Zuu Zuu Digital Money Store

28/09/2025

မသမာသူများက AI နည်းပညာကိုအသုံးပြုပြီး Transaction Received စလစ်အစစ်နီးပါးနှင့်တူသည့် စလစ်အတု များကိုအသုံးပြုကာ အမှန်တကယ် ငွေပေးချေခဲ့သည့်ပုံစံ (ငွေလွှဲပြီးကြောင်း စလစ်အဖြစ်)အသုံးပြုလျက်ရှိပါတယ်။
ဒီလိုလိမ်လည်မှုများကို ကာကွယ်ဖို့အတွက် မဖြစ်မနေသိရှိထားရမည့် အချက်တွေကတော့-
📌 ငွေအမှန်တကယ်ရောက်ရှိခြင်းရှိ/မရှိကို သင့်ရဲ့ KBZPay Wallet ရဲ့ Balance ကိုဖြစ်စေ၊ History မှဖြစ်စေ စစ်ဆေးပါ။ ငွေလွှဲပြောင်းမှုမှတ်တမ်း (Transaction History) တွင်မရှိပါက ငွေလက်ခံရရှိခြင်း မရှိသေးသည်ကို သတိပြုပါ။
📌အခြားသူများမှ အမှန်တကယ် ငွေလွှဲပါက KBZPay မှ ငွေလွှဲရောက်ရှိကြောင်း Notification ဝင်လာမည် ဖြစ်သဖြင့် အဆိုပါ Notification ကို စစ်ဆေးအတည်ပြုပါ။
📌 မသင်္ကာဖွယ်ရာအခြေအနေများနှင့်ကြုံတွေ့ပါက KBZPay Call Center -3211 သို့ အချိန်မရွေး ဆက်သွယ် မေးမြန်းအကြောင်းကြားနိုင်ပါတယ်။
KBZPay တွင် Customer Level သည် Level 2 အထိသာအမြင့်ဆုံးဖြစ်ပါတယ်။ App version 5.8.2 နှင့် အထက် version များကို မိမိကိုယ်တိုင်အဆင့်မြှင့်တင်အသုံးပြု၍ KBZPay Account များကို ပိုမိုလုံခြုံစွာအသုံးပြုလိုက်ပါ။

01/09/2025

နိုင်ငံသားစိစစ်ရေးကတ်အတုဆိုတာကတော့ တရားမဝင်လုပ်ဆောင်မှုများဆောင်ရွက်ရန် ရည်ရွယ်၍ နိုင်ငံသားစိစစ်ရေးကတ် (NRC) အစစ်အား တုပ ထားတဲ့ စာရွက်စာတမ်းကတ်တစ်ခု ဖြစ်ပါတယ်။

လတ်တလောမှာတော့ လိမ်လည်သူ/မသမာသူများက နိုင်ငံသားစိစစ်ရေးကတ် (NRC) အတုများကို အသုံး ပြုကာ–
ဘဏ်စာရင်းအကောင့်/KBZPay အကောင့် များဖွင့်ခြင်း
လိမ်လည်ရရှိသောခိုးယူငွေများကို အခြားငွေစာရင်းအကောင့်များသို့ လွှဲပြောင်းရယူခြင်း
တရားမဝင်လုပ်ငန်းများတွင်ကိုယ်ရေးအချက်အလက်အမှန်များ ဖုံးကွယ်ရန် အသုံးပြုခြင်း
Crypto Currency သို့ ပြောင်း၍ လိမ်လည်ရရှိသောတရားမဝင်ငွေများဖုံးကွယ်ခြင်း
နိုင်ငံသားစိစစ်ရေးကတ် (NRC) ကတ်များ တုပပြုလုပ်ရောင်းချခြင်းမှ ငွေကြေးအကျိုးအမြတ်များရယူခြင်းတို့ကို ပြုလုပ်လျက်ရှိပါတယ်။

ဒါကြောင့် မိမိ၏ နိုင်ငံသားစိစစ်ရေးကတ် (NRC) အချက်လက်များကို မသမာသူများ တုပ/ခိုးယူ အသုံးပြု ခံရခြင်း မှ အထူး သတိပြုကာကွယ်ရန်လိုအပ်ကြောင်းတိုက်တွန်းပြောကြားလိုက်ပါတယ်။

