https://www.facebook.com/101329308998145/

Second Books, Bago (2026)

29/09/2022

တစ်ချို့စကားတွေက မပြောဖြစ်ကြဘူး
တစ်ချို့စကားတွေက ပြောခွင့် မရကြဘူး

28/09/2022

သူငယ်ချင်းစီက ကြားချင်တဲ့အားပေးစကားလေးတွေက ဘာလေးတွေလဲ...

15/09/2022

သူများကို အကြံပေးတဲ့နေရာမှာ
ကျွန်တော်က လူတော် တစ်ယောက်ပါ။

ကျွန်တော်ကိုယ်တိုင်လုပ်တဲ့နေရာမှာတော့
ကျွန်တော်ဟာ လူညံ့။

- The story of Sai

09/09/2022

ပျော်ရွှင်နေမှ မဟုတ်ပါဘူး
မင်းအကြောင်းတွေးတိုင်းလည်း
ကိုယ် အမြဲပြုံးပါတယ်...

× Tristan Pyne

08/09/2022

🌼မိမိကိုယ်ကို အဆုံးစီရင်မယ်လို့ စဉ်းစားတဲ့အခါ...🌼

“ငါ့ဘဝဟာ အဓိပ္ပာယ်မရှိတော့ဘူး”၊ “ငါဘာအတွက် ရှင်သန်နေတာလဲ”၊ “ငါဟာ လူပိုတစ်ယောက်ပါပဲ၊ သေသွားတာပဲကောင်းမယ်” လို့ တွေးဖူးကြမှာပါ။ ကိုယ်ကျတော့ တစ်ရက်တစ်လေအဆင်မပြေတာပဲဖြစ်ဖြစ်၊ အချိန်အတိုင်းအတာတစ်ခုထိအဆင်မပြေတာပဲဖြစ်ဖြစ် ကြံ့ခိုင်အောင် နေမယ်ဆိုပြီး အားတင်းပေမယ့် တစ်ချို့သူတွေအတွက်တော့ ဘယ်သူ့ကိုမှ အသိမပေးတော့ဘဲ အဆုံးစီရင်သွားကြတာတွေလည်း ရှိပါတယ်။ တစ်ချိန်တည်းမှာပဲ ကိုယ်တွေးနေတဲ့အတိုင်း ကိုယ်နဲ့သက်ဆိုင်နေတဲ့ မိဘ၊ သူငယ်ချင်း၊ ချစ်သူ၊ ဆွေမျိုး၊ လုပ်ဖော်ကိုင်ဖက်တွေနဲ့ အခြားသူတွေလည်း ဒီအတိုင်းတွေးနေတာလည်း ရှိတယ်။ အခုတလောဆိုရင် လူတွေရဲ့ ကြံ့ခိုင်မှုဟာ ပိုပြီးလျော့နည်းလာတာနဲ့အမျှ ကိုယ့်ရဲ့ ဖြစ်တည်မှုကို အဆုံးသတ်ချင်တဲ့စိတ်တွေဟာ ပိုပြီး များလာနေပါပြီ။ ဒါဆိုဘာဆက်လုပ်ကြမလဲ။

၁. ကိုယ့်ကိုယ်ကိုယ် ကူညီဖို့ကြိုးစားပါ

ကိုယ်ကိုယ်တိုင်ဟာ တစ်စုံတစ်ခုကြောင့် အဆင်မပြေဖြစ်မိလို့ အဆုံးစီရင်ဖို့တွေးနေမိပြီဆိုရင် အရင်ဦးဆုံး သတိပြုမိဖို့ (Awareness) လိုအပ်ပါတယ်။ အဆုံးစီရင်ဖို့ တွေးမိတဲ့နေရာမှာ နှစ်မျိုးရှိတတ်ပါတယ်။ ပထမတစ်မျိုးက Passive Suicidal Ideation ပါ။ Passive Suicidal Ideation ဆိုတာဟာ အဆင်မပြေမှုတစ်ခုခုကြောင့် “သေလိုက်ရင်ကောင်းမှာပဲ” လောက်သာတွေးနေမိတတ်ပြီး နောက်ရက်ရောက်ပြီဆိုရင် ကိုယ်လုပ်စရာရှိတာကို ဆက်ပြီး လုပ်ကြတာမျိုးပါ။ ကိုယ့်ဘဝကို ပြန်ပြီး အာရုံစိုက်ကြပါတယ်။ ဒုတိယတစ်မျိုးကတော့ Active Suicidal Ideation ပါ။ ဒါကျတော့ အတွေးနဲ့တင် ရပ်သွားတာမျိုးမရှိဘဲ Su***de လုပ်ဖို့ သေချာ Plan ချထားမယ်၊ ဘယ်နေ့ဘယ်ချိန် ဘယ်လိုမျိုးအဆုံးစီရင်မယ်ဆိုပြီး တွက်ချက်ထားမယ်၊ အဆုံးမစီရင်ခင် လုပ်စရာရှိတာတွေကိုပါ ဦးစားပေးပြီး လုပ်တတ်ကြပါတယ်။ ဒီနေရာမှာ Passive ဖြစ်နေလို့ ပေါ့ပေါ့တန်တန်တော့ မတွေးသင့်ပါဘူး။ တစ်ချို့တွေကျတော့ Passive ကနေ Active အဆင့်ကိုလည်း အချိန်မရွေး ကူးပြောင်းနိုင်လို့ပါ။

ဒါကြောင့် ကိုယ့်ရဲ့ အခြေအနေကို အရင်ဆုံးတော့ ဆန်းစစ်ကြည့်ပါ။ " ကိုယ့်ရဲ့ ဒီအတွေးဟာ ဘယ်အချိန်ကတည်းကနေ စပြီဖြစ်နေတာလဲ၊ ကိုယ်ဟာ ဘာကြောင့် အဆုံးစီရင်ဖို့တွေးနေမိတာလဲ၊ ကိုယ့်ရဲ့ ခန္ဓာကိုယ်နဲ့ စိတ်ထဲမှာ အကြာကြီးခံစားနေမိတဲ့ ဒဏ်ရာမျိုးရှိမိတယ်ဆိုရင် ဘာတွေကြောင့် ဖြစ်နေမိလဲ" စတဲ့ မေးခွန်းလေးတွေကို ကိုယ်တိုင်ဖြေကြည့်လို့ရမလား လို့ ကြိုးစားကြည့်ပါ။ တစ်ချို့သူတွေအတွက်ဆိုရင် စိတ်ကျဝေဒနာခံစားနေရတဲ့အတွက် ဖြေဖို့တောင် ခက်ခဲမှုရှိနေမယ်ဆိုရင်လည်း Professional Help (စိတ်ကျန်းမာရေးပညာရှင်) စီ ကို အမြန်ဆုံး ဆက်သွယ်ပြီး အကူအညီခံယူသင့်ပါတယ်။

