04/08/2025
බ්රවුන්සී දූපත් කඳවුර - බාලදක්ෂ ව්යාපාරයේ උපන් ස්ථානය
1907 දී අද වැනි දිනයක එනම් අගෝස්තු 1 දා එංගලන්තයේ පූල් වරාය වෙරළට ඔබ්බෙන් වූ නිහඬ දූපතක ඉතිහාසය නිර්මාණය විය. දෙවන බෝයර් යුද්ධයේදී බෝයර් වරුන් විසින් මැෆ්කිං නගරය වටලෑමෙන් පසු එම නගරය මුදාගැනීමේ ගෞරවය,රොබට් බේඩන්-පවෙල් සාමි තුමාට හිමිවිය. ඒ හේතුවෙන් ගෞරවනීය ජාතික වීරයෙකු වූ රොබට් බේඩන්-පවෙල් සාමිතුමා බ්රවුන්සී දූපතේ පර්යේෂණාත්මක කඳවුරක් දියත් කළේය. මෙම නිහතමානී සිදුවීම ලෝක ව්යාප්ත ව්යාපාරයක් බවට පත්වූ අවස්ථාවක ආරම්භය සනිටුහන් කළේය
බාලදක්ෂ ව්යාපාරය.
බේඩන්-පවෙල්ගේ හමුදා කීර්තිය මතභේදයකින් තොරව සිදු නොවීය. ඔහු සිය මව්බිමේ වීරයෙකු ලෙස සලකනු ලැබුවද, එම යුද්ධයේදීම එවකට බ්රිතාන්ය - දකුනු අප්රිකා යුධහමුදාවේ අණදෙන නිළධාරී වූ ෆීල්ඩ් මාර්ෂල් හර්බර්ට් කිචනර් සාමිවරයා විසින් හා ඔහුගේ අනුදැනුම මත සිදුකරන ලද කුරිරු උපක්රම මගින්, විශේෂයෙන් දකුණු අප්රිකාවේ ගාල් කඳවුරු, ගොවිබිම් පුළුස්සා දැමීම හා ළමා හා කාන්තා හිංසනයන් ඇතුලු කෲර ක්රියාදාමයන් හේතුවෙන් විදේශයන්හි බ්රිතාන්ය කීර්ති නාමයට දැඩි ලෙස හානි සිදුවිය.එමෙන්ම බ්රිතාන්ය තරුණ පරපුර මත්පැන් හා දුම්පානයට තදින් ඇබ්බැහිවී සිටියහ. මෙම අඳුරු කාල පරිච්ඡේදයේ සෙවණැල්ල තුළ, බේඩන්-පවෙල් ජාතික අභිමානය යථා තත්ත්වයට පත් කිරීම සඳහා නව මාවතක් පිළිබඳව Boys Brigade හි නිර්මාතෘ සර් ඇලෙක්සැන්ඩර් විලියම් ස්මිත් හා සාකච්ජා කෙරුණු අතර ඔවුන්ගේ නිගමනය වූයේ මීට පිළියම යුද්ධය සඳහා පුහුණු කිරීම හරහා නොව, තරුණ පිරිමි ළමයින් වගකිවයුතු, සෞඛ්ය සම්පන්න හා සම්පත්දායක පුරවැසියන් වීමට සූදානම් කිරීමෙන් බවයි.
එමෙන්ම බේඩන්-පවෙල් සාමිතුමාගේ "ඒඩ්ස් ටු ස්කවුටින්"( Aids to Scouting ) නම් පොත මුලින් හමුදා අරමුණු ( ඔත්තු බැලීමට) සඳහා ලියන ලද අතර, අනපේක්ෂිත ලෙස තරුණයින් සහ ළමයින් අතර ජනප්රියත්වයක් ලබා සිටියේය. සාම කාලය තුළ භාවිතය සඳහා එහි විභවය අවබෝධ කරගත් බේඩන්-පවෙල්, එහි මූලධර්ම තරුණ සංවර්ධනයට අනුවර්තනය කළේය.
1907 අගෝස්තු 1 සිට අගෝස්තු 8 දක්වා පැවති බ්රවුන්සි දූපත් පැවති කඳවුර පර්යේෂණනාත්මකව සිදු කිරීමට හෙතෙම අදහස් කරන ලදී.මෙය ඔහුගේ අදහස්වල පළමු සැබෑ පරීක්ෂණය විය. විවිධ සමාජ පසුබිම්වල පිරිමි ළමයින් විස්සක් ඔහුගේ නායකත්වය යටතේ එකට එකතු වී, දැව ශිල්ප, ප්රථමාධාර, විනය සහ කණාඩ වැඩ ඉගෙන ගත්හ.
මෙම කඳවුර විප්ලවීය වූයේ එහි එළිමහන් ක්රියාකාරකම් පමණක් නොව, සමානාත්මතාවය, වික්රමාන්විතය සහ චරිත ගොඩනැගීම, කාණ්ඩ ක්රමය හා ආත්ම විශ්වාසය පිළිබඳව ළමුන් තුල අදහසක් ඇතිකල හෙයිනි.
බේඩන්-පවෙල්ගේ දැක්ම වූයේ ශරීරයෙන් සහ මනසින් ශක්තිමත් පමණක් නොව, සේවයට, ස්වයං විශ්වාසයෙන් යුතු හොඳ පුරවැසිභාවයට කැපවූ තරුණ පිරිමින් සංවර්ධනය කිරීමයි.
එම කුඩා කඳවුරෙන් බාලදක්ෂ ව්යාපාරය බිහි වූ අතර, එය දැන් ලොව පුරා පැතිරී ඇති අතර, ජාතීන්, සංස්කෘතීන් සහ පරම්පරා හරහා සාමය, නායකත්වය සහ ප්රජා සේවය ප්රවර්ධනය කරයි.
අද, එම පළමු කඳවුරේ 118 වන සංවත්සරය සමරම මොහොතේ ඒ වෙනුවෙන් ලෝක බාලදක්ෂ කරලේන්සු දිනය බිහිවිය( World Scout Scarf Day).
බාලදක්ෂ ව්යාපාරය උපත ලැබුවේ හමුදා ජයග්රහණයකින් නොව, වඩා හොඳ ලෝකයක් නැවත ගොඩනැගීමේ බලාපොරොත්තුවෙන් බව ඉතිහාසය ලොවට ඒත්තු ගන්වයි.
©
