18/06/2022
පැය හතරකට වඩා කාලයක් තෙල් පෝලිමක (විශේෂයෙන්ම නොසෙල්වෙන තෙල් පෝලිමක) ගත කිරීමේදී කකුල්වල ලේ නහරවල ලේ කැටි හට ගැනීමේ (Deep vein thrombosis) අවදානමක් සෛද්ධාන්තිකව ඇත. මෙම ලේ කැටි නිසා හෘද්යාබාධ, ආඝාත (අන්ශභාගය) මෙන්ම මරණයද සිදුවිය හැක.
වයස 35ට වැඩි, තරබාරු, දුම්පානය කරන, මින් පෙර ලේ කැටි හිරවී හෝ හෘද්යාබාධ වැනි රෝග ඇති, පවුලේ අයට එවැනි රෝග ඇති, වෙනත් දියවැඩියාව අධික රුධිර පීඩනය වැනි රෝග ඇති අයට මෙම අවදානම තවත් වැඩිය.
ඒ නිසා ඔබ මෙවැනි අවදානම් කන්ඩායමකට අයත් නම් තෙල් පෝලිමට නොයා සිටීම වඩාත් සුදුසු විය හැක.
මේ අවදානම අඩු කරගැනීමට සෑම පැය කීපයකට වරක්ම වාහනයෙන් පිටතට බැස මඳක් වාහනය අවට ඇවිදින්න. එසේ නොහැකි නම් මිනිත්තු තිහකට පමණ වරක් කෙන්ඩ වල මාන්ශපේශී (calf muscles) ක්රියාත්මක වෙන ලෙසින් කකුල (පතුල) ඉහල පහල යවන්න. මුත්රා කිරීමට විදිහක් සොයා ගත හැකි නම් තෙල් පෝලිමට යාමට පෙර සහ පෝලිමේ සිටිද්දී හොඳට අවශ්ය තරම් වතුර පානය කරන්න.
කකුල් වලින් අධික වේදනාවක්, හෘදයාබාදයක රෝග ලක්ශනයක්, ආඝාතයක රෝග ලක්ශණයක්, හුස්ම ගැනීමේ අපහසුතාවයක් ඇති වුවහොත් 1990ට වහාම අමතන්න. අවට වාහන වල සිටින අයට දැනුම් දී උපකාර ඉල්ලන්න. වහාම වෛද්ය ප්රතිකාර වලට යොමුවන්න.
Copied.
ඔයා ඉස්සරහ කෙනෙක් අසනීපයෙන් හරි අමුතු විදිහට ඉන්නවනම් ඒ කෙනාව නොසලකා හරින්න එපා.... ලඟින් ඉන්න කෙනා ගැන සැලකිල්ලෙන් ඉන්න.. ඒ ජීවිත.. ආත්මාර්ථකාමී වෙන්න එපා.
