Bakkabúðin Flateyri

29/06/2020

Ef þér líkaði við Bakkabúð ætti þér að líka við Gunnukaffi ❤️

Í sumar verður opið frá 11-21 alla daga.
Grillið verður opið frá 11:30- 20:30.

21/06/2020

Við ætlum að opna kl 15 í dag það verður heitt á könnunni allir velkomnir. En það verður formlega opnað síðar

17/06/2020

Bakkabúð hættir rekstri verslunar á Flateyri.
Gunnukaffi opnar verslun á Flateyri – í Hafnarstræti 11.

Ákveðið hefur verið að loka Bakkabúð og hætta rekstri verslunarinnar. Síðasti afgreiðsludagur er í dag 17. júní.

Örvæntið þó ekki þar sem Gunna og Jónsi í Gunnukaffi hafa ákveðið að reka áfram verslun á Flateyri, í húsnæði Gunnukaffis í Hafnarstræti 11 og verður verslunin í afar svipaðri mynd og hún er í dag, þ.e. dagvörur, skyndimatur og almennar nauðsynjavörur. Gera má ráð fyrir að verslunin þar opni á allra næstu dögum.

Bakkabúð þakkar viðskiptin og tryggð Flateyringa og annarra í gegnum tíðina.

10/06/2020

Þessar kjarnakonur komu færandi hendi í Bakkabúð á dögunum. Breiðdalsfiskur fæst nú í Bakkabúð og við mælum auðvitað með honum fyrir allan peninginn....litlar 1950 kr :-)

Breiðadalsfiskur ehf. er harðfiskverkun sem staðsett er í Neðri Breiðadal, Önundarfirði. Þetta er lítið fjölskyldufyrirtæki í eigu Gunnars Þórissonar og Jóhönnu Óskar Halldórsdóttur.

Uppfærsla og viðbót við fyrri færslu:

Ég hef verið beðin um að koma því skila frá alls ótengdum aðila að þetta er hreinlega besti harðfiskur sem til er

05/06/2020

Það er tilvalið að eyða sjómannadeginum á Flateyri og koma svo við í Bakkabúð og fá sér pylsu og ís í lok dags.

:-)

05/06/2020

Helgin í Bakkabúð byrjar vel þegar þessi geggjaða vefja fer tímabundið á matseðilinn.

Vefja með rifnu svínakjöt að hætti Filipseyinga, pikkluðum rauðlauk, salati, ferskum fetaosti og salsa sósu.

Sjómannadagstilboð á meðan birgðir endast: Vefja og lítill Doritos Cheese á litlar 1.750 krónur.

Þú gætir reyndar þurft að henda nokkrum hundrað köllum í viðbót svo að þú getir fengið þér franskar með og ís eða sjeik í eftirrétt.

Opið föstudag 16-19.30, laugardag 12-19.30 og sunnudag 12-19.30.

Mundu bara að grillið lokar 19.15!

Sjáumst í Bakkabúð um helgina

01/06/2020

Á þessum öðrum degi Hvítasunnu er tilvalið að eyða deginum á Flateyri, dorga aðeins á bryggjunni, kíkja út á Klofning og hoppa svo dálítið á ærslabelgnum.

Að því loknu mætti nú skottast út í Bakkabúð og gæða sér á gómsætri BLT samloku, frönskum með geggjaðri brúnni sósu og ís eða sjeik í eftirrétt.

Anna Anika tekur á móti ykkur með bros á vör í allan dag og minnir á að grillið er opið til kl. 19.15.

Opið í dag frá 12-19.30.

29/05/2020

BLT samloka, franskar og heit brún sósa! Karamellusjeik í eftirmat!

Við höldum ótrauð áfram með nýjungar og þessa helgi er það sjóðandi heit BLT samloka sem bætist við á seðilinn. Já og geggjuð brún sósa með frönskunum.

Já og ísvélin auðvitað komin í gang. Ís í boxi eða brauði, sjeik, nammi og alls konar sósur.

Grillið opið til 19.15 alla helgina.

Sjáumst!

28/05/2020

Er til skýrara merki um að sumarið sé á næsta leyti en þetta?

Í Bakkabúð fögnum við komandi sumri með viðeigandi hætti og setjum við ísvélina í gang á morgun, föstudag.

Ís í formi, ís í boxi og sjeik í boði fyrir börn á öllum aldri. Dýfur og nammi og alls konar bragð.

23/05/2020

Bensíndælan er sem stendur biluð. Viðgerð er í vændum en ekki fyrr en á morgun.