25/08/2023
📖 *_ಅನುದಿನದ ಆಹಾರ_* 📖
⏰ _ಆಗಸ್ಟ್ *26* 2023_ ⏰
👉🏽 *ತಗ್ಗಿಸಿಕೊಳ್ಳುವವನು ಹೆಚ್ಚಿಸಲ್ಪಡುವನು!*
🔖 _ಇಂದಿನ ಸತ್ಯವೇದ ಓದುವ ಭಾಗ_
🌅 *ಬೆಳಿಗ್ಗೆ* : ಕೀರ್ತನೆ 119:89-176
🌠 *ಸಂಜೆ* : 1 ಕೊರಿಂ 8
“ತನ್ನನ್ನು ಹೆಚ್ಚಿಸಿಕೊಳ್ಳುವವನು ತಗ್ಗಿಸಲ್ಪಡುವನು; ತನ್ನನ್ನು ತಗ್ಗಿಸಿಕೊಳ್ಳುವವನು ಹೆಚ್ಚಿಸಲ್ಪಡುವನು.” (ಮತ್ತಾ.23:12).
ತಾಳ್ಮೆ ಅಥವಾ ದೀನತೆಯಿಂದ ಬರುವ ಆಶೀರ್ವಾದಗಳು ಬಹಳ. ತಾಳ್ಮೆಯುಳ್ಳವರಿಗೆ ಕೃಪೆಯನ್ನು ಅನುಗ್ರಹಿಸುವ ಅದೇ ದೇವರು ತಗ್ಗಿಸಿಕೊಳ್ಳುವವರನ್ನು ಹೆಚ್ಚಿಸುತ್ತಾನೆ. ಆದುದರಿಂದ ಹೆಚ್ಚಿಸಲ್ಪಡಬೇಕೆಂದು ಆಶಿಸುವ ಪ್ರತಿಯೊಬ್ಬನೂ ಕರ್ತನ ಮುಂದೆ ತನ್ನನ್ನು ತಗ್ಗಿಸಿಕೊಳ್ಳುವದು ಅತಿ ಅವಶ್ಯ. ಯಾಕೋಬನೂ ಸಹ ತನ್ನ ಪತ್ರಿಕೆಯಲ್ಲಿ ಹೀಗೆ ಹೇಳುತ್ತಾನೆ, “ಕರ್ತನ ಮುಂದೆ ನಿಮ್ಮನ್ನು ತಗ್ಗಿಸಿಕೊಳ್ಳಿರಿ; ಆಗ ಆತನು ನಿಮ್ಮನ್ನು ಮೇಲಕ್ಕೆ ತರುವನು.” (ಯಾಕೋ.4:10). ಅನೇಕರನ್ನು ಕರ್ತನು ಉನ್ನತಿಗೆ ತರುವಾಗ ಅವರು ಹೆಮ್ಮೆ ಪಡುವರು. ಹಲವು ರಾಜರನ್ನು ನೋಡುವಾಗ ಹೆಮ್ಮೆ ಅಹಂಭಾವಗಳಿಂದ ತುಂಬಿದವರಾಗಿ ಕೊನೆಯಲ್ಲಿ ಸೋಲನ್ನನುಭವಿಸುವರು.
ಹೆಮ್ಮೆ ಪಟ್ಟುಕೊಂಡು ಹೋಶೆಯ ಅರಸನಿಗೆ ಕುಷ್ಟರೋಗವು ಬಂದಿತು. ನೆಬೂಕದ್ನೆಚ್ಚರನು ಅಭಿವೃದ್ಧಿ ಹೊಂದಿದಾಗ ಘನವನ್ನೂ ಮಹಿಮೆಯನ್ನೂ ಕರ್ತನಿಗೆ ಸಲ್ಲಿಸದೆ ಹೋದುದರಿಂದ ನನ್ನ ಮಹಿಮೆ ಹಾಗೂ ಪ್ರತಾಪಕ್ಕಾಗಿ ನಾನು ಕಟ್ಟಿಸಿದ ಬಾಬಿಲೋನ್ ಎಂದು ಹೆಮ್ಮೆ ಪಟ್ಟುಕೊಂಡಾಗ ನ್ಯಾಯತೀರ್ಪು ಅವನ ಮೇಲೆ ಬಂದಿತು. ಕರ್ತನು ಹೆಮ್ಮೆ ಪಡುವವರನ್ನು ಎದುರಿಸಿ ನಿಲ್ಲುತ್ತಾನೆ. ಹೆಮ್ಮೆ ಪಡುವವರನ್ನು ಕೆಳಗೆ ತಳ್ಳಿಬಿಡುತ್ತಾನೆ. ಹೆಮ್ಮೆ ಪಟ್ಟುಕೊಂಡ ಲೂಸಿಫರನು ಕೆಳಗೆ ದೊಬ್ಬಲ್ಪಟ್ಟನು. ಯಾವ ಅರಸರುಗಳು ಯುದ್ಧಗಳು ಬರುವಾಗ ಕರ್ತನ ಮುಂದೆ ತಗ್ಗಿಸಿಕೊಂಡರೋ ಅವರೆಲ್ಲರೂ ಜಯವೀರರಾದರು.
