13/05/2021
ធ្វើភីហ្សា
គ្រឿងផ្សំធ្វេីម្សៅភីស្សា៖
1 cup ទឹកក្តៅឧណ្ណៗ
2 tsp មេនំបុ័ង
2 tsp ស្ករ
3 cups ម្សៅមី
1 tsp អំបិល
2 tbsp ប្រេងអូលីវ
របៀបធ្វេី៖
-លាយទឹកក្តៅឧណ្ណៗជាមួយស្ករ និងមេនំបុ័ង(ខ្ញុំប្រេី active dry yeast )កូរអោយសព្វបន្តិច រួចគ្របទុក៥នាទី។
-ក្នុងកាធុនធំល្មមមួយ ចាក់ម្សៅមីចូល និងអំបិល លាយអោយសព្វចូលគ្នាសិន។
-ចាក់ល្បាយទឹកមេនំបុ័ងចូលក្នុងម្សៅ ថែមប្រេអូលីវចូលរួចច្របាច់ម្សៅអោយល្មួត។ វាប្រេីរយៈពេលពី8ទៅ10នាទី អាស្រ័យតាមកំលាំងដៃយេីង។ សំខាន់ត្រូវច្របាច់អោយល្មួតសាច់ល្អ។
-ដាក់ដុំម្សៅដែលល្មួតទៅក្នុងកាធុនមួយដែលមានលាបប្រេង ហេីយគ្របវាដោយថង់គ្របម្ហូប ឬកន្សែងផ្ទះបាយ ។ ផ្អាប់ទុករយៈពេល1ម៉ោង។
-ក្នុងពេលផ្អាប់ម្សៅ យេីងរៀបចំបន្លែ និងសាច់ដែលត្រូវដាក់លេីម្សៅភីស្សា។
ផ្នែកសាច់ ៖អាចដាច់សាច់តាមចំណង់ចំណូលចិត្ត ។ ថ្ងៃខ្លះខ្ញុំដាក់សាច់មាន់ លាយហត់ដក់ ថ្ងៃខ្លះខ្ញុំដាក់គ្រឿងសមុទ្រ ដូចជា បង្គា មឹក(កាត់កង់ៗខ្លីៗប្រហែលមួយថ្នាំងដៃ) ថ្ងៃខ្លះខ្ញុំឆាសាច់គោចិញ្រ្ចាំចូលលាយជាមួយ ហត់ដក់។
ផ្នែកបន្លែ៖ អាចដាក់តាមចំណង់ចំណូលចិត្តដែរ ដូចជាម្ទេសហាវៃ គ្រប់ពណ៌ ផ្សិត ម្នាស់ ពោត ផ្កាខាត់ណា(ខ្ញុំចិត្តវាតូចៗតាមធាងវាហេីយ យកទៅដុតលេីខ្ទះដោយមិនប្រេីប្រេងទេ។ ដូចនេះពេលវាឆ្អិន វាឈ្ងុយបែបដុត។ កុំដុតអោយឆ្អិន១០០% ព្រោះយេីងត្រូវដុតជាមួយភីស្សាមួយតង់ទៀត។ ) ម្ទេសជ្រក់ spinach ជាដេីម។
-បេីកឡកំដៅ 180c ឬ350F អោយហេីយ។
-នៅពេលម្សៅផ្អាប់បានមួយម៉ោងហេីយ យេីងអាចយកចេញពីកាធុនមកច្របាច់អោយអស់ខ្យល់ ចែកម្សៅជា២ដុំ (សំរាប់ខ្ញុំមិនចែកម្សៅទេ ព្រោះខ្ញុំប្រេីចានដុតភីស្សាដែលធំ ហេីយខ្ញុំចង់ហូបភីស្សាដែលមានសាច់ក្រាស់) ហេីយប្រេីឈេីកិនអោយរាប ។
-បេីចង់បានឈីសនៅតាមគែមភីស្សា យេីងត្រូវកិនអោយធំជាងចានដុតភីស្សា ប្រហែល២ថ្នាំងដៃបន្ថែម ព្រោះយេីងអាចដាក់ឈីសនៅគែមៗហេីយមូរបិទមុខគែមវិញ។ (លេីកម្សៅដាក់លេីចានដុតសិន សឹមដាក់ឈីសនៅគែម)
-សំរាប់ឈីស ខ្ញុំប្រេី Mozzarella cheese ច្រេីន និងចូលចិត្តបន្ថែម Cheddar cheese បន្តិច។ តែបេីគ្មានទេ យេីងប្រេីតែMozzarella cheese តែមួយមុខក៏បាន។
-លាបទឹកភីស្សា អោយសព្វលេីម្សៅភីស្សា លេីកលែងគែមៗចេញ។ បរិមាណដាក់តាមចំណង់ចំណូលចិត្ត ។ សំរាប់ខ្ញុំចូលចិត្តដាក់ច្រេីន ព្រោះទឹកភីស្សាខ្ញុំធ្វេីខ្លួនឯង មិនសូវជូរដូចទិញពីផ្សារទេ។ បេីចង់បានឈឺសច្រេីន ពេលនេះអាចដាក់ឈីសមួយជាន់សិន តែបេីចង់បានដូចធម្មតា ពេលត្រង់នេះ មិនបាច់ដាក់ឈីសនៅឡេីយទេ។ រួចរៀបសាច់ និងបន្លែដែលយេីងត្រៀមទុកអោយហេីយដាក់លេីទឹកភីស្សា ឬ ឈឺសនោះ។
រោយឈីសម្តងទៀតពីលេីបន្លែ និងសាច់នោះ។
-ដាក់ភីស្សាក្នុងឡកំដៅ ដុតរយៈពេល ពី១០ ទៅ១៥នាទី។
សូមពិសារដោយរីករាយជាមួយភីស្សាដ៏ឈ្ងុយឆ្ងាំញ់ ធ្វេីដោយដៃរបស់អ្នកផ្ទាល់។