၂. တစ်ပါးသူကို နားထောင်ပေးပါ

တစ်ခါတစ်လေကျရင် ကိုယ်နဲ့ အရင်းနှီးဆုံး မိတ်ဆွေတွေဟာ သူတို့ Su***de လုပ်တော့မယ်ဆိုပြီး ရင်လာဖွင့်တတ်ကြတာမျိုးဖြစ်ဖြစ် ကြုံဖူးကြမှာပါ။ နောက်ဆုံးအနေနဲ့လည်းဖြစ်ချင်ဖြစ်သွားနိုင်သလို၊ ဘယ်သူ့ကိုမှမပြောပြနိုင်လို့ ကိုယ့်စီရောက်လာမျိုးလည်း ဖြစ်နိုင်ပါတယ်။ ဒီလိုကြုံတဲ့အခါ များသောအားဖြင့် လန့်သွားတတ်ကြတယ်။ “အဲ့လို မလုပ်နဲ့”၊ “မင်းလုပ်တာ မှားနေပြီ… တစ်ကိုယ်ကောင်းမဆန်နဲ့ကွာ”၊ “မင်းရူးနေလား" ၊“မင်းထက်ဆိုးတဲ့သူတွေတောင်ရှိနေသေးတယ်၊ သူတို့ကိုဖြစ်ဖြစ် ကြည့်ပါဦး”၊ “နက်ဖြန်ဆို ကောင်းသွားမှာပါ” စသဖြင့် ဝေဖန်တတ်တဲ့ လေသံနဲ့ဖြစ်ဖြစ် စိုးရိမ်နေတဲ့ လေသံနဲ့ဖြစ်ဖြစ် ပြောပြတတ်ကြတယ်။ အဓိကတော့ သူ့ကို ရှင်သန်စေချင်တဲ့ ကိုယ့်ရဲ့ စေတနာဟာ ကိုယ်ပြောလိုက်တဲ့စကားမှာတော့ မပါသွားပါဘူး။ သူ့ဘက်ကနေကြည့်ရင် သူ့ကိုယ် ဝေဖန်တယ်၊ အပြစ်တင်နေတယ်၊ မျှော်လင့်ချက်အမှားတွေကို မရရအောင် ပေးနေတယ်ဆိုပြီးပဲ တွေးမိသွားနိုင်ပါတယ်။

ဒါကြောင့် အကောင်းဆုံးအနေနဲ့ တစ်စုံတစ်ယောက်က ရင်ဖွင့်လာပြီဆိုရင် နှလုံးသားနဲ့ နားထောင်ပေးပါ။ သူ့အတွက် ဒီလိုမျိုးရင်ဖွင့်ပြောပြဖို့ ဘယ်လောက်ထိခက်ခဲမိခဲ့မလဲဆိုတာကို ကိုယ်ချင်းစာကြည့်ပါ။ ကိုယ့်ဘက်ကကြည့်ရင် သူအဆုံးစီရင်စရာမလိုအပ်ဘူးလို့ ထင်မြင်နေပေမယ့် သူ့ဘဝကို ကိုယ်ဟာ ရှင်သန်ခဲ့တဲ့သူမဟုတ်ပါဘူး။ သူ့ရဲ့ မပြောပြနိုင်တဲ့ နားကြည်းမှုတွေ၊ သောကတွေကို ထုတ်ဖော်ပြချင်မှ ထုတ်ပါလိမ့်မယ်။ ဒါပေမဲ့ ကိုယ်ဟာ မဝေဖန်ဘဲ စာနာစိတ်ရှိရှိနဲ့ နားထောင်ပေးမယ်ဆိုရင် “အနည်းဆုံး ငါ့ကို နားထောင်ပေးတဲ့သူတော့ ရှိပါလား” ဆိုပြီး သူ့စိတ်ထဲမှာ အဆုံးစီရင်ဖို့တွေးတဲ့ အတွေးတွေဟာ လျော့နည်းလာနိုင်ချေရှိပါတယ်။

ကိုယ့်ရဲ့ နားထောင်ပေးခြင်းဟာ "မင်းအတွက် ငါရှိတယ်" ဆိုတဲ့ ခံစားချက်ကို ပေးစေပါတယ်။

၃. မေးခွန်းမေးပါ

လူအများစုဟာ တစ်ခြားသူတွေရဲ့ အကြောင်းကို သေချာစွာမသိဘဲ ကိုယ့်ဘာသာ ကောက်ချက်ဆွဲတတ်ကြတယ်။ အဆုံးစီရင်ချင်တယ်ဆိုပြီး တစ်စုံတစ်ဦးဟာ ကိုယ့်စီရင်ဖွင့်ပြီဆိုရင် သူ့ရဲ့ အခြေအနေကို ကိုယ့်အမြင်နဲ့ ကောက်ချက်တွေ မဆွဲမိပါစေနဲ့။ အကောင်းဆုံးဟာ သူ့ရဲ့ အခြေအနေ (Sucidal Risk) ကို နားလည်နိုင်ဖို့ မေးခွန်းမေးပါ။ သူဟာ အခုချက်ချင်း Su***de လုပ်တော့မယ်သူလား၊ သူ့ဘေးမှာ သူ့ကိုလုံခြုံမှုပေးတဲ့ တစ်စုံတစ်ဦးရှိလား၊ သူ Su***de လုပ်ချင်တဲ့ အကြောင်းပြချက်လေးတွေဟာ ဘာလေးတွေဖြစ်နေသလဲ၊ Su***de Attempt လုပ်ဖူးတဲ့သူတစ်ဦးလား၊ Self-harm လုပ်ခဲ့ဖူးတဲ့သူတစ်ဦးလား စသဖြင့် မေးခွန်းလေးတွေ မေးပြီး ကူညီပေးနိုင်ပါတယ်။ Su***de Plan ရှိမယ်ဆိုလည်း ဘာလေးတွေဖြစ်နေသလဲ ဆိုတာကို နားထောင်ပေးပါ။ သူ့ရဲ့ အပြုအမူလေးတွေ၊ အပြောအဆိုလေးတွေကိုလည်း အကဲခတ်ကြည့်ပါ။ Suicidal Symptoms တွေရှိနေပြီလားဆိုတာကိုလည်း အကဲခတ်ကြည့်ပါ။

မေးခွန်းမေးပေမယ့် သူ့အနေနဲ့ မဖြေချင်မိသေးဘူး ဆိုရင်လည်း အချိန်ယူပေးပြီး နားထောင်ပေးပါ။ Professional Help (စိတ်ကျန်းမာရေး ပညာရှင်) လိုအပ်လာပြီဆိုရင်လည်း ကိုယ့်အနေနဲ့ သိထားတဲ့ သတင်းအချက်အလက်တွေကို ဝေမျှပေးဖို့ မမေ့ပါနဲ့နော်။