14/08/2025

ထရူးမန်းနီးရဲ့ ငွေထုတ်၊ ငွေထုတ်၊ ဘေလ်ပေး ဝန်ဆောင်မှုတွေနဲ့ ပတ်သက်ပြီး စုံစမ်းမေးမြန်းလိုရင်ပဲ ဖြစ်ဖြစ်၊
အခက်အခဲတွေ တစ်စုံတစ်ရာရှိရင်ပဲ ဖြစ်ဖြစ်၊ တစ်ယောက်တည်း ခေါင်းရှုပ်မခံပါနဲ့။

🥰 ဖော်ရွေပျူငှာတဲ့ ကျွန်တော်တို့ TrueMoney Myanmar - Call Center ဝန်ထမ်းများမှ မနက် (၇) နာရီမှ ည (၈) နာရီအတွင်း ပိတ်ရက်မရှိ ဝန်ဆောင်ပေးလျက်ရှိတာမို့ “09 969 51 9999” ကို “ ဟယ်လို! “ လုပ်လိုက်တော့နော်။ 🤩

#ထရူးမန်းနီး #ငွေလွှဲငွေထုတ် #ဝန်ဆောင်မှုဌာန #ပိတ်ရက်မရှိဝန်ဆောင်မှု

10/08/2025

KBZ Online Banking နှင့် KBZPay အသုံးပြုသူများအနေနဲ့ မိမိရဲ့ ကိုယ်ပိုင်နိုင်ငံသားစိစစ်‌ရေးကတ်အချက်အလက်များကို အများသူငါနှင့် မျှဝေခြင်းလုံးဝမပြုလုပ်ပါရန် အထူးတိုက်တွန်းလိုပါတယ်။
နိုင်ငံသားစိစစ်ရေးကတ် (NRC) နှင့် ကိုယ်ရေးအချက်အလက်များကို မျှဝေမိတဲ့အခါ-
‼️ အတုအယောင် Website/ချေးငွေလုပ်ငန်းများ၊ အလုပ်ကြော်ငြာများတွင် အချက်အလက်ထည့်ခြင်းအန္တရာယ်များ ကျရောက်စေနိုင်ပါတယ်။
‼️ လူကြီးမင်းအမည်နှင့် ဘဏ်အကောင့်/ewallet/Sim Card အသစ်ဖွင့်ခံရနိုင်ပြီး၊ ငွေကြေးခဝါချမှု၊ ဥပဒေရေးရာပြဿနာများဖြစ်ပေါ်နိုင်ပါတယ်။
‼️ ဒါ့အပြင် နိုင်ငံသားစိစစ်ရေးကတ်အတုပြုလုပ်ခြင်းများလည်း ကြုံတွေ့ရနိုင်ပြီး ရာဇဝတ်မှုများအတွက် အသုံးပြုခြင်းခံရပါက ဥပဒေအရ အရေးယူခံရနိုင်ပါတယ်။
အထက်ပါအန္တရာယ်များမှ ကာကွယ်ရန်အတွက် မိမိ၏ နိုင်ငံသားစိစစ်ရေးကတ်ကို
✅ တရားဝင်လုပ်ငန်းမှလွဲ၍ မည်သူ့ကိုမှမျှဝေခြင်းမပြုရ။
✅ အွန်လိုင်းပေါ် (သို့မဟုတ်) မိတ္တူကူး၍ မသက်ဆိုင်သူများထံမပေးရ။
✅ နိုင်ငံသားစိစစ်ရေးကတ်ပေးရန်လိုအပ်ပါက တရားဝင်အဖွဲ့အစည်းဖြစ်ကြောင်း သေချာစွာစစ်ဆေးပါ။
မသင်္ကာစရာအခြေအနေများနှင့်ကြုံတွေ့ပါက နီးစပ်ရာ ကမ္ဘောဇဘဏ်များ (သို့မဟုတ်) KBZPay Center များသို့ သွားရောက်စုံစမ်းနိုင်သလို KBZ Call Center- 09951018555 နှင့် KBZPay Call Center - 3211 သို့ဆက်သွယ်မေးမြန်းနိုင်ပါတယ်။

