https://www.facebook.com/102545592338207/

Vision BOOKS, Thrissur (2026)

14/04/2022

Happy vishu🥳🥳🥳

07/04/2022

"ഐഐടി മദ്രാസ് എന്ന സ്ഥാപനത്തിൽ വളരെ ചുരുക്കം നാളുകൾ തൊഴിൽസംബന്ധമായി ഉണ്ടാകേണ്ടി വന്നിട്ടുണ്ട്. അതൊരു മഹാപ്രസ്ഥാനമാണ്. ഒരു ആവാസവ്യവസ്ഥ തന്നെ അതിനുള്ളിലുണ്ട്. ഉള്ളിൽ പോയി കാണാത്തവർ ഇത് പറഞ്ഞാൽ വിശ്വസിക്കില്ലെന്നുറപ്പ് .അതൊരു വനമാണ് നഗരത്തിനുള്ളിൽ അതിവിസ്തൃതിയിൽ ഒളിഞ്ഞിരിക്കുന്നൊരു കാട് .ഇതുവരെ ഐ.ഐ.ടി.മദ്രാസ് ഭൂമികയാക്കിക്കൊണ്ട് ഒരു ഫിക്ഷൻ വന്നിട്ടുണ്ടോ എന്നറിയില്ല. ഐ.ഐ.ടിക്കുള്ളിൽ നിറയെ കഥകളുണ്ട് .ഒരു പക്ഷേ അവിടെ പഠിക്കാൻ വരുന്ന കുട്ടികൾ ശാസ്ത്രത്തേയും സാങ്കേതികതയേയും തലയിലാവാഹിച്ച് നടക്കുന്നവരായതുകൊണ്ടായിരിക്കും അവിടെ നിന്നു വരുന്നവർ സാഹിത്യം രചിക്കാത്തത്. ഒരു പക്ഷേ ഉണ്ടായിരിക്കും ഞാനറിയാത്തതുമാവാം . ഐ. ഐ.ടി.യിലെ സൗഹൃദവലയത്തിലെ ഒരു കൂട്ടുക്കാരിയുടെ 'നിങ്ങൾക്ക് ഐഐടി പശ്ചാത്തലമാക്കി ഒരു നോവൽ എഴുതിക്കൂടെ ? ' എന്ന ചോദ്യത്തിൽ നിന്നാണ് ഈ നോവലിൻ്റെ ജനനം .അവിടെ പ്രചാരത്തിലുള്ള ഒരു നിഗൂഢ മിത്തിനെപ്പറ്റി സംസാരിക്കുമ്പോഴായിരുന്നു ആ ചോദ്യം.

കെ.വി.മണികണ്ഠൻ

മൂന്നാമിടങ്ങൾ ,ബ്ലൂ ഈസ് ദ വാമസ്റ്റ് കളേഴ്സ് ,ഭഗവതിയുടെ ജട എന്നീ പുസ്തകങ്ങൾക്കു ശേഷം കെ.വി. മണികണ്ഠൻ്റെ ഏറ്റവും പുതിയ നോവലായ ഐഐടി മദ്രാസ് എന്ന നോവൽ വിഷൻ ബുക്കിലൂടെ .

29/03/2022

"ലോകമെമ്പാടുമുള്ള വിപ്ലവ പോരാട്ടങ്ങളുടെ സാര്‍വ്വലൗകിക പ്രതീകമായ ചെഗുവാര തന്റെ ഐതിഹാസികമായ അവസാന പോരാട്ടത്തിന്റെ വിശദാംശങ്ങള്‍ പങ്ക് വെയ്ക്കുന്ന കൃതി. ലോകസമത്വത്തിനും സാഹോദര്യത്തിനുമായി പോരാടാന്‍ ആയിരക്കണക്കിനാളുകള്‍ക്ക് എക്കാലവും പ്രചോദനമാകുന്ന അനശ്വരകൃതി ഇന്നേവരെ പ്രസിദ്ധീകരിച്ചിട്ടില്ലാത്ത അപൂര്‍വ്വ ചിത്രങ്ങള്‍ സഹിതം."

