Mehta Multi-Stores

15/08/2026

🇮🇳 स्वातंत्र्यदिन २०२६ 🇮🇳
मेहता मल्टी-स्टोअर्स, सातारा

पोवई नाका येथील मेहता मल्टी-स्टोअर्समध्ये १५ ऑगस्ट रोजी स्वातंत्र्यदिन उत्साहात साजरा करण्यात आला.

यंदाच्या सोहळ्याचे विशेष आकर्षण म्हणजे ‘शिवछत्रपती’ राज्य क्रीडा पुरस्काराच्या मानकरी आणि सातारा जिल्हा मुख्य क्रीडा कार्यकारी अधिकारी संस्कृती विकास मोरे यांच्या हस्ते झालेला ध्वजारोहण सोहळा.

दहिवडीपासून ऑनलाइन बुद्धिबळाच्या माध्यमातून सुरू झालेला संस्कृती मोरे यांचा प्रवास हाँगझोऊ, चीन येथील आशियाई पॅरा गेम्सपर्यंत पोहोचला. महिला सांघिक रॅपिड बुद्धिबळ स्पर्धेत कांस्यपदक मिळवून त्यांनी भारताचा गौरव केला. अवघ्या १९व्या वर्षी वर्ग-१ पदावर नियुक्ती मिळवून त्यांनी आपल्या जिद्द, चिकाटी आणि कर्तृत्वाची वेगळी ओळख निर्माण केली.

यावेळी नगरसेवक शंकरराव माळवदे यांनी संस्कृती मोरे यांच्या प्रेरणादायी प्रवासाचा उल्लेख करत त्यांच्या कर्तृत्वातून तरुणांनी प्रेरणा घ्यावी, असे आवाहन केले.

आपल्या मनोगतात संस्कृती मोरे यांनी आपल्या यशाचे श्रेय कुटुंबीयांच्या सातत्यपूर्ण पाठिंब्याला दिले.

पोवई नाका व्यापारी मित्र मंडळ आणि मेहता परिवाराच्या वतीने संस्कृती मोरे यांचा सन्मान करून त्यांच्या पुढील वाटचालीसाठी शुभेच्छा देण्यात आल्या. आंतरराष्ट्रीय स्तरावर भारताचे प्रतिनिधित्व करून देशासाठी सुवर्णपदक मिळविण्याचे त्यांचे स्वप्न साकार व्हावे, हीच सदिच्छा!

🇮🇳 जय हिंद! जय महाराष्ट्र! 🇮🇳

#स्वातंत्र्यदिन

18/03/2026

मेहता मल्टीस्टोअर की
AC तैयारी ❄️
जो पड़े गर्मी पर भारी ☀️💪

* AC चे नामांकित ब्रँड्स 🏷️
* AC च्या खरेदीवर गिफ्ट 🎁
* इझी फायनान्स 💳
* आश्चर्यकारक ऑफर्स 🔥
* फ्री साइट इन्स्पेक्शन 🔍
* सेम डे डिलिव्हरी 🚚

IFB | PANASONIC | SAMSUNG ❄️

* क्रेडिट कार्डवर कॅशबॅक 💳
* ₹7000 पर्यंत GST फायदे 💰
* 0% व्याजदराने फायनान्स 📊
* फिक्स्ड EMI पर्याय 🧾

📍 रजतसागर कॉम्प्लेक्स, पोवई नाका
सातारा. 📞 9028099172

27/01/2026

मेहता मल्टी-स्टोअर्स में गणतंत्र दिवस समारोह
विनोद कुलकर्णी के हाथों ध्वजारोहण
सातारा | 26 जनवरी 2026

पोवई नाका स्थित मेहता मल्टी-स्टोअर्स में गणतंत्र दिवस का ध्वजारोहण समारोह बड़े उत्साह और देशभक्ति के वातावरण में संपन्न हुआ। मेहता परिवार एवं पोवई नाका व्यापारी मित्र मंडल द्वारा आयोजित इस कार्यक्रम में प्रमुख अतिथि के रूप में अखिल भारतीय मराठी साहित्य महामंडल के कोषाध्यक्ष तथा 99 वें अखिल भारतीय मराठी साहित्य सम्मेलन की आयोजन समिति के कार्याध्यक्ष विनोद कुलकर्णी उपस्थित रहे।

