Funky trends

Funky trends 𝖂𝖊𝖑𝖈𝖔𝖒𝖊 𝕿𝖔 𝕾𝖍𝖔𝖕𝖕𝖎𝖓𝖌 �
𝕯𝖎𝖑𝖆'𝖘 ?

විටමින් E වලින් ලස්සන වෙන ලේසියෙන් කරගන්න පුළුවන් සත්කාරයන් ටිකක් ගැන අද ලිපියෙන් අරගෙන ආවා 😍❤️විටමින් E කියන්නෙ අපේ සම...
29/04/2022



විටමින් E වලින් ලස්සන වෙන ලේසියෙන් කරගන්න පුළුවන් සත්කාරයන් ටිකක් ගැන අද ලිපියෙන් අරගෙන ආවා 😍❤️

විටමින් E කියන්නෙ අපේ සමට, කොණ්ඩෙට, නියපොතු වලට වගේම තොල් වලටත් හොඳ ප්‍රතිඵල ලබාදෙන දෙයක්.දැන් බලමු මොනාද මේ සත්කාරයන් කියලා.. 🥰

🍃 විටමින් E වලින් ෆේස් මාස්ක් එකක් හදාගන්න ආකාරය..
මේකට විටමින් E කරල් 03 ක්, යෝගට් මේස හැදි 02 ක්, ලෙමන් යුෂ තේ හැන්දක්, මී පැණි මේස හැන්දක් ඕනෙ කරනවා.

දැන් මේ දේවල් ටික මිශ්‍රණයක් විදියට හදාගෙන හොඳින් පිරිසිදු කරගත්ත මුහුණට සහ බෙල්ලට තට්ටුවක් විදියට ආලේප කරලා විනාඩි 20 ක් විතර තියලා සෝදලා දාන්න..

මේ ෆේස් මාස්ක් එක සතියට දෙපාරක් කරනවා නම් ඔයාගෙ මුහුණේ වියලි ගතිය, කලු ලප, කුරුලෑ පැල්ලම් වගේම අව්වට පිච්චුන සමත් සුවපත් කරලා මුහුණට ස්භාවික පැහැපත් බවක් ලබා දෙනවා.

🍃 කුරුලෑ කැලැල් සහ සමේ වියලි ගතිය නැතිකරගන්න, විටමින් E කරල් දෙකකට කෝමාරිකා මදයක් සූරලා දාලා හොඳට කලවම් කරලා උදෑසන අවදි වුනාට පස්සෙ මුහුණ පිරිසිදු කරලා මුහුණේ ආලේප කරලා විනාඩි 20 ක් විතර තියලා සෝදලා දාන්න.

🍃 ඇස් යට රැලි වැටෙනවට සහ කලු වෙනවට විටමින් E බිංදු කිහිපයක් ගෙන කොට්න් රෙදි කෑල්ලක තවරලා ඇස් යටින් තියාගෙන ඉඳලා විනාඩි 20 කට පමණ පස්සෙ ⁣ඉවත් කරන්න.
එහෙමත් නැතිනම් ඔයාගෙ වෙදගිල්ලෙ විටමින් E බිංදු කිහිපයක් ගාලා ඇස් යට සෙමින් පිරිමදින්න. එවිට ඇස් යට තියෙන ප්‍රශ්න වලට ඉක්මන් විසඳුම් ඔබට ලැබේවි.

🍃 වියලි තොල් වලට සහ තොල් වල අවපැහැය නැතිකරලා රෝස පැහැ දෙතොලක් ලබාගන්න නම් විටමින් E කරලකට මී පැණි බිංදු කිහිපයක් එකතු කරලා දෙතොල් වල ආලේප කරලා විනාඩි 10 ක් පමණ සම්බාහනය කරන්න.

🍃 ඔබේ කොණ්ඩය ඝනව ඉක්මනින් දිගට වවාගන්න නම් අමු බී ලූනු යුෂ ටිකකට එඬරු තෙල් මේස හැන්දක් සහ විටමින් E කරල් දෙකක් කඩලා දාලා හොඳින් මිශ්‍ර කරලා ඩබල් බොයිල් ක්‍රමයට රත්කරගෙන නාන්න පැය දෙකකට පෙර හිසේ ආලේප කරලා හොඳින් සම්බාහනය කරලා සාමාන්‍ය ෂැම්පු කන්ඩිෂනර් ගාලා සෝදලා දාන්න. සතියට තුන්වතාවක් මේ සත්කාරය කරන්න පුළුවන් නම් ගොඩක් ඉක්මනින් ඔයාගෙ කොණ්ඩය වැවෙන හැටි ඔයාටම බලාගන්න පුළුවන්..

මේ ගැන ගැටලු තියෙන අය පහලින් කමෙන්ට් එකක් දාලා අහන්න..

