SVFS - Stangaveiðifélag Selfoss

18/05/2026

Sælir veiðimenn.
Hann Gísli Rúnar var við veiðar í Baugstaðaós um helgina ásamt félaga sínum. Hann sendi okkur þessar fínu myndir úr ferðinni. Það er fullt af sjóbirtingi á svæðinu.

Lausir dagar eru seldir á www.leyfi.is

12/05/2026

12/05/2026

Hann Steinar Bragi var ásamt Högna veiðifélaga sínum við veiðar í Baugstaðaós um helgina og sendi okkur nokkrar línur og myndir og þökkum við fyrir það. Hann vildi einnig nota tækifærið og vara menn við að fara á ílla búnum bílum niður á sandinn.
‐-------------------------------------------
Blessaður Guðmundur,

Þetta gekk vel hjá okkur, náðum fimm fiskum í heildina! Það var fiskur bæði við veiðihúsið og slatti á neðri veiðistöðum, sérstaklega á veiðistað 4 og í ósnum.

Stærsti fiskurinn var 55cm tekinn á krókinn á veiðistað 4.

Kærar þakkir fyrir okkur!

Bestu kveðjur,
Steinar og Högni
----------------------------------------

Lausir dagar í Baugstaðaós eru til sölu á www.leyfi.is

26/04/2026

Sælir veiðimenn.
Hann Steinar Bragi veiðimaður var við veiðar í Baugstaðarós í vikunni og sendi okkur þessar myndir og texta:

Þetta gékk ágætlega hjá okkur í gær, mikill vindur og kalt… var 15-20 m/s en við náðum 5 fiskum við ósinn. Þeir voru flestir um pund og við vorum ekki varnir við neinn fisk á efri veiðistöðum, myndirnar voru ekkert frábærar, mikil þoka. Lét nokkrar fylgja með.
Kærar þakkir fyrir okkur!

Bestu kveðjur,
Steinar

Við þökkum Steinari Braga kærlega fyrir upplýsingarnar og minnum á að lausir dagar eru til sölu á www.leyfi.is

22/04/2026

Gleðilegt sumar, kæru félagsmenn SVFS!

Laugardaginn 25. apríl höldum við hinn árlega hreinsunardag í Hlíðarvatni í Selvogi – og nú er tækifærið til að taka höndum saman og gera svæðið okkar enn betra fyrir komandi veiðitímabil.

Við göngum meðfram vatninu, tínum rusl og gerum veiðihúsið klárt. Umsjónarmenn verða á staðnum, vísa veginn og skipta svæðum á milli þátttakenda. Við byrjum um kl. 10:00 og verðum fram eftir degi.

Með samstilltu átaki getum við haft sýnileg áhrif!
🎣 Og að launum fá þátttakendur að veiða í vatninu að loknu góðu dagsverki.

Mætum sem flest, njótum útiverunnar og leggjum okkar af mörkum – þetta er bæði skemmtilegt og gefandi!

Sumarkveðjur,
stjórn SVFS

05/03/2026

Kæru félagar,
Vekjum athygli ykkar á Bjórkvöldi fyrir veiðimenn á Miðbar, flott framtak 👏

Það er eitthvað sérstakt við mars! Ísinn farinn að bráðna, veiðigræjurnar teknar upp úr geymslu… og taugarnar farnar að titra. Lausnin? Bjórkvöld veiðimanna á Miðbar föstudaginn 13. mars. Tvíburabræðurnir Gunni Helga og Ási Helga mæta á svæðið og taka völdin. Þeir lei...

04/03/2026

Þá er seinna sölu kvöldi SVFS lokið. Mikið af félagsmönnum komu og tryggðu sér veiðidaga fyrir sumarið.
Núna á næstu dögum fara óseldir dagar í sölu á veiðisöluvefnum okkar www.leyfi.is

02/03/2026

Fyrra sölukvöld veiðileyfa gekk vel og var margt um manninn og margir komu að sækja veiðileyfin sín fyrir komandi sumar. Seinna sölukvöld veiðileyfa er miðvikudaginn 4 mars frá kl 19:00 til 21:00
Við hvetjum félagsmenn að renna við og sækja veiðileyfin sín.

26/02/2026

Sölukvöld veiðileyfa

Sölukvöld veiðileyfa verða 2. og 4. mars í húsnæði SVFS, Víkinni. Opið verður frá kl. 19:00 - 21:00. Að sölukvöldum loknum verða laus og ósótt leyfi sett í sölu á söluvef SVFS, leyfi.is.

https://svfs.is/solukvold-veidileyfa-4/

Sölukvöld veiðileyfa verða 2. og 4. mars í húsnæði SVFS, Víkinni. Opið verður frá kl. 19:00 – 21:00. Að sölukvöldum loknum verða laus og ósótt leyfi sett í sölu á söluvef SVFS, leyfi.is.…