Archid ply

22/08/2020

21/08/2020

post no-2
നമസ്കാരം പ്രിയരേ.. ഞാൻ 3 ദിവസം മുൻപ് പ്ലൈവുഡ് നെ കുറിച്ചു ഒരു പോസ്റ്റ്‌ ഇട്ടിരുന്നു... ഒരുപാടു ആളുകൾക്ക് ഉപകാരമായി എന്ന് പറഞ്ഞു. കുറച്ചുകൂടി വിശദമായി Bwp പ്ലൈവുഡ് കളെ കുറിച്ചും BWR പ്ലൈവുഡുകളെ കുറിച്ചും വിശദീകരിക്കാനാണ് ഈ പോസ്റ്റ്‌... ഉപകാരപ്പെട്ടാൽ പറയുക.

Bwp grade plywoods
ഇന്ന് ഇന്ത്യയിൽ കിട്ടുന്ന ഏറ്റവും നല്ല പ്ലൈവുഡ് ആണ് bwp grade പ്ലൈവുഡുകൾ.. കാരണം..
1- ISI 710 Grade
2- പശ -phenol formal dehide
3- ഒട്ടുമിക്ക കമ്പനികളും Gurjan face veneer ഉപയോഗിക്കുന്നു
4- ഏറ്റവും ഹാർഡ്നസ് കൂടിയ തടികൾ ഉപയോഗിക്കുന്നു (ഉദാഹരണം -Gurjan
യൂക്കാലി, Pine, popular etc )
5- ഒട്ടുമിക്ക കമ്പനികളും 15മുതൽ മുകളിലോട്ടു (15,18,20,22,25,lifetime )വാറന്റി തരുന്നു.
6-കെമിക്കൽ ട്രീറ്റ്മെന്റ് ചെയ്യുന്നു
7- പല കമ്പനികളും, ഫുൾ കോർ, calibration, Multi process (Quadrajet process ) തുടങ്ങിയ മാനുഫാക്ചറിങ് ടെക്‌നിക്കുകൾ ഉപയോഗിക്കുന്നു.
8- ഏറ്റവും കൂടുതൽ കാലം നിലനിൽക്കുന്നു

ഇതൊക്കെ ആണ് bwp grade പ്ലൈവുഡ് കളുടെ പ്രത്യേകത

എങ്കിലും ഒരു കസ്റ്റമർ എന്ന രീതിയിൽ നമ്മൾ അറിഞ്ഞിരിക്കേണ്ട ചില കാര്യങ്ങൾ കൂടി ഉണ്ട്..
പ്ലൈവുഡ് ന്റെ ഏറ്റവും പ്രധാന റോ മെറ്റീരിയൽ തടി തന്നെ ആണ് ഏകദേശം 98%വും തടിയും ബാക്കി പശയും കെമിക്കലുകളും ആണ് പ്ലൈവുഡ്. അതുകൊണ്ട് പ്ലൈവുഡുകൾക്കു തടിയുടേതായ എല്ലാ സ്വഭാവ സവിശേഷതകളും ഉണ്ടാകും. ഉദാഹരണം -തടി മുറിച്ചാൽ വളയാൻ സാധ്യത ഉണ്ട്. പ്ലൈവുഡുകളും ചില സന്ദർഭങ്ങളിൽ വളയാറുണ്ട്. കാലിബറേഷൻ ടെക്നോളജി പരമാവധി വളച്ചിൽ ഒഴിവാക്കാൻ സഹായിക്കുമെങ്കിലും അതി കഠിന ഈർപ്പ സമയങ്ങളിൽ മിക്കവാറും പ്ലൈവുഡുകൾ വളയും. അതൊരു ഒഴിവാക്കാൻ പറ്റാത്ത പ്രശ്നമാണ്.
മറ്റൊരു കാര്യം നമ്മൾ പ്ലൈവുഡ് ലാമിനേഷൻ /പെയിന്റ് /വെനീർ ചെയ്യുമ്പോൾ ശ്രെദ്ധിക്കേണ്ട കാര്യമാണ്.. ഒരിക്കലും ഒരു വശം മാത്രം ലാമിനേറ്റ് /പെയിന്റ് /വെനീർ ചെയ്യരുത്. മറിച്ചു 2വശവും ഒരേപോലെ ലാമിനേറ്റ് /പെയിന്റ് /വെനീർ ചെയ്യുക. കാരണം ഒരു സൈഡ് മാത്രം ലാമിനേറ്റ് ചെയ്താൽ മോയ്‌സ്ചർ മറ്റേ സൈഡിൽ കൂടി കയറി ലാമിനേറ്റ് ചെയ്ത ഭാഗത്തു വരുമ്പോൾ പുറത്തു കടക്കാൻ സാധിക്കാതെ പ്ലൈവുഡിൽ തങ്ങി നിൽക്കുകയും വളയുകയും ചെയ്യും. അതുകൊണ്ട് ഏറ്റവും നല്ലത് -2 സൈഡും ഒന്നുകിൽ പെയിന്റ് ചെയ്യുക /ലാമിനേറ്റ് ചെയ്യുക.

