https://www.facebook.com/223933624330184/

LilY's Tips, Benghazi (2026)

19/09/2015

صباح الخير ،،
العيد قرب 🐏🐏🐏
وكل سنة وانتم طيبين قبل اي حد 🙋🙋
باهي عشان العيد الكبير يختلف على العيد الصغير
عشان الحوسة واللحمات والشوايات 👯
فأكيد طريقة لبسنا يختلف
فا Tip سريع 💕💕
البسي حاجة مريحة واتساعدك في الحركة
خاصتا وقت الشوي 🙊🙈
زي متلا ملابس رياضية مريحة اتباني حلوة وسبورتي هكي وشيك 😁
او جينيز مع تي شيرت وكوايش مريح 👏👏
حطيت صور ملابس رياضية من Nike 💕💕
احسن براند ملابس رياضية عندي
ممكن اتساعدكن تختارن شن تلبسن صبح عيد البعا 🐏🐏
💕💕

16/09/2015

Oxford Shoes 👞👞
زمان كان حكر على الرجال بس
بس توا من اكتر ستايلات الشوز اللي على ال trend
ميزته انه مريح وانيق ويمشي مع حتى الفساتين والقونات
ايجي باكتر من ستايل والوان وحتى ايجي قماش وفرنيز ❤️😍
جبتلكن صور واااجد له
عشان يقعد عندكن فكرة عليه ..
ممكن تلبسنه ولا لا ؟! 😁

16/09/2015

باه في البوست اللي فات قلت حنجيب بديل للكعب ،،بس نووو مافيش
لو تبي لوك انثوي صعب تلقي بديل للكعب
بس توا ال trend
الجديدة هنا ال platform shoes
يعني الاحدية اللي كعبهن عالي مع بعضه وايجن باكتر من ستايل ومرات شوز رجالي بس يلتبس نسائي او صنادل ومرات con-vans ومع platform يعني مش flat
هدينا يركبن على الجينز والكاجول صعب يركبن على القونات الا في حالات نادرة
يعتبر ستايلهن سبورت او كاجول وتقدري اتخليه سبورت شيك او كاجول شيك انتي وشاطرتك
الشوزات هدينا متوفرات في محلات زي مستر يايا تلقو عنده مجموعات رهيبة ❤️
واغلب محلات الاحدية في بنغازي
جبتكلن صور لكم ستايل قوليلي اين اكتر واحد عجبكن 👏👏
وهل شيرتنه ولا مازال ?!😁
انا شريتة من السيزون اللي فات ونبي ناخد حتى الشتا هدا😍😍

16/09/2015

الكعب ❤️😍
ال High Heels 😌💔😍❤️
من فينا ماتحباش يعطي اناقة وانوثة وايكمل اي طلة
بس طبعا في ليبيا وين تبي تلبسيه غير المناسبات ؟
عن نفسي مش مقتنعة اني نلبس كعب الا في الاعراس والمناسبات
اما في الشارع الشغل او الجامعة او طلعة مستحيل مش لاني مانعرفش نمشي بيه
بس لان شوارعنا مانيمشاش عليهن بكوايش يا بال كعب ؟!
باهي شنو الحل
حنطلكن مجوعة شوزات فيهن شوية علو وساهل تمشي بيهن في الشارع ويطلعن حلوات علي اكتز من ستايل
يتبع ...😘

13/09/2015

صباح الخيييير نهاركم مبروك
بما اني عاشقة للsweaters وال hoodies
مش قادرة نستنى امتى ايجي الخريف والشتا
وشكله مزال مطول 💔
شن اتحبو تلسبو في الخريف والشتا انتم ؟!

