30/06/2020
အားလုံးပဲ မင်္ဂလာပါ…😍😍😍
ဟန်နီ အခု ပြောချင်တဲ့အကြောင်းကတော့ ပိုက်ဆံ မကုန်ဘဲ အိမ်မှာနေရင်း ပိုပြီး လှလာစေမယ့် နည်းလေးတွေ ဖြစ်ပါတယ်…. နည်းလမ်းလေးတွေကတော့ ရေခဲတုံးလေးတွေနဲ့ အိမ်မှာ ပေါ့ပေါ့ပါးပါး Ice Therapy လုပ်ပေးရမှာပါ… တချို့နည်းလေးတွေက ချက်ချင်းသိသာသလို တချို့နည်းလေးတွေကတော့ ဇွဲရှိရှိနဲ့ သေချာလုပ်ဖို့ လိုပါမယ်နော်...ကဲ ဒါဆို အိမ်မှာ ရေခဲလေးရှိရုံနဲ့ အလှအပအတွက် ဘယ်လိုတွေ အသုံးဝင်မလဲဆိုတာ ကြည့်လိုက်ရအောင်...
✨Glow & Radiant skin look ရစေတယ်
မျက်နှာလေးပေါ်ရေခဲတုံးလေးတွေ အသာအယာပွတ်ပေးခြင်းက ပထမဆုံး သွေးကြောလေးတွေကို ယာယီကျဉ်းစေပြီး မျက်နှာပေါ် သွေးအရောက်နှေးစေတယ်.. ရေခဲပွတ်ပြီးလို့ ပုံမှန် skin temperature ပြန်ရောက်တဲ့အခါ သွေးကြောလေးတွေ ပြန်ကျယ်လာပြီး မျက်နှာကို သွေးအရောက် ပိုများလာစေတဲ့အတွက် မျက်နှာပေါ်မှာ သွေးလည်ပတ်အား မျှတအောင် ထိန်းညှိုပေးသလို သွေးလည်ပတ်အား ကောင်းလေ အသားအရေလေး ပိုစိုပြေစေပြီး မျက်နှာကြည်ကြည်လေးနဲ့ Glow skin လေး ရစေမှာပါ..
ဒါကြောင့် ဟန်နီတို့ ကိုယ်သုံးမယ့် night cream, serum လေးတွေကိုလည်း skin ထဲ absorption ကောင်းကောင်း သွေးလည်ပတ်အားကောင်းကောင်းနဲ့ moisture lock ဖြစ်စေချင်ရင် skin care လေးတွေကို ရေခဲသေတ္တာထဲ သန့်သန့်ရှင်းရှင်းထားပြီး အေးအေးလေးသုံးပေးနိုင်ပါတယ်…
✨Make up primer အစား သုံးနိုင်တယ်
မိတ်ကပ်မလိမ်းခင် ရေခဲပွတ်ပေးတာကလည်း ချွေးပေါက်အတော်အသင့်ဖုံးပေးပြီး အဆီထွက်နှုန်းလျှော့ချပေးနိုင်လို့ flawless makeup look အသွင်နဲ့ မိတ်ကပ်ကို ပိုကြာကြာခံစေပါတယ်..
✨အရွယ်တင် နုပျိုစေတယ်
ရေခဲက အသားအရေတင်းရင်းမှုကို ထောက်ပံ့ပေးနိုင်တဲ့အတွက် မျက်နှာပေါ်မှာ အရေးအကြောင်းမဖြစ်အောင် အနည်းနဲ့အများ ကာကွယ်ပေးနိုင်သလို ရှိပြီးအရေးအကြောင်းတွေကိုလည်း အထိုက်အလျောက် လျော့ပါးသက်သာစေတယ်.. ဒါပေမယ့် မှန်မှန်လုပ်ပေးဖို့တော့ လိုပါလိမ့်မယ်နော်.. လည်ပင်းအရေးအကြောင်းပါ သက်သာချင်တယ်ဆိုရင်တော့ လည်ပင်းနေရာလေးကိုပါ သတိတရ ပွတ်ပေးဖို့ မမေ့ပါနဲ့နော်…
✨Skin Exfoliation effect ပေးတယ်
Milk ice cube လေးတွေနဲ့ skin exfoliate လုပ်ပေးနိုင်ပါတယ်...နွားနို့အပြင် သခွားသီး, သံပုရာသီး ထည့်ပေးနိုင်ရင် ပိုကောင်းပါတယ်...အားလုံးကို blender နဲ့ရောမွှေပြီး ရေခဲတုံးလေးတွေ ဖြစ်အောင် ခဲထားလိုက်ပါ… ပင်ပန်းနွမ်းနယ်လာတဲ့ရက်မျိုးမှာ ဒီရေခဲတုံးလေးတွေနဲ့ အလွယ်တကူပွတ်ပေးလိုက်တာက လန်းဆန်းစေတဲ့အပြင် နွားနို့မှာ lactic acid ပါဝင်လို့ dead skin cell တွေကို ဖယ်ရှားပြီး ဖြစ်သလို သခွားသီးက soothing effect ရစေပြီး သံပုရာသီးက brightening action ပေးလို့ မျက်နှာလေးကို နူးနူးညံ့ညံ့ ကြည်ကြည်လင်လင်လေးနဲ့ လှစေမှာပါ...
