30/05/2022
අප්පච්චී මේක ලිවුවේ ඇත්තටම සතුටින් කියලා මම දන්නවා. මම කාබනික පොහොර නිශ්පාදකයෙක් උනත් සම්පූර්ණයෙන්ම කාබනික ගොවිතැන් ප්රවේශය සමස්තයක් ලෙස ප්රායෝගික නොවෙනවා කියන මතයේ මම අදටත් ඉන්නවා. මොකද එක ක්ෂණයක කරන්න පුලුවන් දෙයක් නොවීමත්, ගොවියා හුරු වීමට කාලයක් ගත වීමත්, සමහර වී ශාක වර්ග ජාන තාක්ෂණික දියුනු වෙනකොට ඒවා කාබනික පොහොර වලට ඔරොත්තු නොදෙන ලෙස බීජ සකස් වීමත්, ශ්රී ලංකාවේ බහුතර වගාබිම් වල නයිට්රජන් N ඇතුළු අත්යවශ්ය පෝශක අදික රසායනික පොහොර භාවිතය නිසාම මැරී තිබීමත්, අද වෙනකොට අවශ්ය පරිබෝජනය සැපිරීමට ලබාදිය යුතු නයිට්රජන් ප්රමාණය ප්රායෝගික කාබනික පොහොර වලින් පමනක් ලබාදීම අසීරු වීමත් සැලකිය හැකී
නමුත් මේ ලියමන ඒ ගැන නෙවේ
මම Arobiotic products - Pvt Ltd ආයතනය ආරම්භ කරද්දී මට වැඩියෙන්ම වටින උපදෙස් ලැබුනේ මගේ අප්පච්ච්චී Sarath Ekanayake ගෙන්. වාරිමාර්ග ඉංජිනේරුවෙකු විදිහට ගොවියොත් එක්ක වැඩ කරලා ඒ හදගැස්ම හොදටම දන්න අප්පච්ච්චී මට යෝජනා කරන්නේ අපේ ආයතනයෙන් කාබනික දියර පොහොරක් හදමු කියන එක. ඒක අපි පටන් ගන්නේ ඇත්තටම මිනිස්සු කාබනික කතාවක් ගැන හිතන්නත් කලින් 2020 දී වගේ. ඇත්තටම ඒ වෙනකොට මගේ සියලුම අරමුණු ගොනු වෙලා තිබුනේ Arobiotic කියන නිශ්පාදන සන්නාමය සම්පූර්ණයෙන්ම cosmetics පැත්තට ගෙනියන්න. ඒත් අප්පච්චිගේ මේ යෝජනාව Arobiotic කියන සන්නාමය වෙනම පැත්තකට ගෙනියන්න සමත් උනා.
විශාල අභියෝගය රාශියක් එක්ක අපි නිශ්පාශනයට අත ගැහුවා, දුක් වින්දා, පාඩු උනා, කෙල උනා, හොම්බෙන් යන්න නැති උන අවස්ථා තිබ්බා ඒත් අතේ තුට්ටු දෙකත් බිස්නස් එකටම දාගෙන අපි නිශ්පාදනය කරා පොහොර වර්ග දෙකක්. ඇත්තටම මාකට් එකට දාන්න කලින් සෑහෙන්න ටෙස්ට් කරගන්න උනා. ඇත්තටම කිවුවොත් අපි තාමත් හරියට මාකට් එකට නොදා ටෙස්ට් කරගෙන යන තත්වෙක හිටියත් අද මට මේක සෑහෙන සතුටක් දෙන ලියමනක් උනා
මොකද රසායනික පොහොර තහනම එක්ක අපි අපේ කාබනික පොහොර වලින්ම අපේ වගාව කරා, යූරියා වලින් 47%ක් N දෙනකොට අපේ ඒවගෙන් 2.7-3% අවට N දෙන්න පුලුවන් උනේ. ඒත් අපිට හිතාගන්න බැරි තරමේ හොද අස්වැන්නක් අපිට ගන්න පුලුවන් උනා. C:N ratio, K Level එක ගැන උනත් සෑහීමකට පත් වෙන්න පුලුවන් තත්වෙට නිශ්පාදනය වෙනකොට අපිට තියන එකම ගැටළුව P level එක ජාතික පොහොර ලේකම් කාර්යාලය ඉල්ලන ප්රමානෙට දෙන්න බැරිවීම.
මම කලින් ඉංග්රීසි බාසාවෙන් ලියලා දාපු විදිහට ලංකාවේ අමාරුම නිශ්පාදනයක් ලියාපදිංචි කරන එක 😅. ඒත් ලංකාවට නිශ්පාදන ඕනෙම මොහොතක, ගොවියෝ වගාවෙන් ඈත් වෙන මොහොතක, ආහාර අර්බුද ගැන කතා වෙන මොහොතක මේ පාර මේ වැඩේ අපි අමාරුවෙන් හරි ලියාපදිංචිය කීය ගියත් හරියටම ඉවර කරනවා කියන්න මේ දෙන සහතිකයක්. ඒ වගේම මේ වැඩේට අනික් පැත්තෙන් තාක්ෂණික සහය දෙන Arobiotic එකේ තාක්ෂණික සහයක තුමා Dr Prasanga Gayanath Mantilaka මතක් කරන්නම ඕනේ 😉
අමාරුම කාලේ තමා, කමක් නෑ අපි වවමු. එකතු වෙමු.. ලංකාව ගොඩ දාමු ❤
Chamila Chandrabhanu Ekanayake
-English medium Physics tutor-