ඒ වගේම මේකෙන් ඔයා වටින දෙයක් ගත්තා නම් තවත් කෙනෙක්ට දැනගන්න මේක ශෙයාර් කරන්න 😍

ලස්සන වෙන්න කැමති ඔයාලා වෙනුවෙන්මයි..😊❤️

Olive oil treatments ( part 02 )අද ඔන්න අරගෙන ආවා ඔලිව් ඔයිල් වලින් අපේ ශරීරයට ගන්න පුළුවන් ප්‍රයෝජන කියන දෙවෙනි ලිපිය....
02/04/2022



Olive oil treatments ( part 02 )

අද ඔන්න අරගෙන ආවා ඔලිව් ඔයිල් වලින් අපේ ශරීරයට ගන්න පුළුවන් ප්‍රයෝජන කියන දෙවෙනි ලිපිය..🥰❤️🤗

පළවෙනි ලිපියෙදි කෙටියෙන් කිව්වෙ ඔලිව් ඔයිල් වලින් ලස්සන වෙන විදිය ගැන.ඉතින් අද මේ ලිපියෙන් ඒ සත්කාරයන් කොහොමද කරන්නෙ කියලා හරියටම කියලා දෙන්නයි හදන්නෙ 😍

වැදගත්ම දේ තමයි මේ මොන සත්කාරය කරන්න වුනත් ගන්න ඕනෙ එක්ස්ට්‍රා වර්ජින් ඔලිව් ඔයිල් ( extra virgin olive oil ) විතරයි. මොකද එක්ස්ට්‍රා වර්ජින් ඔලිව් ඔයිල් කියන්නෙ ඔලිව් ගෙඩි වලින් ගන්න මුල්ම තෙල් වලටයි. ඒ වගේම ඒවට කිසිම රසායනිකයක් අඩංගු නෑ.
ඔයා ගන්න ඔලිව් ඔයිල් බෝතලයේ බලන්න 'extra virgin olive oil' යනු⁣වෙන් සඳහන් ද කියලා බලලා ගන්න.

හරි දැන් අපි බලමු මොනාද මේ සත්කාර ටික කියලා.

සම සඳහා සත්කාර..

💚හානි වු සම නැවත යථා තත්ත්වයට පත්කර ගැනීමට ග්ලිසරීන් සහ ඔලිව් තෙල් මිශ්‍ර කර ආලේප කර විනාඩි 15 තබා පසුව සෝදා හරින්න පුළුවන්.

💚ඔබට හැකි නම් හැමදාම උදෑසන අවදි වූවාට පසු හිස්බඩ ඔලිව් ඔයිල් මේස හැන්දකට ලෙමන් යුෂ ටිකක් එකතු කරලා පානය කරන්න ගන්න. මේක මැදපෙරදිග රටවල කාන්තාවන්ගෙ සම ලස්සන කරගන්න කරන ප්‍රධානම සත්කාරයක්..

💚මුහුණ ක්ලෙන්සර් කිරීමට පලමුව මුහුණ උණු වතුරෙන් සෝදලා කොට්න් කැබැල්ලකට ඔලිව් තෙල් ස්වල්පයක් දමා මුහුණ හොදින් උඩු අතට පිසදමන්න. පසුව උණු වතුරෙන් පෙගවූ තුවායකින් හොඳින් තෙල් ටික ඉවත් කරගන්න.මේ සත්කාරය කිරීම මඟින් පෝෂණීය සමක් ලබාගන්න පුළුවන්.

💚මුහුණ ස්ක්‍රබ් කිරීමට ආමන්ඩ් ඇට කිහිපයක් ගෙන එය කුඩු කර ඉන්පසු එයට ඔලිව් තෙල් මිශ්‍ර කර තලපයක් සකස් කර මුහුණ විනාඩි පහක් පමණ ස්ක්‍රබ් කරන්න පුළුවන්.

💚අදුරු වූ සම යතා තත්වයට ගන්න ඔලිව් තෙල් හා ලෙමන් යුෂ ස්වල්පයක් මිශ්‍ර කර ආලේප කරන්න විනාඩි 15 තබා පසුව සෝදා හරින්න පුළුවන්.

💚මුහුණේ දීප්තිය හා තෙතමනය වැඩි කරගන්න ඔලිව් තෙල් සහ කහ, යෝගට් ස්වල්පයක් මිශ්‍ර කර මුහුණේ ආලේප කර විනාඩි 15 තබා පසුව සෝදා හරින්න පුළුවන්.

💚ඔලිව් තෙල් බිංදු කිහිපයක් අත්ලට ගෙන ඔබේ මුහුණ හොදින් සම්භාහනය කරන්න. ඉන් පසු විනාඩි 10-15ක් තිබෙන්නට හැර මද රස්නෙ වතුරෙන් සෝදා හරින්න. හැමදාම රාත්‍රී නින්දට පෙර මෙය කරන්නට පුළුවන් නම් ඉතා වියලි සමකට වුවත් සාර්ථක ප්‍රතිඵල ලබාගන්න පුළුවන්.

