17/06/2026
ඔයාගෙ හීනයත් ඔයාගෙම කියල ගරාජ් එකක් පටන් ගන්න එකද? එහෙනම් මුල ඉඳන් පියවරෙන් පියවර අපි කියලා දෙන්නම්. හැබැයි හොඳ අවධානෙන් අහගෙන ඉන්නම ඕන
ගොඩක් අයට තියෙන ලොකුම හීනයක් තමයි "මගේම වැඩක් පටන් ගන්නවා" කියන එක. ඒ අතරින් ගරාජ් එකක්, වර්ක්ශොප් එකක් පටන් ගන්න එකත් ලංකාවේ ගොඩක් කොල්ලොන්ට තියෙන ප්රැක්ටිකල් හීනයක්. මොකද වාහන නැති ගෙයක් හොයන්න අමාරුයිනේ.
හැබැයි "පටන් ගන්නවා" කියන එක හිතන තරම් ලේසි නෑ. හරි ප්ලෑන් එකක් නැතුව ගියොත් සල්ලිත් යනවා, කාලෙත් නාස්ති වෙනවා.
ඉතින් අද අපි අද ඔයාට කියලා දෙන්නේ ලක්ෂ ගානක ආයෝජනයකින් තොරව, මුල ඉඳන් ගරාජ් එකක් පටන් ගන්න ක්රමය ගැන.
1වන පියවර -
Market එක හොඳින් අධ්යනය කරන්න -
"මොකටද වැඩිපුර ඉල්ලුමක් තියෙන්නේ කියන එක ගැන
ගරාජ් එකක් පටන් ගන්න කලින් ඔයා දැනගන්න ඕන ඔයාගෙ පැත්තේ මිනිස්සුන්ට මොනවද ඕන කියලා. මේකෙදි ඔයා EFI Tuneup කරන්න පටන් ගන්නවා කියල හිතමුකෝ ඔයාගේ ප්රදේශයේ ගොඩක්ම තියෙන්නේ පරණ වාහනනම් ඔයා ඒ වැඩේ පටන් ගත්තට සාර්ථක වෙන්නෙ නැහැ. ඒකට ඔයා කරන්න ඕන ඔයාගේ ප්රදේශයේ තියෙන පරණ වාහන වලට ගැලපෙන විදිහේ සේවාවක් සපයන්න පුළුවන් ගරාජ් එකක් පටන් ගන්න එක.
2වන පියවර -
ඔබගේ තරඟකරුවන් අධ්යනය කිරීම (Competitor Analysis)
ඔයා ගරාජ් එක පටන් ගන්න අදහස් කරන ප්රදේශයේ කිලෝමීටර් 3-5 ඇතුලේ ගරාජ් කීයක් තියෙනවද?
එයාලා මොන මොන සේවාවන්ද ආකාරයේ සපයන්නේ?
මොනවද එයාලා නොකරන දේවල්?
කියලා හොයලා බලන්න. අන්න එතනින් ඔයා කරන්න යන දෙය මොන විදිහටද කරන්න ඕන ඒ කියන්නේ අනිත් අයගේ තියෙන අඩුපාඩු මොනවද මම ඒ අඩුව පුරවන්නේ කොහොමද කියල හොඳට කල්පනා කරන්න එතකොට ඉබේටම ඔයා මොකද්ද කරන්න ඕන කියන එක හිතාගන්න පුළුවන්.
වැදගත් : ඔයා කිසිම තරඟකරුවන් අධ්යනයකින් තොරව ව්යාපාරය පටන් ගත්තොත් 90%ක් ව්යාපාර වගේ ඔයාගේ ගරාජ් එකත් පාඩුපිට වහල දාන්න වෙන්නත් පුළුවන්.
3වන පියවර -
(Niche) එකක් හොයාගන්න.
ඉස්සරනම් වාහනේ හදන්න කෝකටත් තයිලෙ වගේ ගරාජ් එකට දැම්මම ඔක්කොම හදනවා හැබැයි ඒ ගරාජ් එක එක ක්ෂේත්රයකට වත් ප්රසිද්ද නැහැ වැඩෙත් හොඳටම කෙරෙන්නේ නැහැ. ඒත් දැන් නවීන තාක්ෂණයත් එකක්ක එන වාහන වල කලින් කියපු දේ කරන්න අමාරුයි
හයිබ්රිඩ්, EV, වගේම වාහනයේ ABS, EFI, AT, Airbag වගේ පද්ධතිවලට වෙන වෙනම විශේෂ වුනු ගරාජ් බිහිවෙන්න පටන් අරගෙන තියෙනව
හැම වාහනයක්ම repair කරනවා කියලා පටන් ගත්තොත් ඔයාගේ ගරාජ් එකත් ඉක්මනින්ම වහල දාන්න ලෑස්තිවෙන්න.