12/09/2015

ايلي صعب ❤️😍
مجموعة خريف وشتاء 2015
للازياء الراقية
اسم المجموعة (ظلال الذهب)(Shades of Gold)
استلهم المجموعة من فستان عرس زوجته اللي مر 25 سنة
مبدع كالعادة من ارقى مصممين الازياء في عصره
الالوان القصات الاقمشة ❤️❤️
حاجة فوق الخيال 💔

11/09/2015

شكل الكمثرى او الاجاصة او المثلث
بالنسبة للكمثرات ولا الاجاصات او المثلثات 😂
جسمك حيكون شكله كالآتي
الجزء السلفي يعني الافخاد والارداف حتكون اكبر حجم من الحزء العلوي يعني الصدر والكتوف
وعندك خسر مرسوم ،الكتوف الذرعان ايكونن رفيعات ،غالبا لما يزيد وزنك ،،ايزيد الوزن عندك في الجزء السفلي قبل بعدين البطن والجزء العلوي
كيف تبرزي جمال جسمك 🍐🍐
المفتاح الاول والاساسي لشكل الكمثرى هوا انك
اتزيدي من حجم الجزء العلوي
وتضهري شكل خسرك
واتحاولي اخفاء جزئك السفلي
التوبس او البلايز من فوق اللي اتكون قصة رقبتهن علي شكل V او U ايناسبن شكل جسمك ويركزن الانتباه علي منطقة الصدر ❤️
البلايز اللي ايبينن الخسر يمشن مع نوعية جسمك
الوان الفاتحة يمشن مع جسمك بس لازم انحطو في الاعتبار لون البشرة والاندر تون متاع البشرة حندير عليهن مواضيع قريب ❤️❤️
الجزءالسفلي دائما انحاولوا انخففوا من بروزه زي متلا:-
القونات اللي بقصة طويلة وقماش خفيف ومايكونش فيهن حجم والاحسن ايكون اللون غامق
تجنبي التفاصيل الواجدة والتطريز والقماش الزيادة في الجزء السفلي من الجسم

السكيني جينز مايناسبش نوعية جسمك بكل
تقدري اتبدليه ببنطلونات اللي قصتهن اتجي واسعة من فوق لتحت 👖👖

Tip💄👛👠
خسرك هوا النقطة الايجابية ديما حاولي تبرزيه ببلوزات يرسمنه 😘

09/09/2015

شكل التفاحة 🍎🍎
لي تفاحتي الحلوااات 🍎🍎🍎🍏🍏🍏
شكل التفاحة
في شكل التفاحة ايكونن الكتوف مدورات يعني مش عراض ،جيهة البطن اتكون مليانة والخسر مايكونش مرسوم او شبه مش موجود
شكل الساقين ايكونن مقبولات ورسمتهم جيدة
المؤخرة اتكون مش بارزة والصدر ايكون عادي الي كبير
الستايل المناسب لشكل التفاحة
⬅️انك تعتمدي قصات الستريت يعني اللي ماتكونش مخسرة
⬅️المقاس مايكونش اصغر بواجد او اكبر بواجد من مقاسك الاصلي ،،بحيث انه لو كان اصغر حيبين العيوب ولو كان اكبر حيزيد من حجمك اكتر ويعطي انطباع انك اسمن من وزنك
⬅️ نوعية القماش اتكون الناعمة والبسيطة والخفيفة مش التقيلة
⬅️ خلي التفاصيل زي متلا التطريز ،الشوارفسكي ،او رسومات ياما فوق خط الصدر او تحت خط الافخاد،وبين الخطين خلي كل شي بسيط وعادي
⬅️منطقة الكتوف تبي تركيز اكتر،،عشان ايكون في توازن

⬅️اجتنبي لبس ال(belts) او سيور سوا كبار او صغار
⬅️اجتنبي الكم القصير اللي ينتهي قريب من متطقة الصدر
⬅️اجتنبي القونات اللي فوق الركبة
⬅️اجتنبي الدبش اللي ينتهي قريب من اي منطقة مليانة عندك زي الجاكات القصيرات
⬅️اجتنبي الشنطة اللي تقعد قريبة من الكتف
اجتنبي البوتس (boots) زي متلا Uggs
Tip: اعتمدي الفساتين البسيطة اللي اتكون تحت الركبة وايكون مقاسها مناسب لكي بقصة صدر علي شكل V
وشوز بكعب عالي وشنطة حجم متوسط بسير طويل يوصل للخسر ❤️😘

