဂါတွေအတွက် အထူးအစွမ်းထက်ကြောင်းဖော်ပြထားပါတယ်၊ အခုဆို အမေရိကန်နိုင်ငံမှာ ကင်ဆာအတွက် ဆေးဖော်စပ်ဖို့ စမ်းသပ်တာအောင်မြင်ခဲ့တဲ့ နနွင်းမှုန့်နဲ့ ဆေးဖော်နေပါပြီ၊ ကရင်ပြည်နယ် အစွန်အဖျား တောထဲတောင်ထဲတွေအထိ ကုန်သည်တွေ နနွင်းမှုန့်အစစ် လိုက်ရှာဝယ်ပြီး ထိုင်းစျေးကွက်ကတဆင့် အမေရိကန်ကို ပို့နေကြပါတယ်၊ နနွင်းအစစ်တောင် တော်တော်ရှာဝယ်နေရပါတယ်။

မြန်မာ့ဆေးကျမ်းထဲမှာတော့ တနေ့ လက်ဖက်စားဇွန်းနဲ့ ရောဂါပြင်းရင် ၃ ဇွန်းစားခိုင်းပါတယ်၊ ကျနော်ကတော့ ထမင်းစားဇွန်းနဲ့ တနေ့ ၅ ကြိမ် သောက်နေပါတယ်၊ စ သောက်ခါစမှာတော့ မြိုချရတာ တော်တော်အခက်အခဲ ဖြစ်ရပါတယ်၊ ဗိုက်ထဲရောက်သွားပြန်တော့လဲ အစာအိမ်နဲ့ အူလမ်းကြောင်းတလျှောက်မှာ ရှိတဲ့အနာ တွေက စပ်လိုက်တာ အတော်ကလေးခံရပါတယ်၊ မျက်စိတွေပြာ နားထဲကလေတွေထွက်ပြီး လူလဲ မလှုပ်နိုင်တော့ပါဘူး၊ ဆေးတစ်ဇွန်း ထပ်သောက်ဖို့တောင် လန့်နေမိပါတယ်၊ ရောဂါပျောက်ချင်လို့သာ ကြိတ်မှိတ်သောက်ခဲ့ရတာပါ၊ စပ်တာက ဘာနဲ့တူသလဲဆိုတော့ အနာတစ်ခု၊ ဓားရှမိတာမျိုးပေါ့ အဲ့ဒီအပေါ်. ဘရိတ်ဆီထည့်လိုက်သလိုပါပဲ၊ ဗိုက်ထဲမှာဆိုတော့လဲ ပိုဆိုးတာပေါ့ဗျာ၊ အခုဆိုရင် ဆေးသောက်ခဲ့တာ ၄ ရက်မြောက်ပါပြီ၊ လူက အရင်ကလို မဟုတ်တော့ပဲ နေလို့အများကြီးသက်သာနေပါတယ်၊ ၃ နှစ်လောက်နီးပါး ဗိုက်ထဲမှာ မီးဖုတ်ထားတဲ့ သံလုံးကြီး မြိုထားရသလို အမြဲ ပူလောင်တဲ့ ဝေဒနာဆိုးကြီး ခံစားနေရတဲ့ ဝဋ်ဒုက္ခဆိုးတစ်ခုကတော့ လွတ်မြောက်ခဲ့ရပါပြီ၊ သိသာပါတယ် တော်တော်လေးကို နေရထိုင်ရတာ သက်သာပါတယ်၊ အခုဆိုရင် နီးစပ်ရာ လက်လှမ်းမီသမျှကို ကျနော် နနွင်းမှုန့်အကြောင်း လိုက်ပြောပြပေးနေပါတယ်၊ မြို့ထဲက. အဒေါ်ကြီးတစ်ယောက်ဆိုရင်လဲ ထမင်းစားလိုက်တာနဲ့ ဗိုက်ချက်ချင်းအောင့်ပြီး အောက်ကနေ ထမင်းအစေ့လိုက်ပြန်ပြန်ထွက်နေတာ သိရတော့ ကျနော်ခံစားရတာတွေ သွားရှင်းပြပြီး သူ့ကို နနွင်းမှုန့်အစစ် နည်းနည်း စမ်းသောက်ဖို့ပေးထားခဲ့ပါတယ်၊ သူသောက်တာ ဘယ်လိုနေသလဲ သွားမေးကြည့်တော့ သူက ကျနော့်လိုတော့ သောက်လိုက်ရင် မစပ်ပါဘူး၊ အရင်ကထက်စာရင်တော့ နေရတာ အများကြီး သက်သာလို့ ကျနော့်ကို ကျေးဇူးတွေတင်နေပါတယ်၊ ဒီတော့ ပြောပြနိုင်တာတစ်ခုကတော့ အစာအိမ်ထဲမှာ အနာရှိတဲ့ သူတွေမှသာ ကျနော့်လို စပ်တဲ့ဝေဒနာ ခံစားရမှာပါ၊ ရောဂါနုသေးတဲ့သူတွေအတွက်တော့ အစာအိမ်ဆေးကြောလိုက်သလို သန့်ပေးရုံပဲရှိမှာပါပဲ၊ သောက်ဖို့ကို မကြောက်စေချင်ပါဘူး။

အစာအိမ်နံရံ ၃လွှာစလုံး ပါးနေပြီး အထဲမှာ အနာတွေနဲ့ ပြည့်နေခဲ့တဲ့ လူတစ်ယောက်၊ အချိန်မရွေး အစာအိမ်နံရံပေါက်ထွက်နိုင်တယ်ဆိုလို့ ဘာအစာအမာမှ မစားရတဲ့ သူတစ်ယောက်၊ ညဖက်တွေမှာ ဗိုက်ထဲကပူပြီး အောင့်လွန်းလို့ မအိပ်နိုင်ခဲ့တဲ့ လူတစ်ယောက် ၊ ၂၄ နာရီ ဗိုက်ထဲမှာ ပူလောင်မှုဝေဒနာ ခံစားနေရတဲ့ သူတစ်ယောက် ... ဟောအခုတော့ သူခံစားနေရတဲ့ဝေဒနာတွေ သိသိသာသာကို သက်သာနေပါပြီ၊ ကျနော့်လို ခံစားနေရတဲ့ ဝေဒနာရှင်တွေရှိခဲ့ရင် ကိုယ်ချင်းစာပြီး သူတို့ကို သက်သာစေချင်ပါတယ်၊ ကျေးဇူးပြုပြီး ရောဂါခံစားနေရတဲ့သူတွေရှိရင် နနွင်းမှုန့်သောက်ဖို့အကြောင်းလေး လက်လှမ်းမှီသမျှ ပြောပြပေးစေချင်ပါတယ်။

ထိုင်းနိုင်ငံက သမားတော်ကြီးနဲ့ ပြပြီး ကုသရင်လဲ ရောဂါပျောက်ပါ လိမ့်မယ်၊ ဒါပေမယ့် ကုသစရိတ်က အနည်းဆုံး ၁၆ သိန်းကနေ သိန်း ၃၀ အထက်တော့ ကုန်ကျမှာပါ၊ ပိုက်ဆံတွေကုန်ပြီး ရမယ့်ဆေးကလဲ ဒီ နနွင်းမှုန့်လေးပါပဲ။မိမိအစီအစဉ်နဲ့ မိမိပဲ နနွင်းမှုန့်စစ်စစ်ကိုသာ ရှာဖွေ သောက်သုံးကြည့်ကြပါလို့ အကြံပြုပါရစေ