( සැ.යු.- ඔබේ සම තෙල් සහිත සමක් නම් ඔලිව් ඔයිල් මුහුණේ ආලේප නොකර ඉන්නවා නම් තමයි හොද.. ඇතැම් විට තෙල් සහිත සමක් තියෙන කෙනෙකුට කුරුලෑ ඇතිවෙන්න පුළුවන් නිසා..)

හිස කෙස් සඳහා සත්කාර..

💚කෙස් කලඹේ රැලි ඉවත්කිරීම සඳහා
නෑමෙන් පසු කෙස් කලඹ හොඳින් වේළා ගන්න. පසුව ඔලිව් තෙල් ස්වල්පයක් ගල්වා ගන්න. එමඟින් ඔබේ කෙස් කලඹේ ඇති අනවශ්‍ය හා බොකුටු ගතිය අඩුකර ගන්න පුළුවන්. කෙස් කලඹට දිස්නයක් ද ලැබෙනවා.

💚ඔබේ හිසේ ඉස්සොරි තියෙනවා නම් ඔලිව් ඔයිල් ටිකක් නාන්න පැය දෙකකට විතර පෙර හිස් කබලේ ගාලා හොඳට සම්බාහනය කරලා ඉන් පසුව නාන්න. ඔලිව් ඔයිල් වලින් හිස් කබලට හොඳ තෙතමනයක් පෝෂණයක් ලබලා දෙනවා වගේම විටමින් ඊ එක්ක මිශ්‍ර කරලා ගානවා නම් හිසකෙස් වවාගන්නත් කදිම ඖෂධයක් මේක.

💚ඒ වගේම දිනපතා ඔලිව් ඔයිල් ඔබේ ආහාර වේලට එකතු කරගන්නවා නම් ඔබට මිල අධික රූපලාවණ්‍ය සත්කාර කර ලබාගන්නවාටත් වඩා සුන්දර කෙස් කළඹක් ලබාගන්නත් පුළුවන්.

💚ඒ වගේම ඔබට ඝන ශක්තිමත් කෙස් කළඹක් ලබාගන්න ඕනෙ නම් නැමෙන් පසු හොඳින් කොණ්ඩය වියලා ගෙන සාමාන්‍ය ආකාරයට අපේ කොණ්ඩෙට තෙල් ආලේප කරනවා වගේ ඔලිව් ඔයිල් ටිකක් ⁣ආලේප කරන්න.

තොල්පෙති සඳහා සත්කාර..

💚ඔලිව් ඔයිල් සීනි සමඟ මිශ්‍රකර එම මිශ්‍රණයෙන් තොල්පෙති සම්බාහනය කරන්න. සතියකට දෙපාරක් මෙසේ කිරීමෙන් ඔබේ දෙතොල්වල වියළි බව නැතිකර එයට මෘදු පෙනුමක්ද ලබා ගන්න පුළුවන්.

💚සුන්දර පිරිපුන් රෝස පැහැ දෙතොලක් ලබාගන්න නම් ඔලිව් ඔයිල් ටිකකට මී පැණි ස්වල්පයක් මිශ්‍ර කරලා බෝතලයක දාලා තියාගෙන විටින් විට ⁣තොල් වල ආලේප කරන්න පුළුවන්.

දෙපා සඳහා සත්කාර..

💚ඔබේ කකුල් හොඳින් මැරුණු සම ඉවත් කර හොඳින් පිරිසිදු කරගන්න. ඉන්පසුව තෙත මාත්තු කරගත්ත කකුල් වල ඔලිව් ඔයිල් ආලේප කරලා හොදට සම්බාහනය කරන්න. ඉන්පසුව කකුල් වලට මේස් ⁣දෙකක් දාලා පැය කිහිපයක් තියන්න. මේ සත්කාරය රාත්‍රී නින්දට පෙර කර උදෑසන සෝදා හරින්නට පුළුවන් නම් ඔබට විශ්මිත ප්‍රතිඵල ලබාගන්න පුළුවන්.

💚දෙපාවල අනවශ්‍ය රෝම ඉවත් කරගන්න shaving cream එකක් ලෙස ඔලිව් ඔයිල් යොදාගන්න පුළුවන්.

දෑත් සඳහා සත්කාර..

💚ඔබේ දෑත් ගොඩක් වියලිලා නම් රාත්‍රියේ නින්දට පෙර ඔලිව් ඔයිල් බින්දු කිහිපයක් ගෙන ඔබේ දෑත් වල තවරා හොඳින් පිරිමැදලා නින්දට යන්න. එමඟින් දෑත්වල වියලි ගතිය නැති වී ගොස් සුසිනිදු තෙතමනයක් සහිත දෑතක් ඔබට ලබාගන්න පුළුවන්.

