23/11/2022
ഫുട്ബോള് അധ്വാനസങ്കല്പത്തിന്റെ ഏറ്റവും മികച്ച മാതൃകയും സംഘടിതമായ പോരാട്ടങ്ങളുടെ ഏറ്റവും ആകര്ഷണീയമായ നേട്ടവുമാണ്. നിശ്ചിതമായ ലക്ഷ്യത്തിലേക്ക് പന്തുമായി മുന്നേറുന്ന കൂട്ടായ്മയില് ഓരോ വ്യക്തിയും ഏകാകിയാണ്. ആള്ക്കൂട്ടിലെ ഏകാകിള്. ഫുട്ബോള് എല്ലാതലത്തിലും മനുഷ്യവികാരങ്ങളുടെ പ്രദര്ശനശാലയാണ്. നമുക്ക് പേരിട്ടു വിളിക്കാന് അസാധ്യമായ സൃഷ്ടി സംഭവം. വര്ഗം, വര്ണം, ഭാഷ, ദേശം അങ്ങനെ അതിരുകളെല്ലാം ഇവിടെ മാഞ്ഞുപോകുന്നു. ഈ കളിയില് സ്നോബറിയുടെ ചിഹ്നമില്ല. നൂലാമാലകളില്ല. സര്വം ശുദ്ധം, ലളിതം. ഫുട്ബോളില് ലോകത്തിന്റെ സകലയിടങ്ങളിലുമുള്ള ജനത അവരുടെ ഉത്സമായി ആഘോഷിക്കുന്നുണ്ട്. ഒപ്പം അഭ്യസ്തതയും, ആക്രമണവും നീതി രാഹിത്യവുമെല്ലാം ഈ കളിയുടെ മുഖമുദ്രകളാണ്. അതോടൊപ്പം ഏറ്റവും ജനപ്രീതി നേടിയ കായികവിനോദവും ഫുട്ബോള് തന്നെയാണ്.
ഓരോ ഫുട്ബോള് പോരാട്ടവും അതിന്റെ പ്രണയികള്ക്ക് വ്യത്യസ്തമായ അനുഭവമാണ്. തൊണ്ണൂറുമിനിറ്റുകളില് അവരുടെ മനോരഥങ്ങള് തകര്ക്കപ്പെടുന്നു. ചിലപ്പോള് പുതിയ സ്വപ്നങ്ങള് പൂവണിയുകയും ചെയ്യുന്നു. വിജയത്തിന്റെ മോഹനമുഹൂര്ത്തം അവരെ ഉന്മാദത്തിലേക്ക് എടുത്തുചാടിക്കുന്നു. പരാജയത്തിന്റെ വീഴ്ചകളില് അവരുടെ മനസ്സുകളില് ശൂന്യത തളംകെട്ടുന്നു.
കാല്പ്പന്തിലെഴുതിയ
ദേശീയതയും
എ.എന്.രവീന്ദ്രദാസ്
വില 100 രൂപ
കോപ്പികള് യൂമി ബുക്സ്
*പോസ്റ്റേജ് പുറമെ
ബന്ധപ്പെടാനുള്ള നമ്പര്
9495695001