Tharr Naung

ref:oppositeyes

==================

နနွင်း ဆေးဖက်ဝင်ပုံ
------///////--------
အာရှတိုက်မှာ ဟင်းခတ် အမွှေးအကြိုင် အနေနဲ့သုံးနေတဲ့ ကျနော်တို့သိပြီးသား အနည်းငယ်ခါးတဲ့ နနွင်း အကြောင်း ဖောက်သည်ချပါရစေ။ နနွင်းမှာ အဝါရောင်ဓါတ်ပစ္စည်းတစ်မျိုးဖြစ်တဲ့ curcumin ပါဝင်ပါတယ်။
နနွင်းကို အဆစ်ယောင် အဆစ်နာ အစာမကြေ အစာအိမ်နာ လေပွ ဝမ်းလျော အစာစားမဝင် အသားဝါ အသည်းရောဂါ အစာအိမ်အနာ သွေးတွင်းကိုလတ်စတောများခြင်း ပင်ပန်းနွမ်းနယ် အရေပြားရောဂါ မှာအသုံးပြုခဲ့ကြတယ်။
ခေါင်းကိုက် လည်ပြွန်ယောင် အအေးမိ အဆုပ်ရောဂါ အဆီကြိတ် အနာကြီးရောဂါ ဖျားနာ ဓမ္မတာရာသီမမှန်ခြင်း ယားနာခြင်း ကင်ဆာကုသပြီးသူ ခွဲစိတ်ပြီးလူနာများ မှာ အသုံးပြုခဲ့ကြတယ်။
Alzheimer's ရောဂါ ဆီးချိုရောဂါ စိတ်ဓါတ်ကျရောဂါ သန်ရောဂါ တီဘိရောဂါ SLE (Systemic lupus erythematous )ကဲ့သို့ autoimmune ရောဂါ ကျေက်ကပ်ရောဂါ ဆီးအိတ်ယောင်ရောဂါ တွေမှာလည်းအသုံးပြုကြပါတယ်။
အချို့လူတွေဆိုရင် နနွင်းကို ပွေးကွက် ခြေခေါက် လက်ခေါက် ယောင်ယမ်း ကျွတ်ကိုက် မျက်စိနာ ဝက်ခြံ အရေပြားနာ ပါးစပ်နာ သွားဖုံးယောင် စတဲ့နေရာတွေမှာ လိမ်းကြပါတယ်။
သောက်သုံးရန်အညွှန်း
-----------------------
*ကိုလက်စထရော များသူများ ၁.၄ဂရမ် ကို ၂ဖုံ ခွဲပြီးနေ့စဉ် ၃လတိတိသောက်ရပါမယ်။
*ပြည်တည်နာရှိသူများ ၁.၅ဂရမ် ကို ၃ဖုံခွဲ နေ့စဉ် ၈ပတ်တိတိသောက်ပေးရပါမယ်။
အဆစ်ရောင်နာရောဂါအတွက် ၅၀၀မီလီဂရမ်ကို တစ်နေ့၄ကြိမ် ၄-၆ပတ်ထိသောက်ပေးရပါမယ်။

ဘေးထွက်ဆိုးကျိုး
-------------------
သိသိသာသာဆိုးဝါးတဲ့ဆိုးကျိုးတော့မရှိပါဘူး။ အချိဲုလူမှာတော့ အစာအိမ်မအီမသာဖြစ်တာ အော့အန်ချင်တာ ဝမ်းလျောတာတွေ ခံစားရတယ်လို့ပြောကြတယ်။
ကိုယ်ဝန်သည်နဲ့နို့တိုက်မိခင်မှာတော့ မသောက်သင့်ပါဘူးး။ ဘာကြောင့်လဲဆိုတော့ သားအိမ်ကို လှုံဆော်ပေးတယ် ဓမ္မတာလာချိန်ကို ရက်ကြာစေတဲ့ကြောင့်ပါ။ ကိုယ်ဝန်ဆောင်ချိန် နို့တိုက်ချိန်မှာ မသောက်တာအကောင်းဆုံးပါ။ ဟင်းထဲမှာပါတဲ့ပမာဏကဘာမှမဖြစ်ပါဘူး။
သွေးရောဂါပြဿနာရှိသူတွေမှာလဲ မသုံးသင့်ပါဘူး။
သံဓါတ်စုပ်ယူမှုကိုလဲဟန့်တားစေတယ်(အများကြီးသောက်မှပါ)

ကင်ဆာရောဂါမျိုးစုံကို ကာကွယ်ပေးနိုင်စွမ်းလဲရှိပါတယ်။

Source-Internet

================
soarseinn မှ ဆနနွင်းပျားရည်ဆပ်ပြာမှာ
ဆနနွင်း;ပျားရည်;သံလွှင်ဆီ;ဘီတာမင်E တို့ပါဝင်တာကြောင့် နေလောင်၍တင်းတိပ်အမဲစက်ဖြစ်သူများ အသားရည်ခြောက်သွေ့သူများသုံးနိုင်ပါတယ်
အမဲစက်များကင်းစင်၍ သံလွှင်ဆီနဲ့ဘီတာမင်Eတို့ပါဝင်တာကြောင့်အစိုဓာတ်ကိုလည်းထိန်းပေးပါတယ်🧡🧼

Charcoal အကြောင်း သိလိုသူများအတွက်👇👇Charcoal Vs Activated Charcoal ရိုးရိုးမီးသွေး (နှင့်) စွမ်းဆောင်ရည်မြင့် မီးသွေး ဆပ...
17/12/2019

Charcoal အကြောင်း သိလိုသူများအတွက်
👇👇

Charcoal Vs Activated Charcoal
ရိုးရိုးမီးသွေး (နှင့်) စွမ်းဆောင်ရည်မြင့် မီးသွေး

ဆပ်ပြာလုပ်သူတေ ဘယ်ပစ္စည်းကို ဘာကြောင့် သုံးတယ်ဆိုတာ သိရအောင်ပါ !

အလှကုန် စားသောက်ကုန်မှာ သုံးနေကြတဲ့ မီးသွေးဆိုတာ Activated Charcoal တွေကိုပြောတာပါ ..
Activated Charcoal ကို ဗမာမှုပြုတော့ စွမ်းဆောင်ရည်မြင့် မီးသွေး လို့ဘဲ ဆိုရမလား !? တကယ်တော့ မီးသွေးဆိုတာ ကာဗွန်ပါ , စွမ်းဆောင်ရည် ထပ်ပေါင်းသည်ဖြစ်စေ မပေါင်းသည်ဖြစ်စေ ကာဗွန်ပါဘဲ ...

ရိုးရိုးမီးသွေးကို ရှေးအဘိုးဖွားလက်ထက်ကတည်းက သွားတိုက်တဲ့နေရာမှာ သုံခဲ့ကြတယ်နော် .. ကျမငယ်ငယ်ကလည်း မီးသွေးနဲ့ သွားတိုက်ခဲ့ဘူးတယ် !! သွားလေးကိုဖြူလို့ 😃

အဲ့ဒီရှေးရှေးခေတ် ကတည်းက .. အဖြူများနိုင်ငံ ( Europe, America) မှာ မီးသွေးကို တွင်တွင် ကျယ်ကျယ်သုံးခဲ့ကြတယ် .. မီးသွေးမှုန့် ပုဂံထဲဖြူးပြီး ဆေးရုံ ဆေးခန်းတွေမှာ အနံ့စုပ်အောင် , အညစ်ကြေးတွေစုပ်အောင် ရည်ရွယ်ချက်နဲ့ သုံးခဲ့ကြတယ်
တချို့ ရေပိုက်ကရေကို( tap water) သောက်တဲ့သူတွေဆိုရင် ..ဝါးမီးသွေးချောင်း အရှည်ကြီးကို ရေကရားထဲထည့် ၂၄ နာရီထားပြီး မှ သောက်ရေအဖြစ် သုံးကြတယ် ..
၂၄ အတွင်းမှာ ရေထဲကပါလာတဲ mineral တွေ ( ခဲဓါတ် ထုံးဓါတ် စသဖြင့် ) အနံ့ဆိုးတို့ကို အဲ့ဒီမီးသွေးချောင်းက စုပ်ယူသွားတယ် ..
ဒုတိယကမ္ဘာစစ်အတွင်းကလည်း အုန်းမှုတ်ခွက် မီးသွေးမှုန့်ကို gas mask , ဓါတ်ငွေ့ကာမျက်နှာဖုံး အနေနဲ့ သုံးခဲ့ကြတာ အထင်ကရပါဘဲ ...