10/08/2025

10/08/2025

KBZPay အသုံးပြုသူများအနေနဲ့ အခြား KBZPay Account များထံသို့ဖြစ်စေ၊ Account မရှိသူများထံသို့ဖြစ်စေ ငွေလွှဲတဲ့အခါ ငွေပမာဏမှားခြင်း၊ KBZPay Account (ဖုန်းနံပါတ်) မှားခြင်းစတဲ့ မှားယွင်းမှုများဖြစ်ပေါ်နိုင်ပါတယ်။

ဒါကြောင့် ငွေလွှဲခါနီးတိုင်းမှာ-
✦ မိမိငွေလွှဲမည့်ဖုန်းနံပါတ်၊ အမည် တို့ကို KBZPay တွင်ပြထားသော အချက်အလက်များနှင့် သေချာစွာတိုက်ဆိုင်စစ်ဆေးပါ။
✦ အချက်အလက်များမှန်ကန်ပါက လွှဲမည့်ငွေပမာဏကို သေချာစွာထပ်မံစစ်ဆေးပါ။ (အထူးသဖြင့် သုညဂဏန်းများကိုသတိထားပါ။)

✦ မိမိဖုန်းတွင် မှတ်သားထားသော Contact list မှတစ်ဆင့် (သို့မဟုတ်) မကြာသေးခင်မှ ငွေလွှဲထားသောမှတ်တမ်း (Recent Transfer List) မှ ရွေးချယ်၍ ငွေလွှဲရာတွင် မှားယွင်းရွေးချယ်မိနိုင်ပါသဖြင့် ငွေလွှဲလိုသည့် ဖုန်းနံပါတ် နှင့် အမည်တို့ကို မှန်ကန်ခြင်းရှိ/ မရှိ သေချာစွာစိစစ်ပြီးမှသာ ငွေလွှဲခြင်း ပြုလုပ်ဖို့ တိုက်တွန်းလိုပါတယ်။

✦ ငွေကြေးဆုံးရှုံးမှုများမှ အချိန်မီ ကာကွယ်နိုင်စေရန်နှင့် ငွေမှားလွှဲမိသည်ဟု သိရှိသည့်အခါတွင် KBZPay Call Center (3211) သို့ ချက်ချင်း ဆက်သွယ်ရန်လိုအပ်ပါတယ်။

04/08/2025

ဧရာဘဏ်သို့ မြန်မာနိုင်ငံသားတိုင်း စစ်မှန်သော နိုင်ငံသားဆိုင်ရာအခွင့်အရေး၊ လုံခြုံမှု နှင့် မလိုလားအပ်သည်များကို ကာကွယ်မှုရရှိစေရန် သိရှိနားလည်သင့်သည့် နိုင်ငံသားစိစစ်ရေး မှတ်ပုံတင်(NRC)၊ ကိုယ်ရေးအချက်အလက်များနှင့်ပတ်သက်ပြီး ဗဟိုဘဏ်မှ ညွှန်ကြားချက်များကို ယခင်ပို့စ် Link >> https://www.facebook.com/share/p/1Ay9bexxpx/?mibextid=wwXIfr နဲ့ မျှဝေပြီးဖြစ်ပါသည်။ ဧရာဘဏ်မိတ်ဆွေများ သတိပြုမိစေရန် ထပ်ဆင့်မျှဝေဖော်ပြလိုက်ပါသည်။

(၁) မျှဝေခြင်းမပြုနှင့်

နိုင်ငံသားစိစစ်ရေး မှတ်ပုံတင် (NRC) ဖြစ်စေ ကိုယ်ရေးအချက်အလက်များဖြစ်စေ တရားမဝင်သော App, Website, ဘဏ် (သို့) ငွေကြေးအဖွဲ့အစည်းများနဲ့ အလုပ်အကိုင်ရှာဖွေရေး‌ အေဂျင်စီများသို့ အကြောင်းကြောင်းကြောင့် ပေးပို့မိခြင်း၊ ဖြည့်စွက်မိခြင်းများကြောင့် အမှတ်မထင် မျှဝေမိကာ မသမာသူများမှ မိမိရဲ့ အချက်အလက်များကို ခိုးယူအလွဲသုံးစားပြုလုပ်လာနိုင်ပြီး မိမိအား ၄င်းတို့၏လုပ်ငန်းစဥ်များထဲသို့ ပါဝင်ပတ်သက်စေနိုင်တာကြောင့် မျှဝေသောအခါ သေချာစွာစိစစ်သင့်ပါတယ်။