विनोद कुलकर्णी सातारा जिले में पत्रकारिता, सहकार क्षेत्र और मराठी साहित्य आंदोलन से सक्रिय रूप से जुड़े एक प्रख्यात व्यक्तित्व हैं। मराठी साहित्य को व्यापक मंच उपलब्ध कराने, युवा पीढ़ी तक उसकी विरासत पहुँचाने, सांस्कृतिक गतिविधियों को प्रोत्साहन देने तथा मराठी भाषा को अभिजात भाषा का दर्जा दिलाने के लिए जागरूकता और वैचारिक संवाद के माध्यम से उन्होंने महत्वपूर्ण योगदान दिया है।

अपने संबोधन में उन्होंने कहा कि गणतंत्र दिवस केवल एक उत्सव नहीं, बल्कि संविधान, लोकतांत्रिक मूल्यों और समानता की भावना को सुदृढ़ करने का अवसर है, और राष्ट्र निर्माण के साथ-साथ भाषा व संस्कृति के संरक्षण की जिम्मेदारी भी हम सभी की है।

इस अवसर पर आयोजित सम्मान समारोह में सर्वप्रिय शंकरराव माळवदे का स्वीकृत नगरसेवक के रूप में नियुक्ति के उपलक्ष्य में सम्मान किया गया। साथ ही नवनिर्वाचित नगरसेवक विश्वतेज बालगुडे एवं युवा नगरसेवक अक्षय जाधव को भी सम्मानित कर उनके भावी सामाजिक एवं विकासात्मक कार्यों के लिए शुभकामनाएँ दी गईं।

कार्यक्रम के सफल आयोजन के लिए सभी आयोजकों का उपस्थितजनों द्वारा हार्दिक अभिनंदन किया गया।

27/01/2026

मेहता मल्टी-स्टोअर्स प्रजासत्ताक दिन सोहळा;
विनोद कुलकर्णी यांच्या हस्ते ध्वजारोहण

सातारा: २६ जानेवारी २०२६ रोजी पोवई नाका येथील मेहता मल्टी-स्टोअर्समध्ये प्रजासत्ताक दिनाचा ध्वजारोहण सोहळा अत्यंत उत्साहात पार पडला. यंदा या सोहळ्यास प्रमुख पाहुणे म्हणून अखिल भारतीय मराठी साहित्य महामंडळाचे कोषाध्यक्ष तसेच ९९ व्या अखिल भारतीय मराठी साहित्य संमेलनाच्या नियोजन समितीचे कार्याध्यक्ष विनोद कुलकर्णी यांना आमंत्रित करण्यात आले होते. मेहता परिवार आणि पोवई नाका व्यापारी मित्र मंडळाच्या वतीने आयोजित या कार्यक्रमात देशभक्तीचा उत्साह ओसंडून वाहत होता.

विनोद कुलकर्णी हे सातारा जिल्ह्यातील पत्रकारिता, सहकार क्षेत्र आणि मराठी साहित्य चळवळीतील सक्रिय व्यक्तिमत्त्व म्हणून ओळखले जातात. साताऱ्यात आयोजित ९९ व्या अखिल भारतीय मराठी साहित्य संमेलनाच्या नियोजन समितीचे कार्याध्यक्ष म्हणून त्यांनी महत्त्वाची जबाबदारी पार पाडली. सातार्‍यात साहित्य चळवळीला अधिक व्यापक व्यासपीठ मिळावे, नव्या पिढीपर्यंत मराठी साहित्याचा वारसा पोहोचावा आणि सांस्कृतिक उपक्रमांना चालना मिळावी, या दृष्टीने त्यांचे योगदान उल्लेखनीय ठरले आहे. तसेच मराठी भाषेला अभिजात भाषेचा दर्जा मिळावा यासाठी जनजागृती, वैचारिक मांडणी आणि साहित्यिक संवादाच्या माध्यमातून त्यांनी सातत्याने भूमिका मांडली असून, मराठी भाषेच्या ऐतिहासिक व सांस्कृतिक महत्त्वावर भर देणारे कार्य त्यांनी केले आहे.

आपल्या मनोगतात विनोद कुलकर्णी म्हणाले, “प्रजासत्ताक दिन हा केवळ सण नाही, तर संविधान, लोकशाही मूल्ये आणि समानतेची जाणीव अधिक दृढ करणारा दिवस आहे. देशासाठी योगदान देताना आपण आपल्या भाषा-संस्कृतीचे संवर्धनही तितक्याच निष्ठेने केले पाहिजे.”