ဒီလိုနဲ့ နည်းပညာ တိုးတက်လာတဲ့ ဒီနေ့လို ခေတ်ကြီးမှာ .. ရိုးရိုးမီးသွေးကို အသက်သွင်းခဲ့ကြတယ် 😂
အဲ့ဒါကို Activated Charcoal လို့ခေါ်တာပါ ..
မြန်မာလို တိုက်ရိုက် အသံထွက်နဲ့ဘဲ အက်တီဗ်ိတ်တက် ချာကိုးလို့ဘဲ ခေါ်ကြစို့ရဲ့ ...

ရိုးရိုးမီးသွေး ၂၄ နာရီမှာလုပ်တဲ့ အလုပ်ကို အက်တီဗ်ိတ်တက် ချာကိုးက စက္ကန့်ပိုင်းအတွင်း လုပ်ပေးပါတယ် ..
ဒါကြောင့် ဒီနေ့ခေတ် ..ရေသန့်စနစ် , အလှကုန်နဲ့ စာသောက်ကုန် , ကျန်းမာရေး အထောက်ကူပြု ပစ္စည်းတွေမှာ အက်တီဗ်ိတ်တက် ချာကိုးက တော်တော် နေရာယူထားပြီးပါပြီ !

အက်တီဗ်ိတ်တက် ချာကိုးနဲ့လုပ်တဲ့ face mask ဆိုတာ မြန်မာပြည်က လူတော်တော်များများ သိနေကြတာပါဘဲ !
ဒီမှာ အသိနည်းသေးတာက အဲ့ဒီ အက်တီဗ်ိတ်တက် ချာကိုး ကို မကြာမကြာသောက်ပေးခြင်းဖြင့် ခန္ဒာတွင်း အဆိပ်တောက်တွေကို စစ်ချပေးပြီး ဖြစ်ပါတယ် !!

သူများနိုင်ငံမှာတော့ အက်တီဗ်ိတ်တက် ချာကိုးအမှုန့်လေးတွေကို ဆေးတောင့်အသွင်နဲ့ ထုတ်လုပ်ရောင်းချကြပါတယ် ..

ဒါကြောင့် ဆပ်ပြာလုပ်တဲ့သူတွေ ဘာကြောင့် အက်တီဗ်ိတ်တက် ချာကိုးကို သုံးသင့်သလဲဆိုရင် .. မျက်နှာအတွင်းပိုင်းမှာ စိမ့်ဝင်နေတဲ့ အဆိပ်တောက်တွေ ကို စက္ကန့်ပိုင်းအတွင်း သန့်စင်ပေးနိုင်လို့ ..Detox အဆိပ်ထုတ်တဲ့ အနေနဲ့သုံးပါတယ် !!!

မီးသွေးဆိုတာ တကယ်တော့ ..လေထု ရေထု မြေထု ကို
အဆိပ်တောက်တွေ ကင်းအောင် သန့်စင်ပေးနိုင်တဲ့ သဘာဝတရားကပေးတဲ့ အကောင်းဆုံး ဆုလာဒ်ထဲက တခုပါဘဲ !

ရိုးရိုးမီးသွေးမှုန့်ရော သုံးရင် မရဘူးလားဆိုတော့ .. အဖြေက ဟုတ်ကဲ့ ရပါတယ် ! ဒါပေမယ့် အာနိသင်က အက်တီဗ်ိတ်တက် ချာကိုးလောက်တော့ မထိရောက်ပါဘူး ..

အက်တီဗ်ိတ်တက် ချာကိုးကို အိမ်မှာလုပ်လို့ရလားဆိုရင် .. သီအိုရီအရ မရပါဘူး .. သူ့ကိုလုပ်ဘို့ အပူချိန် ၁၂၀၀•C လောက်မြင့်ရပါမယ် , ဒါမှမဟုတ် အိမ်တွင်းအပူချိန် ၂၀၀•C လောက်ဆိုရင် chemical တခုခုနဲ့ ပေါင်းပြီးမှ လုပ်ရတာမို့ပါ ..

သီအိုရီအရ မရဘူးဆိုပေမယ့် .. လက်တွေ့စမ်းလုပ်နေကြတဲ့လူတွေလဲ ဒီကမ္ဘာပေါ်မှာ အများကြီးပါ .. သူတို့ပိုပြီးနားလည်လိမ့်မယ်လို့ ထင်ပါတယ် ..

စျေးပေါ သွားဖြူဆေးလေး အဆစ်ပေးလိုက်ပါတယ် ..
မီးသွေးမှုန့် , ဆား, နနွင်းမှုန့် , တမာရွက်အခြောက်လှန်းအမှုန့် ..ဆတူရော သွားတိုက်ပါ !! ( သွားတိုက်ဆေးနှင့် သမ၍လည်း သုံးနိုင်ပါသည် !!

Credit: bubble

Activated charcoal ၏ အကျိုးသက်ရောက်မှု
------------------------------------------------------------------
activated charcoal ကို အလှအပပစ္စည်းနဲ့ ဆေးဝါးတွေမှာ ထည့်သွင်းဖော်စပ်နေကြတာ ခုမှလားဆိုတော့ မဟုတ်ပါဘူး။
လွန်ခဲ့တဲ့ နှစ်ပေါင်းများစွာကတည်းက အသားအရည်ထိမ်းသိမ်းရာမှာ အဓိက ပါ၀င်ပစ္စည်း အနေနဲ့ တွင်ကျယ်စွာ သုံးစွဲနေကြတာပါ။
သူ့ရဲ့ နာမည်ကျော် ဂုဏ်သတ္တိကတော့ အသားအရည်ပေါ်က အဆီတွေကို စုပ်ယူဖယ်ရှားနိုင်စွမ်းပါပဲ။ ဒါကြောင့်လဲ သူ့ကိုဆပ်ပြာ၊ scrub နဲ့ beauty mask တွေမှာ ထည့်သွင်းပြုလုပ်လာကြတာဖြစ်ပါတယ်။
အမျိုးအစားကတော့ အစုံပါပဲ၊ sugar charcoal၊ aka white charcoal စသည်ဖြင့် activated charcoal အမျိုးမျိုးရှိပါတယ်။ ရိုးရိုးမီးသွေး အမျိုးမျိုးကို နည်းအမျိုးမျိုး နဲ့ ထုတ်ပါတယ်။ သစ်သား၊ ကျောက်မီးသွေး၊ သစ်ဆွေးမြေ စသည်တို့ကနေ ပြုလုပ်ပါတယ်။ ဒီလိုလုပ်ထားတဲ့ မီးသွေးကိုတော့ လောင်စာအဖြစ်သုံးကြပါတယ်။ ဒါပေမယ့် activated charcoal ကိုတော့ အလှအပပစ္စည်းနဲ့ ဆေးဝါး တွေမှာ ထည့်သွင်းအသုံးပြုကြပါတယ်။ "activated" ဆိုတဲ့ စကားလုံးလေး ရှေ့ကနေတပ်လိုက်ဖို့ အတွက် ရိုးရိုးမီးသွေးကို အပူချိန်မြင့်မြင့်နဲ့ ထပ်မံပြုပြင် သန့်စင်ယူရပါတယ်။ ဒီလိုလုပ်ပေးလိုက်ခြင်းအားဖြင့် သူ့ရဲ့ အဆီစုပ်ယူနိုင်စွမ်းနဲ့ သန့်စင်စစ်ထုတ်ပေးနိုင်စွမ်းကို မြင့့််တက် လာစေပါတယ်။ ဒါကြောင့်သာလဲ activated charcoal ကို အလှကုန်နဲ့ ဆေးဝါးများမှာ ထည့်သွင်း အသုံးပြုနေကြခြင်းဖြစ်ပါတယ်။