နိဂုံးအနေနဲ့ လူသားတွေဟာ အဆင်မပြေမှုတွေကြားမှာပဲ ရှင်သန်နေရတဲ့သူတွေပါ။ မိမိရဲ့ ခံနိုင်ရည်ရှိခြင်းပေါ်မှာ မူတည်ပြီးဘဲ တစ်နေ့တာကို ဖြတ်ကျော်နေကြတာပါ။ ဒါကြောင့် ဖြတ်သန်းနေရတဲ့ ဘဝကြီးဟာ အင်မတန်ပင်ပန်းလာပြီဆိုရင် အကူအညီရယူဖို့ ဝန်မလေးမိပါစေနဲ့ လို့ မင်မင် အကြံပြုပါတယ်။

📕Su***de နဲ့ ပတ်သက်ပြီး ဖတ်လို့ရမယ့်စာအုပ်လေးတွေကို အောက်က Link မှ တစ်ဆင့် ကြည့်ကြည့်ပါနော်။

(https://www.choosingtherapy.com/su***de-books/)

📕ဒီစာအုပ်လေးတွေကိုလည်း မင်မင် Recommend ပါတယ်.

1. The Midnight Library by Matt Haig
2. The Last Time We Say Goodbye by Cynthia Hand
3. The Catcher in the Rye by JD Salinger

***de

04/08/2022

တစ်ချို့စကားတွေကို တွေးလို့ပဲရမှာပါ...
ပြောပြဖို့ ခက်ခဲတတ်ပါတယ်...

02/08/2022

ကြားနေလူတန်းစား များလာရင်
နိုင်ငံမတိုးတက်တော့ဘူး...

- ဦးသန့်

31/07/2022

🌻ဘာသာပြန်စာပေကို ဘာကြောင့် ဖတ်သင့်သလဲ🌻

ဘာသာပြန်စာအုပ်လေးတွေကို ဖတ်ရတာ နှစ်သက်သလား။ ကိုယ်ဖတ်ဖူးရင်လည်း ဘာကြောင့် ဖတ်မိတာလဲလို့စဉ်းစားဖူးလား။ ဆက်ဖတ်ကြည့်ပါနော်...

၁. မတူညီသောခြားနားချက်များ

ဘာသာပြန်စာပေတွေကို ဖတ်ရှုကြည့်တိုင်း တိုင်းတစ်ပါးနိုင်ငံတွေရဲ့ ရိုးရာယဉ်ကျေးမှု၊ ဓလေ့ထုံးစံ၊ စီးပွားရေးအခြေအနေ၊ နိုင်ငံရေးအခြေအနေလေးတွေကို ဝတ္ထုထဲမှာပါတဲ့ သရုပ်ဆောင်တွေမှတစ်ဆင့် ဖော်ပြလေ့ရှိပါတယ်။

“အင်နာကာရန်နီနာ” စာအုပ်ကို ဖတ်ကြည့်မယ်ဆိုရင် ရှရှားနိုင်ငံရဲ့ ၁၈၀၀ ပတ်ဝန်းကျင်လောက်က လူမျိုးရေးခွဲခြားပုံတွေ၊ ဆင်းရဲ ချမ်းသာ လူနေမှုအဆင့်အတန်းတွေ၊ နိုင်ငံရေးမတည်ငြိမ်မှုတွေ နဲ့ အိမ်ထောင်ရေးဖောက်ပြန်မှုတွေအပေါ်မှာ အမျိုးသမီးတွေမှာသာ ပိုပြီး အပြစ်ရှိတယ်ဆိုတဲ့ အယူအဆတွေကို ထင်ဟပ်နေမှာပါ။ ဒီလိုပါပဲ။ ခြားနားမှုတွေထဲမှာ အတွေးအခေါ်ပိုင်းတွေ၊ အယူအဆပိုင်းတွေနဲ့ လူနေမှုပုံစံလေးတွေလည်း ပါဝင်ပါသေးတယ်။

ဥပမာအားဖြင့် အင်္ဂလိပ်ဝတ္ထုတွေကို ကြည့်မယ်ဆိုရင် ၁၆၀၀ခုနစ် ကနေ ၁၉၀၀ခုနစ် အတွင်းမှာ အမျိုးသမီးတွေကို အိမ်ထောင်အမြန်ဆုံးပြုဖို့ တိုက်တွန်းချက်ပါဝင်တာတွေကိုသိရှိနိုင်ပါတယ်။ ၁၈၅၀ခုနစ် ကနေ ၁၉၅၀ခုနစ် အတွင်းလောက်မှာလည်း Women Rights အတွက် အထူးကြိုးစားခဲ့ကြတဲ့ ခေတ်ပုံရိပ်တွေကိုလည်း အဲ့ခေတ်တုန်းက ရေးသားခဲ့တဲ့ စာရေးဆရာများဟာဝတ္ထုတွေမှာဖော်ပြပေးခဲ့ပါတယ်။ Feminism ကို အဓိကထားပြီး ရေးသားခဲ့ကြပါတယ်။ ဒီလိုခြားနားမှုတွေကို လေ့လာနိုင်ခြင်းဟာလည်း စာဖတ်သူတို့ကို အမြင်ကျယ်စေတယ်။ သမိုင်းအကြောင်းတွေကိုလည်း သိရှိနိုင်ပါတယ်။

၂. စာပေအမျိုးအစား

စာပေအမျိုးအစား (Genre) တွေကို လေ့လာကြည့်တဲ့အခါမှာ ဘာသာပြန်ဝတ္ထုတွေဟာ အမျိုးအစားတစ်မျိုးတည်းကို အာရုံစူးစိုက်ပြီးရေးသားတာထက် နှစ်မျိုးသုံးမျိုးကို ပေါင်းစပ်ပြီး ရေးသားလေ့ရှိပါတယ်။ ဥပမာအားဖြင့် “ကြောင်တွေမရှိတဲ့ ကမ္ဘာ” (If Cats Disappeared from the World” စာအုပ်ဟာ Fantasy/ Drama/ Death တွေပါဝင်ပါတယ်။ တခြားဝတ္ထုတွေကို လေ့လာကြည့်ရင်လည်း အမျိုးအစားနှစ်မျိုးလောက် အနည်းဆုံးပါလေ့ရှိပါတယ်။ တစ်ချို့ အမျိုးအစားလေးတွေဟာဆိုရင် ဆန်းသစ်တာမျိုးတွေပါဝင်ပါတယ်။ Dystopia, Utopia, Speculative Fiction နဲ့ Folklore အစရှိသဖြင့်ပေါ့။ George Orwell ရေးသားခဲ့တဲ့ 1984 and Animal Farm ဟာဆိုရင် Dystopia Fiction အမျိုးအစားထဲမှာ ပါဝင်ပါတယ်။