यावेळी झालेल्या सत्कार कार्यक्रमात सर्वांचे लाडके शंकरराव माळवदे यांचा स्वीकृत नगरसेवक म्हणून नियुक्ती झाल्याबद्दल मान्यवरांच्या हस्ते सत्कार करण्यात आला. तसेच कार्यक्रमास उपस्थित असलेले नवनिर्वाचित नगरसेवक विश्वतेज बालगुडे आणि तरुण नगरसेवक अक्षय जाधव यांचाही गौरव करून त्यांच्या भावी सामाजिक व विकासात्मक कार्यासाठी शुभेच्छा देण्यात आल्या.

कार्यक्रमाच्या यशस्वी आयोजनाबद्दल सर्वांनी संयोजकांचे मनःपूर्वक अभिनंदन केले.

15/08/2025

मेहता मल्टी-स्टोअर्स स्वातंत्र्यदिन सोहळा;
ॲड. वर्षा देशपांडे यांच्या हस्ते ध्वजारोहण

सातारा: १५ ऑगस्ट २०२५ रोजी पोवई नाका येथील मेहता मल्टी-स्टोअर्समध्ये स्वातंत्र्यदिनाचा ध्वजारोहण सोहळा उत्साहात पार पडला. यंदा या सोहळ्यास प्रमुख पाहुण्या म्हणून दलित महिला विकास मंडळाच्या सचिव व प्रतिष्ठित सामाजिक कार्यकर्त्या मा. ॲड. वर्षा देशपांडे यांना आमंत्रित करण्यात आले होते. मेहता परिवार आणि पोवई नाका व्यापारी मित्र मंडळाच्या वतीने आयोजित या कार्यक्रमात देशभक्तीचा उत्साह ओसंडून वाहत होता.
​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​
वर्षा देशपांडे: महिलांसाठी प्रेरणादायी लढा
वर्षा देशपांडे यांनी ३५+ वर्षांपासून महिलांच्या हक्कांसाठी, स्त्री-भ्रूणहत्या विरोधात, बालविवाह प्रतिबंधासाठी आणि ग्रामीण महिलांच्या मालमत्ता हक्कासाठी सातत्याने लढा दिला आहे. ‘लक्ष्मी मुक्ती’ मोहिमेद्वारे शेतजमिनीत पती-पत्नीचे संयुक्त मालकी हक्क प्रोत्साहन, महिलांचे आर्थिक सक्षमीकरण, आणि लिंगभेद कमी करण्यासाठी त्यांचे योगदान उल्लेखनीय आहे.

२०२५ मध्ये त्यांना संयुक्त राष्ट्र लोकसंख्या पुरस्कार (UN Population Award) मिळाला असून, हा सन्मान मिळवणाऱ्या त्या तिसऱ्या भारतीय ठरल्या – यापूर्वी फक्त इंदिरा गांधी आणि जे.आर.डी. टाटा यांना हा पुरस्कार मिळाला होता.

आपल्या मनोगतात देशपांडे म्हणाल्या, “हा पुरस्कार माझा नाही, तर महिलांच्या सन्मानासाठी, त्यांचे हक्क मिळवून देण्यासाठी लढणाऱ्या प्रत्येकाचा आहे. आपण सर्वांनी मिळून समानतेचे समाजव्यवस्थेचे स्वप्न पूर्ण करायला हवे.”

ध्वजारोहण सोहळ्याचे प्रास्ताविक व आभार प्रदर्शन श्री. शंकर माळवदे यांनी केले. कार्यक्रमाच्या यशस्वी आयोजनाबद्दल सर्वांनी संयोजकांचे मनःपूर्वक अभिनंदन केले.

26/01/2025

"प्रजासत्ताक दिन सोहळ्यात वीरमाता कालिंदा घोरपडे यांच्या हस्ते ध्वजारोहण"

सातारा: शहीद कर्नल संतोष महाडीक यांच्या मातोश्री, वीरमाता श्रीमती कालिंदा मधुकर घोरपडे यांच्या हस्ते, 26 जानेवारी 2025 रोजी पोवई नाका येथील मेहता मल्टी-स्टोअर्समध्ये प्रजासत्ताक दिनाचा ध्वजारोहण सोहळा अत्यंत उत्साहात साजरा करण्यात आला. मेहता परिवार व पोवई नाका मित्र मंडळाच्या वतीने आयोजित या कार्यक्रमात देशभक्तीचा उत्साह ओसंडून वाहत होता.

