03/02/2022
"පින් කෙත හෙළ රන් දෙරණේ, යළි උපදින්නට, හේතු වාසනා වේවා, හේතු වාසනා."
ඉන්දියන් සාගරයේ මුතු ඇටය වූ මේ හෙළ ලක් දෙරණ, ඈත අතීතයේ සිටම ප්රෞඩ ඉතිහාසයකට මෙන්ම ප්රෞඩ සංස්කෘතියකට උරුමකම් කියන්නෙමු. ගහ කොළ, සතා සිවුපාවා සහ මුතු මැණික් වලින් පොහොසත් මේ දිවයින කෘෂිකර්මයේ තිඹිරිගෙය වූ බව අප කාටත් නොරහසක්. කිසිවෙකුට නොදෙවෙනි වූ උරුමයක හිමිකරුවන් වන අපි සැබෑවටම එහි වටිනාකම හඳුනාගෙන තිබෙනවාද යන්න ගැටලුවක්.
සැබවින්ම එය නිවැරදිව හඳුනාගෙන නම්, මේ වන විටත් ඔබ සැබෑ නිදහසක උරුමක්කාරයෙක්. නමුත් එසේ නොමැතිනම්, පොඩ්ඩක් හිතන්න ගැටලුව කොතනද කියලා.
නිර්ඵල ජන වාර්ගික ගැටලු මුල් කරගෙන, අප ලද ඒ උතුම් නිදහස අප විසින්ම විනාශය කරා ගෙන ගිහින්. අරුථක් නැති ප්රශ්න පසුපස හතිලාගෙන දුවන්නට පටන් අරන්. අසීමිතවූ ස්වභාවික සම්පත් වලින් සපිරුණු මේ නිජ භූමිය කෙලසන්න පුරුදු වෙලා. මේ හැම දෙයක්ම වෙනස් කරන්නට කාලය ඇවිල්ලා. ස්වභාවික සම්පත් විනාශ නොකර ඒවායින් උපරිම ප්රයෝජනය ගනිමු. එයට සැබෑ වටිනාකමක් ලබා දෙන්නට කටයුතු කරමින්, කෘෂිකාර්මික විප්ලවයකට මුල පුරන්නට එකට එකතු වෙමු. ගස් වවමු. බාධක බිඳ හෙලමින් "නිදහසේ" සැබෑ ආශ්වාදය භුක්ති විඳින්නට අපි සැවොම එකට අත්වැල් බැඳ ගනිමු!
☎ 0718433423
