08/12/2025
معلومات لِلشيافر ديال الشاحِنات 🚛 فالمغرب والعالم العربي لي بغاو يخدمو في بولونيا
🇲🇦➡️🇵🇱
(بارطاجيو هاد المعلومة مع صحابكم)
بزاف د شوافرية المغاربة ومن دول أخرى باغين يخدمو في أوروبا، و بولونيا كاتقلب على الشيافر من دُوَل خارج الاتحاد الأوروبي.
هنا جبت ليكم الطريقة كاملة وبالشرح كيفاش تدخل لبولونيا قانونياً + لائحة الشركات اللي كاتقبل الشيافر المغاربة ومن دول أخرى .
✅
كيفاش تخدم في بولونيا كسائق شاحنة
1- خاصك شركة فبولونيا
أول حاجة خاصك عقد عمل ولا وعد بالعمل من شي شركة نقل في بولونيا.
بلا شركة = ما كايناش الفيزا.
2 - رخصة العمل (Work Permit – Type A)
الشركة البولونية هي اللي كتدير ليك رخصة العمل.
المدة: ما بين 4 حتى لـ 10 أسابيع.
3 - فيزا العمل D من سفارة بولونيا في المغرب
منين توصلك رخصة العمل، كتمشي لسفارة بولونيا في الرباط ولا القنصلية في كازا.
كتاخد فيزا D ديال عام كامل.
4 - الدخول لبولونيا وبدء العمل
الشركة غالباً كاتعاونك فـ:
• التسجيل فالسكن
• الفحص الطبي
• التكوينات
• Code 95
5 - تحويل الرخصة + Code 95
• رخصة السياقة المغربية كتحول إلى رخصة أوروبية
• و Code 95 ضروري باش تسوق فـي أوروبا
6 - تجديد الإقامة
قبل ما تسالي الفيزا، تقدر تدفع على Carte de séjour (عام حتى لـ 3 سنين).
🚛
شركات بولونية كاتقبل الشيافر المغاربة ومن دول أخرى
هاد الشركات كاتخدم بزاف الشيافر من دول بحال المغرب، تونس ، الجزائر،أوزبكستان، جورجيا، الفلبين، الهند… (دخل اليوتوب تشوف مغاربة و التوانسة خدامين في بولونيا)
✔
شركات كبيرة
• Pekaes
• Raben Group
• DB Schenker Poland
• DHL Supply Chain Poland
شركات متوسطة كتقبل الشيافر من خارج أوروبا
• Omega Pilzno
• JAS-FBG
• Fresh Logistics Polska
• Link Logistics
• Adar International
• Transpolonia
الوثائق اللي غادي تحتاج فالمغرب
للشركة:
• نسخة من الباسبور
• رخصة C/CE
• تجربة فالسياقة
للفيزا:
• رخصة العمل
• عقد العمل
• التأمين
• الاستمارة + الصور
علاش بولونيا 🇵🇱؟
• محتاجة بزاف للشيافر لأن ولاد بلادهم كيهاجرو للدول الأوروبية المتقدمة بحال ألمانيا … أهادي فرصة لك أخي الكريم لكي تهاجر إلا أوروبا أكاين تسهيلات ف Code 95 بالنسبة للناس اللي معندهمش اللغة( كنعرف ناس خداو Code 95 و ADR بصفر لغة !)
• شركات كاتعاون فالإجراءات والفيزا
• تقدر تسوق فالعالم الأوروبي كامل
• فرص باش تبقى بصفة قانونية
#عالم #سائقين #شيافر #شاحنات #المغرب #الجزائر #تونس