၃. အရေးအသား

ဒီအချက်လေးဟာ အရေးကြီးပါတယ်။ ဘာသာပြန်စာပေတွေကိုလေ့လာကြည့်တဲ့အခါ ဘာသာပြန်သူရဲ့ အရေးကြီးဆုံးတာဝန်ဟာ စာရေးဆရာရဲ့ အာဘော်မပျက်ရပါဘူး။ စာရေးဆရာရဲ့ ရေးသားထားတဲ့ ရည်ရွယ်ချက်ကို ဖြည့်ဆည်းပေးရပါမယ်။ ဒါကြောင့် ဘာသာပြန်တဲ့အခါ စာရေးဆရာရဲ့ ဆိုလိုရင်းကိုလည်း စေ့စေ့စပ်စပ် ဘာသာပြန်ရသလို မြန်မာလူမျိုးများ နားလည်နိုင်အောင်လည်း သင့်တော်တဲ့စကားလုံးတွေနဲ့ရေးသားရပါတယ်။ တစ်ခါတလေ ကိုးကားသင့်တာလေးတွေရှိရင်နောက်ဆုံးစာမျက်နှာမှာ စုစည်း ဖော်ပြပေးရတာမျိုးတွေ ရှိတယ်။ Vocabulary List လေးတွေ ထည့်ပေးရတဲ့ နေရာမျိုးတွေ ရှိတယ်။ ဘာသာပြန်စာပေကို ကြည့်ရင်းပဲ ဘာသာပြန်သူရဲ့ ကျွမ်းကျင်မှုကိုပါ လေ့လာနိုင်ပါတယ်။

၄. မတူညီသော ပုံပြင်ပြောခြင်း

ဘာသာပြန်စာပေများကို ဖတ်တာများလာရင် ပုံပြင်တစ်ပုဒ်ကို ပုံစံအမျိုးမျိုးနဲ့ ပြောပြနိုင်တယ်ဆိုတဲ့ အချက်ကို သိသိသာသာမြင်လာပါလိမ့်မယ်။ ဥပမာအားဖြင့် ရွှေဥဒေါင်း ရေးသားခဲ့တဲ့ “ရူပနန္ဒီ” ဝတ္ထုဟာဆိုရင် Adaptation ပုံစံနဲ့ ရေးသားထားခြင်းဖြစ်ပါတယ်။ မူလစာအုပ်ဖြစ်တဲ့ “She” (H.G. Haggard) ရေးသားခဲ့တုန်းက ဝတ္ထုထဲမှာပါဝင်တဲ့ နေရာလေးတွေ ဇာတ်ကောင်လေးတွေကို ဆရာကြီး ရွှေဥဒေါင်းဟာ မြန်မာမှုပြုပြီး ရေးသားထားပါတယ်။

ဘာသာပြန်စာပေများများဖတ်တာကြောင့် ပုံပြင်တစ်ပုဒ်ကိုပဲ ရှုထောင့်အမျိုးမျိုးကနေ မြင်နိုင်တယ်။ ဇာတ်ကောင်တည်ဆောက်ပုံတွေ၊ ဇာတ်လမ်း ပြောပုံတွေ၊ တစ်ဦးတည်းပြောတဲ့ Monologue တွေ၊ ဇာတ်ကောင်တွေပြောတဲ့ Dialogue တွေနဲ့ ထူးခြားတဲ့ ပုံပြင်လေးတွေကို သိရှိနိုင်ပါတယ်။ တစ်နေ့တစ်ချိန်မှာ စာဖတ်သူတို့လည်း စာရေးဆရာတစ်ယောက် အနေနဲ့ ရပ်တည်မယ်ဆိုရင် ဘာသာပြန်စာပေလေးတွေကို လေ့လာထားခြင်းဟာ အသုံးဝင်ပါတယ်။

နိဂုံးချုပ်ပြောရရင်တော့ ဘာသာပြန်စာပေတွေဟာ ရသမျိုးစုံကို ခံစားစေသလို သုတစာပေကောင်းထဲမှာ ပါဝင်ပါတယ်။ မတူညီတဲ့ ရှုထောင့်တွေကို လေ့လာခြင်းအားဖြင့် စာဖတ်သူတို့ရဲ့ လောကအမြင်ကိုပါ သိသိသာသာ ပြောင်းလဲစေတယ်။ ဘာသာပြန်စာပေကို ဖတ်ရှုခြင်းဟာ ကိုယ်နဲ့မတူတဲ့ တခြားသူတို့ရဲ့ လောကကို ထိတွေ့နိုင်တဲ့ အတွေ့အကြုံလေးဖြစ်တာကြောင့် ဒီစာပေတွေကိုလည်း ဖတ်ရှုဖို့ အားပေးတိုက်တွန်းပါတယ်။

P.S. ကိုယ့်ရဲ့ အကြိုက်ဆုံးဘာသာပြန်စာအုပ်လေးရှိရင် ကော်မန့်မှာ Share ပေးခဲ့ပါနော်။

27/07/2022

🌻 မိသားစု စာဖတ်ဝိုင်း 🌻

စာပေကို နှစ်သက်ကြတဲ့ စာဖတ်ပရိသတ်တို့စီမှာ ပြင်းပြတဲ့ဆန္ဒတစ်ခု ရှိတတ်ပါတယ်။ အဲ့ဒါလေးကတော့ ကိုယ်စာဖတ်သလို ကိုယ့်မိသားစုဝင်တွေကိုလည်း စာဖတ်စေချင်တဲ့ဆန္ဒလေးပါ။ ဒီဆန္ဒလေးကို အကောင်အထည်ဖော်နိုင်မယ်ဆိုရင် မိသားစုဝင်အချင်းချင်း အတွေးအခေါ်တွေ အယူအဆတွေကို ဆွေးနွေးဖလှယ်နိုင်ကြမယ်။ ကိုယ့်အမြင် သူ့အမြင်ကို သိမြင်လာလိမ့်မယ်။ အချင်းချင်းနားလည်မှုတွေ ညှိယူုနိုင်လိမ့်မယ်။ ဒါကြောင့် မိသားစု စာဖတ်ဝိုင်းလေးကို ဖန်တီးနိုင်အောင် မင်မင် tips လေးတွေ ရေးပေးထားပါတယ်။ ကိုယ်ပိုင် အတွေးအခေါ်တွေကိုလည်း ကော်မန့်မှာ ဝေမျှပေးကြပါနော်။