(၂) ကတ်အတုမသုံးနှင့်

နိုင်ငံသားစိစစ်ရေးကတ် (NRC) အတု သုံးစွဲခြင်းသည် ရာဇဝတ်မှုမြောက်ပါသဖြင့် ဥပဒေအရ စစ်ဆေးအရေးယူခြင်း ခံရနိုင်ရုံသာမက နိုင်ငံတော်လုံခြုံရေးပါ ထိခိုက်နိုင်သောကြောင့် မသုံးစွဲသင့်ကြောင့် အသိပေးလိုက်ရပါတယ်။

(၃) မိတ္တူဆွဲ၍ ပေးအပ်ခြင်းမပြုနှင့်

မသမာသူများမှ ၄င်းတို့၏လုပ်ငန်းစဥ်များတွင် မိမိ၏မှတ်ပုံတင် (NRC) နဲ့ ကိုယ်ရေးအချက်အလက်များကို အလွဲသုံးစားပြုလုပ်နိုင်ခြင်း၊ ၄င်းတို့၏ ကိုယ်ရေးအချက်အလက်များအစား မိမိ၏ ကိုယ်ရေးအချက်အလက်များနဲ့ အစားထိုး ဖုံးကွယ်ထားနိုင်ခြင်းတို့ကြောင့် နိုင်ငံသားစိစစ်ရေးကတ် (NRC) (မိတ္တူ) ကို မလိုအပ်ဘဲ မိတ္တူဆွဲခြင်း၊ မသက်ဆိုင်သောသူများကို မျှဝေမိခြင်းများ မပြုလုပ်ရန် ဂရုပြုသင့်ပါတယ်။
နိုင်ငံသားစိစစ်ရေးကတ် (NRC) ကို ကောက်ရ/ တွေ့ရှိပါက သက်ဆိုင်ရာ မြို့နယ်လူဝင်မှုကြီးကြပ်ရေး နှင့် အမျိုးသားမှတ်ပုံတင်ရေး ဦးစီးဌာနရုံးသို့ သွားရောက်အပ်နှံရမှာဖြစ်ပြီး ပျောက်ဆုံးပါက နီးစပ်ရာ ရဲတပ်ဖွဲ့စခန်းသို့ အကြောင်းကြားပြီး မြို့နယ်လူဝင်မှုကြီးကြပ်ရေး နှင့် အမျိုးသားမှတ်ပုံတင်ရေး ဦးစီးဌာနရုံးသို့ မိတ္တူထုတ်ပေးခွင့်ကို ကိုယ်တိုင်လျှောက်ထားရမှာဖြစ်ပါတယ်။
ထိုကြောင့် မိမိကိုယ်တိုင်၊ မိမိ၏မိသားစုနဲ့ နိုင်ငံတော်ရဲ့ လုံခြုံရေးကို ထိန်းသိမ်းကာကွယ်ရန်အတွက် နိုင်ငံသားစိစစ်ရေးကတ် (NRC) အစစ်အမှန်သာသုံးစွဲပြီး မိမိကိုယ်ရေးအချက်အလက်များကို ဂရုပြုထိန်းသိမ်းသင့်ကြောင်း မျှဝေလိုက်ရပါတယ်။

စိတ်ချယုံကြည် ဧရာဝတီ - Your Trusted Partner

04/08/2025

အွန်လိုင်းမှတစ်ဆင့်ဈေးဝယ်ပြီး ငွေပေးချေမယ့်အခါ
အတုအယောင် Page ဟုတ်မဟုတ် သတိထားပါ။