တိတိကျကျပြောရရင်ဖြင့် activated charcoal ဟာ အဆီပြန်တဲ့ အသားအရည်အတွက်အထူးကို သင့်တော်ပါတယ်။ သူ့အစွမ်းကြောင့် ချွေးပေါက်မှာ ပိတ်ဆို့ နေတဲ့ အဆီနဲ့ အညစ်အကြေးတွေရှင်းလင်းပြီး အသားအရည်ညီညာညက်ညောစေပါတယ်။ အသားခြောက်သူတွေ အတွက်တော့ မသင့်တော်ပါဘူး။ တစ်ချို့ကတော့ မီးသွေးကို ဆံပင်ထူထဲသန်မာလာစေဖို့ နဲ့ တစ်ချို့ကတော့ သွားကျန်းမာရေးအတွက်ပါ အသုံးပြုကြပါတယ်။

မီးသွေးကို သင့်ရဲ့ အသားအရည်ထိန်းသိမ်းရာမှာ အသုံးပြုချင်ပါသလား? စိတ်၀င်စားဖို့ ကောင်းတာတစ်ချက်က activated charcoal ဟာ ရေမှာ မပျော်၀င်နိုင်ပါဘူး။
တကယ်လို့များ သင့်ထုတ်ကုန်ထဲ မှာ မီးသွေးကိုထည့်သွင်း အသုံးပြုချင်တယ်ဆိုရင်တော့ ရေထက်စာရင် ဆီနဲ့ ရောစပ်သုံးတာကို ပိုပြီးတော့ လွယ်ကူပါလိမ့်မယ်။ မီးသွေးလက်ဘက်စားဇွန်းတစ်ဇွန်း ကို 99% ispropyl alcohol စားပွဲတင်ဇွန်းတစ်ဇွန်းနှုန်းနဲ့ အရင်ရောစပ်ပြီးမှ cp/mp ဆပ်ပြာထဲကို ထည့်ပါ။ မီးသွေးထည့်မယ်စိတ်ကူးထားရင် ဆပ်ပြာလုပ်ရာမှာ ဆီအမာတွေ အများကြီးမသုံးသင့်ပါဘူး။
နောက်တစ်ချက်ကတော့ activated charcoal ကိုသုံးထားရင် အနက်ရောင် ပစ္စည်းလှလှပပလေး ထွက်လာပါတယ်။ ကျွန်တော်တို့ ဆပ်ပြာသမားတွေအတွက်ကတော့ ဆပ်ပြာ အနက်ရောင်လေးပေါ့။ 😀
အ၀တ်လျှော်မိရင်တော့ အမည်းရောင်နည်းနည်းစွန်းတတ်ပါတယ်။ ဒါပေမယ့် ချွတ်လို့မရတဲ့ အစွန်းမျိုးတော့ မဟုတ်ပါဘူး။ cp/mp ဆပ်ပြာတွေမှာ သုံးမယ်ဆိုရင် လက်ဘက်စားဇွန်း တစ်ဇွန်းကို ဆပ်ပြာတစ်ပေါင်နှုန်း နဲ့ စကြည့်ပါ။ တော်တော်လေးကို အနက်ရောင်ရင့်ရင့်ထွက်တဲ့အထိ charcoal ကိုထည့်သုံးမယ်ဆိုရင်တော့ အမြှုပ်ကလဲ အနက်ရောင်ထွက်ပါတယ်။
မီးခိုးရောင်လောက်ပဲ အရောင်ထွက်အောင်သုံးရင် အမြှုပ်ကတော့ အမည်းရောင်မထွက်ပါဘူး။

နောက်တစ်ခုက activated charcoal ကို ဘယ်လို ကိုင်တွယ်သုံးစွဲကြမလဲ ဆိုတာလေးပြောပါရစေ။ သူက အရမ်းကို မှုန့်လွန်းတဲ့ အမှုန့်ဆိုတော့ လေလေးနည်းနည်းပြင်းတာနဲ့ လေထဲ ဖွတ်ဆို လွင့်သွားတာမျိုး။
ဒီတော့ သူ့ကိုသုံးမယ်ဆိုရင် ပြူတင်းပေါက်တွေ ပိတ်ထားပါ။ ပန်ကာတွေ ပိတ်ထားပါ။ လက်နဲ့ ကိုင်ပြီးသုံးမိရင် သုံးပြီးတာနဲ့ ဆပ်ပြာနဲ့ လက်ကို သေသေချာချာဆေးပါ။ သူက အဆီစုပ်ရာမှာ ဆရာတစ်ဆူဖြစ်လို့ ကိုယ့်လက်က အသားအရည်ခြောက်သွေ့မသွားရအောင်ပါ။

crd. Kiwi

soar seinn ဝါးမီးသွေးဆပ်ပြာမှာတော့ ဝါးမီးသွေး; သံလွှင်ဆီ;ပျားရည် နှင့် ဘီတာမင် E တို့ပါဝင်တယ် ဝက်ခြံနဲ့မျက်နာမှာအဆီပြန်တဲ့သူတွေအတွက်အထူးသင့်လျှော်ပါတယ် 🖤🧼
ph-09451726444
09451726333
063 27492

17/12/2019

100% PURE LAVENDER ESSENTIAL OIL

Lavender Essential Oil ဟာ ဒီကနေ့ ကမ္ဘာပေါ်မှာ အသုံးအများဆုံးနဲ့ အကျော်ကြားဆုံး Essential Oil ဖြစ်ပါ တယ်။ ဒီလာဗင်ဒါပန်းရဲ့အဆီကို လွန်ခဲ့တဲ့ နှစ် ၂၅၀၀ ကျော်လောက် ကတည်းက သုံးခဲ့တယ်လို့ ရှေးဟောင်း အထောက် အထားတွေက ဆိုပါတယ်။ အီဂျစ်တွေက ရေမွှေးလိုသုံးခဲ့သလို မာမီရုပ်အလောင်း တွေပြင်ဖို့မှာလဲထည့်သုံးခဲ့ကြတယ်။ ရောမတွေက ရေစိမ်ချိုးတဲ့အခါ၊ ဟင်းချက်တဲ့အခါ၊ ပတ်၀န်းကျင်ကို မွှေးကြိုင်စေလိုတဲ့အခါတွေမှာ သုံးခဲ့ကြပါတယ်။

