27/06/2025
💬 قصة عودتي... والبداية الجديدة 💖
كان ضروري نوقف…
كنت محتاجة ناخد نفس، نرتاح، نسمع لراسي شوية.
فاش بديت مشروعي فالإكسسوارات، كنت كنعطي من قلبي، ولكن ماكنتش حاسة أنني كنعبر على داكشي اللي كنحس… كنت كنبيع الزوين، ولكن ماشي ديما المعنى.
مع الوقت، حسّيت بالفراغ… وبديت كنحس أنني محتاجة نخلق شي حاجة فيها أنا.
توقفت.
وبين التوقف والأسئلة الكثيرة، رجعت لنفسي… وتذكرت شحال من مرة كنت كنخيط شي سوار بصبر، وكنختار لكل وحدة charm عندها معنى.
ماشي صدفة، كل تفصيلة فيها سبب.
ومن هنا تولد yourcharm.
مشروع ماشي غير ديال الزينة، بل ديال الحكايات الصغيرة اللي كل واحد فينا كيشوف راسو فيها.
ما بقيتش كنصاوب الإكسسوارات…
كنصاوب مشاعر تُلبس، ذكريات كتتحمل، تفاصيل كتعبر.
رجعت بقلب جديد، وبرؤية جديدة.
وكنتمنى كل قطعة من yourcharm توصل لقلبك، قبل ما توصل لمعصمك 🤍