၁. စံပြ

မိသားစုထဲမှာ ကိုယ်တစ်ဦးတည်းသား စာဖတ်တဲ့အလေ့အကျင့်လေးရှိတယ်ဆိုရင် စိတ်အားမငယ်ပါနဲ့နော်။ မိသားစုဝင်တွေစီမှာလည်း စာဖတ်ချင်တဲ့စိတ်လေးပေါ်ပေါက်လာဖို့ဆိုရင် ကိုယ်ကိုယ်တိုင်သာ ဥပမာကောင်းအနေနဲ့ လမ်းညွှန်ပေးရမှာပါ။ အဲ့ဒါကြောင့် မိသားစုဝင်တွေကို “စာဖတ်ကြပါ” လို့ ပြောပြတာထက် ကိုယ်ဟာ အမြဲတမ်း သူတို့အရှေ့မှာ စာဖတ်နေပေးဖို့ လိုအပ်ပါတယ်။ စာဖတ်ချိန်တစ်ခုကို သတ်မှတ်ပြီး စာဖတ်ပေးပါ။ တစ်နေ့ကို မိနစ် ၂၀ လောက် သူတို့ရှေ့မှာ စာဖတ်ပေးပါ။ ဒါမှသာ သူတို့ကိုယ်တိုင်လည်း မိမိကိုယ်အတုယူပြီး အလိုလိုစာဖတ်ချင်စိတ်ဟာ တဖြည်းဖြည်း ပေါ်လာပါလိမ့်မယ်။

၂. စာအုပ်စင်

ကိုယ့်မှာ စာအုပ်လေးတွေကို ဝယ်စုတတ်တဲ့အကျင့်လေးရှိတယ်ဆိုရင် ကိုယ့်အခန်းထဲမှာ စာအုပ်စင်လေးရှိတတ်ပါတယ်။ ဒီစာအုပ်စင်လေးကို နေရာရွှေ့ပေးလို့အဆင်ပြေတယ်ဆိုရင် မိသားစုဝင်တွေမြင်နိုင်မယ့် သိသာတဲ့ နေရာတစ်နေရာရာမှာ ရွှေ့ပေးထားကြည့်ပါ။ နောက်တစ်နည်းလေးကတော့ မိသားစုဝင်တွေမြင်နိုင်မယ့် ဘောင်တစ်နေရာရာမှာလည်း စာအုပ်လေးတွေကို စီထားပေးပါ။ ကိုယ့်စာအုပ်စင်လေးကို လှလှပပလေး ထားမယ်ဆိုရင် သူတို့တွေလည်း စိတ်ဝင်စားကြပါမယ်။ သူတို့ရဲ့ ပင်ကိုယ်စိတ်ထဲမှာ စာဖတ်ချင်စိတ်လေး ဖြစ်လာနိုင်ပါတယ်။ စာအုပ်စင်လေးလုပ်ပေးထားပြီးရင်လည်း မိသားစုဝင်တွေကို “စာဖတ်လို့ရတယ်နော်” လို့ ပြောထားပေးဖို့လည်း မမေ့ပါနဲ့။

၃. စာပေ ထမင်းဝိုင်းလေး

မိသားစု ထမင်းဝိုင်းဆိုတာဟာ အရေးကြီးပါတယ်။ အခုခေတ်မှာဆိုရင် ကိုယ့်အလုပ်နဲ့ကိုယ် မအားကြတော့ ထမင်းဝိုင်းမှာသာ မိသားစုဝင်တွေ စုံစုံလင်လင် ရှိနိုင်တာပါ။ ဒီလိုအခွင့်အရေးမျိုးကိုလည်း အသုံးချတတ်ပါစေ။ မိသားစု ထမင်းဝိုင်းလေးမှာ ကိုယ်ဖတ်ထားတဲ့စာအုပ်တွေနဲ့ပတ်သက်ပြီး အကြောင်းတိုက်ဆိုင်မှုရှိတယ်ဆိုရင် ဗဟုသုတလေးတွေကို မျှဝေပေးပါ။ ဥပမာ နည်းပညာနဲ့ပတ်သက်ပြီး ဆွေးနွေးပြောဆိုနေရင် ကိုယ်ဖတ်ထားတဲ့ နည်းပညာစာအုပ်လေးတွေထဲက ဗဟုသုတလေးတွေကို ပြောပြပေးပါ။ ထမင်းဝိုင်းမဟုတ်ရင်လည်း အကြောင်းတိုက်ဆိုင်မှုတွေရှိတိုင်း နည်းနည်းလေးဖြစ်ဖြစ် ပြောပြပေးပါ။ ကိုယ်ပြောပြပေးတဲ့အကြောင်းအရာလေးတွေဟာ စိတ်ဝင်စားစရာလေးတွေဖြစ်ရင် သူတို့လည်း စာဖတ်ပြီး သိချင်စိတ်ပိုများလာနိုင်ပါတယ်။ စိတ်ဝင်စားမှုလေးတွေတူနေရင် ပိုပြီးရင်းနှီးသွားကြတတ်ပါတယ်။

၄. ပုံပြင်ဖတ်ပေးခြင်း

ကိုယ့်မိသားစုဝင်ထဲမှာ ကလေးလေးတွေရှိတယ်ဆိုရင် ဒီနည်းလေးကို သုံးလို့ရပါတယ်။ ကလေးလေးတွေရဲ့ သဘာဝဟာ စူးစမ်းတတ်တဲ့သဘော၊ မိသားစုဝင်တွေနဲ့ ရင်းရင်းနှီးနှီး နေချင်တဲ့သဘောရှိပါတယ်။ အသစ်အသစ်တွေကို အမြဲတမ်း စိတ်ဝင်စားကြတယ်။ ဒါကြောင့် ကလေးလေးတွေကို စာဖတ်တဲ့အကျင့်လေး ဖန်တီးပေးဖို့ အလွယ်ကူဆုံးပါ။ ညတိုင်း ကလေးလေးတွေကို ၁၅ မိနစ်လေးပဲ ပုံပြင်ဖတ်ပေးပါ။ ဒီ ၁၅ မိနစ်လေးဟာ ကိုယ့်အတွက်တော့ ဘာမှမဟုတ်ပေမယ့် ကလေးလေးတွေအတွက်တော့ တန်ဖိုး အရမ်းရှိပါတယ်။ သူတို့အတွက် Bonding Time လေးပါ။ ကိုယ်ဖတ်ပြပေးတဲ့ ပုံပြင်နဲ့ ကြီးပြင်းလာတဲ့အလျှောက် တချိန်ကျရင် သူတို့ကိုယ်တိုင် စာအုပ်ဝယ်တာမျိုး၊ ကာတွန်းအမြဲဖတ်တာမျိုး၊ ကာတွန်းပုံတွေ ဆွဲတာမျိုး၊ ကိုယ်ပိုင်ပုံပြင်လေးတွေ ပြောပြတာမျိုး၊ စာပေ အမျိုးမျိုးကို ဖတ်တာမျိုးတွေဟာ အလိုလို အကျင့်ရပြီးသားဖြစ်သွားပါမယ်။

