Alter Macedonia

28/05/2020

Нашите чекори за во иднина се да продолжиме со продажната промоција во основните и средните училишта со цел да ги информираме учениците за штетните влијанија од употребата на пластични шишиња, врз нивното здравје, врз животната средина, врз нивниот домашен буџет. Во реализацијата на нашата еколошка идеја во иднина би сакале да вклучиме што повеќе ученици во ученичката компанија на СУГС „Владо Тасевски“ – Скопје т.е. во тимот на „Алтер“ и заеднички да продолжиме во реализацијата на нашиот еколошки бизнис план.

28/05/2020

Во април 2020 година, на натпреварот МАССУМ Теодор Богоевски како дел од „Алтер“ освои трето место во категоријата Видео реклама.

28/05/2020

28/05/2020

Во октомври 2019 година, ја претставивме нашата ученичка компанија „Алтер“ пред новозапишаните ученици од прва година во СУГС „Владо Тасевски“ Скопје. Во следните месеци продолживме со продажните промоции и во другите класови во нашето училиште.

28/05/2020

На 15.05.2019 нашата ученичка компанија „Алтер“ ја презентираше својата бизнис идеја и изврши продажна промоција во амфитеатарот на ФБЕ- Факултет за бизнис економија.

28/05/2020

На 10 мај 2019 година во трговскиот центар Веро – Џамбо беше организиран натпревар од Junior achievement на кој учествуваа 19 ученички компании од целата територија на земјата. Се натпреваруваа 100 средношколци со поддршка на 25 наставници од Скопје, Битола, Кавадарци, Кочани, Берово, Гевгелија, Куманово, Струга, Охрид и Прилеп.
Нашето училиште СУГС „Владо Тасевски“ – Скопје се претстави со ученичката компанија на тимот „Алтер“ т.е. Дамјан Станчевски, Филип Петровски, Теодор Богојевски, Маја Петреска и Ерика Асанова. Преку продажна промоција ја презентираа еколошката идеја за замена на пластичните шишиња со алуминиумски термоси со што го освоија високото трето место на овој државен натпревар. На овој начин добија потврда дека се на добар пат за позитивно менување на навиките кај младите луѓе кои се повеќе се залагаат за здрава животна средина преку целосно отфрлање на пластиката.

28/05/2020

Во месец март 2019 година организиравме нова продажна промоција во Младински Културен Центар, по повод обележување на патрониот празник на нашето училиште и 60 години негово постоење.

28/05/2020

Во јануари 2019 г. отворивме и свој профил на Инстаграм _alter.Official_ со цел да се доближиме до помладата популација која се повеќе ја користи оваа социјална мрежа.
Кон крајот на месец февруари 2019 г. тимот на „Алтер“ изработи и свој веб сајт https://alter-com-mk9.webnode.com/ преку кој нашите потенцијални купувачи можат да се информираат за нас, за нашите производи, нивната цена и како да остварат контакт со нас. Истиот овој месец започнавме со продажна промоција во нашето училиште со цел да ја презентираме нашата идеја пред соучениците.

28/05/2020

За освоеното прво место на државен натпревар од областа „Социјално претприемништво“ добивме покана од телевизија Телма и на 28 ноември 2018 година победничкиот тим АЛТЕР од нашето училиште се претстави во емисијата „Утринска на Телма“ . Учениците ја образложија својата идеја чија цел беше замена на пластичните шишиња со алуминиумски термоси на кои ќе стојат еколошки пораки како што се:
- Заштити ја природата користи термос за водата
- Дај пластичен кош не биди повеќе лош
- Смени ја модата користи термос за водата
- Наполни го термосот фул и биди кул.

Линк од гостувањето на „Утринска на Телма“
https://www.youtube.com/watch?v=6N_NNUhfYhI&t=436s

28/05/2020

На 4, 5, и 6 октомври во хотел Радика во Маврово беше одржана работилница за креативно размислување поддржана од Министерството за образование и наука, Бирото за развој на образованието, Фондот за иновации и технолошки развој и УНИЦЕФ.
На овој настан кој е дел од програмата АПШИФТ – учествуваше тим од тројца ученици од нашето училиште и тоа Теодор Богоевски, Дамјан Станчевски и Филип Петровски од III-2 клас под менторство на проф. Весна Живаљевиќ.

Под мотото „Дај пластичен кош, не биди повеќе за природата лош“ ја презентираа својата идеја за замена на пластичните шишиња со алуминиумски термоси кои учениците ќе ги носат со себе и на овој начин ќе придонесеме кон поздрава животна средина.
Пет тима составени од млади на возраст од 13 до 19 години меѓу кои беше и нашето училиште добија по 120.000 денари за реализација на своето иновативно решение за општествен проблем што го идентификуваа самите.

28/05/2020

Нашата прва реклама (септември 2018г.)

ALTER - ,,ДАЈ ПЛАСТИЧЕН КОШ, НЕ БИДИ ПОВЕЌЕ ЗА ПРИРОДАТА ЛОШ" Проект со кој освоивме прво место за иновација, на државно ниво. Со употребата на алуминиумски ...