16/01/2025
Bóndadagurinn er 24. janúar. Hér er flott gjöf fyrir bóndann þinn ef honum finnst gaman að lesa - 3 bækur í gjafakassa.
Kóngsríkið - Um bókina
Hundaheppni - Um bókina
Jack Reacher er á sínu vanalega stefnulausa flandri um veröldina þegar hann kemst í kynni við eldri hjón sem eru lent í klónum á okurlánara. Þar sem Reacher er ávallt reiðubúinn að taka bófa í bakaríið býður hann fram aðstoð sína. Og áður en langt um líður er hann búinn að egna upp bæði úkraínsku og albönsku mafíuna í plássinu – með verulega blóðugum afleiðingum.
Hundaheppni er tuttugasta og fjórða bókin í hinum geysivinsæla metsöluflokki Lees Child um Jack Reacher, bardagajaxlinn með blíða hjartað.
Bræðurnir Roy og Carl Opdal alast upp við erfiðar aðstæður í afskekktu norsku þorpi, þar sem hnefarétturinn ræður. Carl verður fyrir skelfilegu ofbeldi og flýr á endanum fortíð sína. Roy verður eftir, býr einn í húsi foreldranna og gerir við bíla. Tuttugu árum seinna birtist Carl aftur með glæsilega eiginkonu og háfleygar áætlanir um hótelrekstur. Koma hans hristir rækilega upp í kyrrlátu lífi þorpsbúa og gamlar væringar og fólskuverk leita upp á yfirborðið. Voveifleg dauðsföll kallast á við löngu liðna atburði og spennan verður óbærileg fyrir Roy; hann þarf að velja á milli bróður síns og framtíðarinnar sem hann dreymir um.
Enginn stenst Jo Nesbø snúning þegar kemur að þéttum, snúnum og óvæntum fléttum enda hafa bækur hans farið sigurför um heiminn. Hér er enginn Harry Hole – en allt annað er til staðar og lesendur verða ekki sviknir.
Bjarni Gunnarsson þýddi.
Sjö fermetrar með lás - Um bókina
Það er illt í efni. Carl Mørck, rannsakandinn frægi sem er yfirmaður Deildar Q hjá dönsku lögreglunni, er handtekinn og settur í fangaklefa eftir að taska með eiturlyfjum finnst á heimili hans. Samstarfsfólk til áratuga snýst gegn honum og gömul mál eru dregin fram í dagsljósið.
Vitneskja sem Carl býr yfir ógnar voldugum mönnum í heimi alþjóðlegra glæpa sem finna sér nú skósveina innan fangelsisins og heita hverjum þeim sem tekst að ráða Carl af dögum stórfé. Líkur hans á að sleppa lifandi út eru hverfandi. Liðsmenn Deildar Q – Assad, Rose og Gordon – eru þó ekki af baki dottnir og leggja allt í sölurnar til að sanna sakleysi Carls og bjarga honum frá bráðum bana.
Sjö fermetrar með lás er tíunda og síðasta bókin um Deild Q, æsispennandi krimmi þar sem saman fer framúrskarandi persónusköpun og leiftrandi snjöll glæpaflétta. Þessi vinsæli bókaflokkur eftir sagnameistarann Jussi Adler-Olsen hefur farið sigurför um heiminn og kvikmyndir gerðar eftir sögunum hafa einnig notið mikillar velgengni.
Jón St. Kristjánsson þýddi.
Hægt er að skipta bókunum í bókaverslun Forlagins.
https://gjafakassar.is/products/baekurnar-3-lesbondinn
