CASTA DIVA EDITORIAL

24/12/2023

16/02/2023

СМЕШНАТА ПОМИСЛА ДЕКА НЕМА ДА ТЕ ВИДАМ НИКОГАШ ПОВЕЌЕ
Нова книга од КАСТА ДИВА ЕДИТОРИЈАЛ
Мошне умешно користејќи ја биографијата на Марија Кири Склодовска, Роса Монтеро нѐ пренесува во светот на својата тага по починатиот сопруг, во светот на жената, низ една призма на современа жена чија љубов кон мажот не значи губење на својата личност. Колку сме силни кога ќе загубиме некого и како се справуваме со болката што не стивнува? Колку брзо избледува споменот за саканата личност?
„И почна да расте нешто без форма во мојата глава. Желба да ја раскажам нејзината приказна на мој начин. Желба да го искористам нејзиниот живот како метро за да го измерам и да го разберам својот; и не зборувам за феминистички теории, туку за обидот да разберам кое е #МестотоНаЖената во ова општество во кое традиционалните места се избришаа.“
„Ние луѓето се браниме од болката која нема смисла украсувајќи ја со смислата за убавината. Толчиме парчиња јаглен со голи раце и понекогаш ни успева да заличат на дијаманти.“
Едно извонредно портретирање на жената, на нејзината сила во светот на мажите и на нејзината борба да биде прифатена како еднаква. Книга која секоја жена треба да ја прочита.
Роса Монтеро е една од најпознатите шпански современи авторки. Пишува ексклузивно за весникот „Ел Паис“, во кој има своја колумна. Добитник е на безброј награди за својот новинарски и книжевен труд. Нејзините дела се преведени на повеќе од дваесет јазици, а сега Ненад Велковски ни го носи и на македонски.

05/10/2022

ТЕГОБНОСТ
ЕРНЕСТО ЕРЕДЕРО ДЕЛ КАМПО

Прв пат на македонски јазик - Ернесто Ередеро дел Кампо

„...И ова лето, едноставно, онака како што големите работи се случуваат едноставно, со тетратка и молив, почна мое- то дружење со Ернесто, онаков каков што вистински е. Се дружевме во Малага, мојот втор дом, во барови, паркови, на плажа... Ми се стегаше душата, ми се разлеваа мислите, просолзував, напати се насмевнував, многупати со денови мислев еден збор... и еве сме - Ернесто и јас, тука пред вас. Долго мислев за насловот, почнав со Замор, па Страдање, одлетав кон Чемер, Јад, Скрб, за на крај да се одлучам за ТЕГОБНОСТ, иако во овие четириесет и две песни може да се најде сè од наведеното.“
Ова е негова прва објавена книга, иако целиот живот пишува поезија и објавува во реномирани списанија. Вели дека има одживеано три животи, така што, кога би бил мачка, би му останале уште шест, што на негова возраст и не е така лошо. За да се претстави себеси, користи една од речениците со кои Бертран Расел ја започнува својата автобиографија: „три страсти, едноставни, но зачудувачки јаки, владеат со мојот живот - копнежот по љубовта, потрагата по сознанието и сомилоста за човековото страдање“.

08/06/2022

ДОЊА ПЕРФЕКТА
БЕНИТО ПЕРЕС ГАЛДОС

Прв пат на македонски јазик - Бенито Перес Галдос

Суштински роман за да се разбере Галдос, во кој умешно се покажани контрастите меѓу конзервативците и либералите од XIX век во Шпанија, а во исто време критикувани традиционалистите.
Пепе Реј, човек со либерални идеи, оди во Орбахоса, мал епископски град во срцето на Кастилија, каде што планира да се ожени за својата братучетка Росарио. Бракот договорен од татко му Хуан и неговата тетка, доња Перфекта, предизвикува бурни промени во навидум мирниот град.
Доња Перфекта е дело што ги исполнува најосновните начела на шпанскиот реализам од XIX век. Како по обичај, Галдос ни ја претставува со огромна веродостојност својата земја од тоа време: една Шпанија поделена меѓу традицијата и напредокот, меѓу неприфатливото и либералното.

07/06/2022

Излезе романот „Доња Перфекта“ на Бенито Перес Галдос, се смета за најславниот шпански романсиер по Сервантес и еден од главните претставници на шпанскиот реализ...

24/12/2021

Ви посакуваме среќни празници и Среќна Нова 2022 година.
Со најубави желби
¡Felices fiestas!
photo credits: www.freepik.com
Designed by starline

27/11/2021

Од промоцијата…
Благодарност до Амбасадата на Шпанија во Скопје и Драмски театар
Agradecimientos a la Fundación Miguel Delibes de Valladolid.

25/11/2021

НОВА КНИГА
ПЕТ ЧАСА СО МАРИО

Во чест на големиот класик на шпанската литература, Мигел Делибес, по повод стогодишнината од неговото раѓање

Бдеејќи над својот тукушто починат маж, сопругата ја прелистува Библијата, оставена на масичката до зглавјето на починатиот. Несвесно почнува да ги чита деловите подвлечени од човекот што ненадејно ја напушта. Ја обзема наплив на спомени и полека започнува еден испреплетен монолог, кој како да ги оживува пред нашите очи сите ликови во него. Пред нас поминува целиот нејзин кутар живот полн со грешки, недоразбирања и мали радости. Го познавала ли Кармен навистина Марио?
Романот нè води низ скудниот и тесноград менталитет на сопругата, но и низ тајните кои длабоко биле закопани во нејзината душа и сега извираат како порои. И така, се разоткрива една жена со сите нејзини очајувања, но сепак со верба во животот.
Ова е роман кој длабоко навлегува во женската психологија, преку разголената душа на главниот лик, и несвесно нè внесува во шпанското општество од тоа време.

05/05/2015

Od denes na Saemot na knigata, na standot na TRI