28/06/2024
ប៉ុន្មានចំណុចខាងក្រោមនេះគឺជាហេតុផលដែលអ្នកអានគួរតែទិញសៀវភៅជាភាសាអង់គ្លេសឬភាសាផ្សេងដើម្បីសាកល្បងអាន៖
1.ការផ្លាស់ប្ដូររសជាតិ ការអានសៀវភៅប្រលោមលោក មានច្រើនប្រភេទហើយ បរិយាកាសរបស់រឿងគឺមានរសជាតិផ្សេងៗគ្នា ការផ្លាស់ប្ដូររសជាតិ វាធ្វើអោយអ្នកអានទទួលបានអារម្មណ៍ថ្មី ទីកន្លែងថ្មី និងចំណេះដឹងថ្មីៗ
មិនចោលរបស់ចាស់ប៉ុន្ដែយើងបំពេញបន្ថែម😉
2.ល្អសម្រាប់អ្នកដែលពិបាកក្នុងការរៀនភាសាអង់គ្លេស ពេលខ្លះយើងយល់ថាធុញទ្រាន់ក្នុងការរៀនតាមវីដេអូ ប៉ុន្ដែខ្ញុំជឿ១០០% បើសិនជាយើងជួបពាក្យដែលយើងមិនចេះក្នុងសៀវភៅ នោះយើងនឹងមិនខ្ជិលក្នុងការទាញទូរស័ព្ទមកពិនិត្យមើលអត្ថន័យពាក្យមួយនោះទេ (ព្រោះយើងត្រូវតភាគប្រលោមលោករបស់យើង ខ្ជិលស្មើរនឹងអត់យល់ន័យ🤣) ការជួបពាក្យដដែលៗធ្វើអោយយើងឆាប់ចាំ ហើយចេះភាសាដោយមិនដឹងខ្លួនក៏ថាបាន (បទពិសោធន៍ផ្ទាល់ខ្លួន😉)
3.ពិភពលោកធំទូលាយពេលខ្លះយើងអាចជួបនៅរឿងដែលថ្មី ហើយគិតថាមិនធ្លាប់បានដឹង ព្រោះផ្នត់គំនិតអ្នកនិពន្ធម្នាក់ៗ ខុសៗគ្នា ជាពិសេសយើងជាជនជាតិអាសុី បើប្រៀបធៀបអ្នកនិពន្ធបរទេសនៅប៉ែកអឺរ៉ុប ខ្ញុំគិតថាយើងអាចនឹងរកបានសៀវភៅដែលយើងចូលចិត្តខ្លាំងបន្ថែមហើយយល់ថាជាអ្វីដែលយើងតាមរកក៏ថាបាន វាប្រៀបបាននឹងជាការ challenge ខ្លួនឯងជាមួយពិភពនៃការអានអញ្ចឹង កាន់តែស្វែងរកគឺកាន់តែចង់ដឹង Recommended ប្រភេទ Fantasy ជាពិសេស
៤.សន្សំសៀវភៅដែលមកពីកន្លែងខុសៗគ្នា សម្រាប់អ្នកដែលស្រឡាញ់សៀវភៅប្រាកដជាយល់ពីអារម្មណ៍នឹង អ្នកដែលស្រឡាញ់សៀវភៅពិតគឺមិនរើសអើងប្រភពសៀវភៅនោះទេ អ្វីដែលយើងមានគឺការចង់បំពេញបន្ថែម(ទូរចង់បាក់ហើយ តែនៅតែយល់ថាមិនគ្រប់😥) ខ្ញុំមានទម្លាប់មួយ ទោះជាទិញសៀវភៅមកច្រើន ហើយអានមិនទាន់អស់ ប៉ុន្ដែនៅតែទិញបន្ថែម វាមិនមែនជាការខ្ជះខ្ជាយនោះទេ ពាក្យថាសៀវភៅមួយម៉ាត់វាមិនមែនជាការចំណាយលុយទៅដោយអត់ប្រយោជន៍ឡើយ ប៉ុន្ដែវាជាការប្រមូលយកមកនូវចំណេះបូករួមនឹងមេរៀនជីវិតដែលអ្នកនិពន្ធបានបញ្ចូលក្នុងនោះ សរុបមក អ្នកសរសេរជាមនុស្សចូលចិត្តសន្សំសៀវភៅ ខ្មែរ ចិន ថៃ កូរ៉េ ជប៉ុន អង់គ្លេស អោយតែមានលុយគឺកើបទាំងអស់ សូម្បីតែភាសាអេស្ប៉ាញអី បើមានលុយទិញទៀត អត់ចេះអានមិនមែនជាហេតុផលក្នុងការបញ្ឈប់ការទិញរបស់ចៃសៀវភៅឡើយ…..
នៅមានហេតុផលល្អៗជាច្រើនទៀត បើសិនជាអង្គុយសរសេរ គឺវែងអន្លាយ ប៉ុន្ដែមិនថាជាហេតុផលអ្វីឡើយ ការអានគឺនាំមកនូវ រឿងល្អៗ និង សុខភាពផ្លូវចិត្ត(លើកលែងតែរឿងខ្លះតួងាប់ ឬវេទនាពេក fun facts 😭🥲) ព្រោះយើងនឹងទទួលបានអារម្មណ៍ សើច សប្បាយ រីករាយ ទុក្ខសោក យំល្ហេមល្ហាម នោះសុទ្ធតែជាអារម្មណ៍ដែលមនុស្សគ្រប់គ្នាមាន វាមិនមែនជារឿងចម្លែកនោះឡើយ 😚