၅. လက်ဆောင်ပေးခြင်း

ကိုယ့်မှာ စာဖတ်မိတ်ဆွေတွေရှိရင် စာအုပ်လေးတွေကို လက်ဆောင်ပေးတတ်ကြတယ်။ ထိုနည်းအတိုင်းပါပဲ။ ကိုယ့်မိသားစုဝင်လေးတွေကို စာဖတ်စေချင်ရင် သူတို့မွေးနေ့မှာဖြစ်ဖြစ်၊ သူတို့အတွက် အမှတ်တရဖြစ်စေတဲ့ နေ့ရက်မှာ ဖြစ်ဖြစ် စာအုပ်လက်ဆောင်ပေးကြည့်ပါ။ ကိုယ့်မိသားစုဝင်လေးရဲ့ ကြိုက်နှစ်သက်တဲ့နယ်ပယ်နဲ့ ဆက်စပ်တဲ့ စာအုပ်လေးကို ဝယ်ပေးပါ။ ဥပမာအားဖြင့် သူက အလှအပစိတ်ဝင်စားရင် Skin Care စာအုပ်လေးတွေ ဝယ်ပေးတာမျိုး၊ အင်္ဂလိပ်စာ စိတ်ဝင်စားရင် Short Stories, Novels လေးတွေ ဝယ်ပေးတာမျိုးလေးတွေပါ။ သူ့ရဲ့ စိတ်ဝင်စားတဲ့နယ်ပယ်အကြောင်းတွေကို ဖတ်ရင်း စာဖတ်ချင်စိတ်ပိုပြီးများလာပါလိမ့်မယ်။

နိဂုံးအနေနဲ့ ကိုယ်စာဖတ်သလို ကိုယ့်မိသားစုဝင်တွေကို စာဖတ်စေချင်ရင် ကိုယ့်ဘက်က ခွန်အားတော့စိုက်ပေးရပါမယ်။ အမျိုးမျိုးတော့ ကြိုးစားပေးရပါမယ်။ ကိုယ့်ရဲ့ကြိုးစားမှုကို အသိအမှတ်ပြုလာတဲ့အခါ သူတို့ကိုယ်တိုင် စာဖတ်ဝါသနာ ပါကောင်းပါလာနိုင်ပါတယ်။ သတိပြုရမှာကတော့ တစ်ပါးသူရဲ့ လွတ်လပ်ခွင့်ကိုတော့ ထိန်းချုပ်လို့တော့ မရပါဘူး။ ဒါကြောင့် ကိုယ်ကြိုးစားပေမယ့် စာမဖတ်ချင်ကြသေးဘူးဆိုရင် ကိုယ်ကိုယ်တိုင်တော့ အမြဲ စံပြအနေနဲ့နေပေးဖို့ တိုက်တွန်းပါတယ်။

24/07/2022

တစ်ချို့သော အရာတွေဟာ
ကိုယ့်ဘက်က လွှတ်ချတတ်မှ
ပျော်ရွှင်အေးချမ်းမှုရတာပါ...

21/07/2022

🌻မိုတီဗေးရှင်း စာအုပ်တွေကို ဖတ်တဲ့အခါ...🌻

အခုလို အဆင်မပြေမှုတွေနဲ့ နေရတဲ့ကာလမှာ ရှေ့ဆက်သွားဖို့ မိုတီဗေးရှင်းလေးတွေ လိုအပ်ပါတယ်။ ။ ဒါကြောင့် မိုတီဗေးရှင်းစာအုပ်လေးတွေဖတ်တဲ့အခါ ဖတ်သင့်တဲ့ပုံစံလေးတွေကို စုစည်းပြီး ရေးသားထားပါတယ်။

၁. ကိုယ့်ရဲ့ ရည်ရွယ်ချက်တွေကို သတ်မှတ်ပါ

မိုတီဗေးရှင်း စာအုပ်တွေကို မဝယ်ခင်လေးမှာ ကိုယ့်ရဲ့ ရည်ရွယ်ချက်ကို သတ်မှတ်ပေးဖို့လိုအပ်ပါတယ်။ ဥပမာအနေနဲ့ ကိုယ်က အလုပ်ပြုတ်သွားတယ်။ အလုပ်အသစ်ရှာတော့လည်း အဆင်မပြေတာတွေများနေတယ်။ ဒီလိုအခြေအနေမှာဆိုရင် ကိုယ့်ရည်ရွယ်ချက်ဟာ “ပတ်ဝန်းကျင်ကောင်းတဲ့နေရာတစ်နေရာမှာ လစာကောင်းကောင်းနဲ့ အလုပ်လုပ်ချင်တယ်” ဖြစ်ရင် အလုပ်ရှာတဲ့အခါမှာ ကိုယ်နဲ့မသင့်တော်တဲ့အလုပ်တွေကို မလျှောက်တော့ဘူး။ အချိန်ကုန် လူပင်ပန်း သက်သာလိမ့်မယ်။ ထိုနည်းတူပါပဲ။ စာအုပ်ဝယ်တဲ့အခါ ကိုယ့်ရဲ့ ရည်ရွယ်ချက်ကို သတ်မှတ်ပြီးမှ သင့်တော်တဲ့ စာအုပ်ကို ရွေးချယ်ပြီး ဝယ်ပါ။ ကိုယ့်ရည်ရွယ်ချက်က အလေ့အကျင့်ကောင်းအသစ်တွေကို ဖန်တီးယူချင်တယ်ဆိုရင် အလေ့အကျင့်ကောင်းတွေအကြောင်းကို သိပ္ပံနည်းကျကျ ရေးသားထားတဲ့ လက်တွေ့ဆန်တဲ့ စာအုပ်မျိုးကို ရွေးချယ်ပြီး ဝယ်ဖို့အားပေးပါတယ်။

၂. တစ်ထိုင်တည်း မဖတ်ပါနဲ့

မိုတီဗေးရှင်း စာအုပ်တွေဟာ ရသစာပေတွေလို မဟုတ်ပါဘူး။ တစ်ထိုင်တည်း ဖတ်ချင်တဲ့ဆန္ဒရှိနေရင်လည်း တစ်ထိုင်တည်း ဖတ်သင့်တဲ့စာအုပ်တွေထဲမှာတော့ မပါဝင်ပါဘူး။ ဘာကြောင့်လဲဆိုတော့ မိုတီဗေးရှင်း ဆိုတာဟာ ကိုယ့်အကြောင်းကို ပိုပြီးသိဖို့၊ ကိုယ့်ကိုယ်ကိုယ် အကောင်းဆုံး Version အနေနဲ့ ပြုပြင်နိုင်ဖို့၊ ဘဝကို ပျော်ပျော်ရွှင်ရွှင်နဲ့ အောင်မြင်မှုများစွာကို ဖန်တီးပေးနိုင်ဖို့အတွက်ရေးသားထားတာပါ။ ဒါကြောင့် မိုတီဗေးရှင်းစာအုပ်ကို ဖတ်တဲ့အခါ

• တစ်နေ့ကို အခန်းတစ်ခန်းလောက်ပဲ ဖတ်ပါ...

• အရေးအသားတွေကို ထောက်ရှုပါ...