ඔලිව් ඔයිල් කියන්නෙ මුළු ඇගටම භාවිතා කරන්න පුළුවන් විශ්මිත රූපලාවණ්‍ය සත්කාරයක්..😍

මේ ගැන ගැටලු තියෙන අය පහලින් කමෙන්ට් එකක් දාලා අහන්න..

ඒ වගේම මේකෙන් ඔයා වටින දෙයක් ගත්තා නම් තවත් කෙනෙක්ට දැනගන්න මේක ශෙයාර් කරන්න 😍

ලස්සන වෙන්න කැමති ඔයාලා වෙනුවෙන්මයි..😊❤️


Olive oil treatments ( part 01 )ඔලිව් ඔයිල් වලින් මෙච්චර වාසි ප්‍රයෝජන තියෙන බව ඔයා දැනගෙන හිටියද..?? 😱කෑම පිසීමේදී මෙන...
25/03/2022



Olive oil treatments ( part 01 )

ඔලිව් ඔයිල් වලින් මෙච්චර වාසි ප්‍රයෝජන තියෙන බව ඔයා දැනගෙන හිටියද..?? 😱

කෑම පිසීමේදී මෙන්ම රූපලාවණ්‍ය කටයුතු වලදී ද ඔලිව් ඔයිල් බහුලව භාවිතා වෙනවා. ඉතින් දන්න නොදන්න හැමෝටම දැනගන්න අද ලිපියෙන් අරගෙන ආවා ඔලිව් ඔයිල් රූපලාවණ්‍ය කටයුතු වලදී ප්‍රයෝජනයට ගන්නෙ කොහොමද කියලා..😍❤️🥰

අද ඔලිව් ඔයිල් ගැන කියන පලවෙනි ලිපිය නිසා මේකෙන් ඉතාමත් කෙටියෙන් කියන්නම්..

🦋ඔලිව් තෙල් මේකප් රිමුවර් එකක් විදියට භාවිතා කරන්න පුළුවන්.

මුහුණේ ඇති කුණු දූවිලි සහ මේකප් ඉවත් කිරීම සඳහා පුළුන් බෝලයක ඔලිව් තෙල් පොඟවා භාවිත කරන්න.

🦋ඉරිතැළුණු සම යථා තත්වයට පත්කර ගැනීමට භාවිතා කරන්න පුළුවන්.

ඔබේ මෘදු සම වියළි සුළඟ හමුවේ වියළී ඉරි තැළෙනවා. ඒවගේම AC වල ඉන්න අයට නම් මේක අනිවාර්යයෙන්ම තියෙන ප්‍රශ්නයක්. මේකට පිළියමක් ලෙස ඔබට ඔලිව්තෙල් ගාන්න පුළුවන්. යටිපතුල් පැලීම සඳහාත් මෙය ගුණදායකයි.

🦋මුහුණ ක්ලෙන්සර් කිරීමට කොට්න් කැබැල්ලකට ඔලිව් තෙල් ස්වල්පයක් දමා භාවිතා කරන්න පුළුවන්.

🦋සම රැලි වැටීම අවම කරගැනීමටත් භාවිතා කරන්න පුළුවන්.

ඔලිව් තෙල්වල විටමින් සී අඩංගු වෙනවා. සම වියපත්වීම පාලනය කිරීමට විටමින් සී වලට ඇති හැකියාව සනාථ වෙලයි තියෙන්නෙ. එය ඔබේ සම මෘදු කරනවා වාගේම හිරු එළියෙන්ද සම ආරක්ෂා කරනවා.

🦋රාත්‍රී කාලයේදී ඔලිව් ඔයිල් භාවිතා කිරීම මගින් පැහැපත් සමක් ලබා ගන්න පුළුවන්.

🦋හිස කෙස් මත ඔලිව් තෙල් ගැල්වීම මගින් හිසකෙස් වර්ධනය කර ගන්න පුළුවන්. එ් වගේම ඇස් පිහාටු ,ඇහි බැම මත ඔලිව් තෙල් භාවිතා කිරීම මගින් ඇස් පිහාටු ඇහි බැම ලස්සනට වවාගන්න පුළුවන්.

🦋පිරිමි පාර්ශවයට රැවුල වවාගන්නත් කදිම ඖෂධයක් තමයි ඔලිව් ඔයිල්.

🦋කෙස් කලඹේ රැලි ඉවත්කිරීම සඳහා
නෑමෙන් පසු ඔලිව් ඔයිල් භාවිතා කරන්න පුළුවන්.

🦋පැලෙන දෙපා සදහාද සත්කාරයක් ලෙස ඔලිව් ඔයිල් ආලේප කරන්න පුළුවන්.

🦋සමේ ඇතිවන stretch marks මකා ගැනීම සඳහාත් භාවිතා කරන්න පුළුවන්.

