28/06/2022
පාර මැද වාහන නවත්වා - හෙට දියත් කිරීමට
නියමිත විරෝධතාවය පිළිබදව
ඇමරිකානු තානාපතිකාර්යාලයෙන් විශේෂ නිවේදනයක්.
හෙට, එනම් ජූනි මාසයේ 29 වන දා පෙරවරු 10.00 ත් පස්වරු 3.00 ත් අතර කාලයේ, දිවයින පුරා, වාහන අතර මග නවත්වා වාහන වලින් ඉවත් වී රජයට විරෝධය පෑමේ වැඩසටහනක් දියත්ව ඇති බවත්, ඒ පිළිබදව සැලකිලිමත් වන ලෙසත්, ශ්රී ලංකාවේ ඇමරිකානු තානාපතිනිය මෙරට සංචාරයේ නිරත ඇමරිකානුවන්ගෙන් ඉල්ලා සිටියි.
මෙම විරෝධතාවය හෙට දිනයේ දී මුළු රටම පුරාම දියත්වනු ඇතැයි මෙරට ඇමරිකානු තානාපති කාර්යාලය වාර්තා කර සිටින අතර, සාමකාමී විරෝධය ඕනෑම මොහොතක ප්රචණ්ඩත්වය කරා විතැන් විය හැකි බවටද අනතුරු හගවා සිටියි.