• ကိုယ့်ဘဝနဲ့ ဘယ်လိုကိုက်ညီမှုတွေရှိနေသလဲဆိုတာကို စဉ်းစားပါ...

• ပြစ်တင်ဝေဖန်မှုတွေမရှိဘဲ ကရုဏာစိတ်နဲ့ ဖတ်ပါ...

• တစ်ခါတစ်လေ ပြန်ပြီးသားစာပိုဒ်ကိုပဲ ထပ်ခါထပ်ခါ ဖတ်ပြီး အနက်အဓိပ္ပာယ်ကို ရှာဖွေဖို့လည်း လိုအပ်ပါတယ်နော်။

၃. မှတ်တမ်းပြုစုပါ

မိုတီဗေးရှင်း စာအုပ်တွေကို ဖတ်တဲ့အခါမှာ ဖတ်ရှုတဲ့သူရဲ့ စိတ်ဆန္ဒပေါ်မှာမူတည်ပြီး အကျိုးရှိ၊ မရှိဖြစ်သွားမှာပါ။ လူတစ်ဝက်ကျော်လောက်တော့ စာအုပ်ကို အမြန်ဖတ်တယ်။ နှစ်ရက်၊ သုံးရက် ကြိုးစားပြီး ကျန်ရက်တွေမှာ ပျင်းသွားကြတယ်။ မေ့လျော့သွားကြတယ်။ ဒီလိုမျိုးမဖြစ်အောင် စာဖတ်သူတို့ရဲ့ အမူအကျင့်တွေနဲ့သာ သက်ဆိုင်တာပါ။ ဒါကြောင့် စာအုပ်ဖတ်ပြီးတိုင်း မှတ်တမ်းရေးဖို့ အားပေးပါတယ်။

ဥပမာအနေနဲ့ “အင်တာဗျူးတွေမှာ အကောင်းဆုံး ဘယ်လိုဖြေရမလဲ” ဆိုတာနဲ့ ပတ်သက်ပြီး စာဖတ်ထားတယ် ဆိုပါစို့။ ဖတ်ပြီးသားစာကို ဒီအတိုင်းမေ့သွားတာထက် ဖတ်ထားတဲ့အကြောင်းအရာနဲ့ပတ်သက်ပြီး ကိုယ်ပိုင်အရေးအသားနဲ့ မှတ်တမ်းရေးကြည့်ပါ။ သူငယ်ချင်းတစ်ယောက်ယောက်နဲ့ ဆွေးနွေးကြည့်ပါ။ ဒီလိုလုပ်ပေးရင် ဖတ်လိုက်တဲ့စာဟာ ကိုယ့်အတွက် ပိုပြီး အကျိုးရှိမယ်။ မှတ်တမ်းရေးပြီး ပြုစုတဲ့အတွက် Long-term Memory ထဲကို ဝင်သွားပါမယ်။ နောက်ပိုင်းဆိုရင်လည်း ကိုယ့်အတွက်လိုအပ်တဲ့အချိန်မှာ ဖတ်ထားတဲ့စာတွေကို ပြန်ပြီး အသုံးချနိုင်ပါလိမ့်မယ်။

နိဂုံးချုပ်အနေနဲ့ ဖတ်ရှုထားတဲ့စာတွေကို နားလည်ရုံတင်မကဘဲ ကိုယ့်ရဲ့ လက်တွေ့ဘဝမှာ အသုံးချနိုင်တဲ့အထိ လက်တွေ့ကျင့်သုံးပါ။ အဆင်မပြေမှုတွေရှိနေလည်း ကိုယ့်ဘဝကို ကောင်းမွန်အောင်အမြဲတမ်း ပြုပြင်နေဖို့ တိုက်တွန်းပါတယ်။

20/07/2022

🌻စာအုပ်လေးတွေကို စုဆောင်းဖူးလား🌻

လူတိုင်းဟာ ကြိုက်နှစ်သက်တဲ့အရာဝတ္ထုလေးတွေကို မြင်ရင် ဝယ်တတ်ကြပါတယ်။ ကိုယ်ရဲ့ အပိုင်ပစ္စည်းလေးဖြစ်တဲ့အတွက် တန်ဖိုးထားတတ်ကြပါတယ်။ ထိုနည်းတူပါပဲ။ စာအုပ်လေးတွေကို ဝယ်ယူတဲ့နေရာမှာ စာဖတ်ရုံအတွက်သာမဟုတ်ပါဘူး။ ဝယ်ပြီး သေသေချာချာ သိမ်းဆည်းထားတတ်ကြပါတယ်။ ဒီလိုဝယ်စုတဲ့နေရာမှာ ပုံစံအမျိုးမျိုးနဲ့ ဝယ်စုတတ်ကြပါတယ်။ ကိုယ်ကိုယ်တိုင်လည်း စာအုပ်လေးတွေကို ဝယ်စုတတ်တယ်ဆိုရင် ဆက်ဖတ်ကြည့်ပါနော်…

၁. စာရေးဆရာ

ကိုယ်ကြိုက်နှစ်သက်တဲ့စာရေးဆရာရဲ့ စာပေလက်ရာတွေကို ဝယ်စုတတ်လား။ ဥပမာ ဆရာမြသန်းတင့်ကို အရမ်းလေးစားတယ်ဆိုရင် သူရေးဖူးသမျှစာအုပ်လေးတွေကို ဝယ်ဖတ်တာမျိုး၊ စုထားတာမျိုးပေါ့။ ဒါဆိုရင် ကိုယ်က ဒီအမျိုးအစားထဲမှာ ပါပါတယ်နော်။

အများအားဖြင့် ဒီပုံစံလေးနဲ့ စာအုပ်လေးတွေကို ဝယ်စုကြတာများပါတယ်။ စာအုပ်ဆိုင်တွေကို ရောက်ပြီဆိုလည်း အရင်ဆုံးဦးဆုံး ကိုယ်ကြိုက်နှစ်သက်တဲ့ စာရေးဆရာရဲ့ စာအုပ်ထားထားတဲ့ နေရာကို သွားတတ်ကြတယ်။ ကိုယ့်မှာမရှိသေးတဲ့ စာအုပ်ဖြစ်စေ၊ ဖတ်ဖို့ကျန်သေးတဲ့ စာအုပ်လေးတွေကို ရှာတတ်ကြပါတယ်။

၂. စာပေအမျိုးအစား

ကိုယ်က စိတ်ကူးယဉ်ဆန်တဲ့ Fantasy လောကကို အရမ်းစိတ်ဝင်စားတယ်ဆိုရင် Fantasy Genre နဲ့ ပတ်သက်တဲ့ စာအုပ်လေးတွေကိုပဲ ဝယ်စုတာမျိုးဖြစ်တတ်ပါတယ်။ Romance ကို နှစ်သက်ရင် Romance Novels လေးတွေ Romance Short Stories လေးတွေ Romance နဲ့ပတ်သက်တဲ့ ကဗျာစာအုပ်လေးတွေ ဝယ်စုတာမျိုးပေါ့။ အဓိကတော့ ကိုယ်ကြိုက်နှစ်သက်တဲ့ Genre လေးရှိရင် အဲ့စာအုပ်လေးတွေကို ဦးစားပေးပြီး စုထားတာပါပဲ။