29/03/2022

"മാലാഖയുടെ മറുകുകള്‍, കരിനീല എന്നീ നോവെല്ലകളുടെ സമാഹാരം. ഭാഷയുടെ നൂതനത്വം, വൈകാരികലോകത്തെ ആവിഷ്‌കരിക്കുന്നതിലെ അപൂര്‍വ്വത ആഖ്യാനത്തിന്റെ ലാളിത്യം, ഈ നോവെല്ലകള്‍ വായനക്കാരെ ഏറെ ആകര്‍ഷിക്കുന്നു. അനുഭവലോകത്തെ തുറന്നിട്ടുകൊണ്ട് കരുതിയുപയോഗിക്കുന്ന വാക്കുകളാല്‍ കഥനത്തിന്റെ കരുത്തുവെളിവാക്കുന്നു രണ്ടു നോവെല്ലകളും."

29/03/2022

"എത്രയാക്കെ വിധത്തില്‍ മാറ്റിയും മറിച്ചും എഴുതിയാലും വ്യാഖ്യാനിച്ചാലും പിന്നെയും നിറയെ വായനാ സാധ്യതകള്‍ ഒഴിഞ്ഞു കിടക്കുന്നൊരു മഹാചരിതമാണ് യേശുക്രിസ്തുവിന്റെ ജീവിതം. ഖുമ്റാ‌ന്‍ ചാവുകടല്‍ ചുരുളുകളില്‍ നിന്നും ലഭ്യമായ പുതിയ അറിവുകളുടെ പശ്ചാത്തലത്തില്‍ യേശുക്രിസ്തുവിന്റെ ജീവിതവും ചരിത്രവും അത്ഭുതകരമാം വിധം മാറ്റിവായിക്കുന്ന മലയാളത്തിലെ ആദ്യനോവല്‍. ക്രിസ്ത്യ‌ന്‍ വിശ്വാസങ്ങളെയും പാരമ്പര്യങ്ങളെയും സമൂലം ഉടച്ചുപണിയുന്ന നോവല്‍. "

29/03/2022

"പാരീസില്‍ പ്രഭാഷണത്തിനെത്തിയ ഹാര്‍വാര്‍ഡ്‌ ചിഹ്‌നശാസ്‌ത്രജ്ഞ‌ന്‍ റോബര്‍ട്ട്‌ ലാങ്ങ്‌ഡണ്‌ രാത്രിയില്‍ അടിയന്തരമായൊരു ഫോണ്‍സന്ദേശം ലഭിക്കുന്നു. ലൂവ്‌റ്‌ മ്യൂസിയത്തിന്റെ ക്യുറേറ്റര്‍ ഴാക് സൊനീയര്‍ കൊല്ലപ്പെട്ടിരിക്കുന്നു. മ്യൂസിയത്തിനുളളില്‍ കിടന്ന മൃതദേഹത്തിനു സമീപം കുഴക്കുന്നൊരു സന്ദേശം പോലീസ്‌ കാണുന്നുഃ ഒരു കോഡ്‌. ലിയനാര്‍ഡോ ഡാ വിഞ്ചിയുടെ ചിത്രങ്ങളിലേക്കാണ്‌ അതു ലാങ്ങ്‌ഡണെ നയിച്ചത്.
വിശദാംശങ്ങള്‍ തേടിയുളള അന്വേഷണത്തില്‍ സോഫി നെവെ എന്ന ഫ്രഞ്ച്‌ ക്രിപ്‌റ്റോളജിസ്‌റ്റും ലാങ്ങ്‌ഡണമൊപ്പമുണ്ട്‌. ഡാ വിഞ്ചിയുടെ ചിത്രങ്ങളില്‍ ഒളിഞ്ഞിരിക്കുന്ന സൂചനകള്‍ കണ്ട്‌ ഇരുവരും അമ്പരക്കുന്നു. സിയോനിലെ പ്രയറി എന്ന രഹസ്യസംഘത്തില്‍ അംഗമായിരുന്നു ഴാക്‌ സൊനീയറെന്ന്‌ അവര്‍ക്കു വെളിപ്പെടുന്നു. വിക്‌ടര്‍ യൂഗോ, സര്‍ ഐസക്‌ ന്യൂട്ട‌ന്‍, ബോട്ടിസെല്ലി തുടങ്ങിയവര്‍ക്കു ബന്ധമുണ്ടായിരുന്ന സംഘമാണത്‌. പ്രയറിയുടെ ഏറ്റവും പരിശുദ്ധമായ രഹസ്യം സംരക്ഷിക്കാ‌ന്‍ സൊനീയര്‍ തന്റെ ജീവിതം ബലികൊടുക്കുകയായിരുന്നു. നിശ്ചിത സമയത്തിനുളളില്‍ ലാങ്ങ്‌ഡണും സോഫിയും കോഡിന്റെ ചുരുളഴിക്കണം. അല്ലെങ്കില്‍ പ്രയറിയുടെ രഹസ്യം-വിസ്‌മയാവഹമായ ചരിത്രസത്യം-എന്നെന്നേക്കുമായി നഷ്‌ടപ്പെടും.
ലിയനാര്‍ഡോ ഡാ വിഞ്ചിയുടെ രചനകളില്‍ ഒളിഞ്ഞുകിടക്കുന്ന മൗലികവും അപൂര്‍വ്വവുമായ ഒരു കോഡ്‌. നൂറ്റാണ്ടുകളായി മൂടിവയ്‌ക്കപ്പെട്ട ഒരു അത്ഭുതകരമായ സത്യം... അവസാനം അനാവരണം ചെയ്യപ്പെടുന്നു.
അവിസ്‌മരണീയ വായനാനുഭവം നല്‍കുന്ന അസാധാരണ നോവല്‍."
വിവര്‍ത്തകര്‍ : ജോമി തോമസ്‌ , ആര്‍.ഗോപീകൃഷ്ണ‌ന്

