30/06/2021
കർഷക ക്ഷേമനിധി ബോർഡിൽ അംഗത്വമെടുത്ത് പ്രതിമാസം 5000 രൂപ വീതം പെൻഷൻ ലഭിക്കാനുള്ള സുവർണാവസരം ചെറുകിട കർഷകർ പ്രയോജനപ്പെടുത്തുക.
- - - - - - - - - - - - - - - - - - - - - - - - -
കർഷകക്ഷേമനിധി ബോർഡിൽ പ്രതിമാസം 100 രൂപ വീതം 5 വർഷത്തിൽ കുറയാതെ അംശദായം അടച്ചവർക്ക് 60 വയസ്സിനു ശേഷം അംശദായത്തിന്റേയും വർഷത്തിന്റേയും അടിസ്ഥാനത്തിൽ പെൻഷൻ ലഭിക്കും. കൂടാതെ അംഗങ്ങൾക്കെല്ലാം ഇൻഷൂറൻസ് പരിരക്ഷയും മക്കളുടെ വിദ്യാഭ്യാസം, പെൺ മക്കളുടെ വിവാഹം എന്നിവയ്ക്ക് സഹായവും ലഭിക്കും. ബോർഡ് അംഗങ്ങൾക്ക് 60 വയസ്സിന് ശേഷം പ്രതിമാസം 5000 രൂപ വരെ പെൻഷൻ നൽകാനാണ് സർക്കാർ ആലോചിക്കുന്നത്.
5 സെന്റ് മുതൽ 15 ഏക്കറിൽ താഴെ ഭൂമിയും, 18 നും 55 നും മധ്യേ പ്രായവും , 5 ലക്ഷം രൂപയിൽ താഴെ വാർഷിക വരുമാനവും, 3 വർഷത്തിൽ കുറയാതെ കൃഷി ഉപ ജീവനമാർഗമായി സ്വീകരിച്ചവർക്കും കർഷക ക്ഷേമനിധി ബോർഡിൽ അംഗത്വം എടുക്കാം. ഓരോ കർഷകനും പ്രതിമാസം കുറഞ്ഞത് 100 രൂപ വീതം അടയ്ക്കണം. ഇതിലേക്ക് സർക്കാർ പ്രതിമാസം 250 രൂപ വീതം വിഹിതം നൽകും. അംശദായം വാർഷികമായോ, അർദ്ധ വാർഷികമായോ ഒന്നിച്ച് അടയ്ക്കാവുന്നതാണ്. 25 വർഷം അംശദായം അടച്ചവർക്ക് ഒറ്റ തവണ നിശ്ചിത തുകയും ലഭിക്കും.
നെല്ല്, കപ്പ, ഇഞ്ചി, വാഴ, പച്ച കറി, പശുവളർത്തൽ, തീറ്റപുല്ല്, ഫലവൃക്ഷങ്ങൾ, മത്സ്യം, തേനീച്ച, പട്ടുന്നുൽ പുഴു, ആട്, കോഴി, താറാവ്, റബർ, കാപ്പി, തേയില, ഏലം മുതലായ ഏത് തരം കൃഷിയും ചെയ്യുന്നവർക്ക് 5 സെന്റ് മുതൽ ഭൂമിയുള്ള ഏതൊരു കർഷകനും ബോർഡിൽ പേര് രജിസ്റ്റർ ചെയ്യാം. രജിസ്ട്രേഷൻ 2021 ജൂൺ 15 മുതൽ ആരംഭിക്കും. അക്ഷയ കേന്ദ്രങ്ങൾ, ക്ഷേമ ബോർഡിന്റെ വെബ്സൈറ്റ്, പോർട്ടൽ എന്നിവ വഴി അപേക്ഷ നൽകാം. വില്ലേജ് , കൃഷി ഓഫീസർമാർ അപേക്ഷകൾ പരിശോധി
ച്ച് അർഹതയുള്ളവർക്ക് അംഗത്വം നൽകും. കർഷകർക്ക് ഗുണകരമാ
യ ഈ പദ്ധതിയിൽ ചേരുന്നത് ചെറുകിട കർഷകർക്ക് വളരെയേറെ പ്രയോജനം ചെയ്യും. കർഷകർ ഈ അവസരം പാഴാക്കാതെ പ്രയോജനപ്പെടുത്തണമെന്ന് സവിനയം അഭ്യർത്ഥിക്കുന്നു.