30/08/2015

اول شكل هو شكل الساعة الرملية❤️
البنت اللي رسمة جسمها هكي تعتبر محظوظة بكل المقاييس لان تقريبا كل شي ايخيل عليها 😍
وتقدر اتحط لمسات من عندها ايزيدن في جمال وابراز حلاوة جسمها 👍
شكل الساعة الرميلة ايكون فيه الصدر والافخاظ متوازنات والخسر ايكون مرسوم ☺️
الكتوف ايكونن مش عراض واجد ومتساويات مع الافخاظ
الجزء العلوي من الجسم ايكون متساوي في الطول مع الجزء السفلي وفي الاغلب ايكونن الساقين مدورات
من فوق لتحت انت صورة للتوازن والانسجام ❤️
بما ان اللي ايميز شكل الساعة الرملية الخسر
فتقدري دايما تبرزيه ياأما يا بلوزة مخسرة
او انك اتضيفي سير belt سوا كان عريض او رفيع للبلوزة
جميع انواع فتحات الرقبة اتناسب الجزء العلوي من جسمك وحتى جميع انواع قصات الكتوف سوا كانن عريضة او لا
بالنسبة للبنطالونات فنحب انبشرك ان جميع انواع البنطلونات ايخيلن عليك
خاصتا اللي خسرهن عالي او السكيني او حتى اللي قصتهن واسعة
بالنسبة ل outfits للحجاب تقدري تعتمدي الواسع متلا البلوزة اتكون واسعة بس الجاكيت تبرز الكتوف يعني لازم ايكون في توازن
⬅️هما عادتا الخبراء ينصحوا بالضيق لشكل الساعة الرملية بس نحن في حالة الحجاب نقدروا انغشو وانديرو توازن يعني لو البنطلون واسع البلوزة اتكون فيها قصرة وضيقة والعكس 😁

Tip; اعتمدي دايما علي شي يبرز خسرك زي التيورات اللي فيهن خسر عالي او فساتين ترسم الجسم مع الكعب العالي 😉

30/08/2015

هدينا انواع رسمات الجسم ..
زي مانعرفو كل جسم له شكل معين
وكل شكل له ستايل خاص في تنسيق الملابس عشان يبرز احلى مافيه ويخفي عيوبه
في البوستات الجايات حنحكي علي كل نوع جسم وشن يمشي معاه من ستايلات وتنسيق ملابس
انتي شن شكل جسمك ؟! 😘

29/08/2015

الفيست او البلوفر
موضة الموسم هدا
واتجنن مع المحجبات ❤️❤️
يلبتسن مع كل شي
سوا كاجول ولا فورمال او حتى كاجول شيك
وفي وقت
يعطن لمسة انيقة وستايلش ✨
جربوهن 👍

29/08/2015

صباح الخير 😍
اليوم حبيت نحكي على ألوان الباستيل في الoutfits او الدبش بصفة عامة
الواان روعة وايخلين في اغلب المواسم
خاصتا الربيع والصيف او الخريف وشتاء بس لما ايكون شتا او خريف الاحسن انك تلبسيهن في نهار او وقت الضهرية احسن من الليل 👌
مميزات الباستيل انهن يمشن مع اغلب درجات البشرة واغلب انواع الجسم لانهن هاديات ومايصيرش فيهن تركيز واجد علي مناطق معينة من الجسم
وطبعا الباستيل في كل شي ،،من الوشحات لحد الشوز والاكسسوارت
ومتوفرات هنا في ليبيا واجد ❤️
وهدينا صور outfits بألوان الباستيل قوليلي شن رايكن فيهن ؟!
😘

LilY's Tips

19/09/2015

16/09/2015

16/09/2015

16/09/2015

13/09/2015

12/09/2015

11/09/2015

09/09/2015

30/08/2015

30/08/2015

29/08/2015

29/08/2015

Address

Website

Alerts

Shortcuts

Share

Category