01/06/2026
អបអរសាទរ ទិវាកុមារអន្តរជាតិ ១ មិថុនា
ក្នុងឱកាសអបអរសាទរ ទិវាកុមារអន្តរជាតិ ១ មិថុនា ក្រុមហ៊ុន N&P Investment Co., Ltd. មានកិត្តិយសបានអមដំណើរ លោកជំទាវ ទុយ សិរីរតនៈ នេត្រភក្ត្រា ប្រធានកិត្តិយសសាខាសមាគមនារីកម្ពុជាដើម្បីសន្តិភាព និងអភិវឌ្ឍន៍ ក្រសួងព័ត៌មាន ព្រមទាំងសមាជិកា ចុះសួរសុខទុក្ខកុមារតូចៗដែលកំពុងសម្រាកព្យាបាលជំងឺមហារីក។
ក្នុងឱកាសដ៏មានអត្ថន័យនេះ ក៏បាននាំយកថវិកាចំនួន ១០៦ លានរៀល ប្រគល់ជូន មូលនិធិគន្ធបុប្ផាកម្ពុជា ដើម្បីចូលរួមគាំទ្រដល់ការព្យាបាល និងការថែទាំសុខភាពកុមារកម្ពុជាដោយឥតគិតថ្លៃ។
យើងខ្ញុំសូមចូលរួមលើកកម្ពស់សុខុមាលភាព និងអនាគតដ៏ភ្លឺស្វាងរបស់កុមារកម្ពុជា ព្រោះកុមារគឺជាទំពាំងស្នងឫស្សី និងជាកម្លាំងស្នូលសម្រាប់ការអភិវឌ្ឍប្រទេសជាតិនាពេលអនាគត។
#ទិវាកុមារអន្តរជាតិ