🦋රෝස පැහැති දෙතොලක් ලබා ගැනීමට මෙන්ම කැඩෙන නියපොතු වර්ධනයට ඔලිව් තෙල් කදිම ඖෂධයකි.

ඔලිව් ඔයිල් වලින් ගන්න පුළුවන් ප්‍රයෝජන ගැන මේ ගොඩක් කෙටියෙන් කිව්වෙ. මේ ලිපියෙම දෙවෙනි කොටසින් මේ සත්කාරයන් හරියටම කරන විදිය විස්තර සහිතව අරගෙන එන්නම්..😊

මේ ගැන ගැටලු තියෙන අය පහලින් කමෙන්ට් එකක් දාලා අහන්න..

ඒ වගේම මේකෙන් ඔයා වටින දෙයක් ගත්තා නම් තවත් කෙනෙක්ට දැනගන්න මේක ශෙයාර් කරන්න 😍

ලස්සන වෙන්න කැමති ඔයාලා වෙනුවෙන්මයි..😊❤️


ඇස් යට කලු වෙන එක අද කාලේ ගොඩක් දෙනෙක්ට තියෙන ප්‍රශ්නයක්. ඒකට දැන් නම් ගොඩක්ම හේතු වෙලා තියෙන්⁣නෙ අධික කාර්යබහුලත්වය නි...
16/03/2022



ඇස් යට කලු වෙන එක අද කාලේ ගොඩක් දෙනෙක්ට තියෙන ප්‍රශ්නයක්. ඒකට දැන් නම් ගොඩක්ම හේතු වෙලා තියෙන්⁣නෙ අධික කාර්යබහුලත්වය නිසා ඇස් ගොඩක්ම විඩාවට පත්වීමත් එක්ක ⁣ඇස් යට කලු වීමක් ඇති වෙනවා.
ඉතින් අද මේ ප්‍රශ්නයට විසඳුම් අරගෙන ආවා..🤗❤️

මුලින්ම කියන්න ඕනෙ ඇස් යටට මොන සත්කාරය කලත් ඒකට කලින් මුහුණ ඇස් යට සහ අවට ප්‍රදේශය හොඳින් පිරිසිදු කර ගන්නට ඕනෙ. ඇස් යට පිරිසිදු කරගන්න කියලා ගොඩක්ම සැර දේවල් පාවිච්චි කරලා පිරිසිදු කරගන්න යන්න එපා. එහෙම වුනොත් ඇස් වලට හානි වෙන්න පුළුවන්. මොකද අපේ ඇස් වටේ සම ගොඩක් සංවේදී.ඒ නිසා පරිස්සමින් ඇස් වටේ පිරිසිදු කරගන්න.

ඊට පස්සෙ දැන් මේ කියන සත්කාරයන් නොකඩවා මාසයක් දෙකක් පමණ කාලයක් කරලා වෙනස ඔබම අත්විඳින්න..🥰

01. අයිස් කියුබ් සත්කාරය..❄️

ඔයාලා සාමාන්‍යයෙන් මුහුණ මසාජ් කරන්න පාවිච්චි කරන අයිස් කියුබ්ම මේකට ගන්න. ගොඩක්ම ලොකු සීතලක් ඇස් යටට දරාගන්න අමාරු නිසා අයිස් කියුබ් කපු රෙදි කෑල්ලක ඔතලා ඇස් වටේ මසාජ් කරන්න ගන්න. මේකට ඔයාට තක්කාලි අයිස් කියුබ්, කෝමාරිකා අයිස් කියුබ්, අල අයිස් කියුබ් වගේ දේවලුත් පාවිච්චි කරන්න පුළුවන්.
ඔයාලා කෝමාරිකා, තක්කාලි, අල අයිස් කියුබ් සත්කාරයන් කරනවා නම් ඒකට අයිස් කැටේ රෙදි කෑල්ලක ඔතන්නෙ නැතුව කරන්න බලන්න. එතකොට ප්‍රතිඵල වැඩියි. ඒත් ගොඩාක් ප්‍රවේශමෙන් ඇස් වලට හානියක් කරගන්නෙ නැතුව.

නිකන්ම අයිස් කියුබ් සත්කාරයට වඩා අල, කෝමාරිකා, තක්කාලි වගේ දේවල් වලින් හදාගන්න අයිස් කියුබ් සත්කාරයන්ගේ ප්‍රතිඵල ඉක්මන්. එහෙම අයිස් කියුබ් හදාගන්න අවශ්‍ය නම් මේ දේවල් වෙන වෙනම අරන් ඒ කියන්නෙ කෝමාරිකා මද, තක්කාලි කැබලි අරන් බ්ලෙන්ඩ් කරලා ඒ එන යුෂ ෆ්‍රීසර් එකේ දාලා අයිස් කියුබ් හදාගන්න පුළුවන්. අල වලින් අයිස් කියුබ් හදද්දී අමු අල ගෙඩියක් පොතු ඇරලා සුද්ද කරලා සෝදලා අරන් කුඩා කෑලි වලට කපලා ඒකත් බ්ලෙන්ඩ් කරලා අරන් ඒ යුෂ කලින් කිව්වා වගේම ෆ්‍රීසර් එකේ දාලා අයිස් කියුබ් හදාගන්න පුළුවන්. බ්ලෙන්ඩ් කලාට පස්සෙ පෙරීමක් කරන්න එපා ඒ බ්ලෙන්ඩ් කරපු පල්ප් එකත් එක්කම අයිස් කියුබ් හදාගන්න එවිට ප්‍රතිඵල ඉක්මනින් ලබාගන්නට පුළුවන්. මේ සත්කාරය 100% ක්ම ප්‍රතිඵල දෙන සත්කාරයක්.