कर्नल संतोष महाडीक: एका शूर योद्ध्याची प्रेरणादायी गाथा:
कर्नल संतोष महाडीक यांचा जन्म 15 जानेवारी 1977 रोजी सातारा जिल्ह्यातील पोगरवाडी येथे झाला. दुग्ध व्यवसाय करणाऱ्या मधुकर रामचंद्र घोरपडे व कालिंदा यांच्या कुटुंबात जन्मलेल्या संतोष यांनी आपले बालपण आजी-आजोबांच्या संस्कारांनी समृद्ध केले.

भारतीय सैन्यात अधिकारी म्हणून काम करताना, 2001 च्या ऑपरेशन सँटोमधील साहसी योगदानासाठी त्यांना "सेना पदक" प्रदान करण्यात आले. 41 राष्ट्रीय रायफल्सचे कमांडिंग ऑफिसर म्हणून त्यांनी जम्मू-काश्मीरमध्ये दहशतवाद्यांविरुद्ध महत्त्वपूर्ण मोहिमांमध्ये नेतृत्व केले. 17 नोव्हेंबर 2015 रोजी, एका धाडसी मोहिमेदरम्यान गंभीर जखमी होऊन आपल्या देशासाठी प्राणांची आहुती दिली. त्यांच्या शौर्यपूर्ण कार्यासाठी त्यांना शौर्यचक्र पुरस्काराने सन्मानित करण्यात आले.

आपल्या मनोगतात वीरमाता कालिंदा घोरपडे यांनी सांगितले, “माझ्या मुलाने देशसेवेचे स्वप्न पूर्ण केले आणि देशवासीयांच्या सुरक्षेसाठी आपले बलिदान दिले, याचा मला अभिमान आहे. तरुण पिढीनेही देशसेवेसाठी प्रेरित होऊन भारतीय सैन्यात सहभागी व्हावे,” असे भावनिक आवाहन त्यांनी केले.

सौ. प्रगती जाधव पाटील यांचा विशेष गौरव:
गेल्या 22 वर्षांपासून पत्रकारिता क्षेत्रात कार्यरत असलेल्या सौ. प्रगती जाधव पाटील यांना 2024 चा राज्यस्तरीय उत्कृष्ट पत्रकारिता पुरस्काराने सन्मानित करण्यात आले. पर्यावरण संवर्धनासाठी तसेच समाजातील दुर्लक्षित घटकांसाठी त्यांनी केलेल्या भरीव कामगिरीबद्दल त्यांचा सत्कार मेहता परिवार आणि पोवई नाका मित्र मंडळाच्या वतीने करण्यात आला.

आपल्या मनोगतात सौ. प्रगती जाधव पाटील म्हणाल्या, “मी सामान्य कुटुंबातून आले असून समाजाच्या अडचणी जवळून अनुभवल्या आहेत. पर्यावरण रक्षणासाठी आणि सामाजिक समस्यांवर तोडगा काढण्यासाठी आपण सर्वांनी एकत्रितपणे काम करावे,” असे त्यांनी आवाहन केले.

कार्यक्रमाची सांगता:
ध्वजारोहण सोहळ्याचे प्रास्ताविक आणि आभार प्रदर्शन श्री. शंकर माळवदे यांनी केले. कार्यक्रमाच्या यशस्वी आयोजनाबद्दल सर्वांनी संयोजकांचे मन:पूर्वक अभिनंदन केले.

15/08/2024

"अर्जुन पुरस्कार विजेती आदिती स्वामीच्या हस्ते ध्वजारोहण आणि मेहता मल्टी-स्टोअर्सचे उद्घाटन"

सातारा जिल्ह्यातील पोवई नाका येथे 15 ऑगस्ट रोजी झालेल्या ध्वजारोहण सोहळ्यात भारतीय तिरंदाजीच्या उज्वल भवितव्याची झलक दिसून आली. सातारा जिल्ह्यातील शेरेवाडी गावाची मुलगी आणि भारतीय तिरंदाजी विश्वात एक नवे नाव उभे करणारी अर्जुन पुरस्कार विजेती आदिती गोपीचंद स्वामी हिने मेहता मल्टी-स्टोअर्स येथे ध्वजारोहण करून स्वातंत्र्यदिनात विशेष रंग भरला.