ඒ නිසා,ඔයත් හයිබ්රිඩ්, EV වගේ හරි බර වාහන වගේ ක්ෂේත්රයක් හරි නැත්නම් නවතම ප්රවනතාවය වන වාහනයේ එක් එක් පද්ධති වලට විශේෂ වුනු ABS, SRS, AT, Suspension වගේ එක පද්ධතියක විශේෂ වුනු ගරාජ් එකක් පටන් ගන්න ඔයාගේ දියුණුව සහතිකයි.
- මේක නිසා ඔයාට නිකන් සල්ලි වියදම් කරලා Tools ගොඩක් ගන්න වෙන එකත් නවතිනවා ඔයා විශේෂ වන සේවාවට අවශ්ය උපකරණ පමණක් මිලදීගෙන වියදම අඩු කරගන්නත් පුළුවන්.
4වන පියවර - Business Plan එකක් හදාගන්න - "අතින් ලියන්න, හිතින් නෙවෙයි"
හිතින් හිතන ප්ලෑන් කවදාවත් වැඩ කරන්නේ නෑ. එක A4 කොළයක මේ දේවල් ලියන්න.
i. ප්රාග්ධනය (Capital) - ඔයාට මුලින් වියදම් කරන්න පුළුවන් ගාණ කීයද? රුපියල් 50,000 ද? ලක්ෂ දෙකක් ද?
ii.මාසික වියදම් (Monthly Expenses) -
කඩ කුලිය, ලයිට් බිල,වතුර බිල, කම්කරුවන්ගේ පඩි, Tools Maintain කරන්න යන ගාණ.
iii. සේවාවන් සඳහා මිල නියම කිරීම (Pricing) - Market එකේ සාමාන්ය ගාන මොකක්ද? ඔයා මොන සේවාවද අඩුවට දෙන්නේ ? මොන සේවාවටද ද labour cost එක අඩු , ඉහල තාක්ෂණික දැනුමක් අවශ්ය සේවාවක් නම් වැඩි ගානක් නියම කරන්න වෙනවා.
iv. Break-even Point - මාසෙට කීයක් හොයනවනම් ද ඔයාට පාඩු වෙන්නෙ නෑ කියලා හිතන්න පුළුවන්?
5වන පියවර - නීතිමය (Legal) පැත්ත හදාගන්න - "කෙටියෙන්ම කරලා ඉන්න එක හොඳයි"
පස්සේ ප්රශ්න එනවාට වඩා මුලින්ම හදාගන්න එක ලේසියි.
i. Business Registration - ප්රාදේශීය ලේකම් කාර්යාලයෙන් D.S.O. එකෙන් Business Name එක Register කරන්න. ගාණ වැඩි නෑ.
ii. Trade License - ප්රාදේශීය සභාවෙන් Trade License එක ගන්න.
iii. Bank Account - Business එකේ නමින් current එකවුන්ට් එකක් හදාගන්න. Personal සහ Business වියදම් පටලවාගන්න එපා.
මේක නැතුව Supplier ලගෙන් Credit ගන්න අමාරුයි, Bank Loan ගන්නත් අමාරුයි.
8 වන පියවර -
Location සහ Setup එක - "පෙනුමත් වැදගත්"
i. Location - පාරට පේන තැනක්, වාහන නවත්තන්න ඉඩ තියෙන තැනක් හොයන්න. Main Road එකේ වෙන්න ඕන නෑ, හැබැයි පාර අයිනේ නම් වාසියි.
ii. Space - මුලින් අඩි 15x20 වගේ පොඩි තැනක් ඇති. වාහනයක් ඇතුළට ගන්න තරම් ඉඩ තියෙන්න ඕන.
iii. Basic Tools - ස්කෑනර් එක, ඉන්ජෙක්ටර් ක්ලීනින් මැෂින් එක,2post ලිෆ්ට් එක Air Compressor, එකක්,low profile ජැක් එකක් , Tool Box එකක්. මුලින් ඔක්කොම අලුතින් ගන්න ඕන නෑ. Second hand හොඳ තත්වයේ ඒවා අඩුවට හොයාගන්නත් පුළුවන්.