Antioxidant Protection
ဒီနေ့ကမ္ဘာပေါ်မှာဖြစ်ပွားနေတဲ့ ရောဂါတွေကိုကြည့်လိုက််ရင် Free radical (အဆိပ်အတောက်၊ ဓါတုပစ္စည်း၊ ပတ်၀န်းကျင် ညစ်ညမ်းမှု)များကြောင့် ဆိုတာ တွေ့ကြပါလိမ့်မယ်။ ဒီအရာတွေက လူရဲ့ကိုယ်ခံအားစနစ်ကိုဖျက်ဆီး ပစ်ပြီး မိမိတို့ခန္ဓာကိုယ်ကို မယုံနိုင် စရာကောင်းလောက်အောင်ကိုပျက်စီး သွားစေပါတယ်။
ဒါကိုဖြေရှင်းနိုင်ဖို့က Antioxidants! လိုအပ်ပါတယ်။ Antioxidants ကိုခန္ဓာကိုယ်က သဘာ၀အလျောက်ထုတ်လုပ် ပေးပါတယ်။ ဒါပေမဲ့ ပြသနာက Free radical တွေသိပ်များလာ ရင်တော့ မီးများမီးနိုင်ပါပဲ။ အမေရိကန်လို တိုးတက်ထွန်းကား နေတဲ့ နိုင်ငံမှာတောင် စားတဲ့အစားအသောက်မှာ အာဟာရဓါတ်နည်းပါး ရင်၊ လူကလဲ အဆိပ်အတောက်များစေတဲ့ လူနေမှုပုံစံမှာကျင်လည် နေရရင် Free radical တွေဒဏ်ခံရတာဆိုတော့ သာမာန်ဖွံ့ဖြိုး ဆဲနိုင်ငံမှာသာဆိုရင် တွေးသာကြည့်တော့။
Lavender Essential Oil ဟာ လူ့ခန္ဓာကိုယ်က သဘာ၀အလျောက် ထုတ်လုပ်ပေးနေတဲ့ antioxidant ပမာဏ ကို ၃ ဆတိုးထုတ်စေနိုင်တာကို တရုပ်ကသုတေသနပညာရှင်များက တွေ့ရှိခဲ့ပါတယ်။ ဒါဟာလာဗင်ဒါအဆီကို ၂၂ နာရီ အသုံးပြုပြီး စမ်းသပ်ထားတဲ့ရလာဒ်ပါ။
ဒီလိုပဲ ရိုမေးနီးယားသိပ္ပံပညာရှင်တစုကလဲ လာဗင်ဒါရနံ့ကို တရက်မှာ မိနစ်ခြောက်ဆယ် တစ်နာရီလောက်ရှူ ပေးမယ်ဆိုရင် ပြောခဲ့တဲ့ရလာဒ်နဲ့အတူတူပဲဆိုတာကို တွေ့ရှိခဲ့ကြပါတယ်။
လာဗင်ဒါရနံ့ကိုရှူရှိုက်ပေးရင်ကင်ဆာကို ဖြစ်စေနိုင်တဲ့ ကိုယ်တွင်းဆဲလ်များ ပျက်စီးနေမှုကို တားဆီးနိုင်တာ လေ့လာတွေ့ ရှိခဲ့ကြပါတယ်။

Improves Mood and Support Brain
လာဗင်ဒါရနံ့သည် အာရုံကြောနဲ့ဆက်စပ်ဖြစ်လေ့ရှိတဲ့ ခေါင်းကိုက်ခြင်း၊ စိတ်ဖိစီးခြင်း၊ စိုးရိမ်သောကများခြင်း၊ စိတ်ကျခြင်း တို့ကိုသိသိသာသာသက်သာစေနိုင်ပါတယ်။ သွေးတိုးတာ၊ နှလုံးခုန််မြန်တာတွေကိုလည်း လျော့ပါးစေနိုင်တာကြောင့် နှလုံးဝေဒနာရှင် များ ဆောင်ထားသင့်တဲ့အဆီဖြစ်ပါတယ်။
စိတ်ဖိစီးတာနဲ့လွယ်လွယ်အိပ်မပျော်တာဟာ မြို့နေလူတန်း စားတွေရဲ့ ဖွားဘက်တော်လိုတောင်ဖြစ်လာနေပါပြီ။ လာဗင်ဒါအဆီ ဘူးလေးဆောင်ထားမယ်ဆိုရင် အချိန်မရွေး ကိုယ့်အတွက်အဆင််ပြေစေမှာပါ။ Diffuser ရှိရင် အိပ်ခါနီး အိပ်ယာဘေးမှာဖွင့်ထားပါ။ မရှိလဲ တစ်သျှူး/ဂွမ်းလုံးလေးမှာဆွတ်ပီး ထားလို့ရပါတယ်။ အကျိုး ရလာဒ်ကအတူတူပါပဲ။
အလုပ်ကနေ စိတ်ပင်ပန်းလူပင်ပန်း ပြန်လာလို့ ခနထိုင်တဲ့ အချိန်၊ စာဖတ်နေတဲ့အချိန်တွေမှာ ထိုင်တဲ့နေရာဘေးမှာ Candle Burner လေးနဲ့ ထွန်းထားရင် စိတ်ကိုသက်တောင့်သက်သာနဲ့ နေလို့ထိုင်လို့ ကောင်းလာစေနိုင်ပါတယ်။ နားရွက်နောက်နားလေးမှာ ဆွတ်တို့ပေးထားရင်လဲ တူညီတဲ့ကောင်းကျိုးကို ခံစားရမှာပါ။

Lavender Heals Burns and Cuts
ပိုးမ၀င်စေနိုင်တဲ့အတွက်လည်း အပူလောင်၊ ထိခိုက်ပြတ််ရှဒဏ်ရာ၊ ပွန်းပဲဒဏ်ရာတွေဖြစ်တဲ့အချိန် အနီးအနားမှာ အလွယ် တကူဆေးဝါးတွေရှိဖို့ ခက်ခဲတက်ပါတယ်။ ဒီလိုအချိန်ကြုံခဲ့ရင် လာဗင်ဒါကိုယုံယုံကြည်ကြည် သုံးလို့ရပါတယ်။ အပူလောင်တာ၊ နှင်းခူ စတာတွေအတွက်ဆိုရင်တော့ အုန်းဆီ ၅ ဆ လာဗင်ဒါ အဆီ ၁ ဆရောထားပြီး လိမ်းပေးပါ။

Lavender Oil Benefits Skin
အုန်းဆီ ဒါမှမဟုတ် ရှားစောင်းလက်ပက်ဂျယ်လီနဲ့ လာ ဗင်ဒါအဆီကိုရောပြီးသုံးရင် အရေပြားမျက်နှာပြင်ကို ပိုမိုကျန်းမာ လှပတင်းရင်းစေနိုင်ပါတယ်။ အုန်းဆီအပြင် Grape Seed Oil, Sweet Almond Oil တို့နဲ့လဲ ရောစပ်သုံးနိုင်ပါတယ်။ နေလောင်ဒဏ်၊ ညစ်ညမ်းမှုတွေကြောင့် ခြောက်သွေ့နေတဲ့ အသား အရေတွေကို လာဗင်ဒါရောစပ်ထားတဲ့ Carrier Oil နဲ့ လိမ်းပေး မယ်ဆိုရင် သိသိသာသာ သက်သာပျောက်ကင်းစေနိုင်ပါတယ်။

Lavender Oil for Headaches
တကယ်လို့ သင်ဟာအကိုက်အခဲပျောက်ဆေးရဲ့ ဘေးထွက်ဆိုးကျိုး ကိုမလိုချင်ရင်၊ ဒါမှမဟုတ် သဘာ၀ကုထုံးကို သဘောကျလက်ခံတဲ့သူတစ်ဦးဖြစ်မယ်ဆိုရင် လာဗင်ဒါရနံ့ဟာ ခေါင်းကိုက်ဝေဒနာအမျိုးမျိုးကို သက်သာ ပျောက်ကင်းစေတဲ့ ဆေးကောင်းတလက်ပါပဲ။ လက်တွေ့သုတေသနပြုထားချက်များ အရ လာဗင်ဒါအဆီရဲ့ရနံ့ကို ၁၅ မိနစ်လာက်ရှူပေးရင် ဒီဝေဒနာတွေ သိသိသာသာလျော့ပါးစေနိုင်ပါတယ်။ Peppermint Oil နဲ့ဆတူ ၂စက်စီလောက်ရောပြီး ရှူပေးရင် ပိုကောင်းတဲ့ရလာဒ်ကိုရစေနိုင် ပါတယ်။

Lavender for Sleep and Insomnia
လာဗင်ဒါအဆီရဲ့ရနံ့ဟာ နှစ်နှစ်ခြိုက်ခြိုက်၊ နာရီကြာကြာ နဲ့ တကယ့်ကို အနားယူလိုက်သလိုမျိုး အိပ်ပျော်စေနိုင်ပါတယ်။ အိပ်မပျော်တဲ့ရောဂါ လက္ခဏာတွေကိုလည်း လျော့နည်းသွားစေနိုင် ပါတယ်။
ကျေးဇူးတင်ပါတယ်ရှင်😊😊😊

credit.