✨မျက်ဝန်း အလှအပအတွက် အထောက်အကူပေးတယ်
မျက်ဝန်းအလှအပအတွက် ရေခဲက မျက်ကွင်းညိုတာ သက်သာစေပြီး မျက်အိတ်ဖောင်းတာအတွက် အရမ်းထိရောက်ပါတယ်.. Green tea bag လေးတွေကို ရေနွေးစိမ်..ရလာတဲ့ green tea အရည်ကို ice cube tray ထဲထည့်ပြီး အအေးခံထားပါ...ဘယ်လိုလုပ်ရမလဲဆိုရင် ပထမဆုံး မျက်လုံးမှိတ်ထားပြီး ရေခဲတုံးကို မျက်လုံးတဝိုက် circular motion ရွှေ့ပေးပါ...တစ်ခါလုပ်ရင် ၂မိနစ်ထက်မပိုဘဲ နေ့တိုင်းလုပ်ပေးနိုင်ပါတယ်… green tea မရှိခဲ့ရင် ရှားစောင်း၊ သခွားသီး၊ နွားနို့၊ အာလူးတို့ကိုလည်း အရည်ယူပြီး ရေခဲတုံးလေးတွေအနေနဲ့ အသုံးပြုနိုင်ပါတယ်..
✨အဆီပြန် ချွေးပေါက်ကျယ် ဝက်ခြံသမားတွေအတွက် သင့်တော်တယ်
ရေခဲဟာ ချွေးပေါက်လေးတွေကို ကျဉ်းစေတဲ့အတွက် ချွေးပေါက်ထဲ အဆီ နဲ့ အညစ်အကြေးတွေ ထပ်မပိတ်ဆို့အောင် အနည်းနဲ့အများ လုပ်ဆောင်ပေးပါတယ်...အဆီထွက်နှုန်း နည်းစေပါတယ်...အဆီ ထွက်တာ နည်းလေလေ အဆီဖုနဲ့ ဝက်ခြံဖု မဖြစ်အောင် ကာကွယ်ပြီးသားဖြစ်သလို ရေခဲက နီရဲရောင်ရမ်း နေတဲ့ ဝက်ခြံဖုတွေကိုပါ သက်သာစေပါတယ်.. နီရဲရောင်ရမ်းမှုကိုပဲ သက်သာစေတာဖြစ်တဲ့အတွက် ဆားဝက်ခြံတွေအပေါ် ထိရောက်မှုမရှိပါဘူး...သေချာဂရုစိုက်ရမှာက ဝက်ခြံဖြစ်နေတဲ့အသားအရေဟာ sensitive ဖြစ်လွန်းတဲ့အတွက် သန့်ရှင်းအောင် လုပ်ဖို့ရယ် အသာအယာလုပ်ပေးဖို့ရယ် သတိထားပေးပါနော်..