29/03/2022

"ആന്റിമാറ്ററിന്റെ സഹായത്തോടെ വത്തിക്കാൻ നഗരത്തെ നശിപ്പിക്കാൻ ശ്രമിക്കുന്ന ഇലിയുമിനാറ്റി എന്ന ഭ്രാതൃസംഘടനയെ ഇല്ലായ്മ ചെയ്യാൻ റോബർട്ട് ലാങ്ടൻ എന്ന ചിഹ്നശാസ്ത്രകാരൻ നടത്തുന്ന സാഹസികയജ്ഞത്തിന്റെ കഥയാണ് ഈ നോവലിന്റെ ഇതിവൃത്തം."

29/03/2022

"മരുഭൂമിക്ക് നടുവിലെ രംഭാഗഢ് എന്ന പട്ടണത്തിലെ പഴയ കോട്ടയ്ക്കകത്ത്, തടവുപുള്ളികളെയും കോൺട്രാക്ടിലെടുത്ത നാടൻ മനുഷ്യരെയുംകൊണ്ട് പണിചെയ്യിപ്പിച്ചുണ്ടാക്കുന്ന ഒരു സുരക്ഷാ പദ്ധതിയിൽ ലേബര്‍ ഓഫീസറായ കുന്ദന്റെ കഥയാണ് മരുഭൂമികൾ ഉണ്ടാകുന്നത് എന്ന നോവലിൽ പറയുന്നത്. കുറച്ച് തടവുകാരെയോ കുറെ നിസ്സഹായരായ ഗ്രാമീണരെയോ മാത്രമല്ല, അതിന്റെ ജനതയെ മുഴുവനുമാണ് ആധുനിക സ്റ്റേറ്റ് എന്ന അധികാര യന്ത്രം അതിന്റെ ക്രൂരലക്ഷ്യങ്ങള്ക്കുവേണ്ടി ഉപയോഗിക്കുന്നതെന്ന് വിചിത്രമായ അനുഭവങ്ങളിലൂടെ അയാള്‍ മനസ്സിലാക്കുന്നു. മനുഷ്യരെയും മനുഷ്യനെയും ഘടിപ്പിക്കുന്ന ഈര്‍ നശിപ്പിക്കപ്പെടുമ്പോള്‍, മണലിന്റെ കിരുകിരുപ്പുപോലുള്ള അധികാരത്തിന്റെ സ്വരം എല്ലാ മൃദുശബ്ദങ്ങളെയും കൊല്ലുമ്പോള്‍ , നിഷ്ഠുരമായ സര്‍ക്കാര്‍ നിസ്സഹായരും ഒറ്റപ്പെട്ടവരുമായ അതിന്റെ ജനതയെ മണല്‍കാറ്റുപോലെ വേട്ടയാടുമ്പോള്‍, സമൂഹത്തിലേയ്ക്കും മനുഷ്യമനസ്സിലേയ്ക്കുമുള്ള മരുഭൂമിയുടെ വളര്‍ച്ച മുഴുവനാകുന്നു. ഡി.സി ബുക്സ് 1989 ല്‍ പ്രസിദ്ധീകരിച്ച ഈ പുസ്തകത്തിന് 1993ലെ വയലാര്‍ അവാര്‍ഡ് ലഭിച്ചു."