പ്ലൈവുഡ് കൾ മുറിക്കുമ്പോൾ ചില അവസരങ്ങളിൽ പൊളിഞ്ഞു വരുന്നത് കണ്ടിട്ടുണ്ട്. ഹാർഡ്നസ് കൂടിയ തടികൾ മാത്രം ഉപയോഗിക്കുമ്പോൾ ആണ് ഇതു കൂടുതൽ കണ്ടുവരുന്നത്‌. ഫുൾ Gurjan, ഫുൾ യൂക്കാലി, ഇവയൊക്കെ ഉപയോഗിക്കുമ്പോളാണ് ഇത്തരം പൊളിയൽ കാണാറുള്ളത്. ഇത് നമുക്ക് തന്നെ പരിഹരിക്കവുന്നതാണ്. ഫെവിക്കോൾ ന്റെ Heatex എന്ന പശ ഉപയോഗിച്ച് പൊളിഞ്ഞ ഭാഗത്തു തേച്ചു പുറത്ത് വെയിറ്റ് കയറ്റി വച്ചാൽ 2/3 മണിക്കൂർ കഴിഞ്ഞു ആ പ്ലൈവുഡ് നമുക്ക് ഉപയോഗിക്കാൻ സാധിക്കും.

സാധാരണ വീട് വക്കാൻ ഉദ്ദേശിക്കുന്ന എല്ലാവർക്കും ഉള്ള സംശയമാണ് കിച്ചൻ കപ്ബോർസ് എന്ത് പ്ലൈവുഡ് ആണ് ഉപയോഗിക്കേണ്ടത് എന്നാണ്.
15വർഷത്തെ പരിചയം വച്ച് ഞാൻ പറയും BWP GRADE പ്ലൈവുഡുകൾ ഉപയോഗിക്കുക. ഭിത്തിയോട് ചേരുന്ന ഭാഗത്തു പിവിസി ഷീറ്റു വച്ച് കവർ ചെയ്യുക. (ചിതൽ ശല്യം ഒഴിവാക്കാൻ )ബോക്സ്‌, ഡോറുകൾ പ്ലൈവുഡ് ഉപയോഗിക്കുക.
ചില ആളുകൾ പിവിസി ഷീറ്റ് വച്ച് കിച്ചൻ ക്യാബിനറ്റ്സ് പണിയാറുണ്ട്. അതും കുഴപ്പമില്ല. പക്ഷെ ആരോഗ്യത്തിനും കൂടുതൽ ഈടു നിൽക്കുന്നതും പ്ലൈവുഡ് ആണെന്ന് തീർച്ചയാണ്.

കൂടുതൽ വിവരങ്ങൾ അടുത്ത പോസ്റ്റിൽ പറയാം

20/08/2020

പ്ലൈവുഡ്
വീടുകളുടെയും ഓഫീസുകളുടെയും ഇന്റീരിയർ ഡിസൈനിൽ വളരെ പ്രധാനപ്പെട്ടതാണ് പ്ലൈവുഡ്. BIS സ്പെസിഫിക്കേഷൻ പ്രകാരം പ്ലൈവുഡുകളെ രണ്ടായി തരം തിരിച്ചിരിക്കുന്നു.. 1.കൊമേർഷ്യൽ പ്ലൈവുഡ്
2.മറൈൻ പ്ലൈവുഡ്.
1-കൊമേർഷ്യൽ plywood (MR GRADE )
കൊമേർഷ്യൽ പ്ലൈവുഡുകൾ സാധാരണയായി ഉപയോഗിക്കുന്നത് കൊമേർഷ്യൽ ബിൽഡിംഗ്‌ കൾക്കാണ്. വില കുറവ് കൊണ്ടും, 5-10വർഷക്കാലത്തെ ഉപയോഗത്തിന് വേണ്ടിയുമാണ് സാധാരണ കൊമേർഷ്യൽ പ്ലൈവുഡുകൾ ഉപയോഗിക്കുന്നത്. കൊമേർഷ്യൽ പ്ലൈവുഡിൽ ഉപയോഗിക്കുന്ന പശ Urea formal de-hide ആണ്.. കൊമേർഷ്യൽ പ്ലൈവുഡുകൾ MR പ്ലൈവുഡ് എന്നും സാധാരണയായി അറിയപ്പെടുന്നു..