✨အရေပြားအပူလောင်တာ နေလောင်တာတွေ သက်သာစေတယ်
Heat rash နဲ့ Sunburn လို အရေပြားလောင်တဲ့ပြဿနာမျိုးမှာလည်း ရေခဲက အသားအရေနီမြန်းတာ ရောင်ရမ်းတာသက်သာစေလို့ အရမ်းအသုံးဝင်မှာပါ...ဒီနေရာမှာ ရှားစောင်းအရည်ကို ရေခဲခဲပြီး သုံးတာက ရေခဲသီးသန့်သုံးတာထက် ပိုထိရောက်ပါလိမ့်မယ်…
✨Lip allergy ဖြစ်တာအတွက် သုံးနိုင်တယ်
နှုတ်ခမ်းသား တစ်ခုခုနဲ့ ဓာတ်မတည့်လို့ ယောင်တာအတွက်လည်း ရေခဲ သုံးပေးနိုင်ပါတယ်...hydration အပြည့်အဝရတာကလည်း နှုတ်ခမ်းသား အမြန်သက်သာစေတဲ့အချက်တစ်ချက်ဖြစ်လို့ ရေများများသောက်ပေးဖို့တော့ ဟန်နီ အကြံပေးပါရစေ…
✨မျက်ခုံးမွှေးနှုတ်တဲ့အခါ အနာသက်သာစေတယ်
ဒီအချက်က ဘာမှမဟုတ်ပေမယ့် မျက်ခုံးမွှေးနှုတ်ရင် အရမ်းနာတတ်တဲ့ တချို့ညီမလေးတွေ တွေ့ဖူးလို့ မျက်ခုံးမွှေးနှုတ်တဲ့အခါ အနာသက်သာအောင် ရေခဲလေးကပ်ပြီးမှ လုပ်ရင် ပိုပြီး အနာသက်သာနိုင်ပါတယ်..
✨လက်သည်းနီ အခြောက်မြန်ဖို့ သုံးနိုင်တယ်
လက်သည်းနီိ ဆိုးပြီးတဲ့အခါ ၅မိနစ်လောက် အခြောက်ခံပြီး ဒီတိုင်းထသွားတာထက် ရေခဲရေဇလုံလေးထဲ ၃မိနစ်လောက် လက်သည်းစိမ်ပေးလိုက်တာက ဆိုးဆိုးပြီးချင်း ထိမိရင် ပျက်လွယ်တာမျိုး မဖြစ်တော့ပါဘူး.. ရေခဲရေ အလွယ်မရနိုင်လည်း ရိုးရိုးရေ သုံးကြည့်နိုင်ပါတယ်..
✨ဗိုက်အဆီကျစေတယ်
ဒါကတော့ လက်ခံဖို့ ခက်တယ်ဆိုပေမယ့် ဗိုက်အဆီချတဲ့နေရာမှာလည်း ရေခဲက အသုံးဝင်ပါတယ်… ဗိုက်အဆီနေရာကို ရေခဲအိတ်လေး ၁၅မိနစ်တင်...၃မိနစ်နား..ပြန်တင်...ဒီလိုနဲ့ ၁နာရီကြာ လုပ်ပေးပါ...ရေခဲကို green tea , coffee တို့နဲ့ လုပ်ပေးနိုင်ရင် အဆီလောင်ကျွမ်းနှုန်း လွယ်လွယ်ကူကူနဲ့ ပိုမြန်စေပါတယ်တဲ့...
———————————————————
အခု ဟန်နီ ပြောခဲ့တာတွေကတော့ ရေခဲရဲ့အသုံးဝင်ပုံလေးတွေပါ..
အကယ်လို့ ရေခဲတစ်မျိုးတည်း လုပ်ရတာ ငြီးငွေ့လာတာပဲဖြစ်ဖြစ် ပိုကောင်းတဲ့ Result ရချင်ရင်ပဲဖြစ်ဖြစ်... ဘယ်အသားအရေက ဘယ်လို remedies လေးနဲ့ ပေါင်းစပ်ပြီး လုပ်လို့ရမလဲ ဟန်နီ အကြမ်းဖျဉ်း ပြောပြပေးပါမယ်…
🧊နေလောင်ထားတဲ့ အသားအရေအတွက် Aloe Vera Ice Cubes
🧊ဝက်ခြံအသားအရေအတွက် Green tea / Honey Ice Cubes
🧊အဆီပြန်ပြီး ချွေးပေါက်ကျယ်အသားအရေအတွက် Cucumber / Tomato Ice Cubes
🧊ဝက်ခြံအမဲစက်၊ တင်းတိပ်အသားအရေအတွက် Lemon / Pineapple Ice Cubes
🧊အရေးအကြောင်းအသားအရေအတွက် Watermelon / Egg yolk Ice Cubes
——————————————————
💢 သတိထားရမယ့် အချက်လေးတွေကတော့
-နေ့ခင်းအပြင်က ပြန်လာတဲ့အချိန်..အပူချိန်ပြင်းတဲ့အချိန်တွေမှာ မလုပ်ပါနဲ့နော်...အပူရှပ်မှာ စိုးလို့ပါ.. အကောင်းဆုံးကတော့ ညဘက် အိပ်ခါနီး အချိန်မျိုး လုပ်ပေးတာ အဆင်ပြေပါလိမ့်မယ်..
