20/04/2026
"ခက်ခဲနေခြင်းကိုက တော်လှန်ရေးမည်၏''
ကျနော်တို့ရဲ့ တပ်ရေးအရာရှိက Rollcall စီရင် ပြောလေ့ရှိပါတယ်၊ အရာရာဟာ လွယ်ကူနေမှတော့ တော်လှန်ရေးဘယ်မည်ပါ့မလဲ ''ခက်ခဲနေခြင်းကိုက တော်လှန်ရေးပါ'' ဆိုတဲ့စကားလေးပါ၊ အဲ့စကားလေးကို ခက်ခဲလာတဲ့ချိန်တိုင်းမှာ ကိုယ့်ကိုယ်ကို ပြန်လည် Remind လုပ်လေ့ရှိပါတယ်။ ကျနော်တို့အားလုံးဟာ ခက်ခဲတဲ့ ခေတ်ကာလတစ်ခုကိုကျော်ဖြတ်နေကြချိန်မှာ သူသူကိုယ်ကိုယ် စိတ်ပင်ပန်း စိတ်ဖိစီးလာကြတော့ ကျနော်တို့အချင်းချင်းကြားမှာ မေတ္တာတရား၊ အကောင်းမြင်စိတ်၊ သည်းခံစိတ်တွေ ပါးလျလာတက်ကြပါတယ်။
ကျနော်တို့ရဲဘော်တွေဟာလည်း နေ့စဥ် အခက်အခဲ၊ စိန်ခေါ်မှု၊ စိတ်ဖိစီးမှုတွေ ကြားထဲမှာ နေထိုင်ရတဲ့အတွက် ကောင်းမွန်တဲ့ ဆက်ဆံရေးကို ထိန်းသိမ်းထားဖို့၊ အကောင်းမြင်စိတ်တွေ ထားရှိဖို့က အင်မတန် အရေးကြီးပါတယ်။ ဒီလို အခက်အခဲဆုံး အခြေအနေတွေကို ဖြတ်ကျော်ရတဲ့အခါ ကျနော်တို့မှာ ကြံ့ကြံ့ခံနိုင်စွမ်း ရှိနေဖို့ဟာ မဖြစ်မနေ လိုအပ်လာပါတယ်။ ကြံ့ကြံ့ခံနိုင်စွမ်းအားကောင်းပြီး စိတ်ဓာတ်တူတဲ့၊ ယုံကြည်ချက်ခိုင်မာတဲ့ ရဲဘော်တွေဖြစ်မှသာ ကျနော်တို့ဟာ စစ်အုပ်စုကိုဖြိုချနိုင်မှာပါ။
ကျနော်တို့နဲ့ အပတ်စဥ်အတူတူရဲဘော်တွေထဲကဖြစ်စေ ခံယူချက်အားနည်းကြသူတွေဖြစ်စေ လမ်းခုလတ်မှာအကြောင်းပြချက်ပေါင်းစုံနဲ့ ထွက်ခွာသွားကြတာမျိုးကိုကြုံတွေ့ရလေ့ရှိပါတယ်။ အဲ့ဒီလိုလူတွေကို နှမြောတသသဖြစ်နေမယ့်အစား ဘေးနားမှာ ကျန်ရှိနေတဲ့ မိမိတို့ရဲဘော်ရဲ့လက်ကို ပိုမြဲမြဲဆုပ်ကိုင်လိုက်ပါ။ ပိုပြီးနွေးထွေးပေးလိုက်ပါ။ နေသာတဲ့နေ့မှာ အတူတူသွားလာဖို့က လွယ်ကူပေမဲ့ မုန်တိုင်းထန်တဲ့အချိန်မှာမှ အတူတူရပ်တည်ပေးတဲ့သူကသာ "စစ်မှန်တဲ့ ရဲဘော်ရဲဘက်"တွေပါ။ တော်လှန်ရေးကာလမှာဆုံကြပေမဲ့ ကျနော်တို့တွေဟာ ရဲဘော်ရဲဘက်တွေတင်မကပါဘူးအေးအတူပူအမျှ ခံစားကြတဲ့ မိသားစုဝင်တွေလည်း ဖြစ်ပါတယ်။ အခုလို စိတ်ဓာတ်ရေးရာ စိန်ခေါ်မှုတွေကြားမှာ အခက်အခဲတွေကိုကြံ့ကြံ့ခံရင်ဆိုင်ရင်း နှစ်သစ်မှာ စစ်မှန်တဲ့ရဲဘော်ရဲဘက်တွေနဲ့အတူ ဆက်လက်တော်လှန်နိုင်ကြပါစေလို့။
တပ်သားသစ်များ စိစစ်ခေါ်ယူနေပါပြီ။
ဆက်သွယ်ရန် _ ပဲခူးခရိုင် ၊ အမှတ် - ၂ တပ်ရင်း ၊ P2-3702
#ပဲခူးခရိုင်တပ်ရင်း၂
#၃၇၀၂တပ်ရင်း
#ဗျူဟာ၂၅
#တပ်သားသစ်ခေါ်ခြင်း
#၃၇၀၂တပ်ရင်းထောက်ပို့ထီ
#3702ထောက်ပို့တပ်သား