အွန်လိုင်းမှတစ်ဆင့်ဈေးဝယ်တဲ့အခါ ငွေကြေးလိမ်လည်မှုများနဲ့ကြုံတွေ့ခြင်းမှကင်းဝေးစေဖို့အတွက်
✦ Page ၏အချက်အလက်များအား သေချာစွာစိစစ်ပါ
✦ မှန်ကန် သေချာမှုမရှိဘဲ သံသယဖြစ်ဖွယ်များရှိပါက ငွေကြိုလွှဲ၍ ဈေးဝယ်ခြင်းမှရှောင်ကြဉ်ပါ။
ဒါ့အပြင် ငွေလွှဲခါနီးတိုင်းမှာလည်း ငွေလက်ခံမည့်သူ၏အမည်၊ ဖုန်းနံပါတ် နှင့် ငွေပမာဏတို့ကို သေချာစွာ ထပ်မံစစ်ဆေးပြီးမှ ငွေလွှဲခြင်းဖြင့် မိမိကိုယ်တိုင်မှားယွင်းလွှဲပြောင်းမိ၍ ဖြစ်ပေါ်လာနိင်သည့် ငွေကြေး ဆုံးရှံးမှုများမှ ကာကွယ်နိုင်မည်ဖြစ်ပါတယ်။
ငွေကြေးဆုံးရှုံးမှုများမှ အချိန်မှီကာကွယ်နိုင်ရန်နှင့် ငွေမှားလွှဲမိသည်ဟုသိရှိသည့်အခါတွင် KBZPay Call Center 3211 သို့ ချက်ချင်း ဆက်သွယ်ဖို့အတွက် တိုက်တွန်းလိုပါတယ်။

04/08/2025

အကြောင်းတစ်ခုခုကြောင့် Wave အကောင့်ပျက်သွားတဲ့အခါစိတ်ပူစရာလုံးဝမလိုဘူးနော်။🧏‍♀️​

​Wave အကောင့်ပြန်လည်လျှောက်ထားဖို့အတွက် မှတ်ပုံတင်ထားတဲ့ ဖုန်းနံပါတ်တစ်ခုသာလိုအပ်ပါတယ်။ ကိုယ်အသုံးပြုနေတဲ့ Sim Card (ဖုန်းနံပါတ်) ဟာ သက်ဆိုင်ရာ ဖုန်းအော်ပရေတာဆီမှာ မှတ်ပုံတင်ထားတဲ့အခါ Wave အကောင့်ကို လုံခြုံစိတ်ချစွာအသုံးပြုလို့ရပါတယ်။🛡️​

ဖုန်းပျက်တာ(သို့)ပျောက်ဆုံးခဲ့ရင် မှတ်ပုံတင်ထားတဲ့ Sim Card (ဖုန်းနံပါတ်) ဆို ဖုန်းအော်ပရေတာဆီမှာ အလွယ်တကူလျှောက်ထားပြီး မူလဖုန်းနံပါတ်ကိုပြန်လည်အသုံးပြုနိုင်ပါတယ်။ Wave အကောင့်ပျက်သွားတဲ့အခါမှာ မူလ Sim Card (ဖုန်းနံပါတ်) ကိုသာ OTP Code ပေးပို့မှာဖြစ်တာကြောင့် Sim Card (ဖုန်းနံပါတ်)မှတ်ပုံတင်ထားတာက အထူးအရေးကြီးတယ်နော်။💛​

04/08/2025

နိုင်ငံပေါင်းများစွာရှိ Money Gram ကနေ Wave အကောင့် နှင့် Yoma Bank ထဲတိုက်ရိုက်ငွေလွှဲနိုင်ပြီနော်။

Money Gram ရှိနေတဲ့​ ပြည်ပနိုင်ငံတွေကနေ မြန်မာနိုင်ငံက ချစ်ရသူတွေရဲ့ Wave အကောင့်သို့ တိုက်ရိုက်ငွေလွှဲနိုင်တဲ့အပြင် ငွေထုတ်ရတာလည်း လွယ်ကူစေမှာပါ …

Wave App သို့ ငွေလွှဲနိုင်သည့်နည်းလမ်းများ
(1) MoneyGram Application
(2) MoneyGram Website
(3) MoneyGram ၏ အေးဂျင့်နေရာများ
(4) MoneyGram ၏ ဒီဂျစ်တယ်ပါတနာများ

နိုင်ငံတကာ ငွေလွှဲဝန်ဆောင်မှုဖြစ်တဲ့ Money Gram မှတစ်ဆင့် ပြည်ပငွေလွှဲတွေကိုအလွယ်တကူလက်ခံဖို့ အခုပဲ Wave အကောင့်ဖွင့်ထားလိုက်တော့နော်။

English version below!

Receive money from abroad straight to your Wave account and Yoma Bank with MoneyGram.