-အရင်ဆုံး မျက်နှာနဲ့ လက်ကို အသန့်ရှင်းဆုံးဖြစ်အောင် ဆေးပေးပါ.. မျက်နှာကို double cleansing သေချာလုပ်ပေးပါ… မသန့်ရှင်းရင် အညစ်အကြေးတွေစုပြီး ချွေးပေါက်ပိတ်လိုက်သလိုဖြစ်သွားပါမယ်…
-ရေခဲသုံးတဲ့အခါ ရေသန့်ကို ခဲထားတဲ့ ရေခဲသုံးပေးပြီး ရေခဲ ခဲတဲ့နေရာမှာလည်း ပိုးမဝင်အောင် အဖုံးပါတဲ့ ရေခဲခွက်လေးတွေ သုံးတာက ပိုသန့်ရှင်းစေပါတယ်...
-ရေခဲတုံးကို တိုက်ရိုက်မျက်နှာပေါ်မတင်ဘဲ အဝတ်ပါးပါးသန့်သန့်တစ်ခု ဒါမှမဟုတ် plastic bag သန့်သန့်လေးနဲ့ ထုပ်ပြီး သုံးပေးပါ...
-နေ့တိုင်း အချိန်ကြာကြာ ရေခဲ နဲ့ ပွတ်တာက အသားအရမ်းနုလွန်းရင် နီရဲလာတာမျိုးတွေဖြစ်လာနိုင်လို့ တစ်ပတ်ကို ၂ကြိမ် ၃ကြိမ်နဲ့ တစ်ကြိမ်ကို ၅မိနစ် အလွန်ဆုံး ၁၀-၁၅မိနစ်ပဲ လုပ်ပေးပါ...
-ရေခဲပွတ်တဲ့အခါ တစ်နေရာတည်း မှာ ရေခဲတုံးကို တောက်လျှောက် မတင်ထားဘဲ မျက်နှာအနှံ စက်ဝိုင်းပုံ ခပ်ဖွဖွသာ ပွတ်ပေးပါ…
-remedies သုံးရင် လတ်လတ်ဆတ်ဆတ်လေးတွေ သုံးပေးပါ...အသုံးပြုမယ့် ဓား၊ စဉ်းနှီးတုံး သန့်ရှင်းအောင် ဆေးပါ...သဘာဝပစ္စည်းတောင် ကိုယ်နဲ့မတည့်တာ ရှိနိုင်တဲ့အတွက် မျက်နှာပေါ်တန်းမလုပ်ဘဲ အရေပြားအပါးလွှာဆုံးနေရာလေး ( ဥပမာ.. နားအနောက်လိုနေရာမျိုး) မှာ တည့်မတည့်အရင်စမ်းလုပ်ကြည့်ပါ..
-မျက်ဝန်းတဝိုက် လုပ်တဲ့အခါ အခြား remedies တွေ ပါတဲ့အတွက် မျက်လုံးထဲမဝင်အောင် သတိထားပေးပါ..
-remedies ပါတဲ့ ရေခဲပွတ်ပြီးရင် တချို့ရေပြန်ဆေးစရာမလိုပေမယ့် မနေတတ်ရင် ရေသန့်လေးနဲ့ပဲ ပြန်ဆေးပေးပါ...မျက်နှာသစ်ဆေး ပြန်သုံးစရာ မလိုပါဘူးနော်...ရေခဲမပွတ်ခင်ဘဲ မျက်နှာ သေချာသစ်ပေးဖို့ ဟန်နီ ထပ်ပြောပါရစေ...
ဒီနည်းလေးတွေက ဟန်နီလည်း အမြဲလုပ်ဖြစ်နေပြီး အားလုံးလည်း အလွယ်ဆုံး လိုက်လုပ်လို့ရမယ့်နည်းလေး ထင်လို့ ပထမဆုံး DIY beauty tips အနေနဲ့ မျှဝေလိုက်ပါတယ်...လိုက်လုပ်ကြည့်ပြီး ထူးခြားချက်လေးတွေ ရှိရင်လည်း Comment မှာ အားလုံးနဲ့ ပြန်မျှဝေပေးသွားပါဦးနော်.. 😍 နောက်ရေးမယ့် DIY beauty tips တွေမှာလည်း ဘယ်အကြောင်းလေးတွေ ရေးစေချင်လဲဆိုတာ Comment မှာ ပြောသွားလို့ ရပါတယ်… အများစု သိချင်တာကို ဟန်နီ ဦးစားပေး ရေးပေးသွားပါမယ်နော်.. 🥰
❤️ Sharing is Caring ❤️
With much love
Dr.Honey👩🏻⚕️
