13/02/2026
تعالى نوضّح ليك أسطورة AI Visibility metrics ديال Ahrefs و SEMrush… واللي غادي نقولو هنا مبني على research خدا وقت وجهد، وزيد عليه حتى الـdocumentation الرسمية ديالهم 🙂
بالنسبة لـ SEO tools بحال Ahrefs و SEMrush، دابا ولاو كيقولو ليك:
“نقدرو نخرّجو ليك شحال من مرة البراند ديالك تذكر فـ ChatGPT ولا أي AI model آخر”
وانت كتفرح كتفتح الداشبورد تلقى: 200 mentions فـ ChatGPT و100 فـ Gemini…
ولكن حبس ثانية: هاد الأرقام جاية منين أصلاً؟
مثلاً Ahrefs فراسهم كاتبين فـ documentation ديالهم بلي هاد الأرقام:
“directional indicators, not exact traffic counts”
يعني راه غير مؤشر عام للاتجاه ماشي رقم دقيق بحال الزيارات الحقيقيّة.
وزادو وضّحو:
“It is not a substitute for audience measurement or traffic analytics”
يعني ما تعوّلاش عليها بحال إلا هي Google Analytics ولا audience measurement حقيقي.
ودابا SEMrush؟ عندهم جزء فـ methodology سميتو: Synthetic Prompt Generation
شنو كيعني؟ كيخلّيو الـAI يخترع أسئلة كيتصوّر الناس يقدرو يسولوها…
ماشي بالضرورة الأسئلة اللي الناس فعلاً سولاتها.
وزيد عليهم مشاكل كبار:
كيخدمو بالـsample ماشي كيراقبو كلشي محادثات (وهاد الشي أصلاً مستحيل).
ردود الـAI كتبدّل من دقيقة لدقيقة.
كل user كيشوف جواب مختلف على حساب الhistory والسياق ديالو.
الداتا كتتحدّث monthly → يعني تقدر تكون ولات “قاديمة” مقارنةً مع الواقع ديال اليوم.
فـاش شي tool تقول ليك: “البراند ديالك تذكر 500 مرة”
راه ماشي معناها 500 واحد حقيقي شافك اليوم…
غالباً معناها: تذكر 500 مرة فـ sample ديال prompts هما اللي اختاروهم/ولدوهم.
وهنا كاين فرق كبيييير.
واش هاد الشي كيعني هاد tools ما عندهاش قيمة؟
لا طبعاً. عندها قيمة… ولكن فـ:
تتبّع الترند (طالع/هابط)
المقارنة بينك وبين المنافسين
أما إلا بغيتي تبني قرارات business على أساس أن هاد الأرقام “دقيقة بحال الترافيك”، هنا كتولي المشكلة.
السوق ديال AI visibility باقي جديد، وما كاين حتى شي واحد عندو الصورة كاملة.
واللي كيجي يقول ليك “راه كلشي دقيق 100%” غالباً كيعطيك hype أكثر من الحقيقة.
الخلاصة (من الآخر):
استعمل هاد tools باش تفهم الاتجاه العام ماشي كأرقام مطلقة.
وربط داكشي بـ referral traffic الحقيقي فـ Google Analytics.
وقرا الmethodology قبل ما تثق فحتى رقم.
وحنا محتاجين transparency… ماشي مزيد من الهضرة والتسويق الفارغ.