7 වන පියවර -
Team එක හදාගන්න - "තනියම කරන්න බෑ"
i. Skilled Mechanic - ඔයාට Experience නැත්නම්, වැඩේ දන්න කෙනෙක් මුලින් අනිවාර්යෙන්ම ඕන.
ii. Helper - වැඩ වලට උදව් කරන, පිරිසිදු කරන කෙනෙක්.
iii. Customer Handling - ඔයා තමයි Customer එක්ක කතා කරලා වැඩේ තේරුම් ගන්න ඕන. මිනිස්සු එන්නේ තමන්ගේ වාහනේ විතරක් නෙවෙයි, හිතේ තියෙන බයත් අරගෙන.
මේ පියවර හතර තමයි අපි මුලින්ම ගන්න ඕනේ l
පියවර 6 -
Marketing - "මෙහෙම වැඩක් කරනවා කියලා කවුද දන්නේ?"
මෙහෙම දෙයක් කරනවා කියලා හිතාගෙන ඉඳලා හරියන්නේ නෑ. කියන්නත් ඕන.
i. Google My Business - Free එකේ Google Maps එකේ ගරාජ් එක Register කරන්න. Location, Phone Number, Photos දාන්න.
ii. Social Media - page එකක් හදලා Before/After Photos, Customer Reviews දාන්න. 30 sec වීඩියෝ එකක් වුණත් ඇති.
iii. කටින් කට ප්රචාරණය (Word of Mouth) - මුල්ම Customers ලා 20 ට හොඳ සර්විස් එකක් දෙන්න. එයාලා තමයි ඔයාට Free Marketing කරන්නේ.
Iv. Offer - "පළවෙනි Engine Oil Change එක 10% Off" වගේ Offer එකක් දෙන්න පුළුවන්.
පියවර 7-
Customerගේ විශ්වාසය ගොඩනගන්න - "එක පාරක් ආපු කෙනා ආයෙත් එන්න ඕන"
ගරාජ් Business එකේ සල්ලි තියෙන්නේ Repeat Customers ලා ගාව.
i. Transparent Pricing - වැඩ පටන් ගන්න කලින් Cost එක කියන්න.
ii. No Unnecessary Work - ඕන නැති වැඩ කරලා Bill එක වැඩි කරන්න එපා. Customer ඒක අල්ලගන්නවා.
iii. Warranty - ඔයා කරන වැඩට යම් සාධාරණ කාලයක වගකීමක් දෙන්න. ඒක ඔයා ගැන පරිභෝගිකයට විශ්වාසය(Trust ) එක හදනවා.
iv. Follow Up - වැඩේ කරලා දවස් 3 කට පස්සේ Call කරලා අහන්න "කොහොමද දැන් වාහනේ?" කියලා.
පියවර 8 -
Record තියාගන්න සහ Grow වෙන්න.
i. Book Keeping - දවසට ආපු Income, වියදම් ඔක්කොම ලියන්න. App එකක් use කළත් කමක් නෑ.
ii. Feedback - Customer ගෙන් Feedback අහන්න. මොකක්ද හොඳ නැත්තේ කියලා දැනගන්න එක තමයි Grow වෙන්න තියෙන ලේසිම ක්රමේ.
iii. Reinvest - මුල් මාස 6-12 කාලයේ හොයන සල්ලි වලින් වැඩි හරියක් Business එකටම ආයෙත් Invest කරන්න. Tools Upgrade කරන්න, තව කෙනෙක් වැඩට ගන්න.
ගරාජ් එකක් පටන් ගන්නවා කියන්නෙ මැජික් එකක් නෙවෙයි. ඒක දැඩි කැපවීම, ඉවසීම සහ විශ්වාසයේ ප්රතිඵලයක්. මුලින් පොඩියට පටන් ගන්න. Perfect වෙන්න හදන්න එපා. කරන්න පටන් ගත්තම Perfect වෙනවා.
ඔයාට තියෙන්නේ හීනයක් විතරයි නම්, අද ඉඳන් පළවෙනි පියවර කරන්න පටන් ගන්න. Market එක බලන්න. පාර දිගේ යන ගමන් තියෙන ගරාජ් 3කට රිංගලා බලන්න එයාලා මොනවද කරන්නේ කියලා.
හීනේ හීනයක් විදියට තියාගන්න එපා. ඒක Business එකක් කරගන්න වෙලාව දැන්.
ඔයාට ගරාජ් එකක් පටන් ගන්න එක ගැන තව ප්රශ්න තියෙනවද? Comments වල දාන්න. Digitzonelanka team අපි ඔයාට උදව් කරන්නම්.
