08/12/2022
Book No 35 📚
❤ කවි වරම ❤
හසන්ති තුඩුහේන
-----------------------------------------
ඊයේ රෑ කියවා අවසන් කල අරුන්දතී ගැන හදවත තවමත් හඬා වැටෙනවා..
මිනිසෙකුට පුලුවන්ද තමන් ආදරය කල අය එතරම් රිදවන්න... එතරම් තනි කරන්න...
හිතා ගන්නවත් බෑ..
ඒත්, ඔව්; එහෙම මිනිසුන් ගැහැණුන් අප අතර ඉන්නවා....
එවන් හඬන සිත් අප අතර තියනවා...
තාර්කිකව සිතුවට, අනුන්ට උදව් කලාට, ඒ සපත්තු දෙකට තමන්ට බහින්න උන දාට අන්ත අසරණ වෙන ජීවිත, තමන්ට ළබැඳි අය රිදවන තැන් සාධාරණීකරණය කරලා තමන්ට වරද පටවන් නිහඬවම දුක් විදින ජීවිත, සමාජය ඉස්සරහ, මිතුරන් ඉස්සරහ, දරුවන් ඉස්සරහ ස්ටේටස් මේන්ටේන් කරන්න ගොළු වෙන ජීවිත, හදවත කීතු කරන තරම් දුක දරන් 'මම හොඳින්' කියලා සිනා සෙන ජීවිත මේ සමාජයේ අප අතරම තියනවා...
සැමියා නැත්නම් ප්රේමවන්තයා නිසා පමණක් නෙමෙයි පවුලේ අය නිසා, දරුවන් නිසා, මිතුරන් නිසා වගේම මෙන්න මේකයි කියලා පැහැදිලි කරන්න තමන්වත් නොදන්න හේතුවක් නිසා උනත් මිනිස්සු දුකට පත් වෙන්න පුලුවන්..
අරුන්දතී දොඩම්කුඹුර වගේ ඒ වගේ අයට සංවේදී වෙන්න හා උපකාර කරන්නත්, අරුන්දතී මීගහකුඹුර වගේ හැමදේම තේරෙද්දි නොතේරුනා සේ වකුටු වෙලා තනිව දුක දරාගන්නත් කියන දෙකෙන් අපි කොයි වගේද ??? කොයි වගේ වෙන්න ඕනද???
හසා එයාගෙ ලියවිලි අතුරින් ප්රේම කරන ලියවිල්ල 'කවි වරම'
අනික් ලියවිලි වලට වඩා ඇත්තටම අඩි ගානක්ම ඉදිරියෙන් ඉන්න, කියවා අවසන්වත් පැය ගානක් පාඨක අපිව කතාව තුල රඳවා තබාගන්නා අපූරු හැකියාවක් තියන ලියවිල්ල 'කවි වරම'
කතාව පුරා ලියවුන කවි, නිසදැස් හරිම ලස්සනයි හසා...
හසාගෙ අරුන්දතී නැත්නම් කස්සපගෙ අරුන්දතී ලෙස නොවුනත් අරුන්දතීගේ විවිධ හැඩ අපි හැම තුලම ඉන්නවා..
හැබැයි කස්සප...
අවුරුදු හැට වයසක් නෙමෙයි.. ඔයාට තිබුනා වැරදුනු තැන හදාගන්න.. වචනයෙන් සමාව නොඉල්ලාම සමාව ලබාගන්න මගක් හදාගන්න... දහතුන්වන කවි පොත එයා එක්කම කරන්න... නැවත එයාගේ ජීවිතේ එයාට දෙන්න.. වසන්තයේ අගිස්සේ උනත් ආයෙමත් ආදරේ කරන්න... ඔයාගෙ හිත අස්සෙ ඉන්න ආදරණීය පිරිමියාට අඳුරේ පමණක් නෙමෙයි ආලෝකයේදිත් අවදි වෙන්න ඉඩ දෙන්න...
එදා වටිනා ගොඩක් බැදීම් අතහැරලා ඔයාව තෝරගත් අරුන්දතීට මීට වඩා සාධාරණ වෙන්න...
අරුන්දතී වගේම ඔයත් පව් කස්සප.. ඔයාව එහෙම කලේ ඔයාගේ හීනමානය... දැන් ඔයා ඔට්ටුව දිනලා ඉන්නේ.. අරුන්දතීගේ හදවත දැන්වත් දිනාගන්න...
තවම ඔබ පමා නැහැ !!
කවිවරම ඔබට Grantha.lk හා Bookrack වෙතින් ලබාගත හැක.
