30/11/2020
"Bota e Bibit" tani edhe në shqip
"Bibi dhe viganët" është përralla e parë nga projekti "Bota e Bibit" e adaptuar edhe në gjuhën shqipe.
"Bota e Bibit" është projekt multimedial nëpërmjet të cilit fëmijët mësojnë alfabetin, numrat, gjërat e vlefshme të jetës, por edhe këndojnë, luajnë dhe zbaviten. Aspekti mësimor i këtij projekti është prioritet numër një.
"Bota e Bibit" ekziston dy vite dhe ka shënuar suksese të mëdha, duke fituar çmime, por edhe zemrat e fëmijëve. Bibi është një vajzë e mençur, temperamente dhe zemërbardhë, ajo i do shumë kafshët dhe natyrën dhe ka shumë dëshirë të eksplorojë. Bibi ka një mik i cili quhet Bobi. Ajo është e shoqerueshme dhe kudo që shkon gjen shokë.
Në përrallën e parë në gjuhën shqipe, Bibi u mëson fëmijëve se sa e rëndësishme është të kujdesesh për veten dhe për rrethin, por edhe se punët nuk ndahen në punë femrash apo punë meshkujsh.
Skenariste e përrallës është Biljana Crvenkovska, regjisor - Goce Cvetanovski dhe drejtor i artit - Mihajlo Dimitrievski - The Mico. Amernis Nokshiqi ka huazuar zërin për Bibin, kurse për viganët është angazhuar Driton Vejseli.
Kjo është vetëm fillimi, thonë nga "Bota e Bibit". Plani është që tërë projekti të adaptohet në gjuhën shqipe edhe të gjithë fëmijët të kenë mundësi t’i përdorin librat dhe lojërat, të pasurojnë fjalorin e tyre, të zhvillojnë imagjinatën dhe të mësojnë diçka të re.
Këtu mund ta shikoni episodin e parë - “Bibi dhe viganët” – dhe mos harroni të bëni subscribe te kanali ynë në YouTube dhe ta pëlqeni faqen tonë në Facebook - Bota e Bibit.
Përralla “Bibi dhe viganët” - https://www.youtube.com/watch?v=8xgniM1hsJ0&t=1s&fbclid=IwAR2n163XNiGjI6zqY0tw-jD3gfuuXovP-kgoqrmKw28gHdaZAadmrYg4xnQ
YouTube - https://www.youtube.com/channel/UCoxa7BHsFyfURb8gv42jbHg
Facebook: https://www.facebook.com/botaebibit