Now your loved ones can send money directly to your Wave account and Yoma Bank from over 200 countries using MoneyGram. Quick, easy, and secure.

💸 How to send money to Wave via MoneyGram:
1) MoneyGram App
2) MoneyGram Website
3) MoneyGram Agent Locations
4) MoneyGram Digital Partners

Open your Wave account today and make receiving international transfers easier than ever.

👉 Android: https://bit.ly/3Pua0ij
👉 iOS: https://apple.co/3QzFAN6

04/08/2025

💢Wave Pay /KBZ Pay အတွင်းမှာငွေသားထုတ်ယူ

ခြင်းအတွက်သက်မှတ်ထားသော (မူရင်း)ငွေထုတ်ခ

နှုန်းထားများ ထက်သက်သာသော

💢💢💢Special လျော့စျေးအသစ်💢💢💢

1 - 50000 = 300ks

50001-100000 =500ks

100001-150000. =800ks

150001-200000. =1000ks

200001-300000. =1500ks

300001-400000. =2000ks

400001-500000. =2500ks

500001-600000. =3000ks

600001-700000. =3500ks

700001-800000. =4000ks

800001-900000. =4500ks

900001-1000000=5000ks

💢WAVE Money/True Money(Password နံပါတ်)

ဖြင့်ငွေသားထုတ်ယူခြင်း/Wave Pay/KBZ Pay

Account တွင်းသို့ငွေထည့်ခြင်းအတွက်အပို

ဝန်ဆောင်ခ လုံးဝ(လုံးဝ)ပေးရန်မလို့ပါ။

🚨🚨🚨သတိပြုရန်🚨🚨🚨

💢ဘဏ်များမှာငွေသားထုတ်ယူနိုင်မှုအပေါ်မူတည်၍ အပြောင်းအလှဲရှိနိုင်ပါသည်။

🏪Zuu Zuu Digital Money Store
♦️Everything is at Hand
♦️Your Trust Agent 💯

♦️3/22၊ရန်ကုန်-မန္တာ‌လေးလမ်းဟာင်း၊COD‌ကျောင်းအနီး၊သရက်ကုန်း၊ဇရပ်ကွင်းကျေးရွာ၊လှည်းကူးမြို့

⏰ဆိုင်ဖွင့်ချိန်(မနက်၉နာရီမှညနေ၆နာရီအထိ)

04/07/2025

"ငွေကြေးလုံခြုံဖို့ ချင့်ချိန်ယုံကြစို့" အစီအစဉ်ရဲ့ ပထမအပတ် အမေး-အဖြေ ကဏ္ဍကနေ ကြိုဆိုလိုက်ပါတယ်!

ရိုးမဘဏ်နဲ့ Wave Money တို့ပူးပေါင်းပြီးတော့ ငွေကြေးလိမ်လည်မှုဆိုင်ရာ အသိပညာပေးအစီအစဉ်များကို Mandalay FM, Shwe FM, Cherry FM တို့မှာ အပတ်စဉ် တင်ဆက်ပေးလျက်ရှိပါတယ်။

ဒီတစ်ပတ် ရေဒီယို FM တွေမှာ ထုတ်လွှင့်သွားခဲ့တဲ့ ငွေကြေးလိမ်လည်မှု အန္တရာယ်ကနေ ကာကွယ်နိုင်မဲ့ နည်းလမ်းကောင်း တစ်ခုကို ဘယ်သူတွေမှတ်မိကြလဲ?

မှတ်မိတယ်ဆိုရင် အောက်က ပေးထားတဲ့ အချက်တွေကို ရွေးပြီး ဖြေကြည့်ရအောင်။ ဖြေဆိုသူတွေထဲက အဖြေမှန် (၁၀) ဦးကို လာမဲ့အပတ် တနင်္လာနေ့မှာ ရွေးချယ်ပြီးတော့ ဆုလက်ဆောင် ၅,၀၀၀ ကျပ် ပေးအပ်သွားမှာ ဖြစ်ပါတယ်။

ကဲ ဒါဆို အဖြေမှန်လေးရွေးချယ်ပြီး ကောမန့်မှာ မန့်သွားခဲ့ကြဦးနော်..!

#ငွေကြေးလုံခြုံဖို့ချင့်ချိန်ယုံကြစို့ #ချင့်ချိန်ယုံ