15/12/2019

ဆပ်ပြာလုပ်နည်း (အခြေခံသိရမည့်အချက်များ)

COLD PROCESS ဆပ်ပြာလုပ်နည်း

Cold Process ဆပ်ပြာလုပ်ဖို့အတွက် သိထားသင့်တဲ့၊ ပြင်ဆင်ရမယ့် အခြေခံအချက်တွေကို တဆင့်ချင်းအလိုက်ကို ဖေါ်ပြပေး သွားပါမယ်။ ဒါမှလည်း စတင်လုပ်ကိုင်မဲ့သူတွေအနေနဲ့ အမှားကို
နည်းနိုင်သမျှ နည်းအောင် ရှောင်နိုင်မှာပါ။ ဘာပဲလုပ်လုပ် များများကြိုသိထားရင် မလိုအပ်တဲ့ကုန်ကျစရိတ်တွေကို ရှောင်လွှဲနိုင်ပါလိမ့်မယ်။

Cold Process ဆပ်ပြာဆိုတာ Fixed Oils (တနည်းအားဖြင့်တော့ သံလွင်ဆီ၊ အုန်းဆီ၊ စားအုန်းဆီ၊ စပျစ်စေ့ဆီ၊ ဗာဒံစေ့ဆီ) စတဲ့ အဆီတွေနဲ့ Alkali (ဆိုဒီယမ်ဟိုက်ဒြောက်ဆိုဒ်လို့ခေါ်တဲ့ Lye (လိုင်း) နှစ်မျိုးပေါင်းစပ်ပီး Saponification လို့ခေါ်တဲ့ ဓါတုဖြစ်စဉ်ကို ဖြစ်ပေါ်စေခြင်းပါပဲ။ ပေါင်းစပ် ထားတဲ့အဆီတွေဟာ Lye ရဲ့အကူအညီနဲ့ ဆပ်ပြာအဖြစ်အသွင်ပြောင်းလဲကြတာပါ။ ဒီဆပ်ပြာလုပ်နည်းရဲ့ အဓိကအားအသာဆုံးအချက်ကတော့ ဆပ်ပြာထဲမှာ ထည့်ချင်တဲ့ပစ္စည်းတွေကို ကိုယ့်စိတ်ကြိုက်ထည့်ခွင့်ရနိုင်တာပါပဲ။
ပိုပီးတော့လဲ ကြာရှည်အထားခံတဲ့ဆပ်ပြာခဲကိုရစေပါတယ်။ ဒီလိုအားသာချက်တွေရှိသလို တဘက်မှာလဲအားနည်းချက်အနေနဲ့က လုပ်နေတဲ့အချိန်မှာ ခန္ဓာကိုယ်မထိခိုက်ရအောင် ဂရုစိုက်လုပ်ကိုင်ဖို့လိုပါတယ်။ ထည့်ချင်တဲ့ Fragrance Oils, Essential Oils တွေ၊ အရောင်တွေ ကလည်း ကိုယ်လိုချင်သလို ဖြစ်လာဖို့ခက်ခဲပါတယ်။ ဒါကြောင့် ဒီဇိုင်းကို တသွေမတိမ်းရဖို့၊ ဆန်းသစ်ချင်တိုင်း
ဆန်းသစ်ဖို့ မလွယ်လှပါဘုး။ ထပ်ခါထပ်ခါကြိုးစားကြည့်ဖို့လိုတယ်ဆိုတာကို ကြိုသိထားဖို့လိုပါတယ်။ ဆပ်ပြာကို Mold ထဲက ထုတ်ပီးတဲ့ နောက်မှာလဲ 4-6 ပတ်လောက် Cure လုပ်ဖို့အချိန်ပေးရပါသေးတယ်။ ချက်ချင်းသုံးဖို့၊ ထုတ်ပိုးရောင်းချလို့ မရသေးပါဘူး။

Cold Process ဆပ်ပြာလုပ်ရာမှာ ခေါ်ဝေါ်တဲ့ဝေါဟာရတချို့ရှိပါတယ်။ ဒါတွေကို ကြိုတင်နားလည်ထားရင် ဆက်လေ့လာတဲ့အခါမှာ ပိုလွယ်လွယ်ကူကူလေ့လာနိုင်မှာပါ။

Trace:
အဆီတွေနဲ့ Lye ပေါင်းစပ်သွားပြီးတဲ့နောက်မှာဖြစ်ပေါ်လာတဲ့ ဆပ်ပြာသားရဲ့အနေအထားကိုခေါ်တာပါ။ မွှေစက်အတံကို အပေါ်ကိုဆွဲမလိုက်ချိန်မှာ ယိုစီးကျနေတဲ့ ဆပ်ပြာနှစ်လမ်းကြောင်း လေးတွေဖြစ်တာကို မြင်ရမှာဖြစ်ပါတယ်။ ဒါဆိုရင် Trace ရပါပီ။
ချကြည့်တဲ့ Trace လေးတွေကို ပဲ Light, Medium, Heavy (မြန်မာလို ခပ်ကျဲကျဲ၊ အနေတော်နဲ့ ခပ်ပစ်ပစ်) လို့ ထပ်ခွဲခြားထားပါတယ်။ ဒီအခြေအနေအလိုက် ကိုယ်ထပ်ထည့်ရမယ့် additives တွေကို ထည့်ရမှာဖြစ်ပါတယ်။

Gel Phase:
ဆပ်ပြာလုပ်နေစဉ်မှာ ဖြစ်ပေါ်တဲ့ အပူချိန်ဆိုင်ရာအဆင့်တဆင့်ဖြစ်ပါတယ်။ ဆပ်ပြာရည်ကို Mold ထဲထည့်ပီးနောက်မှာ saponification ဖြစ်စဉ်ကြောင့် ဆပ်ပြာရည်က ပိုပူလာပါတယ်။ ဒီဖြစ်စဉ်ကြောင့် ဆပ်ပြာအရောင် ပိုတက်၊ ပိုတောက်၊ ပိုကြည်လာစေပါတယ်။ အထူးသဖြင့် ဆပ်ပြာရည်ရဲ့ အတွင်းပိုင်းပိုကျလေလေ အပူချိန်ပိုလေလေမို့ Gel phase ဖြစ်လေလေပါ၊ ဒါကြောင့်လဲ အတွင်းအကျဆုံးအပိုင်းတွေကအရောင်ပိုရင့်နေတက်ပါတယ်။
တကယ်လို့ ဆပ်ပြာလုပ်သူက ကိုယ်လုပ်မယ့်ဆပ်ပြာကို အရောင်မှိုင်းမှိုင်းလေးလုပ်ချင်တယ်၊ အတွင်းသားအရောင်ရင့်တာမျိုးကိုမကြိုက်ဘူးဆိုရင်တော့ Mold ထဲ ထည့်ပီးပီးချင်း အရမ်းအေးတဲ့ Freezer လို၊ ရေခဲသေတ္တာလိုနေရာထဲကို ချက်ချင်းထည့်ဖို့လိုပါမယ်။