ಕರ್ತನ ಕೋಪಾಗ್ನಿಯು ಅವರ ಮೇಲೆ ಬರುವಾಗ ಪಶ್ಚಾತ್ತಾಪಪಟ್ಟು ಬೂದಿಯಲ್ಲಿ ಕೂತುಕೊಂಡರು. ಬಟ್ಟೆಗಳನ್ನು ಹರಿದುಕೊಂಡರು. ಉಪವಾಸ ಮಾಡಿ ತಗ್ಗಿಸಿಕೊಂಡರು. ಕರ್ತನು ಈ ರೀತಿಯಾಗಿ ಪಶ್ಚಾತ್ತಾಪಪಟ್ಟು ಪ್ರತಿಯೊಬ್ಬರಿಗಾಗಿಯೂ ಮನಮರುಗಿದನು. ಅವರನ್ನು ಅವರ ಶತ್ರುಗಳಿಂದ ಬಿಡಿಸಿದನು. ದೇವಮಗುವೇ, ಯಾವಾಗೆಲ್ಲಾ ನಿಮಗೆ ಸಮಸ್ಯೆಗಳೂ, ಹೋರಾಟಗಳೂ ಬರುವವೋ, ನಿಂದೆ ಅವಮಾನಗಳು ನಿಮ್ಮ ಕುಟುಂಬವನ್ನು ಆವರಿಸಿಕೊಳ್ಳುವುದೋ ಅಂಥ ಸಮಯದಲ್ಲಿ ನಿಮ್ಮನ್ನು ತಗ್ಗಿಸಿಕೊಂಡು ಉಪವಾಸ ಮಾಡಿರಿ, ಪ್ರಾರ್ಥಿಸಿರಿ. ಆಗ ಕರ್ತನು ನಿಮ್ಮನ್ನು ಸಮಸ್ಯೆಗಳಿಂದ ಬಿಡಿಸುವನು. “ನನ್ನವರೆಂದು ಹೆಸರುಗೊಂಡ ನನ್ನ ಪ್ರಜೆಗಳು, ತಮ್ಮ ಎಲ್ಲಾ ಕೆಟ್ಟ ನಡತೆಯನ್ನು ಬಿಟ್ಟು ತಮ್ಮನ್ನು ತಗ್ಗಿಸಿಕೊಂಡು ಪ್ರಾರ್ಥಿಸಿದರೆ ನಾನು ಅವರ ಪ್ರಾರ್ಥನೆಯನ್ನು ಕೇಳಿ ಅವರ ಪಾಪವನ್ನು ಕ್ಷಮಿಸಿ ಆರೋಗ್ಯವನ್ನು ದಯಪಾಲಿಸುವೆನು.” (1ಪೂರ್ವ.7:14). ಕರ್ತನೂ ಸಹ ಶಿಲುಬೆಯ ಮರಣದವರೆಗೂ ತನ್ನನ್ನು ತಗ್ಗಿಸಿಕೊಳ್ಳುತ್ತಾನೆ. (ಫಿಲಿ.2:6-8).
_*ನೆನಪಿಗೆ* : “ಈ ಕಾರಣದಿಂದ ದೇವರು ಆತನನ್ನು ಅತ್ಯುನ್ನತ ಸ್ಥಾನಕ್ಕೆ ಏರಿಸಿ ಎಲ್ಲಾ ಹೆಸರುಗಳಿಗಿಂತ ಶ್ರೇಷ್ಠವಾದ ಹೆಸರನ್ನು ಆತನಿಗೆ ದಯಪಾಲಿಸಿದ್ದಾನೆ.” (ಫಿಲಿ.2:9)._