वयाच्या दहाव्या वर्षापासून तिरंदाजीच्या कसबा आत्मसात करणाऱ्या आदितीने प्रशिक्षक प्रवीण सावंत यांच्या मार्गदर्शनाखाली अल्पावधीतच अनेक राष्ट्रीय आणि आंतरराष्ट्रीय स्पर्धांमध्ये भारताचे नाव उंचावले आहे. आशियाई स्पर्धेत भारताला पहिलं सुवर्ण मिळवून देणारी आणि जागतिक करंडक स्पर्धेत सर्वात लहान वयात सुवर्ण पदक मिळवणारी ती एकमेव भारतीय तिरंदाज आहे.

ध्वजारोहणानंतर आदितीने साताऱ्यातील नागरिकांना संबोधित करताना तिरंदाजीमध्ये देशासाठी अधिक पदके जिंकण्याचे वचन दिले. तिने सांगितले की, साताऱ्यातील नागरिकांच्या प्रेरणेमुळेच ती या उंचीवर पोहोचली आहे.

पोवई नाका व्यापारी मित्र आणि मेहता परिवाराने आदिती आणि प्रशिक्षक प्रवीण सावंत यांचा सत्कार करून त्यांच्या उज्ज्वल भविष्यासाठी शुभेच्छा दिल्या.

यानंतर आदिती आणि साताऱ्याचे उद्योजक तसेच स्पोर्ट्स पर्सन संकेत शेठ शानभाग यांच्या हस्ते मेहता मल्टी-स्टोअर्सचे उद्घाटन करण्यात आले. या स्टोअरमध्ये IFB, Metz, Mycrofine, Luminous सारखे नामांकित ब्रँड्स उपलब्ध आहेत.

यावेळी आयोजित रक्तदान शिबिरात मोठ्या संख्येने नागरिकांनी सहभाग घेत मानवसेवेत योगदान दिले. कार्यक्रमाचे सूत्रसंचालन शंकर माळवदे यांनी केले.

14/08/2024

26/01/2024

🏆 'शिवछत्रपती पुरस्कार विजेती' प्रतीक्षा मोरेच्या हस्ते ध्वजारोहण 🎉

📍 मल्लखांबामध्ये उत्तुंग कामगिरी करणाऱ्या आणि 'शिवछत्रपती पुरस्कार विजेत्या' कु. प्रतीक्षा लक्ष्मण मोरे हिच्या हस्ते, मेहता मल्टी-स्टोअर्स, पोवई नाका येथे 26 जानेवारी 2024 रोजी दरवर्षीप्रमाणे, भारताच्या प्रजासत्ताकदिनी ध्वजारोहणाचा कार्यक्रम साजरा झाला. 🇮🇳

🎙️ यावेळी प्रतिक्षाने आपले मनोगत सांगताना, माझे शिक्षण बी.ए. अर्थशास्त्र झाले असून, आई-वडील शेतकरी आहेत असे सांगितले. मी समर्थ 'मल्लखांब संघ' कारी या संस्थेची खेळाडू आहे. मला प्रशिक्षक म्हणून 'शिवछत्रपती पुरस्कार विजेत्या' माया मोहिते आणि विश्वतेज मोहिते यांचे मार्गदर्शन मिळाले. 🌟

🌍 मी पहिली जागतिक 'मल्लखांब अजिंक्यपद स्पर्धा' 2018-19 साली खेळली. आत्तापर्यंत मी वैयक्तिक 3 रोप्य पदके व 1 सांघिक सुवर्णपदक पटकावले आहे. तसेच 6 राष्ट्रीय स्पर्धांमध्ये सहभाग घेतला असून, यामध्ये 7 सुवर्णपदके व 4 रोप्यपदके पटकावली आहेत. 🥇🥈

🇮🇳 यावेळी तिने 'प्रजासत्ताक दिन' निमित्त ध्वजवंदनासाठी निमंत्रित केले याबद्दल संयोजकांचे आभार व्यक्त केले. या कार्यक्रमास आवर्जून राष्ट्रीय मल्लखांब खेळाडू पल्लवी मोरे उपस्थित होती. 🙌

💐 प्रारंभी प्रतीक्षा मोरे हिचे विवेक मेहता व पोवई नाका व्यापारी मित्र यांनी, शाल, श्रीफळ आणि स्मृतिचिन्ह देऊन स्वागत केले आणि प्रतीक्षा व पल्लवीला पुढील वाटचालीसाठी शुभेच्छा दिल्या. 🌟

🙏 श्री. शंकर माळवदे यांनी प्रास्ताविक आणि आभार व्यक्त केले.