02. අැලුමිනියම් හැඳි මඟන් කරන
සත්කාරය..🥄🥄

මේකට අවශ්‍ය වෙන්නෙ අපි මේස හැඳි කියලා පාවිච්චි කරන ඇලුමිනියම් හැඳි දෙකක් විතරයි. මේස හැඳි දෙකක් පැය තුනක හතරක ප්‍රමාණයක් අපේ ශීතකරණයේ උඩ කොටසෙ ( ෆ්‍රීසර් ) දාලා තියලා එලියට අරගෙන ඔබේ ඇස් වහලා ඒ මත තියලා විනාඩි කිහිපයක් ඉන්න.ඇස් වලට තද සීතලක් දැනුණොත් මදක් එය නවත්ත නවත්ත කරන්න. මේ ආකාරයට ඔබට විවේකී වෙලාවට දවසට කිහිප සැරයක් සිදු කරන්න. එවිට ඉක්මනින්ම ඔබේ ඇස් යට මෙන්ම ඇස් වටා අඳුරු බවත් නැතිව යනවා.

03. තක්කාලි පැක් සත්කාරය...🍅

මේක හදාගන්න ඕන කරන්නෙ මෙන්න මේ දේවල් ටික.
තක්කාලි ගෙඩියක්
දෙහි යුෂ තේ හැඳි 1/2 ක ප්‍රමාණයක්
කඩල පිටි තේ හැඳි දෙකක්

මුලින්ම තක්කාලි ගෙඩිය බ්ලෙන්ඩ් කරගෙන ඒකට දෙහි සහ කඩල පිටි එකතු කරලා හොඳින් මිශ්‍ර කරලා තලපයක් විදියට හදාගන්න. ගොඩක්ම දියාරු විදියට හදාගන්න එපා එතකොට ඇස් වටේට රඳවලා තියාගන්න අමාරු වෙන නිසා. දැන් හදාගත්ත තලපය ඇස් වටේ අඳුරු ප්‍රදේශ වල ආලේප කරලා තියලා විනාඩි 15 -20 ක් විතර තියලා සීතල වතුරෙන් සෝදලා දාන්න. මේ සත්කාරය සතියට දෙපාරක් වගේ කරන්න පුළුවන් නම් ඔබේ ඇස් වටේ අඳුරු පෙනුම නැති කරගන්න පුළුවන්.

04. පිපිඤ්ඤා සත්කාරය..🥒

මේක ගැන නම් ඉතින් නොදන්න කෙනෙක් නැති තරම්නෙ. ඒත් නොදන්න අයත් ඉන්නවා ඇති කියලා හිතලා ඒකත් කියන්නම්. කොළ පිපිඤ්ඤා ගෙඩියක් අරගෙන ඒකෙන් සිහින් පෙති දෙකක් කපලා පිරිසිදු කරගත්ත ඔයාගෙ ඇස් වටේ තියාගෙන විනාඩි 20-30 ක් විතර ඉඳලා අයින් කරන්න. මෙයිනුත් ඔබේ ඇස් වටේ අඳුරු බව නැතිකරගන්න පුළුවන්.

05. තේ කුඩු සත්කාරය..☕

මේකට අවශ්‍ය වෙන්නෙ අපි තේ හදද්දී පාවිච්චි කරලා ඉතුරු තේ මන්ඩි ටික. මේකට පාවිච්චි කරපු ටී බෑග් වුනත් යොදාගන්න පුළුවන්. එහෙම නැත්නම් තේ හදලා අඩියේ ඉතුරු වෙන තේ මන්ඩි ටික පිරිසිදු රෙදි කෑල්ලකට දාලා තේ වතුර ටික යනකන් හොදට මිරිකලා ඉවර වෙලා ඒක ඔයාගෙ ඇස් වහලා ඇස් මත තියාගෙන විනාඩි 20 ක් විතර ඉඳලා අයින් කරලා සීතල වතුරෙන් සෝදන්න. මේකට රෙදි කඩක තේ මන්ඩි නොතියා කැමති නම් නිකන්ම තේ මන්ඩි ටික ඇස් වටේ ගාලා විනාඩි 20 ක් තියලා සෝදලා දාන්නත් පුළුවන්. ඒක ඔබේ පහසුව අනුව කැමති විදියකට කරන්න.