മറൈൻ പ്ലൈവുഡ്

വീടിന്റെ, ഓഫീസിന്റെ, ഇന്റീരിയർ എക്സ് റ്റീരിയർ ആവശ്യങ്ങൾക്കാണ്‌ മറൈൻ പ്ലൈവുഡ് ഉപയോഗിക്കുന്നത്. 1967 മുതലാണ് പ്ലൈവുഡുകളെ മറൈൻ പ്ലൈവുഡ് (നേവി ക്കു വേണ്ടി പ്രത്യേകം ഉണ്ടാക്കി കൊടുത്തിരുന്ന പ്ലൈവുഡ് ) എന്ന് വിളിച്ചു തുടങ്ങിയത്. മറൈൻ പ്ലൈവുഡിൽ തന്നെ 2 ഗ്രേഡ് ഉണ്ട്. Bwr ഗ്രേഡ് പ്ലൈവുഡുകളും, BWP ഗ്രേഡ് പ്ലൈവുഡുകളും. BWR ഗ്രേഡ് പ്ലൈവുഡുകളുടെ ISI നമ്പർ ISI 303 യും BWP ഗ്രേഡ് പ്ലൈവുഡുകളുടെ ISI നമ്പർ ISI 710 യും ആണ്. BWR ഗ്രേഡ് പ്ലൈവുഡുകൾ വാട്ടർ റെസിസ്റ്റന്റും, Bwp ഗ്രേഡ് പ്ലൈവുഡുകൾ വാട്ടർ പ്രൂഫും ആണ്.

Bwr Grade marine Plywood (ISI 303 grade )
സാധാരണ 15-20വർഷക്കാലത്തെ ആയുസ്സാണ് ഈ പ്ലൈവുഡുകൾക്കു ഉള്ളത്. വില Bwp grade പ്ലൈവുഡുകളെ അപേക്ഷിച്ചു 15-20%കുറവുമാണ്. Bwr grade പ്ലൈവുഡുകളിൽ ഉപയോഗിക്കുന്ന തടി കൾ സാധാരണ അറിയപ്പെടുന്നത് സെമി ഹാർഡ്‌വുഡ് തടികളും ഹാർഡ്‌വുഡ് തടികളും ആണ്. ഇതിലുപയോഗിക്കുന്ന പശ melamine formal dehide ആണ്.

BWP GRADE MARINE PLYWOOD (ISI 710Grade)

BWR grade പ്ലൈവുഡുകളെ അപേക്ഷിച്ച് ഈ പ്ലൈവുഡുകൾ ദീർഘകാലം നിലനിൽക്കുന്നതും, ഗുണമേന്മ ഏറിയതും ആണ്. ഏറ്റവും ഹാർഡ്നസ് കൂടിയ തടികളാണ് BWP പ്ലൈവുഡുകളിൽ ഉപയോഗിക്കുന്നത്. മറ്റൊരു പ്രധാന സംഗതി ഇതിലുപയോഗിക്കുന്ന പശയാണ്. Phenol formal dehide പശ യാണ്. ഏറ്റവും സ്ട്രോങ്ങ്‌ പശയായതു കൊണ്ട് 72മണിക്കൂർ തിളച്ച വെള്ളത്തിൽ ഇട്ടാലും പൊളിയാതെ ഇരിക്കുന്നത് ഈ പശ ഉപയോഗിക്കുന്നത് കൊണ്ടാണ്. സാധാരണ BWP GRADE പ്ലൈവുഡ് ന്റെ ഏറ്റവും പുറത്തെ 2പാളികൾ (layer )Gurjan എന്ന തടിയുടേത് ആണ്. GURJAN തടികൾ (ഗർജൻ ) ലോകത്തേറ്റവും കൂടുതൽ വളരുന്ന രാജ്യം ബർമ ആണ്. ഇൻഡോനേഷ്യ, ലാവോസ്, തുടങ്ങിയ രാജ്യങ്ങളിലും ഈ തടി വളരുന്നുണ്ട്. ഇന്ത്യയിൽ ഈ തടി വളരുന്നില്ല. പക്ഷെ നമ്മുടെ യൂക്കാലി (safedha ) ഏകദേശം Gurjan (ഗർജൻ ) ന്റെ ഗുണങ്ങളുള്ള തടിയാണ്.

അതുകൊണ്ട് വീടിന്റെ ഇന്റീരിയർ ആവശ്യങ്ങൾക്കു പ്ലൈവുഡുകൾ വാങ്ങുന്നെങ്കിൽ തീർച്ചയായും BWP GRADE പ്ലൈവുഡുകൾ വാങ്ങുക. Contractors നോടും ഇന്റീരിയർ ഡിസൈനേഴ്സ് നോടും Bwp grade പ്ലൈവുഡുകൾ ഉൾപ്പെടെ ഉള്ള എസ്റ്റിമേറ്റ് തരാൻ നിർബന്ധിക്കുക.

NB-ഇനിയും കൂടുതലായി അടുത്ത പോസ്റ്റുകളിൽ കൂടി വിവരിക്കാം.