26/05/2026
سلام عليكم
جاية نتكلم بعيد على كيكات
بالله عليكم من الاول ديمة نقلكم تفاهمو مع المندوب متحطونيش في مشاكل معاهم ومنبيش مشاكل معاكم
اني حق التوصيل مندخلش فيه ولا ناخد فيهم اني راه سعر التوصيل ياخد فيه المندوب ليه هوا وهوا يحددلك بعيده ولا قريبه وسعر معاه هادي حاجة
تاني حاجة الي ميعجبهاش سعر التوصيل تلغي طلبيه بدون مشاكل ارجوكم
مش معقوله يجيني المندوب ومعاه الكيكة واكل طريحة ومكسريله سيارته 🥲
قصدي هادا منطق وباقي كيكات موصلهمش لان كلي طريحة
على خاطر واخد مني اني الكيكة من بوسليم لي عين زارة قلها 50 كلي طريحة على سعر التوصيل 🫠 لا المشكله هيا قتله معش نبيها قلنا باهي بعدين قتلي نبيها قوليله يرجع رجع من نص الطريق ولما رجع كلي طريحة 🥲 توا هدا شن يقولوله حتى اليهود مداروهاش قبل الحق 🥲
قصدي مش منطق ي بنات اني اول مرا نشوف حد هكي معجبكش سعره التوصيل قوليله لقيتيه مسكر راسه ي خودي حاجتك يااما قوليله معش نبيها خلاص 🙂
يلا يعوض الله خير
واسفه لي الزوز الي موصلتلهمش
وربي يعوضني ويعوض الراجل متاع التوصيل 💗