මේ සත්කාරයන් හරිම විදියට මාසයක් දෙකක් පමණ නොකඩවා කරලා බලන්න එවිට ඔබටම විශ්මිත ප්‍රතිඵල බලාගන්න පුළුවන්. ඒ වගේම කියන්න ඕනෙ දවසක් දෙකක් කරලා ප්‍රතිඵල නෑ කියලා අතෑරලා දාන්න එපා. මොකද මේ සත්කාරයන් දවසක් දෙකක් කලා කියලා පැහැදිලි ප්‍රතිඵලයක් ලබාගන්න බෑ. ඒ නිසා නොකඩවා කරන්න.

මේ ගැන ගැටලු තියෙන අය පහලින් කමෙන්ට් එකක් දාලා අහන්න..

ඒ වගේම මේකෙන් ඔයා වටින දෙයක් ගත්තා නම් තවත් කෙනෙක්ට දැනගන්න මේක ශෙයාර් කරන්න 😍

ලස්සන වෙන්න කැමති ඔයාලා වෙනුවෙන්මයි..😊❤️

ඔයාගේ හම ගොඩක් dry වෙලාද..? වේලුනු අත් කකුල් නිසා මානසිකව වැටිලද..? 😥එහෙනම් අද ඉදන් මේ කියන ස්භාවික සත්කාරයන් දෙක කරලා ...
09/03/2022



ඔයාගේ හම ගොඩක් dry වෙලාද..?
වේලුනු අත් කකුල් නිසා මානසිකව
වැටිලද..? 😥

එහෙනම් අද ඉදන් මේ කියන ස්භාවික සත්කාරයන් දෙක කරලා බලන්න. සති දෙකක් වගේ යද්දී කලින් තිබුන dry skin එක වෙනුවට හොඳ තෙතමනයක් තියෙන පැහැපත් සමක් ඔයාට ලැබේවි..😍❤️

ඔයාගෙ dry skin එකට හොඳ පෝෂණයක් පිටතින් වගේම ඇතුලතිනුත් ලැබෙන්න ඕනෙ.ඒකට ඔයා අනිවාර්යයෙන්ම කෑමෙන් හෝ බීමෙන් තෙතමනය ලැබෙන දේවල් ඇගට ලබාගන්න ඕනෙ. කෘතීම දේවල් වලින් නැතුව 100% ක් ස්භාවික සත්කාරයකින් ඒ දේවල් ලබා ගන්න විදිය දැන් බලමු..😊

වියලි සමට තෙතමනය පෝෂණය දෙන drink එකක්.
• ආමන්ඩ් ඇට 8 -10 ක් පමණ එළකිරි කෝප්පයකට දමා මදක් පෙගෙන්නට තියලා ඒක බ්ලෙන්ඩ් කරලා උදෑසන ආහාරයට පෙර පානය කරන්න.සෙම තියෙන කෙනෙක් නම් ගොඩක් උදෑසන මේක බොන්න යන්න එපා.

• මේක බිව්වාම හමේ වියපත් වීම පාලනය කරලා හමට තෙතමනයක් ලබා දීලා හමේ තරුණ පෙනුම ආරක්ෂා කරනවා.

බාහිරින් ඇඟට ආලේප කරන්න පුළුවන් ආලේපනයක් ගැනයි දැන් කියන්න ⁣යන්නෙ..😊

• අලිගැටපේර මද ටිකකට බිත්තර කහ මඳයක් එක්ක යෝගට් ටිකක් දාලා හොදට කලවම් කරලා මුලු ඇගේම ආලේප කරලා විනාඩි 20 ක් විතර තියලා ⁣සෝදාන්න.

• මේක පැක් එකක් වගේ ඔයාට මුලු ඇඟටම ගාන්න පුළුවන්.ඒ වගේම මතක තියාගන්න මේක ඇඟට ගාන්න කලින් හොඳින් ඇඟ පිරිසිදු කරගන්න ඕනෙ.පිරිසිදු කරලා තෙත මාත්තු කරලා ඉවරට තමයි මේ පැක් එක ගාන්න ඕනෙ.

• අලිගැටපේර,යෝගට් අපි දන්නවා අපේ හමට තෙතමනයක් එක්ක හොඳ පෝෂණයක් ලබා දෙනවා කියලා.මෙමගින් ඔයාගෙ හමේ dry ගතිය නැති වෙලා හොඳ පැහැපත් බවකුත් එක්ක හොඳ තෙතමනයක් ලැබේවි.