29/03/2022

അജയ് മങ്ങാട്ടിൻ്റെ പറവയുടെ സ്വാതന്ത്ര്യം ,ലോകം അവസാനിക്കുന്നില്ല എന്നീ സാഹിത്യ ലേഖന സമാഹരങ്ങളും സൂസന്നയുടെ ഗ്രന്ഥപ്പുര, മൂന്ന്കല്ലുകൾ എന്ന ഏറ്റവും പുതിയ നോവലുമുൾപ്പെടെയുള്ള നാലു പുസ്തകങ്ങൾ വിഷൻ ബുക്സിലൂടെ ......

29/03/2022

" സമകാലികമായ വിഷയങ്ങളിലേക്ക് ആഴത്തിൽ കടന്നു ചെല്ലുന്ന പ്രമേയങ്ങളാണ് എം പ്രശാന്തിന്റെ കഥകളോരോന്നും. ഈ നോവലിൽ പട്ടാളക്കാരന്റേയും സോംഗ് ആന്റ് ഡ്രാമാ ഡിവിഷനിലെ കലാകാരന്മാരുടെയും ഇരയാക്കപ്പെടുന്ന സാധാരണക്കാരായ ജനവിഭാഗങ്ങളുടേയും ആത്മസംഘർഷങ്ങളുടേയും മാനസിക ശാരീരിക പീഡനങ്ങളുടേയും അടിച്ചമർത്തലുകളുടേയും പ്രതിഷേധത്തിന്റേയും അതിജീവനത്തിന്റേയും ദാരിദ്രത്തിന്റേയും തൊഴിലില്ലായ്മയുടേയും ചതിയുടേയും അവസ്ഥകളെയാണ് നോവലിസ്റ്റ് അവതരിപ്പിക്കുന്നത് "

ഹരീഷ് റാം അടൂർ

27/03/2022

"മനുഷ്യാനുഭവത്തിന്റെ അനന്ത വൈചിത്ര്യം കൊണ്ട്‌ മനം നിറയ്‌ക്കുന്ന നാലു കഥകള്‍. ഈ കഥകള്‍ മലയാളിയുടെ ഹൃദയാകാശത്ത്‌ മഴവില്‍കൊടിപോലെ നറുംദീപ്‌തി പ്രസരിപ്പിക്കുന്നുണ്ട്‌. ഇനിയും പല കഥാകാലങ്ങളെ അഭിമുഖീകരിക്കാ‌ന്‍ തക്ക ഉള്‍ക്കനമുളള കഥകള്‍. വായനയെ അനുഭൂതിധന്യമാക്കുന്ന പതനം, കുറുക്കന്റെ കല്ല്യാണം, ജോക്കര്‍, മഹാനഗരത്തിന്റെ പശ്ചാത്തലത്തില്‍-എന്നീ കഥകളുടെ സമാഹാരം."

27/03/2022

"മലയാളകഥയ്ക്ക് മനുഷ്യമനസ്സിലേക്കുള്ള വാക്കുകളുടെ പ്രകാശജാലകങ്ങള്‍ പണിത കഥകളാണ് ഈ പുസ്‌തകത്തില്‍. മലയാളിയുടെ എന്നത്തെയും വലിയ കഥാകാരനായ എം.ടിയെ സഹൃദയഹൃദയങ്ങളില്‍ പ്രതിഷ്ഠിച്ച ആദ്യകാലകഥകള്‍. ജീവിതം നല്‍കിയ ഉഷ്ണം കുടിച്ച് അന്തര്‍മുഖരായിപ്പോയ മനുഷ്യരാണ് ഈ കഥകളില്‍. എന്നാല്‍ അവര്‍ മനസ്സുതുറക്കുമ്പോള്‍ മനുഷ്യബന്ധങ്ങളുടെ മഹാരഹസ്യങ്ങള്‍ കണ്ട് നാം അദ്ഭുതപ്പെടുന്നു."

Vision BOOKS

14/04/2022

07/04/2022

29/03/2022

29/03/2022

29/03/2022

29/03/2022

29/03/2022

29/03/2022

29/03/2022

29/03/2022

27/03/2022

27/03/2022

Address

Website

Alerts

Shortcuts

Share

Category