Curing:
ဒါကတော့ဆပ်ပြာအခဲတုံးထဲကရေဓါတ်ကိုထွက်သွားအောင်လုပ်ရတဲ့ ဖြစ်စဉ်ပါ။ ဒါမှလဲ ဆပ်ပြာကမာပီးကြာကြာခံပါလိမ့်မယ်။ pHလည်းမှန်ပါမယ်။ ခန္ဓာကိုယ်ကိုတွန်းတိုက်ရတာလဲကောင်းပါ
မယ်။ ရောင်းမယ့်ဆပ်ပြာဆိုရင်လည်း တကယ်မှန်ကန်တိကျတဲ့အလေးချိန်ကိုရစေမှာ ဖြစ်ပါတယ်။ ဒါကြောင့် ဆပ်ပြာချက်ပီးနောက် 4-6 ပတ်အနည်းဆုံး Curing လုပ်ဖို့လိုကိုလိုပါမယ်။ လုပ်နည်းကတော့ Mold ကထုတ်၊ တုံးစရာလိုရင် တုံး၊ လှီး၊ Cure လုပ်ဖို့ သက်မှတ်ထားတဲ့ စင် သို့ နေရာမှာ ဖြန့်တင်ပေးထားတာပါ။ တက်နိုင်ရင် ပန်ကာဖွင့်ပေးထားရင် ပိုကောင်းပါတယ်။ နေပူမှာအခြောက်ခံတာမျိုး မဟုတ်ပါဘူး။

Soda Ash:
ဆပ်ပြာမျက်နှာပြင်ပေါ်ကိုတက်လာတဲ့ဆားတမျိုးဖြစ်ပါတယ်။ မီးခိုးဖြူဖျော့ဖျော့အရောင်ဖြစ်ပီး ဆပ်ပြာလုပ်ပီး ပထမ ၂၄ နာရီအတွင်းမှာဖြစ်လေ့ရှိပါတယ်။ ဆပ်ပြာကိုတော့ ဘာမှထူးထူးခြား
ခြားဆိုးကျိုးမဖြစ်စေပါဘူး။ အကြည့်ရ၊ အမြင်ရဆိုးတာပဲရှိပါတယ်။ plastic wrap နဲ့အုပ်ပေးထားရင် ကာကွယ်ပေးနိုင်ပါတယ်။ တကယ်လို့ ကိုယ်လုပ်တဲ့ဆပ်ပြာက အပေါ်လွှာကို အလှဆင်ထားတာမျိုး ဒီဇိုင်းလုပ်ထားတာမျိုးဆိုရင်တော့ 91% Isopropyl Alcohol နဲ့ စပရေးဖြန်းပေးလို့ရပါတယ်။ ဒါတွေလုပ်ထားရက်နဲ့မှ ပေါ်လာသေးတယ်ဆို ရင်တော့ curing လုပ်ထားတဲ့ရက်အတွင်း ဆပ်ပြာတုံးကို Tap Water လောင်းထားရင်း နိုင်လွန်စလေးနဲ့
တိုက်ဆေးပစ်ပါ။ စင်ပေါ်မှာခန အခြောက်ခံထားပါ။ ပီးရင် Curing ဆက်လုပ်ထားပါ။ ကိုယ်လုပ်မယ့်နည်းမှာ ရေပါ၀င်မှုကို 10% လောက်လျှော့ချတာ၊ Superfat ကိုလျှော့နည်းအောင်လုပ်တာ၊
ဖျော်ထားတဲ့ ပျားဖယောင်း .5% လောက်ကို Thin Trace မှာ ထည့်ရောတာ စတဲ့နည်းတွေနဲ့လည်း Soda Ash ဖြစ်စဉ်ကိုလျော့နည်းစေပါတယ်။ ဒါတွေကတော့ လုပ်တာများလာရင် စမ်းသပ်လုပ်ကိုင်ရင်းနဲ့ကျွမ်းကျင်သွားမှာမို့ ကြိုစိုးရိမ်စရာမလိုပါဘူး။

Lye Calculator:
ကိုယ်ပြုလုပ်မည့် ဆပ်ပြာလုပ်နည်းမှာ ရေနဲ့ Lye ဘယ်လောက်ပမာဏထည့်ရမယ်ဆိုတာကို တွက်တဲ့နည်းဖြစ်ပါတယ်။
အင်တာနက်ပေါ်မှာတွေ့တဲ့ဆပ်ပြာလုပ်နည်းကို မှန်မမှန်ပြန်စစ်ဖို့၊ သိထားပီးသား၊ လုပ်ထားဘူးပီးသားနည်းမှာ ပါ၀င်တဲ့အဆီအမျိုးအစားနဲ့ပမာဏကို ပြန်ချိန်ညှိဖို့ စတာမျိုးတွေမှာလဲ အသုံးပြုပါတယ်။ ကိုယ်သုံးမယ့်အဆီတွေရဲ့ အလေးချိန်ပမာဏ ဒါမှမဟုတ် ရာခိုင်နှုန်းတွေကို သိရုံနဲ့ ကိုယ်လိုသလို ချိန်ညှိတွက်ချက်လို့ရနိုင်ပါတယ်။ ကိုယ်ထည့်လိုက်တဲ့အဆီပမာဏအတိုင်း ဆပ်ပြာအလေးချိန်ကပြန်ရတာမျိုး မဟုတ်ပါဘူး။ အများအားဖြင့် 30% လောက်လျော့သွားလေ့ရှိပါတယ်။ ဥပမာ- ထည့်လိုက်တဲ့အဆီစုစုပေါင်း အလေးချိန်က ၃ ကီလိုဆိုရင် ရလာမယ့် ဆပ်ပြာခဲအလေးချိန်စုစုပေါင်းက ၂ ကီလိုကျော်ကျော်လောက်ပဲပြန်ရမှာပါ။ ဒီလိုမျိုး ဘယ်အဆီတွေနဲ့လုပ်ပီးရင်
ဘယ်လောက်ပမာဏ ဆပ်ပြာရမယ်ဆိုတာကိုလည်း Lye calculator က တွက်ပေးနိုင်ပါတယ်။ ကိုယ်လုပ်မဲ့နည်းမှာ Superfact ဘယ်လောက်ထားမယ် (အများအားဖြင့်တော့ 3-6% ထားလေ့ရှိပါတယ်၊ အကောင်းဆုံးကတော့ 5% ပါ)၊ အဆီဘယ်အမျိုးအစားတွေနဲ့ ဘယ်လောက်စီထည့်မယ် စတာတွေရိုက်ထည့်လိုက်ရုံနဲ့ Lye ဘယ်လောက်ထည့်ရမယ်၊ ရေဘယ်လောက်ထည့်ရမယ်၊
ဆပ်ပြာဘယ်လောက်ရမယ်ဆိုတာကို တွက်ချက်ဖေါ်ပြပေးပါတယ်။ တနည်းဆိုရင် ကိုယ်ကဆပ်ပြာဘယ်လောက်ပမာဏကို လိုချင်တယ်ဆိုရင်လည်း အဆီဘယ်လောက်အတိုးအလျှော့လုပ်ရမယ်ဆိုတာကို ပြန်ညှိယူလိုရနိုင်ပါတယ်။

LYE SAFETY AND SAFETY GEAR:
Lye က အယ်ကာလီဖြစ်ပါတယ်။ အသားအရေကိုထိရင် လောင်စေနိုင်လို့ သတိထားပီး ကိုင်တွယ်ဖို့လိုပါတယ်။ lye water ကို အလွယ်တကူ စားပွဲပေါ်မှာမထားခဲ့မိပါစေနဲ့။ ရိုးရိုးရေနဲ့မှားသုံးမိ
ရင် ပြသနာရှိပါတယ်။ ကိုယ်ဆပ်ပြာလုပ်နေချိန် အနားမှာ ကလေးနဲ့အိမ်မွေးတိရိစ္ဆာန်တွေ မရှိတာအကောင်းဆုံးပါပဲ။ ရေထဲကို lye
ထည့်ချိန်မှာ အငွေ့ထွက်ပါတယ်။ ဒါကြောင့် လေ၀င်လေထွက
်ကောင်းတဲ့နေရာမှာ ဆပ်ပြာလုပ်တာအသင့်တော်ဆုံးပါပဲ၊

