22/05/2025
🔥🔥🔥Hanatanteraka fitsidihana any Nosy Be, ao anatin’ny Faritra Diana, ny filoha Rajoelina ny 22 hatramin’ny 24 mey izao. Any an-toerana no hanaovana ny filan-kevitry ny Minisitra ny 22 mey.
🔹Tafiditra ao anatin’ny fandaharam-potoanan’ny filoham-pirenena ihany koa ny fitokanana foto-drafitrasa samihafa toa ny EPP Manara-penitra ao Djabalabe ; ireo trano mora 80 isa ao amin’ny cité Ylang Ylang, Hell Ville ; ny lalana eo amin’ny Carrefour Chateau d’eau Hell Ville, ary ny tapany faharoa amin’ny lalana RN30, miainga eo Hell Ville, mandalo eo Djamandzar, hatrany Andilana.
🔹Atomboka mandritra ny fandalovan’ny filoha Rajoelina any Nosy Be ihany koa ny asa fametrahana ny parc solaire photovoltaïque
🔹Hisy, ankoatra izay, ny hetsika sosialy hitondrana tolo-tanana ho an’ireo mponina sahirana ara-pivelomana ary fitsidihana ny Hopitaly Be sy ny asa fanamboarana ny lalam-pirenena faha-57 miainga eo Fascene mihazo an’i Hell ville.
Araho ao amin'ity rohy ity ireo vaovao mitranga eto Madagasikara : https://actu.orange.mg/