Genre လို့ပြောတဲ့နေရာမှာလည်း လူသိပ်မသိတဲ့ Genre လေးတွေကို ဝယ်စုတာမျိုးလည်း ရှိပါတယ်။ အကြောင်းရင်းကတော့ လူအများစု မသိကြတာဖြစ်တဲ့အတွက် ဒီ Genre လေးဟာ ထူးခြားတယ်လို့ ခံစားရလို့ပါ။ Science fiction, Magical Realism, Dystopia, True crime, LGBTQ+, Historical Fiction လေးတွေက ဒီအမျိုးအစားထဲမှာ ပါဝင်ပါတယ်။

၃. First Edition

First Edition စာအုပ်လေးတွေဆိုတာ စာရေးဆရာရဲ့လက်ရာကို Publisher တွေက ပထမဆုံးအကြိမ်ထုတ်ဝေပေးတာမျိုးပါ။ ကိုယ်ဝယ်ထားတဲ့စာအုပ်လေးတွေက ပထမအကြိမ်လား၊ ဒုတိယအကြိမ်လား၊ တတိယအကြိမ်လား ဆိုတာလေးတွေကို စာအုပ်အဖုံး Cover ပေါ်မှာဖြစ်ဖြစ်၊ စာအုပ်ဈေးနှုန်းကိုရေးပေးထားတဲ့ ရှေ့စာမျက်နှာဘက်မှာ ရေးထားလေ့ရှိပါတယ်။ နိုင်ငံခြားမှာဆိုရင် First Edition စာအုပ်လေးတွေကို လေလံတင်ပြီး ရောင်းချတာမျိုးတွေရှိပါတယ်။ ဒီလိုဝယ်စုရတဲ့ရည်ရွယ်ချက်က စာရေးဆရာရဲ့ လက်ရာအစစ်အမှန်ကို ပြင်ဆင်မှုတွေမပါဘဲဝယ်ယူရတဲ့အတွက် တန်ဖိုးရှိတယ်လို့ ယူဆကြလို့ပါ။ နောက်ပိုင်း Edition တွေရောက်မှသာ ပထမအကြိမ်ပေါ်မူတည်ပြီး စာလုံးပေါင်း ပြင်ဆင်စရာလေးတွေ၊ ထပ်ပြီး ဖြည့်စွက်စရာလေးတွေ မှတ်သားပြီး ပြင်ဆင်ထုတ်ဝေကြပါတယ်။

၄. အကြောင်းအရာတစ်ခု

ကိုယ်က Topic တစ်ခုကို အင်မတန်စိတ်ဝင်စားတယ်ဆိုရင် အဲ့ Topic အကြောင်းကိုပဲ ဆွေးနွေးထားတဲ့ စာအုပ်လေးတွေဝယ်တတ်ကြပါတယ်။ ဒါလေးလည်း စာအုပ်စုဆောင်းနည်းတစ်မျိုးပါပဲ။ ဥပမာအားဖြင့် ကိုယ်က မြန်မာနိုင်ငံရဲ့ သမိုင်းအကြောင်းကို အရမ်းစိတ်ဝင်စားတယ်ဆိုရင် ခေတ်အဆက်ဆက် နိုင်ငံရေးရဲ့ အခြေအနေအကြောင်းကို ရေးထားတဲ့စာအုပ်လေးတွေ၊ နိုင်ငံရဲ့ ယဉ်ကျေးမှုပြောင်းလဲလာပုံကို ရေးထားတဲ့ စာအုပ်လေးတွေ၊ တော်လှန်ရေးနဲ့ သက်ဆိုင်တဲ့ စာအုပ်လေးတွေကို ဝယ်စုဆောင်းထားတာမျိုးပါနော်။ ကိုယ့်ရဲ့ စုဆောင်းထားတဲ့စာအုပ်လေးတွေကို ကြည့်ပြီး ကိုယ့်ရဲ့ စိတ်ဝင်စားမှု Level ကို သုံးသပ်ကြည့်လို့ရပါတယ်။

၅. ပုဂ္ဂိုလ်တစ်ဦး

ဒီ အမျိုးအစားကျတော့ Non-fictions လေးတွေ Biography လေးတွေ ဖတ်တဲ့စာဖတ်ချစ်သူတို့နဲ့ ရင်းနှီးကြပါတယ်။ ကိုယ်ကြိုက်နှစ်သက်တဲ့ လေးစားတဲ့ ပုဂ္ဂိုလ်တစ်ဦးနဲ့ပတ်သက်ပြီး ရေးသားထားတဲ့ စာအုပ်လေးတွေ ဝယ်စုမိတယ်ဆိုရင် ဒီ အမျိုးအစားထဲမှာ ပါဝင်ပါတယ်နော်။ ဥပမာ ကိုယ်က ဗိုလ်ချုပ်အောင်ဆန်း၊ အမေစု၊ Abraham Lincoln၊ Gandhi စတဲ့ သမိုင်းမှာ အထင်ကရ ဖြစ်ခဲ့သူတွေ၊ ဖြစ်နေသူတွေကို သိချင်တယ်ဆိုရင် သူတို့အကြောင်းတွေကို ရေးထားတဲ့ စာအုပ်တွေကို လိုက်ရှာပြီး ဝယ်စုကြပါတယ်။ တစ်ချို့က Auto Biography လေးတွေကို ဝယ်ယူကြသလို တစ်ချို့ကျတော့ စာရေးဆရာတွေကနေ တစ်ဆင့်ရေးသားထားတဲ့ Biography လေးတွေကိုလည်း ဝယ်ယူစုဆောင်းတတ်ကြပါတယ်။

နိဂုံးချုပ်ရင် စာအုပ်လေးတွေကို ဝယ်ယူစုဆောင်းခြင်းဟာ ထူးခြားတဲ့ ဝါသနာလေးပါ။ ကိုယ်လည်း စုဆောင်းရတာမျိုးကို နှစ်သက်တယ်ဆိုရင် ကိုယ်စုဆောင်းလေ့ရှိတဲ့ အမျိုးအစားလေးနဲ့ အတွေ့အကြုံလေးတွေ ကော်မန့်မှာ ဝေမျှပေးခဲ့ပါနော်…

Second Books

29/09/2022

28/09/2022

15/09/2022

09/09/2022

08/09/2022

04/08/2022

02/08/2022

31/07/2022

27/07/2022

24/07/2022

21/07/2022

20/07/2022

Address

Website

Alerts

Shortcuts

Share

Category