Goggles:
မျက်လုံးကို အယ်ကာလီလောင်တက်တာ အဖြစ်အများဆုံးပါ။ ဆပ်ပြာလုပ်လို့ မျက်လုံးကန်းသွားပါတယ်ဆိုတာ လူကြားလို့လဲ မကောင်းပါဘူး။ မျက်လုံးပတ်လည်တခုလုံးကိုအုပ်နိုင်တဲ့ မျက်မှန်ကိုတပ်ပါ။ စက်ရုံသုံး၊ သင်္ဘောပေါ်မှာသုံးတဲ့ သားရေဆွဲကြိုးနဲ့ Goggle မျိုးက အကောင်းဆံုံးပါ။

Rubber or latex gloves:
ပန်းကန်ဆေးတဲ့နေရာမှာသုံးတဲ့ တံတောင်ဆစ်နား
လောက်ထိဖုံးတဲ့ သားရေလက်အိတ်ကိုသုံးသင့်ပါတယ်။ သားရေ
လက်အိတ်အပါးကို သုံးလည်းရပါတယ်။ ဘာကိုပဲသုံးသုံး လက်ရှည်
ဖြစ်ဖို့တော့လိုပါတယ်။

Long sleeves, pants, and closed-toed shoes:
ဆပ်ပြာရည်စင်ရင် အသားကိုမလောင်အောင်လို့ အကျီ င်္
လက်ရှည်၊ ဘောင်းဘီရှည်၊ ခြေချောင်းတွေဖုံးနိုင်တဲ့ဖိနပ် စတာ
တွေ၀တ်ဆင်ထား ရပါမယ်။

EQUIPMENT:
ဆပ်ပြာလုပ်ရမှာသုံးလိုက်တဲ့ ဘယ်အိုးခွက်ဇွန်းပစ္စည်းမဆို ဆပ်ပြာလုပ်ဖို့ပဲ သီးသန့်ထားလိုက်သင့်ပါတယ်။ အိမ်သုံးချက်ပြုတ်
်ပြင်ဆင်နေတာတွေကို အလွယ်ယူမသုံးသင့်သလို ဆပ်ပြာလုပ်တဲ့
နေရာမှာ သုံးထားတာတွေကိုလည်း အဆိုပါနေရာတွေမှာ ပြန်မသုံးသင့်တော့ပါဘူး။ ဆပ်ပြာလုပ်တဲ့ နေရာမှာသုံးထားပီးသားပစ္စည်းတွေကိုလည်း ပန်းကန်ဆေးစက်ထဲမှာ ထည့်မဆေးသင့်ပါဘူး။ အပြင်မှာပဲ လက်နဲ့သပ်သပ်ဆေးပါ။

Pyrex or other heat-resistant, non-reactive containers:
အလူမီနီယံဟာ Lye နဲ့ဓါတ်ပြုပီး အဆိပ်ငွေ့ထွက်လာစေတာမို့
ဆပ်ပြာချက်ရာမှာသုံးတဲ့ အိုးခွက်ဇွန်း Mold ဘာကိုမဆို အလူမီနီယံနဲ့လုပ်ထားတာတွေ မသုံးစွဲပါနဲ့။ အပူဒဏ်ခံနိုင်တဲ့ Tempered Glass လို၊ စတီးလို၊ မိုက်ခရိုဝေ့ထဲထည့်နိုင်တဲ့ Polypropylene plastic စတာတွေနဲ့လုပ်ထားတဲ့ပစ္စည်းတွေကိုပဲ သုံးစွဲရပါမယ်။

Stick/emulsifying blender:
ဆပ်ပြာကို လက်နဲ့သာမွှေနေရင် နာရီနဲ့ချီကြာမှာမို့ လက်ကိုင်မွှေစက်ကို သုံးသင့်ပါတယ်။ မွှေတံရိုးက စတီးဖြစ်သင့်ပါတယ်။

Rubber spatula:
Mold ထဲကို အိုးထဲက ဆပ်ပြာရည်အကုန်ခြစ်ချနိုင်ဖို့ ရာဘာသားနဲ့လုပ်ထားတဲ့ ယောင်းမကိုသုံးပါ။

Scale:
ကိုယ်လုပ်မဲ့ဆပ်ပြာလုပ်နည်းမှာ ပါ၀င်မဲ့အရာတိုင်းကို
တိတိကျကျ ချိန်တွယ်ဖို့လိုပါမယ်။ ဒစ်ဂျစ်တယ်ချိန်ခွင်ကအကောင်းဆုံးဆိုပေမဲ့ စစချင်း လုပ်မဲ့သူအတွက်တော့ ရိုးရိုးချိန်စက်လောက်နဲ့
စလို့ရပါတယ်။ နောက်မှ ဒစ်ဂျစ်တယ်ပေ့ါ။

Soap mold:
Mold ဒီဇိုင်းက အမျိုးမျိုးရှိပါတယ်။ သစ်သား၊ ပလပ်စ
တစ်၊ ဆီလီကွန်၊ မြန်မာပြည်မှာတော့ ဆီလီကွန်များပါတယ်။ မှန် Mold က သုံးလို့ ရနိုင်ပေမယ့် ခွာရခတ်ပါတယ်။ လေ့ကျင့်စမှာ
ခပ်သေးသေး Mold တွေနဲ့ ကျင့်တာက အကုန်အကျနည်းစေနိုင်ပါတယ်။

Wood Molds:
သစ်သား Mold က ဆပ်ပြာနှစ်ထဲကဆီကိုစုပ်လေ့ရှိပါတယ်။ ဒါကြောင့် ဖယောင်းစက္ကူခံပီးမှ လောင်းထည့်ရပါတယ်။ လိုင်းပုံပေါ်ဖို့က များသောအားဖြင့် အစပ်တွေကို ဆီလီကွန်နဲ့စပ်လေ့ရှိပါတယ်။ သစ်သားနဲ့ ထောင့်ချိုးရင်ဖြုတ်တပ်ရတာ မလွယ်ပါဘူး။ သစ်သား Mold တွေက အသုံးခံပါတယ်။ လေးထောင့်လှီးယူရတဲ့
ဆပ်ပြာတွေထုတ်မယ်ဆိုရင် လိုမယ့် Mold အမျိုးအစားဖြစ်ပါတယ်။

Plastic Molds:
ပလပ်စတစ်က ဆပ်ပြာ Mold အတွက် အတော်သင့်တော်ပါတယ်။ အိမ်သုံးဖို့ဆပ်ပြာလုပ်မယ်ဆိုရင် အသုံးပြုပီးသား ပလပ်စတစ်ခွက်တွေကို Mold အဖြစ်သုံးပီး လိုသလို ပြန်လှီးဖြတ်သုံးစွဲနိုင်ပါတယ်။

Silicone Molds:
ဆီလီကွန်ကတော့ ပျော့ပျောင်းတဲ့အတွက် Mold ကနေပြန်ထုတ်ယူတဲ့အခါမှာ လွယ်ကူစေပါတယ်။ ဒါပေမယ့် ပိုတွယ်ကပ်နေတက်တဲ့အတွက် အခြား Mold ထက်စာရင် ဆီလီကွန်မှာထားရင် ရက်ကြာကြာပိုထားဖို့လိုပါတယ်။

အထက်ပါအချက်အလက်များကို Soapqueen မှ မှီငြမ်းရေးသားဖေါ်ပြခြင်းဖြစ်ပါသည်။
credit natural handmade soap

Address

Magway
04011

Telephone

+956327492

Website

Alerts

Be the first to know and let us send you an email when Soar Seinn posts news and promotions. Your email address will not be used for any other purpose, and you can unsubscribe at any time.

Shortcuts

Share

Category