Monsieur Jamla

10/04/2026

Monsieur Jamla

20/03/2026

سديت الكارني ديال الحسابات، طاح الليل والزحام ديال نهار العيد سالا. كولشي فرق ديك السلعة الرخيصة ديال التبريكات ف الواتساب، داك الكوبي كولي لي ولا بحال شي عملة طاح ليها التمن فالسوق؛ حروف ميتة ما فيها لا ريحة لا طعم. جلست بوحدي وسط هاد الهدوء، ولقيت راسي كنفكر فينا حنا المغاربة.. سولت راسي: فين مشا داك راس المال الحقيقي ديالنا؟ وعرفت بلي نقطة ضعفنا، داك الوتر الحساس اللي كيبكينا بلا ما نحسو، ماشي هي الفلوس ولا البيع والشرا.. نقطة ضعفنا هي الدار الكبيرة، هي ديك الريحة ديال زمان لي مشات وما بقاش منها فسطوك.البركة لي هرباتحنا المغاربة، كبرنا دراوش، كان الجيب خاوي ولكن القلوب كانت شبعانة "جملة". العيد شحال هادي مكانش ميساج طويل عريض كيوصلك من عند خوك لي ما بعيدش عليك بكلمة، ولكن بيناتكم بحر ديال الغربة. العيد كان هو ديك الفرحة المخبية ف العينين ديال الوالد وهو داخل للمصلى، العيد كان هو الريحة ديال الحلوة والفقاص طالعة من الفران ديال الحومة، كان هو ديك التعنيقة ديال الميمة، ملي كتحط يدها الحنينة على راسك وتقرا عليك شي دعوة كتحس بيها دازت مع الدم وغسلات ليك الروح. كنا كنعيشو فديور ضيقة، ولكن كانت هازانا كاملين حيت الخاطر كان واسع. واليوم، كبرنا، وساعو الديور، وعمرو طابلات بما لذ وطاب، ولكن البركة هربات.. حيت ولينا كنتعاملو حتى ف مشاعرنا بالتقسيط المريح.الغش التجاري ف المشاعرهاد الكوبي كولي لي غرقنا فيه اليوم، رخص لينا المحبة، ردها بحال شي ورقة ديال الضو كنخلصوها باش نحيدو علينا اللوم. كيجيك ميساج مزوق من عند واحد من الدم ديالك، وكتحس بيه بارد، حيت الروح ديالو غايبة. السوق ديال المشاعر ولا عامر بالغش التجاري؛ بنادم كيخاف يعيط، كيخاف يعانق، كيخاف يبين بلي راه باقي محتاج لداك الدفا ديال شحال هادي. ولينا كنتخباو مورا شاشات التليفون، وناسيين بلي أغلى صفقة فهاد الدنيا، هي ملي كتمشي تبوس دوك اليدين اللي تجعدو وحفاو فهاد الزمان باش نتا توقف على رجليك، وناسيين بلي أكبر خسارة وإفلاس، هو نهار كتدخل للدار الكبيرة وكتلقى بلاصة الوالدين خاوية، وتما، واخا تبغي تخلص بمال الدنيا كامل باش ترجع غير دقيقة من ديك ليام الزينة، ما كتلقاش ليها الثمن.

15/03/2026

كتفرح بالروستة ديال النهار…
ولكن واش عارف شحال هو الربح الصافي ديالك؟ 💰
التاجر الذكي ماكيحسبش غير المداخيل…
كيحسب شنو بقى فالأخير.

#التجارة

14/03/2026

راس المال ماشي فلوس تصرفهم…
راس المال هو اللي كيخلي المشروع ديالك يكبر.
إلى بديتي كتاكل منو اليوم…
غدا غادي تلقى لاكيس خاوي.
#التجارة

12/03/2026

💡 قاعدة موسيو جملة:
الألوان لي كتعجبك ماشي بالضرورة لي كيتباعو!
🔹 الكحل، البيض، الغري = 80% من المبيعات 💰
🔹 الألوان الفاقعة = غير باش تزوق المحل 👀
🛒 كتب "سلعة" فالتعاليق باش تعرف شنو كيطير فالسوق! 🔥

11/03/2026

فهاد اللوحة كيبان غير تاجر وزربية…
ولكن فالحقيقة هادي مسرحية ديال التجارة 🎭
الكليان كيمثل،
التاجر كيسوق،
والسمسار كيشعل الصفقة.
💡 اللي فهم اللعبة… هو اللي كيربح السوق.

09/03/2026

📜 التجارة فنّ مشي سلعة
1️⃣ علي الشان للسلعة
2️⃣ بيع الحكاية ماشي غير السلعة
3️⃣ صبر على الشاري التقيل
💡 السلعة اللي فالأرض كتداس… ولى تعلّقات الفوق كتولي تحفة!
👀 واش كتعلّق سلعتك مزيان ولا لا؟
#التجارة #البيع #النجاح #مشروع

07/03/2026

السوق بحال هاد اللوحة… ماشي غير سلعة وفلوس، بل قيادة وفريق خدام بدقة وحدة.المعلم كيعطي الاتجاه، والدراع ليمنى كينفذ، والفريق كامل كيحرك العجلة.المشروع اللي فيه النظام… السوق كيعطيه الطريق. 💼
شنو أهم حاجة فنجاح التجارة فالنسبة ليك:
السلعة؟ ولا الفريق؟ 👇
#التجارة #البيزنس

06/03/2026

كيفاش الفقير ولا مول الدار؟فالسوق ماكاين لا كبير لا صغير…
كاين غير اللي خدام واللي ناعس اللي كيغتر براسو كيطاح،
واللي كيتعلم ويصبر كيولي هو مول السوق.
💡 العبرة:
عمرك تحتقر منافس صغير… ممكن غدا يولي أكبر منك.
👇 شنو رأيك؟
#التجارة #البيزنس

04/03/2026

02/03/2026

باغي تبدا التجارة وماعندكش رأس مال؟
الفرصة عندك فالدار 💡
قلب، صور، وبيع المستعمل… ودير أول خطوة اليوم 👌
شنو أول حاجة تقدر تبيعها؟ كتبها فالتعاليق 👇
#تجارة