• ඒ වගේම මේ සත්කාරය ඔයාට දින පතාම ඇඟට කරන්න පුළුවන් නම් ඉක්මනින් ප්‍රතිඵල ලබාගන්න පුළුවන් 🥰

හැමදාම ලස්සනට ඉන්න කැමති ඔබ වෙනුවෙන්මයි...❤️😍


ලස්සනට ඉන්න කැමති ඔයාලට අද ඔන්න ගෙනාවා මූන ලස්සනට තියාගන්න කරන්න පුළුවන් කෝපි වලින් කරන ෆේෂල් සත්කාරයන් ටිකක්...😍🥰❤️🦋 ක...
07/03/2022



ලස්සනට ඉන්න කැමති ඔයාලට අද ඔන්න ගෙනාවා මූන ලස්සනට තියාගන්න කරන්න පුළුවන් කෝපි වලින් කරන ෆේෂල් සත්කාරයන් ටිකක්...😍🥰❤️

🦋 කෝපි ක්ලෙන්සර්
ෆේෂල් එකක් කරගන්න කලින් මුලින්ම මූන හොදට ක්ලෙන්සර් කරලා පිරිසිදු කර ගැනීම අත්‍යාවශ්‍ය දෙයක්. ඉතින් කෝපි වලින් ක්ලෙන්සර් එකක් කරගන්න විදිය බලමු.

• කෝපි කුඩු මේස හැඳි දෙකකට කෝමාරිකා ⁣ජෙල් මේස හැඳි දෙකක් දාලා හොඳට කලවම් කරගන්න.( ස්භාවික කෝමාරිකා ගන්න.)
ඉන්පසු ඒක මුහුණේ ආලේප කරලා විනාඩි දෙකක් පමණ සම්බාහනය කරලා මූණ සෝදන්න.

🦋 කෝපි ස්ක්‍රබ්
ඔබේ මුහුණ ක්ලෙන්සර් කලාට පස්සෙ මුහුණේ මැරුණු සම ඉවත් කර ගැනීමට කෝපි ස්ක්‍රබ් එක කරන්න.

• කෝපි මේස හැඳි 01, සීනි මේස හැඳි 01 සහ ඔලිව් ඔයිල් මේස හැඳි 01 ක් දමා හොඳින් කලවම් කරගන්න. ඉන්පසු ඔබේ මුහුණ හොඳින් තෙත් කරගෙන මෙය මුහුණේ ආලේප කර විනාඩි 05 ක් පමණ ඇඟිලි තුඩු ආධාරයෙන් මෘදුව සම්බාහනය කරන්න.ඉන්පසු පිරිසිදු ජලයෙන් සෝදාහරින්න.
මෙමගින් ඔබේ මුහුණේ මැරුණු සම ඉවත් වෙලා මුහුණට හොඳ දීප්තියක් ලැබෙනවා.

🦋 කෝපි ෆේස් පැක්
ඔබේ මුහුණේ ඇති අඳුරු පැහැය ඉවත් වෙලා මුහුණ පැහැපත් කරගන්න මේ කෝපි පැක් එක දමන්න.

• කෝපි කුඩු මේස හැඳි 01
• යෝගට් මේස හැඳි 01
• කස්තුරි කහ මේස හැඳි 01
• මී පැණි මේස හැඳි 01

මේ දේවල් හොඳින් කලවම් කර මුහුණේ ආලේප කර විනාඩි 20 ක් පමණ තියලා ⁣මඳ උණුසුම් වතුරෙන් සෝදන්න.
ඉන්පසු අයිස් වතුර හෝ රෝස වතුර හෝ වෙනත් ටෝනර් එකකින් මූණ ටෝනර් කරගන්න.

මේ⁣ කෝපි සත්කාරය මසකට තුන් වතාවක් පමණ සිදු කරන්න.එවිට ඔබට දීප්තිමත් දිදුලන සුන්දර මුහුණක් ලබා ගන්න පුළුවන්. මුහුණට පමණක් නෙවෙයි කෙනෙකුට කැමති නම් මේක මුලු ඇගටම වුනත් කරන්න පුළුවන් 🤗❤️

ඒ වගේම මේ ගැන ගැටලු තියෙනවා නම් පහලින් Comment එකක් දාන්න 😊

Eye lashes Gel එකක් ගෙදරදීම හදමු 😍Let's make an Eye lashes Gel at homeவீட்டிலேயே ஐ லேசஸ் ஜெல் தயாரிப்போம்වීඩියෝව 👇https:...
15/12/2021

Eye lashes Gel එකක් ගෙදරදීම හදමු 😍
Let's make an Eye lashes Gel at home
வீட்டிலேயே ஐ லேசஸ் ஜெல் தயாரிப்போம்

වීඩියෝව 👇
https://youtu.be/mz3_HcMedNE

Address

Galle

Telephone

+94767653583

Website

Alerts

Be the first to know and let us send you an email when Funky trends posts news and promotions. Your email address will not be used for any other purpose, and you can unsubscribe at any time.

Shortcuts

Share

Category